أخبار السودان
أبو سبيب : حاتم السر غير مؤهل لخلافة الميرغني
الخرطوم : فتحية عبدالله
استبعد القيادی بالحزب الاتحادی الديمقراطي الاصل الشيخ حسن أبوسبيب اعتزام الحزب لتقديم حاتم السر المرشح الاسبق لرئاسه الجمهورية لخلافة مولانا محمد عثمان الميرغني وقال – لا أعتقد ان الحزب سيقدم حاتم السرلخلافة سياسية للسيد محمد عثمان الميرغني لأنه غير مؤهل تنظيمياً مضيفاً اذا كانت هنالك خلافه سياسية سوف تكون من نصيب السيد الحسن الميرغنی أمين التنظيم بالحزب لأنه الأقرب تنظيمياً.
هذا وقد اكدت مصادر اعتزام مولانا وعدد من القيادات تاهيل السر خلفا له وتوقعت زات المصادر وقوع خلافات بين السر وابناء الميرغني حال خلف السر مولانا.الجدير بالذكر ان الاخير متواجد حاليا بالعاصمهة البريطانية لندن تلبية لرغبة مولانا الميرغنی زعيم الحزب الاتحادي ومرشد الطريقة الختمية.
الوطن
هذا شان خاص بالاتحاديين و لكن لو حصل انتخاب حاتم السر لخلافة محمد عثمان الميرغني يكون هذا تحول كبير فى الأحزاب العقائدية
ما تتعبوا نفسكم لا السر نافع ولا المرغنى نافع ولا اولاد المرغنى نافعين كسياسيين كلهم وجع قلب وما عندهم ذرة خبرة سياسية
انتو كنتو مرشحنو للرئسه م مؤاهل كيف يعني بس الموضوع م حزب دي اسراه والموضوع ورثه م اكتر
اعتقد بأن الاحزاب التقليدية آن الأوان بأن تلعب دور حقيقى فى الشارع ولن يتم ذلك إلا بالتغيير الحقيقى لقياداتها, حكومة الانقاذ فهمت اللعبة وقامت بتغيير لقيادات غير مرغوبة بالشارع السودانى حتى لو كان التغيير تحصيل حاصل. لذلك اتمنى من الاحزاب التقليدية والعقائدية بان تحزوا حزوهم وان يكون التغيير ليس من آل البيت.
السبب ان دمائه ليست زرقاء هههههههه
الصحيفة التى نشرت هذا الخبر هي صحيفة الوطن وهى صحيفة معروفة بتبعيتها الكاملة لجهاز الأمن والمخابرات وبالتالي كل ما ينشر ويكتب علي صفحاتها ليس لوجه الله والحقيقة وإنما لابعاد ومرامي تخص جهاز الأمن
طبعا الأجهزة الأمنية غير مرتاحة لمقابلات الميرغنى مع الجبهة الثورية وغاضبة علي ترحيبه بإعلان باريس
وأجهزة المؤتمر الوطنى غير راضية علي تهديد الميرغنى وتلويح حزبه بمقاطعة الانتخابات المقبلة
وفوق ذلك الجماعة منزعجين لبقاءه خارج الوطن لأكثر من عام وإرساله لرسائل مزعجة لهم
لذلك ومن خلال سيطرة الأمن علي صحيفة الوطن قاموا بنشر هذا الخبر المضروب لزعزعة استقرار الميرغنى وإجباره علي العودة للسودان ليكون قريبا لتاثيراتهم وتمرير مشروعاتهم
انتبهوا سادتي لمثل هذه الأخبار الأمنية المضروبة
ابو الشريف
فبركات امن الكيزان حليكن واعيين ياسادة
وقت ما عاجبهم مرشحنو للرئاسة ليييييه ..؟؟ الميرغنيه للمراغنه يا ود السر
يا المدعو أبوسبيب … النصب والأحتيال علي البسطاء واستغلال جهلهم والثراء الفاحش علي حساب أهلنا في الأقاليم دايره ليها مؤهلات كمان … داهيه تخمك أنت والميرغني الصغير والكبير
والله و علي بالطلاق حرام اكثر من 60 سنة و نحن لسه في ناس سيدي علي و سيدي المهدي ، يعني زمن البشر جاري بسرعة الصاروخ نحو السماء التي اكتشف العالم انه لا يوجد هنالك سماء و لا يحزنون ، ونحن زمنا واقف كما وقف حمار الشيخ في العقبة. ارحمونا يا ناس انتو بتعرفوا تفكوا الخط و الكي بورد اعملو اضراب ان لا يجيب اي واحد ذكرة اشباح الماضي ، اقتلوهم بالتجاهل التام.
