الخرطوم تستدعي القائم بأعمال سفارة واشنطن بعد منع السودانيين من دخول أمريكا

الظالم الله بسلط ليه من هو اظلم منه
قلتعوا الدرس يا كيزان السجم دمرتم السودان بسياساتكم الغبية العشوائية
الله يورينا فيكم يوما اسودا

أمريكا دنا عزابها

اعوذ بالله من غضب الله اللهم عفوك ورضاك ولا تسلط علينا من لا يخافك ولا يرحمنا ده جانا من وين والجابوا منوا ؟ الحقوا يا ناس عليكم بالشركات الامركيه وسعوا ليهم المشاركه كي يضغطوا علي ترامب للالغاء تحركوا يا ناس وينك يا طه الحسين يا رجل الصعاب الحقوا ترامب واستعينوا باهل الخبره داخل مريكا من السودانيين شوفوا ليهو طريقه عينه في زاويه وخشمه في الزاويه الاخري …محمد معانا ما تغشانا

هذا مافعلته ايادي الانقاذيين بنا.ليس في الامر غرابة والموضوع هناك كثير من الدول العربية الاسلامية المحترمة والتي لم يتطاول حكامها في سب اوشتم امريكا ولم تاوي ارهابيين كما فعلنا نحن وتحكم بقوانين ومؤسسات بعيدة كل البعد عن التهور وسوء اللسان ولم تقتل شعوبها بالحروب الداخلية وتكمم افواه شعوبها.الانقاذ هي السبب في كل بلاوينا.

إقتباس – مواصفات ترامب، متهورة، غرائبية، شُعوبية، كارهة للآخر !!!!
هذا يعني أن ترامب كوز ….. أو
الفيك بدر بيهو
بس خلاص إنتهي التعليق .

الضجه والكواريك والثكلى فى شنو، زول قال ليكم ما تجو بلدى، شوفوا عظمة ايران،،، بغم ما قالوها، منعو الأمريكان من دخول ايران، القومه ليك يا طهران،

ههههههههههههههههههههه بلاد أبو العفين تستدعي السفير الأمريكي ؟؟؟؟!!!!!!!!!!!!!!!!!!!!!!

رد فعل طبيعى لسياسة الكيزان امريكاروسيا قد دنا عذابها… ماذا كنتم تنتظرون ؟؟؟؟

هذا مافعلته ايادي الانقاذيين بنا.ليس في الامر غرابة والموضوع هناك كثير من الدول العربية الاسلامية المحترمة والتي لم يتطاول حكامها في سب اوشتم امريكا ولم تاوي ارهابيين كما فعلنا نحن وتحكم بقوانين ومؤسسات بعيدة كل البعد عن التهور وسوء اللسان ولم تقتل شعوبها بالحروب الداخلية وتكمم افواه شعوبها.الانقاذ هي السبب في كل بلاوينا.

وما زالت افعال حكومة الانقاذ تنهال على راس الشعب السوداني تباعا حتى بلغت مرحلة اتهامه بالارهاب وتوخي الحذر منه
العلاقات الامريكية السودانية كانت قبل الانقاذ مثالا يحتذى به حيث كانت امريكا اول من يقف مع السودان عند تعرضه لاي كارثة وحتى بدون كارثة
ظل الانقاذيون لاكثر من شهر في حالة في حالة نشوة عارمة بالرفع الجزئي للعقوبات وفك ارصدة بعضهم في المصارف الامريكية وملاوا الارض ضجيجا ولكنهم لم يصرحوا بالحقيقة كاملة فقدموا الشكر للسعودية والكويت وقطر والامارات واثيوبيا وفاتهم شكر دولة اسرائيل التى طالبت بدعم حكومة الانقاذ السودانية حتى لا تسقط جراء الانهيار الاقتصادي وقد بلغت معاناة الشعب مبلغا لا يستطيع تحمله الانسان حيث كانوا يصورون لاسرائيل والدول الشقيقة هذه بان العقوبات الامريكية هي المتسبب في ذلك مع ان حقيقة الامر ان سؤ الادارة سياسيا واقتصاديا واجتماعيا هي الاسباب الاقوى من العقوبات الامريكية
ولكن لا نقول الا خيرا كون العقوبات الامريكية قد رفعت جزئيا شريطة اجتياز فترة رقابة حسن سير وسلوك لمدة 6 شهور لتحقيق تقدم في 5 بنود املتها امريكا ابان عهد الرئيس السابق اوباما ولكن يبدو ان الرئيس الجديد ترمب لم يكن مقتنعا تماما برفع العقوبات ويميل الى معاقبة السودانيين بما اقترفه الانقاذيون ايام حماستهم وهياجانهم الاول ايام امريكا دنا عذابها والامريكان ليكم تسلحنا وايام تنظيم القاعدة ايام البطولات وساحات الفداء في جنوب السودان وما صاحبها من تصريحات عشوائية وطموحات كبيرة اكبر من الحقيقة التى يعيشونها حاليا

