نظام البشير منزعج لعدم وصول دعوة للبشير حتى اليوم من أجل السفر الى بروكسل

هو كان جاتو الدعوة بقدر يمشى …. كان راجل. وممكن تكون اساسا الدعوة وصلت لاكن الكيزان عاملين السناريو دة ساكت،

اها كان الدعوة ما جات للكبيرالصغار ذاتهم ما يمشوا

شئ غريب .. غلطانيين في حق الكيزان الاوربيين من الواجب كان يدعوه

عشان يجلس وسط رؤساء العالم بعد كل الارتكبه من جرائم ويرسخ عقيدة

الارهاب والقتل والتمكين وبيوت الاشباح والسرقة .. حقا ليس بعد الكفر

ذنب

لاهاى بروكسل بالقطار حوالى 4 ساعات تقريبا وبعد ده وزارة الخارجية بتتبجح على الاتحاد الاوروبي. ياريت لو تكرمت الراكوبة ونزلت كاريكاتير عمر دفع الله للبشير ودأم زقدة عندما أطلق ساقيه للريح
وما كمل المؤتمر فى نيجيريا .

… يريدون لكم الخير لأنه لو بشه عتب باب بروكسل … أكل نيم … ويصبح في داخل قفص لاهـاي..

يا بعشوم
هو صحبك فييييي امجرس البعيدة
يعني لو قدموا ليهو الدعوة و باقي ليهو طوالي يلفح مركوبوا و يقوم جاري ولا كيف
احسن ما يعشم في اروبا الا يمش مكلبش
رئيس قال —كاااااااااااااااااااااااااااااك

معقول نحن عشنا وشاهدنا المهازل دي. المشكلة انه الناس ديل لسع بيستعبطوا علي أنفسهم. اللهم دمرهم واخذهم أخذ عزيز مقتدر ولا تبقى منهم احدا

حتي و لو وصلت الدعوة حايقدر يمشي ولا دي حركات ناس الرأس الدبلماسي ؟

حركات كيزان ساكت ، البشير لو ضرب ليهو رئيس بلجيكا ورئيس الاتحاد الأوروبي ورؤساء أوربا كلها وقالوا ليهو تعال ماتخاف برضو ما بمشي ، دا أجبن من فار ، فلاحتو بس يشيل عصايتو ويرقص ويتعاور

ما هي مصلحة الاتحاد الأوروبي في السودان؟

الحمار ده عارف المسافة بين بروكسل و لاهاى؟
مستحيل يمش ما قال بيجى مالو ما جاء هاها

اقتباس( اتهمت الخارجية السودانية الاتحاد الاوروبي بممارسة اساليب المراوغة ومحاولات شراء الوقت لاحداث شرخ في الموقف الافريقي الموحد)

سبحان الله نفس الشئ الذي تفعلونه في السودان..وللأسف مع السودانيين ؟
عليكم الله يا على عثمان ما بتخجل من نفسك

لا تنزعج يا الاسد النتر وخلى المرافعين خوف افو ؟
انت هين و لا لوين معقول رجل افريقيا الاول و سيد الرأس و الساس وحكيم زمانك منو الذيك كان فهم و لا علم و لا خبير استرتيجى و لا عسكرية و لا استباحة لدماء البشرية و لا الحكم بالذندية ولا الفقه و الشريعه الاسلاميه مجضمه جضيم و مشبع بروح الانتقام و وفرض النظام وعدم الاحترام اهانة كرامة اى انسان مهما كان و مافى قلبك رحمه لا طفل ولاشيخ ولا وليه ؟
دعوتك بتصل و ما ذى ناس قريعتى راحت انتا دعوتك فى أى بى ؟
فلا داعى للانزعاج واصبر نحن ما صابرين عليك خمسة و عشرين سنه الحصل شنو ما هو ليس فى ناس دايشه و ما عايشه …..

السودان اصبح مشلول

كرتى لاعب صالح ورقو ودة كرت بيضعف بيه موقف البشير لصالحو (كرتى)ويعرض نفسو للمجتمع الأوروبى والدولى كبديل خالى من اللوثة بتاعة المحاكم (وكمان شايفين ياهديك المرأة على الطلاق أرجل من الأسد الأفريقى وقاعدة فى عاصمة النصارى فى روما بكرة تلفح توبها وتجينا فى بروكسل(فنادق 5نجوم على حساب أولادالديوم والمايقوما بالنص!!!!