انتو عارفين سبب التخلف السياسى فى السودان شنو؟؟؟
هى الانقلابات العسكرية التى تدعى انها جاءت لانهاء التخلف السياسى الطائفى الخ الخ وهى لا تدرى من جهلها وغبائها ودلاهتها وتخلفها والله على ما اقول شهيد انها تطيل فى عمرها!!!!
اتخيلوا اصلا ما حصل انقلاب عسكرى او عقائدى قذر متخلف دلاهة واطى فى السودان لكانت ظهرت احزاب جماهيرية وبقيادات شابة جديدة وافكار جديدة فى جو الحرية وسيادة القانون وخير مثال لذلك هى الهند(السودانيين دايما مستعجلين فى الحكم على الديمقراطية التى لم تكمل دورة واحدة ابدا)!!!!
فى الديمقراطية بتظهر عورات وسوءات الطائفية وكل الدجل السياسى باسم الطائفة او الدين ويبان الغث من السمين ويبقى ما ينفع الناس!!!!
كسرة ثانية:تحية كاريوكا لمن قام انقلاب 23 يوليو فى مصر وطرد الملك فاروق قالت شالوا فاروق واحد وجونا 12 فاروق مكانه(مجلس قيادة الثورة) زى ما عملوا الشيوعيين فى الثورة الشيوعية الروسية بقى الحزب الشيوعى او طليعته زى آل رومانوف وكله باسم الطبقة العاملة وبرضه الاسلامويين يتكلموا باسم الدين لمصلحتهم الخاصة!!!
اى نظام غير النظام الديمقراطى الليبرالى اى دولة القانون والمؤسسات والحريات فى السودان هو نظام زبالة مكانه هو مكب النفايات مع الروث والقذارة واشهد الله على ذلك!!!!!!!!!
التوريـــــــــــث
لا اساس لهذا الكلام من الصحة ..نزييف فى نزييف
تنظيما السيد الحسن نائب رئيس الحزب وامين التنظيم
حاتم السر عضو المكتب القيادى المتحدث باسم الحوب السابق ومرشح الحزب لمنصب رئي الجمهورية السابق ..
90 فى المائة من جماهير الحزب هم الختمية ولذلك من الطبيعى ان يخلف السيد الحسن والده السيد محمد عثمان الميرغنى متعه الله بالصحة والعافية فى رئاسة الحزب …
ده حزب فقط ناسوا تلاتة ارباعوا ارزقية مع الكيزان واول ناس قوا النظام من ايام الشريف الهندي في مدني لغاية الدقير واشراقة زغاريت
والربع الفضل مشارك معاهم زايد العوير العامل زي قدرة الفول
المرغني كان عاوز يحصل ناسو الفرصة معاه الان يا بلا اتحاديين بلا بطيح
ولا يكونوا دايرنا جاهزة
وهي خلافة الميرغني دايره مؤهل ؟
حاتم السر والا غيرو ماكلهم في الهوا سوا
لا تدخل اصابعك في الفتة الحارة
وهل مولاك مؤعلا لقيادة الحزب والطائفة ي رجعي وحسارة كل متعلم ومثقف يجري وراء مصالحة وليس لدية ايمان ولا عقيدة ولا مبدأ للحزب الله سبحانة وتعالي منحنا العقل لنميز ما بالكم من حملة شهادات عليا محامين ودكاترة يجرون وراء فكرة فطيرة يائره وترديد الراتب لياخذ الراتب النقدي
ما هذا التخلف و الغباء ماذا قدم الميرغنى او اسرته للسودان او المواطن السودانى حتى نشقل مخنا بهذه التفاهات ..؟؟؟؟هولأ هم السبب فى تخلف السودان وسبب الكارثة الحقيقية فيما نعيشه الآن .!!!!!!!!