سأكون شاكراً للرئيس/عمر البشير بصدق إذا أقدم عاجلاً وغير آجل،بمنح الجنسية السودانية للجنوبيات المتزوجات من شماليين فهنّ أحق بها من الإرهابيين الذين جلبوا لنا الحظر الأخير،ويا حبذا لو بدأ هذا بزوجة “ياسر عرمان”.

أها يا كيزان وما قلتوا رجال؟ وين شعاراتكم الدينينة مثل السودان رجلو تدوس للأمريكان والروس، أمريكا دنا عذابها، الموت لأمريكا، هى لله هى لله، تحت جزمتى، بلوا وأشربوا مويتو, وألحس كوعك, أكسح وأمسح, وتطبيق شرع الله,كديس ما بنسلموا لأن جلد الكديس بصنعوا منو جزمه, جبناها بالبندقية، نتلاقى فى الغابه.
لو قلتوا يا عصابه أنتوا شياطين ولا تخافون من الله فأن ترامب لا يصلى ولا معترف بدينكم, ولو قلتوا صعاليك فأن ترمب تربى بها وزاد عليها اضافات من عنده, أنتم ما عاملين مقددنها كده وروا ترامب حاجه عشات يخاف منكم ويرفع منكم الحظر, ورونا شطارتكم وقلت أدبكم البتعملوها مع شعبكم المسالم.

يعجبني في ترامب إنه زول واضح ما متلون .. كلامه البيقولو بينفذه وبأسرع ما يمكن

عزينى يا السرة فى رقية الضكرية ولاتعزينى فى حبوبتى مقوت . الخلاء ماتت المسترجلة وانبطحت مشلحة .

من لا يؤدبه ابوه تؤدبه الحكومة والحكومة الامريكية هي حكومة العالم والرئيس الامريكي هو رئيس الرؤساء وكلبه وهو رئيس الكلاب. في زماننا هذا هناك رؤساء وافراد كثرين قليلي الادب ولا يتورعون ولا يرتدعون ولا يخافون من الله ويرتكبون في حق شعوبهم اسوأ الجرائم قتلا واغتيالا ورميا في السجون بغير قانون ويأكلون اموال الناس بالباطل ويقسمون اوطانهم ويخلقون المتاعب لشعوبهم بغير محسابة وحيث انهم يعلمون تماما ما ستفعل امريكا اذا اختلفت معهم فهم دائما يتذاكون عليها وينامون معها في سرير واحد في الليل ويقتلون انفسهم في السعي الى رضائها ولا يكفون عن التغزل فيها اما في النهار وامام شعوبهم فهم يكيلون لها التهديد والوعيد والسباب واللعان بل يضعونها تحت جزمهم وقد دأبوا على ذلك سنينا عددا حتى احتارت فيهم امريكا نفسها واحتارت ماذا تفعل معهم رغم علمها انهم مجرمون وقتالين قتله……!!!