بدر مدر يا رواسي نحن بعاد لحقنا القيفة
انت مدبج ونحن نقاسى فى برد امشير والموج والزيفة
مركبك الماليها مطارق تمشي تقيف تسرح بى كيفه
مرة مغارب ومرة مشارق وانت تخاف الريح وحفيفه
ساوها زينة وفوقها بيارق وانت مدبج توب وقطيفة
فيها المات والضاربه الفالق والسلمين فى حالة مخيفة
كل الناس ترزح في كفة وانت وناسك فوق الدفة
الدايشين والراسهم لفة والشاخصين فى المدى للضفة
صوف افضالك فوقهم جوة فوق الموية وريقهم جفة
من العطش النص اتوفى وباقى النص الفضل جيفة
….
ضاقوا المر والحال استعصى الشغال واللاحق الحصة
الواصال للرحم اتقصة والهداي مو لاقى الفرصة
الرساي سافر ما وصى خلى محمد واحمد وحفصة
الاطفال العرفو القصة سدت جوة حلوقهم غصة
من الجوع الدم اتمصة واصبح كل الحلم رغيفة
…..
كل الراكب شاف احلامه دون احساس ماتت قدامه
فنُ كتابه وكسر اقلامه لا الوالدين لا جار ما لامه
ناس الحلة القعدوا وقاموا اصر والح يمشى كلامه
هزموهو اخوانه البى الجوع نامو وكم خريج ما لاقى وظيفة
…….
يا الفكيتها وقلت لها سيرى وعارف انه الدنيا دميرى
لا فى ضفاف لا شفنا جزيرى لا فى الحيرى ولا في الطيرى
كسرت جناحها وقلت لها طيرى اتملكت الكانت ميرى
يا السودت الناصع وجيرى ايد الحق صابونى وليفة
……
قبلك كم متعلم وقاري عكس الريح فكولو الصارى
مشدوهين متعشى وحارى ريسها شلته والبحارى
كم سنوات علام البارى واقفى وهم شايفنها جارى
بقينا هلاك والقيف متضارى لا حجار لا دوحة وريفة
…..
حسك عينك ما تتمادى وتنسى الراكب عنده ارادة
الاهوال الشافها وخاضها كان فى مدرسة والا عيادة
شفنا الايد الكان اجوادة يا مبتورة يا شحادة
وياما رقاب كانت سدادة علمت الله من التعريفة
……
يا ريسنا قدر مديرك فك الدفة وادها غيرك
احفظ نفسك ترضى ضميرك وقف اوع تواصل سيرك
كان طاوعتنى شن بيضيرك عرض اكتافك وفك البيرك
لا هنى شكرا وكتر خيرك وكل انسان في الارض خليفة

قووووول اتقدمت دعوة….بيقدر يمشي ؟

الخواجات ديل ما فاهمين اللعبة … يرسلوا ليهو دعوة و نشوف رجالته …

تذكرت إنتظار دعوة نافع لامريكا ومعه البشير والبكاء والعويل واللوم لمحور الشر الشيطان الاكبر ..
والله مافي شيطان أكبر الإ أنت.
دشدش وبشبش الله عقلك ياشكسبير ، قصدي يابشكير ..
سورّي يابشير .
الله يفضحك دنيا وآخرة..
آمين يارب.

لسان حال البشير :
(القمه دي فى السنه كم مره اول امباررررح القريبه دى ما كان فى قمه شنو هى شغله ولا بس دايرين يحرجونا ساكت مع المواطنين .اه نعمل شنو و نقول شنو اسعدى كان عملوها فى تشاد ولا اريتريا ولا اثيوبيا ما كان الواحد حضرة عملنها لى فى سقط لقط )

اضربوا طناش خلوا الهضربه
حركاتكم دى الشفع بقوا يضحكوا عليها

يا جماعة ملاحظين علي عثمان شكله بقي كيف؟؟؟؟

اعوذ بالله من الشيطان الرجيم

ده كله من اكل اموال اليتامي والمساكين ودعوات الارامل

والمظلومين … ما مصدقين باعوا كل شئ وامتلكوا العمارات

والسيارات الفارهة واولادهم حياة الرفاهية في كولالمبور باموال

اليتامي والمساكين وابناء السلبل والغارمين والمؤلفة قلوبهم

باسم الدين وكلمة لا اله الا الله ونسيوا ان للكون من يديره فنسيوا

الله خالق السموات والارض فانساهم انفسهم …

من شكلهم ظاهر هو ونافع علي نافع والعياذ بالله .. اللهم لا شماتة

دي الدنيا والاخرة كمان لسع