مصدر أمني : لا صحة لمنح الجنسية لليمنيين والسوريين

بالله عليكم دى بلد شنو لاحول ولا قوة الا بالله بقينا اهون الدول اي دولة في العالم وحتي دول العالم الثالث ما بتدي الجنسية لاي لاجئي اواجنبي الا بعد شروط وصعبة ومعقدة وتراعي فيها من الدرجة الاولي الناحية الامنية بعد تحري وتمحيص للشخص المعني من االناحية الامنية وهل له سوابق او اتجاه ارهابي داعشي والكلام بعد خمسة سنوات اقامة متواصلة في البلد وهذا هو عين العدل للبلد والمواطن واحذروا الف مرة من التجنيس بسهولة لكل من هب ودب لانو البلد ملاينة دواعش واللهم اكف السودان والسودانيون شر الفتن

كل بلاد العالم تمنح الجنسية بالتجنس وعندها شروط لما يستوفي الشروط يقدم وياخد الجنسية
المشكله الكبيره عندنا هي الكضب المافي ليهو داعي لأن البلد طغي فيهآ الفساد حتي بقت غنمايه ولو طارت ومن رئيس العصابة وحتي المراسلة

بطلو كدب انا شخصيا بعرف واحد سوري ولا قاعد في السودان زاتو مقيم في القاهره جا اسبوع اخد الجواز السوداني من وزاره الداخليه راسا ولا حتي من الجوازات ومعاي اثبات لو دايرين بلاش كدب كفايه بهدلتونا وفضحتونا

أمريكيا بجلالة قدرها لا يستطيع رئيسها منح جنسية لأحد الا بضوابط ولوائح وقوانين مثبتة في الدستور ولا بستطيع تجاوزها أما في السودان فلا ديتور ولا لوائح أدفع فلوسك أو تعال بتصوية مش من فوق من زميل وبس فكيف تم منح الجنسية ل علي نونو اليمني وكيف تم منح الجنسية للاعب المريخ البرازيلي وكيف تم من الجنسية للاعب الهلال النيجيريي ألم يقم البشير بمنحهم فأي دستور يحق له بموجبه ذلك … أسهل شيء في السودان الحصول على الجنسية والموضوع كله شاهدين وليس الا تعالوا شوفوا الحبشيات والارتريات في جدة يحملن الجواز السوداني وفي مصر القريبة كل شيء جائز ما عدا الحصول على الجنسية فكيف تنفي ادارة الجوازات عن الموضوع ويجب اسقاط الجنسية عن جميع من يحملونها ويتم اعادة منح الجنسية من جديد بضوابط وتحقيقات لكافة السودانيين …

ذهبت ذات مرة الى مكتب مدير السجل المدنى اللواء ناصر الكباشى وكنا بصدد استصدار ارقام وطنية لابناء احد زملاءه بالمعاش ووجدنا خارج المكتب اكثر من 150 سورى ينتظرون خارج المكتب لمنحهم الرقم الوطنى بتعليمات عليا كما ذكر عساكر المكتب

وفقا للشروط والقوانين ما في زول له حق الاعتراض لان نحن زاتنا اولادنا بمشو امريكا واورباوالهدف والنية الحصول علي الجنسية الامريكية

براحه علينا
لقد رأيت بأم عيني طوابير السودانيين يقفون في صفوف الأجانب للتسجيل
وصفوف الجنسية كلها حبش و سوريين و يمنيين
ما خليتوا إرهابي ما أديتوهوا الجنسية ….

سوردانى 100% و صومانى100% و فلسطانى 100% و يمنسانى 100% و الماعجبو يشرب من المالح؟

هههههه نكرتوها،،،النكران من شيمتكم يا،،،عصابة ال كيزانو المجرمين.

اخو بشه فاتح مكتب عديل لي بيع الجواز معقولا دي كمان فايته عليكم يا كيزان ولا هو محصن قال مصدر امني حليل امن نميري

ذهبت ذات مرة الى مكتب مدير السجل المدنى اللواء ناصر الكباشى وكنا بصدد استصدار ارقام وطنية لابناء احد زملاءه بالمعاش ووجدنا خارج المكتب اكثر من 150 سورى ينتظرون خارج المكتب لمنحهم الرقم الوطنى بتعليمات عليا كما ذكر عساكر المكتب

في الثمانينات تم فتح الحدود للتشاديين الفارين من حسين هبري و وصلوا الي حلفا الجديد و الجزيرة و الرهد و السوكي و استوطنوا المشاريع الزراعية و تم منحهم الجنسية و في التسعينات الحبش جو و فتحت لهم الحدود و كذلك الارتريين و كثير منهم منح الجنسية……لماذا يتحسس الناس عندما تمنح الجنسية للسوريين او اليمنيين وهم مضطهدين في بلدهم و فروا الينا كما التشاديين و الحبش و الارتريين و غيرهم…في الامر تحسس من الجنس العربية و عنصرية

الشينة منكورة…الباب الأول من فقه السترة الكيزانى