الرئيس الامريكي الجديد ترامب هو الرئيس الوحيد الذي خرق العادة للرؤساء الامريكان السابقين وابدى صراحة اكثر من اللازم وسمى الاشياء بأسمائها مركزا على الارهاب ومصادره من دول ورؤساء ومنظمات وافراد وهم نفس المتذاكين على امريكا الذين ورد ذكرهم ولكن للأسف هناك ناس ابرياء يسقطون في شبكة ترامب مع جلاديهم في نفس الشبكة والفرز قد يستغرق شهورا واكيد سيكون هناك ضحايا ضمن الابرياء. كنا بين الشك واليقين في ان امريكا سترفع العقوبات عن السودان لعله ينصلح الحال بالرضاء الامريكي ويتعافى الاتقتصاد السوداني وتدخل التكنولوجيا الامريكية الى السودان ونصبح مثل باقي العالم ولكن كانت المفاجأة ان بعض مواطنينا بالفعل تم توقيفهم في المطارات الامريكية بسبب وجود السودان في قائمة الدول الراعية للإرهاب مما يوحي بأن الحلم الامريكي قد تبدد واصبح بعيد المنال وربما تطول عصاة المؤدب بعض رموز النظام وكلها مسألة وقت ويتبدد الشك بالقين خاصة ان ترامب لسع ما ركب وكويس ونزل رجليه ويا خبر بفلوس…..!!

الخلاصة منو السبب في كل ما يحصل للشعب السوداني ؟ هل كان السودان و السودانيين لهم علاقة بقوائم الدول الأرهابية و الفاسدة و الفاشلة و هلمجرا من الصفات السيئة قبل 30 يونيو 1989 اليوم المشئوم في تاريخ السودان !!!؟ ……. لن يعود السودان إلى سيرته الأولى إلا بإستئصال نظام الفساد و الأرهاب

اهيييغ حرم ارجل منكطم يدوه البحر
ايوة كدة ختو ترمب ده تحت اقدامك من الاول خلوا يعرف الله واحد

الجنسية السودانية التى اصبحت فى متناول كل من هب ودب ،،

مشيرنا اكد اكثر من مرة انة سوف يتعاون مع السيد ترامب . معتبرا انة الرجل المناسب للتفاهم وهو رجل اعمال اكثر من انة سياسى . يلا يا مشير ورينا قدراتك التعاونية دى .مع تحياتى لمحافظ جدة

استدعت وزارة الخارجية السودانية، أمس الأحد، القائم بأعمال سفارة الولايات المتحدة الأمريكية في الخرطوم بعد قرار بمنع السودانيين من دخول الولايات المتحدة…من هي وزارة الخارجية السودانية لاستدعاء القائم بالاعمال الامريكي ؟
يجب كتابة الخير علي صحتة وهو محاولة وزير الخارجية غندور مقابلة القائم بالاعمال ..متي استدعت حكومة الخرطوم مسؤلا امريكي او حتي اوربي ..محظورة وممنوعة من اللعب في الشارع هع العيال ..والسفارة الامريكية في سوبا تعاين والحكومة تسوي ووب ..تثكل وتوسط ويسوي كل حاجة مطلوبة وغير مطلوبة ..قوش يجلبق يمين ويسار والسفارة في سوبا ..اكان الحكومة بستدعي السفارة كان امرت بتقفيلها وتشميع الابواب ..امريكا عاوزة تطلع في راسنا.
امريكا كلامه براهو ..عند اتخاذ اي قرار مابيشاوروا عليه سلطان البشير (الكونجرس البشيري)…شغل رجاله والداير كلام في الميدان مصنع الشفاء وشرق السودان …القرار امريكي وامريكا حرة في امريكا ..هي حرة في السودان لمه امريكا

ويمكر الكيزان ويمكر الله والله خير الماكرين يا ليت لم يرفع الحصار عن السودان وظلت التاشيرة مفتوحة اذ من يذهب لامريكا يذهب اليها مستجيراً من أهوال حكومة السودان ومن تجويعها لشعبها وحرمانه من أبسط حقوقه لينال تلك الحقوق في بلد العم سام والتي حتى امس القريب كانت كذلك ولكن انجازات ولعنة الكيزان ستلاحق السودانيين حتى في المهاجر وسبحان الله أول الخاسرين من فك الحصار شعب السودان وأول المستفيدين الكيزان واول الخاسرين من ايقاف التاشيرة شعب السودان واول المستفيدين كيزان السودان نسأل الله أن يفك قيدنا من هؤلاء الأوباش .

