شاهد صور عملية تمشيط للجيش الحكومي بأبكرشولا

يعني النار المولعة دي أكيد ما ولعوها ناس الجبهة الثورية لأنهم طلعوا قبل عدة أيام !!!

أكيد من الهمج ديل ..

بعدين شنو الدوشكا جبخانته حارقة في بلدة أصلا ما فيها زول !!!

هكذا صار حال المؤسسة العسكرية القومية بعد (تشليحها) أصبحت تبحث عن نصر (مفتقد) …

ماشايف ولا جثةواحدة

والنيران دي شكلها اشجار احترقت بافتعال لزوم اخراج السيناريو

بتضحكوا على منو وينها الخسائر الفادحة في العتاد والارواح

ارواحكم انشاء الله تخرج من اجسادكم كانها طالعة من شوك

يا منافقين يا كذابين

Rubbish

الحاكمين السودان ديل اغبياء فعلاً !!!!!!!!!!

هم دايما كدا كلما تضيق عليهم يالفو ليهم مسرحية عشان الشعب يلتف حولهم او يشغلوهو بيها عشان يمررو ليهم مصيبو اكبر الله يقلعهم اليوم قبل بكرة

امس شفت تقرير مصور في تلفزيون السودان لتحرير ابوكرشولا ياجماعة فعلا اتاكدت امس انه الجبهة الثورية انسحبت من المدينة قبل دخول قوات الموتمر الهمجي لانه التقرير اثبت الموضوع ده جايبين في التقرير صورة عربية محروفة والمصور يصور فيها من زوايا مختلفة زي انها كم عربية وماجايبن ولا حثة من قوات الجبهة الثورية ولا اي اسير واحد قبضوا عليه وبكده اتاكد كذب الكيزان وانه الجبهة الثورية لم تمارس الكذب والتضليل الاعلامي لما قالت انسحبنا وياجماعة دي حرب العصابات اضرب العدو في اضعف نقاطه وتحرك ولا تدخل في مواجهات مباشرة الي ان يضعف الجيش وينهار.

دا الصرف على الأمن القومي البتجاوز( 70%) من ميزانية الدولة وثروات الشعب !!! شفتوا التلاعب كبف ؟؟!!! خسارة في خسارة وفي الفاضي ساكت !!! والله الجبهة الثورية السودانية المسلحة خطيرة عدييييل كدا في الدواس والانسحاب … يعني لمن تداوس المليشيات الوهم ديل تكبدهم خسائر فادحة غي الأرواح والعتاد العسكري وتقلع منهم الاسلحة النوعية والسيارات من الدغع الرباعي وغيره والمؤن الغذائية … ولمن تنسحب تخلي المليشيات الوهم يخسروا ذخائر ودانات هائلة تكاد لا تحصى ولا تعد وهذه الدانات قيمة الواحدة منها يتراوح مابين (2000 الى 3000 جنيه سوداني) فتخيلوا حجم الخسارة !!! دا من غير كميااااات الوقود للطائرات والعربات الكبيرة والصغيرة والاسبيرات والزيوت والشحوم … يعني برضوا مهزومين يا مليشيات النصر الموهوم !!! وبكرة او بعدو تاني أبطال الجبهة الثورية يقوموا بعملية او عمليات نوعية كبيرة وتاني تكوركوا بالراديو والتلفزيون والصحف وفي صيوانات مآتم الفطايس حقنكم وفي عنابر السلاح الطبي والمستشفيات والمكاتب … وتستمر قوات الجبهة الثورية في استنزاف النظام الهمجي الى أن يسقط كما سقطت الأنظمة المستبدة من حولنا .. وان غدا لناظره لقريب … والنصر قادم باذن الله .

فلم اكشن بايييييييخ

دعاية كاذبة زي نفاق (الكيزان) ، أب كرشولا كانت فاضيييييييييييييييييية لمن دخلتها (مليشيا الجبهة).
تخريمة : عاش السودان وعاش المواطن (محمد أحمد) وعاشت قوات الشعب المسلحة والخزي والعار للمؤتمر الوطني والشعبي.

مشاط تمتم

الدلائل التى تاكد النصر – الاسرى – الجسس – العتاد العسكرى المدمر – الغنائم
وهذة كلها مفقودة
الناس دل وجدوها خلا

والله العظيم من شدة كثرة الاكاذيب من المؤتمرالوثنى المنافقين ديل \ عديل كدة الواحد لو اخذ راحتوا من التعليات احسن \ لانو مافى داية لصرف الزمن بدل الضائع !!!!!!

