كلام حميدتي
هذا كلام خطير وخطير جدا وقائله نائب رئيس مجلس السياده ويتهم جهاز المخابرات باتهام خطير !! والشرطه تحتج على قانون وهى قوه نظاميه ! ومحاوله لاغتيال وزير العدل واضحة المعالم !!
البلد فيها عدة جيوش وستضاف اليها جيوش اخرى قريبا جيش مناوى وجيش عبد الواحد وجيش الجبهه الثوريه والبلد دائما تتآكل من اطرافها وانفجار فى بورتسودان وانفجار فى الجنينه وكل ماتم اخماد الانفجارات انفجرت مره اخرى والخرطوم غير آمنه والأمان كان ميزتها الوحيده وكانت البلد الوحيد الذى يجك فيه السفير الامريكى فى الخامسه صباحا على شاطىء النيل وبلا حرس فهل يستطيع الآن ان يجك مواطن عادى !!
الامر خطير ولا ينبغي ان نلتفت منه ونظن انه محلول فنحن الآن نواجه ان يكون الوطن او لا يكون والذى اراه ان ردود افعالنا على الاحداث هو تجاهلها حتى بدون التحقيق فيها وما أراه ان قياداتنا الحاليه فى الدوله اضعف من مواجهة ما يحدث، وهو بطل تأكيد أكبر من قدراتها والحل هو حل مجلس الوزراء واعادة تكوينه بعد ابعاد العناصر الرخوة والحل شرعية ثورية لا تتقيد بوثيقه دستورية تكنس من الواجهه كل عناصر النظام السابق بداية فى الجيش والامن والقضاء والشرطة وان يتقدم الصفوف شبابنا الذين كانوا وقودا للثوره ليقودوا البلد كما قادوا الثوره ونجحوا اما ان تكتفى قياداتنا بالمناصب العليا وتترك الانقاذ تدير البلد (تقاسم سلطه ) فهذا ليس هو الحل.
محمد الحسن محمد عثمان
[email protected]
والله العظيم مبروك القائد المحترم حميدتي كلامك ده هو الواقع المر انت اشكرك لشهامتك وضوحك وغيرتك وحبك لوطنك السودان القائد البطل اهنيك وافتخر بك كقائد مخضرم ولك التحية والنصر للسودان والشعب السوداني المناضل
طيب يا سعادتك انتوا ك (مجلس سيادة) حارسين شنو؟ و سايدين منو؟ ده ما دوركم و شغلكم. و انت نائب رئيس في شنو؟ و شقكم العسكري منتظر منو؟، عشان يحل الأمن و كل المليشيات الكيزانية. لو غلبتكم سلمونا السيادة و بكره نحل كل أمن و مليشة كيزانية.
الشبكية لغير الله مذلة انت بتشكي لي منو؟ و السلطة في يدك.
مبروك المجرم الخطير حميدتي
عشان كدة البلد ما ح تتقدم واذا كان في زمن الحكومة البائدة تأخرنا ٣٠ سنة إلى الوراء. الان بهذه القيادات الجاهلة والحركات المسلحة والمشاكل القبلية سوف نتأخر مية سنة إلى الوراء
انتو نخب نيليه تاني مافي الان دور الهامش كفايه نهبتوالبلد 65″*سنه ياكلاب الجلابه
اذا كان نائب رئيس مجلس السياده بي كل قواته ما قادر يتحرك لي عصابه النيقرز دا معناها هو زاتو جزء منها عشان يوصل البلد لي حاله فوضى ويقوضو بيها الوثيقه الدستوريه
البلد ما معروف مين الحاكم والكل قحت وغيره يبحثون عن مناصب وكراسي وتاركين كل الامور للكيزان كما هي لا بد من حل المجلس اوحل الشرطة وقيام انتخابات قومية يحرسها الجيش ف اقرب وقت لان ما يحدث لا يمكن السكوت عنه وعلى الاحياء تكوين لجان ودوريات لكل الاحياء باسلحة وحصين او عربات دورية والحل ف البل واي عصابة تقرز يقتلون مباشرة
حميدي انت ارجع تشاد عند اهلك هناك الأمور راح تزبط في السودان انت مدرسة ابتدائي ما قاريها شفليك ناقة اسرح فيها
والله يا كاتب المقال من لقيتك كاتب يجك دي ما كملته القرايه
كلام حميدتي وااااضح الرباطه ديل منظمين والكيزان هم البيدعموهم
وبصراحه مجموعة النقروز ديل من أفعال الكيزان
الله يولي من يصلح الحال
لكن الموقف صعب للغايه
آللهم أصرف عنا الفتن ما ظهر منها وما بطن
يا رب الطف بالسودان وشعب السودان