*التدخين ضار بالصحة والجيب واي حاجة
*لكن برضو كواقع نجد السجائر من السلع عالية الاستهلاك في جميع الدول وبين جميع الشعوب وعلى كافة المستويات
*الليلة ما دايرين نتناول اضرار التدخين
*لانو راعي الضان في الخلا عارفها
*ولكن دايرين نتناول مافيا السجائر في السودان
*مافيا كبيرة جدا بعلم المصنع والدولة والجمارك
*اثراء بلا سبب من امو
*وبلا رقابة على السعر
*تلك المافيا هي من يحدد سعر السجائر دون ادنى تدخل من المنتج
*وفي كثير من الاحيان تكسب تلك المافيا دون وجه حق اكثر مما يكسبه المصنع ومايعود على الجمارك !!
*تلك المافيا المحتكرة للسلعة
*تركت كل دروب التجارة لاجل الاثراء الهبتلي البجيها من كم كرتونة برنجي وكم كرتونة بينسون صناعة سودانية محمية من الجمارك بعدم السماح لي اي نفس مستورد من ولوج السوق المحلي
*فاذا كانت الدولة عاجزة عن تحديد الاسعار والزام تلك المافيا بتسعيرة محددة
*واذا كان المصنع عاجزا عن التوزيع خارج قنوات تلك المافيا
*فلماذا الاحتكارية اذاً ؟؟؟
*ولمصلحة من؟؟؟؟
*ألا يقود ذلك ويشجع على تهريب السلعة الى داخل الحدود؟؟؟؟
*ان تشجيع المصنع على احتكارية تلك المافيا للمنتج عن طريق ايداع رخص تجارية وايداع تأمين او ضمان ليس سببا كافيا لترك أمر المستهلك لقرارات تلك المافيا
*وعلى المصنع ان يتبع سياسات التوزيع القديمة على دكاكين الاحياء وجميع التجار حماية للمستهلك الذي يعتبر المستهدف الوحيد للمصنع كمنتج
*ففائدة المصنع لدى المستهلك وليست لدى تلك المافيا المحتكرة والتي تثري بلا سبب جراء الاحتكار الذي تساعدها عليه سياسات المصنع التوزيعية ..
*هذا الموضوع سنعود له بالتفصيل الممل
*ليس حبا في السجائر ولكن كشفا لاوجه قبيحة تزيد معاناة الناس وتقود قلة للاثراء بلا سبب او منطق
ولنا عودة
*وقبل ان نعود
*انقر الكرتونة بتنزل للمافيا بكم؟؟؟؟
*وانقر المافيا بتبيعها بي كم؟؟؟؟
*وانقر فرق السعر الفاحش كم؟؟؟؟
*مهما فتحت خيال
*لن تستطيع ان تتخيل
*المهم
*السعر المعقول والمناسب
*وحسن توزيع المنتج الوطني
*هما الضامن الوحيد لاستمرار المنتج المحلي بالاسواق الداخلية
*وهو الضامن الوحيد لوقف عمليات تهريب نفس المنتج الى داخل الدولة.
*أها
*نجي لي شمارات والي الخرتوم
*كان شفت يا والينا المكلف بينا
*زي ما دايرين يبيعوا ويشتروا فينا
*حتى في دقيق الفينا
*والفينا مشهودة يا والينا
شمارات الكلب
ننساك كيف والكلب قال يعني النفس على الاقل بطلع بخمسة وعشرين جنيه؟؟؟ليه اصلو…..اصلو شنو هو؟؟؟
والى لقاء
سلك
نقلاً عن صحيفة الحراك
يا اخي انت ما عندك موضوع الناس في شنو وانت في السجاير ساجورة جباديها في السماء قال سجاير قال يا اخي الناس خلت السجاير والتمباك والعفن دا من زمان الناس الان بقت بدخن بمبان وبتسف دخان لساتك نحن في ثورة يا نكون يا ما نكون يا سلك.
والله الزل دا ما عنده قضية وهاوسنا بكلامو الزي لغة الطير في الباقير يا ناس الراكوبة ريحونا من سخافاته.