تمشيط نعم ! مشاط نعم !
لكن أين المعركة ؟؟؟

فى حرب ما فيها موت عايزين نشوف قرضتوهم كيف عشان نصدقكم

يا جماعة الصور دي ما ممكن تكون فى مواقع حرب اسع ويني الحرب ناس واقفين عشان يتصوروا عايزين صور فيديو للمعركة ذاتها وخلوا الكضب الكتير نحن بقينا كبار

اعلامهم الديناصوري وافلامهم الهندية المفبركة

انا خشيت الفلم ده قبل كده نفس المناظر و نفس الممثلين فى الفلم المثير تحرير هجليج المخرج دقس و البطل ما بيموت الفرق بين الفيلمين مرة البطل رقص فى نهاية الفلم فى الفلم التانى البطل كورك و صوته بحة بس البطل قابل حبينته (تابيتا بطرس) فى الفلم الاخير لكن برضو فى فلم ابوكرشولا البطل كان زعلان فى نهاية الفلم ده و الجمهور المرة دى ما مبسوط عشان كده الجمهور الزعلان ممكن يكسر السينما……ليه يا اولادى الصغار الحلوين لانو البطل ما رقص….يلا ايها الشعب السودانى انتهت الحدوته يلا قوموا اشربوا اللبن و على السرير دوغرى….اصلوا الشعب كلوا بقى اطفال…..

ابو كرشولا …عرفنا دورا

حرب عمرها عشرين يوم احتلال رجاله كيده تجيبوا ليكم سياره واحده تعطلت وحرقت تجوا تقولوا حررنا ابو كرشولا .ناس الجبهه الثوريه دخلوكم هناك الي ان ياتي الخريف وتشوفوا الشغل . احسن ليكم تتخارجوا قبل الخريف

نحن نشاهد غابة جميله ولاتوجد مدينة ولابيوت ولاقتلى الحاصل شنو ولمصلحة من هذا التعتيم الذى يفتح باب الإشاعات على مصراعية وقد بدأت الإشاعات فعلا حيث يقول البعض أن الجيش لم يجد مقاتلي الجبهة وقد أخلوا اب كرشوله قبل دخول الجيش وتحركوا بكل عتادهم الحربى ورجالهم ومانهبوه ليهددوا موقع اخر وحتى نكذب هذا الكلام صوروا لينا المدينة شوارعها القتلى من الجانبين وكمان فى حوالى 100 سيارة يجب أن تكون قد دمرت وماعليها من اسلحة فتاكه وإلا ستستمر الإشاعات بأن الجبهة الثورية نهبت وقتلت وهربت بما نهبته نريد مايؤكد أنها فعلا دمرت حتى نشارككم الإحتفالات بالنصر أما مانشاهده فى هذه الصور الجميلة لغابة تصلح لرحله لايقنعنى انا بالذات

مالكم لا تخجلون هل تعتقدون أن الشعب السودانى جاهل لهذه الدرجة ومن أى موقع صورت هذه اللقطات ؟؟؟ يا عالم يا منافقين إن الأرض التى عليها سياراتكم أرض طينية والدليل على ذلك ترونه بعينكم العمياء يا أيها المنافقون وأرض أبوكرشولا رملية ولا أثر لما صورتموه ويريد الله أن يفضحكم فيما تعفعلون يا منافقين .. ولكم الشكر الجزيل لكشفكم سؤات نظامكم المتهالك وإنها لثورة حتى النصر

@@@ الصورة الرئيسية قبل تعليق الخبر :” مجرد عربة وضعت كالهمبول لاخافة الطيور كالذى يفعله المزارعون . وقد نجح الثوار فى زرع الرعب فى قلوب قوات المؤتمر بهذه الحيلة الذكية , بعد انسحابهم قبل عدة ايام ,مما جعل الطيران يقصف تلك المنطقة الخلوية الذى تسبب فى حريق بعض الاشجار كما هو موضح فى احدى الصور المرفقة , كما ان الهدف للجبهة ان يتم القصف خارج المدينة حفاظا على ارواح المدنيين .

@@@ اما الصورة التالية فلم ارى جندى او ضابط يحمل سلاح ” رحلة فى الغابة ” .

@@@ الصورة التاليه عبارة عن ملازم بغرض شوفونى ,فرحا بعدم وجود قوات الحركة الثورية .

@@@ الصورة التالية عبارة عن صورة عادية لعربة عسكري تحمل مدفع ,

@@@ الصور التالية تحدثت عنه فى البند الاول ” حريق الاشجار .

