الاتحادي الديمقراطي يحذر من فجوة غذائية بالبلاد
حذر رئيس كتلة الحزب الاتحادي الديمقراطي بالمجلس الوطني أحمد علي أبوبكر من فجوة غذائية قد تضرب البلاد بسبب شح الأمطار في خريف هذا العام، وطالب السلطات بضرورة التدخل السريع لإنقاذ الإنسان والحيوان على حدٍ سواء.
ونقل محرر (الصيحة) بالمجلس الوطني “صابر حامد” عن أبوبكر قوله أمس إن “الموسم الشتوي الحالي حتى الآن لم تتم مناقشة سياساته رغم أنه من الصعوبة اللحاق به بعد الآن.
ودعا أبوبكر في تصريحات صحفية بالبرلمان أمس السلطات المختصة لتوفير بذور محسنة للموسم فضلاً عن ضرورة إيقاف استيراد “الخضر والفاكهة” بغرض تشجيع المنتجات المحلية، وأشار إلى أن جوال “البلح” يستورد بقيمة ألف جنيه في الوقت الذي يباع فيه جوال البلح “الجاو” في الشمالية بـ(70) جنيهاً.
الصيحة
يلا يا ختمية كتروا الفتة بتحل المشكلة اصلو سيدى الحسن ببركتو ما بجينا عوجة نزيدا ليهو 181 يوم تانى
فهمونا نحنا ماعارفين حاجة فجوة غذائية ليكم انتوا ولا نحتا الغلابة ديل كان قاصدننا نحنا الله كفيل علينا وكان الفجوة دي جاية عليكم انتو ماعندكم مشكلة اموال الشعب عندكم حاتصرفو فيها زي مادايرين وتحلو فجوتكم
يا ناس الإتحادي الديمقراطي ماذا بكم ؟ انتم تأكلون فته وبس ليس عليكم بنزول المطر أو شحه شوفوا المتأسلمين خبوا باقي فتات الكيكه وين لأنهم أي المتأسلمين لا أمان لهم ولا عهد ولا ذمه .الشعب له رب يعينه إنتوا والمؤتمرجيه أطلعوا منها .
هلا هلا بطلتو تاكلو الفتة وبقيتو تاكلو زهور؟ ولا دى للزينة ساكت يا ربى الصحانة دى فيها شنو جداد محمر وسمك ولحمة ضان شية يا حليل عيد الضحية ما عارفنو بجى متين تانى عشان جيرانا الطيبين يدونا كوم لحم والله ما حسدنكم الله يذيكم ويدينا بس انتو خليكم فى حالكم وخلونا فى حالنا نحن لينا الله وعيشة البوش
مت اغرب الاشياء الراجل ده خياط بتاع تكك يعني مت السروال كلو ما بعرف اخيط الا التكة بس وطبعا دي من محن حكومة الانقاز مقرونة بشفاهة الاتحادي لصاحبه المرغني وابنه الحسن الجابو حثالة المجتمع والانتهازين امثال احمد علي ابوبكر و اسامة حسون
فجوه غذائيه ده اسم الدلع للمجاعه
يا للعار فجوة غذائية في السودان سلة غذاء العالم وبعدين شنو اللي ما فيه فجوة فجوة مالية ، فجوة صحية ، فجوة تعليمية ، فجوة نقل وترحيل ، فجوة في البر وفجوة في الجوة وفجوة في البحر ، فجوة اخلاق وقيم ( فساد واجرام ) االسودان نال الجائزة العالمية في الفجوات مبروك يا مؤتمر وطني وزغروة يابنات
يا الله … اكاد اموت من الضحك … انها كوميديا العصر … تخيلت منظر مسرحيه شاهد ما شافش حاجه وعادل امام يبيسلم على القاضي عضو المحكمة حاج محمد … ولا نقول شئ .. كادت تمضي ال 181 يوم التى وعد بها السيد الحسن وجاءكم يحذركم ويبشركم بالمجاعه … سلام ياحاج محمد
وين مولانا الميرغني الصغير القال سوف يحل مشاكل السودان في 180 يوم؟؟؟
اين بركات النجل المساعد نجل البركة الكبير م قال 181 يوم بركاتكم ستحل علينا وقربت ان تخلص او خلصت ولم نشاهد خريفا افاض واغرق الاراضي