Yes Trump clean USA from the 5

الكيزان شوهو صورة السودان ما فى ذلك شك فءة قليلة من المتضررين من منع السودانيين من دخول امريكا وهذه ربما تجد اذن صاغية تسمع لها من قبل الادارة الامريكية التى تعرف اسباب تواجد هؤلاء بارضهم وهم يعلمون ذلك لذلك لا يتباكو مثل الكيزان واهل الاغراض المشبوهه الذين كانوا حتى امس القريب يرددوا هطرقات دنا عذابها وان الغندور قادر على قيادة الدبلوماسية السودانية نحو تطبيع كبير للعلاقات مع امريكا وصوروا مجاهداته فى هذا الخصوص بانها الجالبة لرفع العقوبات لمة 180 يوم انقضى منها 30 وليس فى جعبة النظام من خير يقدموه لاقناع العالم الاول بتخليهم عن الارهاب وغيره من التى جلبت العقوبات غير السماح للصادق المهدى بالعودة وطرح حكاية التاسيس الرابع للمهدية واستعراض تجربة دراسته لفشل الادارة النبوية واستحالة اسقاط الانقاذ بالقوة الجبرية

يا جماعة ما تكونوا عنصريين كدة نحن عندنا قبائل مشتركة
مع تشاد مع اثيوبيا مع اريتريا مع افريقيا الوسطي عندنا
نيجريين قاعدين زمن طويل جدا معانا الراجل دة ما عارف
الكلام دة عندنا اقاريق ارمن كل الاجناس وديل سودانيين
وترامب جوة البيت الأبيض عندوا سوداني إغريقي يعني
الناس دي تمشي وين نقول اطلعوا عشان خاطر نرضي
ترامب ونحن بنرحب بي كل الشعب الامريكي الناس ديل
ما ناموا واللة وبيظاهروا الليل كلوا عشانكم إنتوا اذا المعاملة
بالمثل كلام فارغ ساكد وترامب مجنون زي البشير واحد
مافي فرق ما تكونوا كعبيين كوكب الارض ده كلوا ملك
للبشر وترامب هو زاتوا مهاجر ودي ما بلدوا دي بلد
الهنود الحمر

وصلتنا بعض الرسائل عن طريق الواتساب مفادها ان اللاجئين السوريين بتركيا اسسوا مجموعات على الفيسبوك والواتساب – وعلى ما اعتقد هم تجار وثائق ثبوتية – يساعدون اخوتهم اللاجئين للحصول على جوازات سفر وذلك نظرا لاغلاق سفاراتهم فى معظم الدول وعدم تمكنهم من الحصول على تلك الوثيقة الهامة . ومما اصابنى بالذهول وفور الدم فى عروقى , انهم وجدوا ان الجواز السودانى هو الجواز الوحيد فى العالم الذى يمكن الحصول عليه بسهولة مقابل عشرة الاف دولار ومن خلال عرضهم لمشروعهم الاستثمارى ذكروا بانهم حتى الان تم اصدار حوالى ثلاثمائة الف جواز سودانى للسوريين وتم عرض صور بعض الجوازات لتاكيد ماذهبوا اليه وانعاش تجارتهم وذكروا ايضا مميزات الجواز السودانى بانه مقبول ويلقى احتراما كبيرا فى دول الخليج بصفة خاصة وتركيا والغرب وماليزيا بصفة عامة !!!!
هل بعد كل الذى كان نرمى اللوم على ترامب ؟؟؟ الادارة الامريكية تعلم تمام العلم بكل هذه التفاصيل وهى تريد ان تمنع السوريين وبالتالى السوريين يحصلون على الجواز السودانى ببساطة وتاليا يمنع السوريين المسودنين وتالياالشر يعم والخير يخص . اذن حكومتنا السبب ! من الذى باع الجواز السودانى بثمن بخس ؟ وهذا سبب من عدة اسباب اخرى ادى لاتخاذ ترامب هذا القرار بمنع السودنيين من دخول امريكا سيدة العالم . ارحلوا عنا ايها المتاسلمين فقد مللنا قصصكم وسيرتكم النتنة واخباركم فارحلوا عنا .

الكيزان يجنسون الاجانب وامريكا تمنع دخول السودانيون متي كان السودان دولة ارهابية