@@@ الصورة التالية نفس الملازم(بدون سلاح هذه المرة) يصر على اخذ صورة له اثناء طلقات عشوائية من احدى الدوشكات وبقية المتحرك يلبت على الارض خوفا من المفآجات من الحركة الثورية .

@@@ الصورة الاخيرة قائد ميدانى دون سلاح ودون وجود هدف يوجه قواته بالضرب العشوائ .

يعني شغالين مشاطات ؟!!

والله يا ناس الراكوبة حبرتونا
بقيتو تجيبو الاعلام المضروب الكاذب المفبرك
يعنى فرقكم من تلفزيون السودان شنو

واضح جدا الخسائر الفادحة التي منيت بها قوات الجبهة الثورية في الارواح والمعدات … الله اكبر والعزة للسودان … لكن عندي سؤال جيشنا ده مالو هدوموا نضيفة ومكوية

حتى شئ يصوروه عشان يعملوا به دعاية زى الناس ما فى؟ وين خسائر الفادحة
كل الناس عرف جيش الجبهة الثورية انسحبوا من أبو كرشولا قبل 6 أيام من كلامكم دى
لان هدفهم مكان آخر ستعلموا بها فى حينها.

وينوا المدينة والاسري وخسائرالجبهة الثورية!! عربية واحدة بس !!

الصور مقتطعة من الفيديو الوحيد الظهر وفي الغالب هو مفبرك لأنو في لقطة ظهرت سيارة دوشكا تضرب للامام وفي نفس اللحظة ظهرت سيارة دوشكا تانية متجهة عكس

لاحظو الصورة رقم (5) التاتشر متوجهة عكس بمعني حامل الدوشكا مدي ضهرو للعدو ودا مستحيل يحصل في حالة الاشتباك اما الشخص الراكب في التاتشر وقاعد يتبسم في المسرحية خرب عليهم الفبركة

تقريبا لاغلب الحكومات معارضين وندخل تلك المواقع ونجد معارضة نظيفة تنتقد السياسات والمواقف وتقدم حقائق ،معارضة تتصف بعفة الكلمة وتبتعد عن التجريح الشخصى والتنابذ اما عندنا للاسف فى كثير من الاحايين يتناول التعليق الاعراض والمسكوت عنه ادبا وتأدبا ، والذى يكتب رأيا مغايرا تشن عليه حملة ويوصف بابشع الالفاظ وهم يدعون الديمقراطية وحرية الرأى .هناك موقع معارض لسياسة اوباما لم اجد فيه يوما اشارة لزنجيته او جنسه او أسرته او حتى عندما ارتكب خاله مخالفة مرورية وهو سكران او جدته ترفع الجميع عن كل ذلك .
لا اريد ان اكون واعظا وبعيدا عن ما امر به الدين اقول الشتم ليس سلوكا حضاريا ولن يجدى ولن ينفع
وهذه المواقع مفتوحة لغير السودانيين فلا تضحكوا الاخرين فينا.
نريد حقائق ومعلومات ونريد افكارا نستفيد منها بدلا عن هذا التشحيط الفارغ الاجوف الذى لايسمن ولايغنى من جوع ولايقدم ولايؤخر وقديما قيل – كل اناء بما فيه ينضح –
كلمة اخيرة -بسم الله الرحمن الرحيم ( تبارك الذى بيده الملك وهو على كل شئ قدير)صدق الله العظيم
( لايغير الله ما بقوم حتى يغيروا ما بأنفسهم)

قال شنو قال دخلوها و صقيرة حام وين الجثث البيحوم فيها الصقير وين الخسائر الفادحة و ين العتاد و الغنائم وين ووين ووين ووين ؟؟؟؟؟؟ تشعلوا النيران فى الشجر وتقولوا للشعب حررنا ابوكرشولا . القصة اشبه ( بمريم الشجاع ) . فاكرين الشعب لسة بعقول الثمانينات و التسعينات .. يا حليلكم انتوا زمنكم فات …

يا جماعة الراكوبة جابت الخبر ..عشان تضحكوا شوية من الترهات الموجعات ..والمغيرات كذبا..

