وزير الدفاع السوداني يبشر سكان الشرق باستعدادات أكبر لحمايتهم ويبرر عدم تصدي المضادات للطائرات الاسرائيلية الغازية بسبب أن الهجوم كان في بورتسودان وقت صلاة العشاء

اللمبي السوداني قال ليك هيييييع

this guy he dont know, when, how, why, his speak now, this not time for speaking where is feedback??

عالم ماعنـدها حيـا ولا اختـشا
دا بلقى متعة في الكضب وانتشا
قال شنوالضرب كان وكـت العشـا
الله ينتقم منكم ضحى قبـل العشا

نرجوك ياوزير الدفاع أن تقول الحقيقة طيارة ولا صاروخ
نرجوك ياوزير الدفاع أن تقول الحقيقة الضحي ولا العشاء
نرجوك ياوزير الدفاع أن تقول الحقيقة أمريكا ولا اسرئيل
نرجوك ياوزير الدفاع أن تتركنا نحمي الأقليم الشرقي .

السؤال هو من هو هذا الشخص المستهدف وماذا كان يحمل في عربته ومن الجهة المسئولة عن الحادث ، اسئلة محتاجة الي اجابات من سادة الانقاذ. اذا كانو لا يعلمو واشك في ذلك فعلي الدنيا السلام

قال الانوار مطفية ياربي ضربونا بي قندراني ولا شنو والله الاهبل ده ما ينفع غفير في مستشفي لكن لانو نحن شعب وهم جد ونستاهل الضرب بالجذمة لابد ان يحكمنا البشير والمتخلف عبدالرحيم وامثالهم ولا يغير الله بقوم حتي يغيروا ما بانفسهم علينا بالتغيير ثم المحاسبة

الله يكون في العون اذا استمر هذا الوزير في مكانه – و كل اناء بما فيه ينطح –

لعلم الجميع هذا المتخلف ليس خريجا من الكلية الحربية مصنع الرجال و عرين الابطال و لا هو طيار ولا هو مهندس و لا هو ركن يعنى لا يحمل شهادة الماجستير العسكرى و انما هو خريج المعهد الفنى الذى اصبح لاحقا جامعة السودان و كان نظام السنتين يعنى عندو دبلوم ميكانيكا ممكن تكون سيارات و يفتح ليه ورشة تعمل عمرة للعربات ….قام الترابى تحت تحت وجه بدخول بعض خريجو المعاهد و الجامعات ليكونوا اول خلية للاخوان داخل القوات المسلحة و حصل و نسب للقوات الجوية الان يقال له المهندس الركن و تم ترفيعه لرتبة الفريق اول لما يتمتع به رياء و ملق لا و لم ولن يسبقه عليه أحد…..لماذا لا يسؤل عن الدمار الذى دمره للقوات المسلحة لماذا لا يسؤل عن هزائم القوات المسلحة التى لم تعرف بها على مر التاريخ لماذا هو وزيرا للدفاع و يحشر انفه و خشمه و عصاه فى كل الامور التى هى من مسؤوليات رئيس اركان الجيش الذى هو المؤهل لقيادة العمليات و تحريك القوات و تكوين الفرق و اللواءات المستقلة و امداد الجيش و تدريب القوات و لكنه قاعد و راضى بالتهميش و قلة القيمة …..بالله دى بلد