انا م عارف بقي ةالناس لكن انا م شايف حاجة وشنو العرفنا بانو دي ابو كرشولا يعني لاشفنا عربات مدمره ولا شفنا حد ميت م قدرنا نفهم القصة

هههههههههههههههههه , الانصارات الزائفة

الحكومة في هذه المرة لم تأت بالجثث هل أكراماً لهم؟ ما هو السر؟
قال قائد من المجاهدين أن عدد العربات التي تم تدميرها 25 عربة, أين البقية؟ بهذا صرت أصدق انسحاب الجبهة من ابي كرشولا . العقيد عادل الكناني عندما كان يتحدث عقب استرداد ابوكرشولا, لاحظت أنه قوطع لعدم الاسترسال في الحديث,و أظن أن من قاطعه هو البروف الزبير بشير طه والي الجزيرة, ما هو الشيء الذي كان الكناني يود أن يقوله ؟ المقاطع كانت مقصودة من طرف ثاني. هل من سر خفي يودون عدم ذكره؟ ام أنهم وعوا الدرس لما تعرض له أحمد هارون من نقد عندما قال أمسح أكسح….الخ
كل هذه الأسئلة تحتاج لإجابات أوتحليل موضوعي.

لسلامة وطن إتوزعت نيرانا دوشكا دوبت وغنت أرهبت أعدانا ، إستطاعت القوات المسلحة والمجاهدين بعد توفيق الله عز وجل من دحر عملاء الجبهة الثورية وإخراجهم من منطقة أبوكرشولا عنوة وإقتدارا أما قول عملاء الجبهة الثورية بإنسحابهم من المنطقة فهو مجرد تبرير وأهي للهزيمة التي لحقت بهم وكان عليهم أن يتحلو بقدر كافي من الشجاعة ويعترفوا بهزيمتهم وإخراجهم من المنطقة ، قوات الجبهة الثورية صدت هجوم متحرك المنتصر بالله 1 الذي هاجم المنطقة من قبل فإذا أرادت قوات الجبهة الثورية الإنسحاب وعدم المكوث في المنطقة فلماذا عملت علي صد المتحرك الأول ؟؟؟

ديل قوم مسيلمة الكذاب , أغبياء وأثبت غبائهم قرآء الراكوبة الأذكياء والتحية والتجلة لكم يا قرآء صحيفة الراكوبة الكرام

القوة الثورية بتحارب حرب عصابات فر وكر ولعدم وجود جثث فى الصور معناة الناس ديل انسحبوا تكتيك

والله انتم مصيبة البلد دي ،
يا ناس انتم لا ضميرولادين ولاأخلاق ولا وطنية ؟؟؟؟؟
معقول في شعب سوداني بهذا الدرجة من الدونية والانحطاط؟
أنالم أر شعب تنتهك أرضه وتتعرض حرائره وأطفالو للتشريد والتقتيل من فئةمارقة ضد حكومة بلده أياً كانت شرعيتها يقاتلون المواطنين ويتركون الحكومة وجيش الحكومة والله انه قمة الجبن والخذلان والغريبة في ناس يشجعونهم بينكم
نحن البنعرفو الفيل واضح ومعروفة جهته لماذا الضرب في ظل ظل ظل الفيل ،الراجل والمفروض نشجعه هو الذي يجي إما بالباب وإما بالدبابة ويستلم لكن البيعقب الرجال على الحريم والأطفال دا لايستاهل نقولوا انت راجل خليك من ثائر
فبالله فرزوا بين الوطن والحكومة

لو سمحتو صوروا لينا ابو كرشوله عشان نشوف ناس الجبهه الثوريه والا

تكنولوجيا والله ما في كلام…

عايزين نتحرر من اب كروش اولا النهبوا البلد بعدين حرروا ابكرشولا

الصور دي بتوثق وتدلل بما لا يدع مجال للشك على جرايم واعتداءات مليشيات الكيزان على البيئة الفطرية للوطن حقو زول ابلغ منظمة البيئة العالمية ان وجدت

رد غلى المهندس سلمان
يا باشمهندس خريج سنة كم ؟ كيف الحكومة تصور وتوثق للعالم ابادة جماعية خمسة وعشرون يوما الطيران يضرب ولا احد يهرب لكى تضاف لسجل حقوق الانسان وناس اللوبيات والقس الامريكى وهاك يا زنوج والحكاية تكبر هل الحكومة غبية
بل اسأل سؤال منطقى اذا ا نسحبوا اين اتجهوا وامامك الجحافل بل لماذا دخلوا اصلا وهم يريدون الانسحاب وهى منطقة غبر عسكرية بل مدنية

الهزيمة حصلت وانتو حريين تعترفوا بها ام لا خاصة انتو ناس الكى بورد ووالخسارة كانت صدمة وكل مايقال من انسحاب هو محاولة لرفع المعنويات ليس الا لان المنسحب لايمكن ان يقع منسوبيه في الاسر وهذه حقيقة يعرفها العسكريون ولاداعي للمكابرة

عندما يذهب الكديس بعيدا يطلع الفار ينطط بدون تعليق