ليس هنالك اثنان يمكن ان يختلفا فى بلادة و جهل و فساد هذا الوزير لكن والله ما خطأه بل خطأ الحكومة عديمة التخطيط و الرؤى الاستراتيجية لامن الوطن لو كنت مكانه لما رضيت الا بأحدث نظام دفاع صاروخى لبورتسودان بل لساحل البحر الاحمر بكامله …الان اسرائيل عرفت البيكم و العليكم و هشاشتكم و ضعفكم لو قامت فى هوانكم دة ضربت ليكم الميناء و له بشاير اما هو الدمار الشامل للسودان لكن طول ما الاهتمام الاكبر لمرتبات الدستوريين و الوزراء و الولاه و المحافظين و مجالس الشورى و رؤساء الصناديق و الهيئات و المستشارين و مخصصاتهم يضيع الوطن ….عبدالرحيم العربية الراكبها اغلى من عربية وزير الدفاع الامريكى و السعودى …مخصصاته تفوق مخصصات اى وزير دفاع فى العالم فى دولة وزير دفاعها شغال سواق للرئيس و سايب الجيش مقطع و الحدود مستباحة للكل …مخصصات الدستوريين تفوق المية مليون فى الشهر ..عدوهم شوفوهم كم …وزير المالية بدل ما يقول الحقيقة للناس يفتعل له ميزانية و يقول البترول طلع دية الميزانية ما قادرة تفرفر من زنقة الفصل الاول للدستوريين ..لكن لو جاء راجل و قال الوزير و الوالى و خلافه مرتبه و مخصصاته 5 مليون و عربية واحدة لما احتاجت الميزانية لا للبترول لا للذهب بل يذهبان لرفاهية و تسهيل العيش للشعب المسكين الما قادر ياكل و لا يتعالج و لا يعلم اولاده…ذكاة رب العالمين بدوا منها الوزراء و الدستوريين عشان قال يتصدقوا بها يعنى تسهيل امر الفساد و ما فاسد يبقى فاسد ..سمعتوا ليكم بى وزير دق التربيزة و قال دة خطأ ..سمعتوا ليكم بي وزير ما عجبوا الحال استقال …و يستقيل ليه لو ربنا سبحانه و تعالى شغلوا مع ناس بدوه مية مليون و 5 عربات و 12 فرد أمن و سواقين و كمان يدفعوا ليه الكهرباء و التلفونات حتى الطباخين موظفين دولة ..طيب المية مليون يعمل بيها شنو …كلهم اشتروا شقق خارج السودان بداية بأمريكا ثم كندا ثم اوربا و الفقير خالص اشترى فى مصر…3 من كبارهم طلعوا المعاش فى وقت واحد محافظ بنك السودان و مدير عام شيكان و رئيس اركان الجيش صاحب الرئيس و مدير مكتبه سابقا صرف كل واحد منهم 4 مليار ..سمعتوا بى زول طلع المعاش مخصصات معاشه اشترت ليه 5 فلل فى مجمع سارية…ستظل حدودكم مفتوحة و مستباحة طول ما انتم تافهون بهذا المستوى فاشلون و لا يهمكم وطنكم بل تتملقون بعضكم بعضا باسم الجلالة الذى يذكرونه العابدون الساجدون الذين يذكرون الله قياما و قعودا وعلى جنوبهم و يتفكرون فى خلق السماوات و الارض ربنا ما خلقت هذا باطلا ربنا فقنا عذاب النار…الذى هم لا يخافون منه

شوفوا يا معارضه .انا اتبرع بفبركة رد للمره التالته الجايه .
نحن الرادارات قرت الطائره واكتشفت وجودها الا انها كان في خطوره علي طائرات مدنيه اذا اشتغلت المضادات الارضيه .ونحن حفاظا علي ارواح الطائرات المدنيه قلنا نتابعها بطائره حربيه وتابعناها واتعرضت لاعطال الا انها (اما سقطت في البحر او نزل الطيار بمظله واحترق في الهواء او اي كلمه تمسح المعتدي) ده مشروع تملية الوزير ردود اعلاميه
الممكن يرجع شنو؟
ممكن يرجع الدوله المعتديه تضحك لي درجة يعملوا مؤتمر لعرض صور الطيار واعترافات كامله .
تقول ليهم كضبنا عليكم عشان تعترفووووووووووو
ما فكره عليكم الله
مش حقوا اكون وزير ولا بلوه في البلد دي
والله ما عايز

اسكت يا ابهم

لوتزكرواضربة مصنع الشفاءعمل معاهو كمال حامد مراسل الBBC وقتهابعدالضربة مباشرة لقاء سأله بماذا تم ضرب المصنع هل بصاروخ أم طائره؟ أجاب الليمبى وبى حليفه(واللة ماعارف لأنوالوقت بالليل)عويرالفلم ده أراجوز الأنقاذ هذا طبيعى أن يصدرمنه مثل هذاالرد وقتهاكان وزيراللداخلية والآن وزيرآللدفاع وفى كلا الوزارتين هو السواق الرئيسى للهطله البشير وماحيعرف حاجه الا لمن يضربوهوا بى صاروخ أوطياره وهو سايق سيدوا. هههههههههه هاها هاها هيى هيى هيى ياريت!