شح في الدقيق بمطاحن ومخابز ولاية الخرطوم ومطالبات بتدخل السلطات

مامشكلا بناكل نيم مافارقه مع الشعب النايم فى العسل

إقتباس_
وكان وزير المالية “علي محمود” قال:((إن أي حديث عن غلاء في المعيشة في البلاد غير صحيح وأن السلع متوفرة في الأسواق وأن نسبة التضخم تراجعت من (46%) إلى (43%).)) .

هاهاهاهاها ..
فعلاً الفهم قسمة يا سيادة الوزير , حكاية إنه السلع متوفرة ما معناها إنه مافى غلاء فى الاسعار ..
ثم ثانياَ الناس ال بتشترى السلع المتوفرة دى هم قلة من الناس العندها قروش نهبوها من المال العام و هؤلاء لا تؤثرفيهم زيادة الأسعار وإرتفاعها .. (هم أنتم ومجموعات الطفيليين والنفعيين والأرزقية من حولكم) ..

وكمان مبسوط إنه نسبة التضخم تراجعت من (46%) إلى (43%) ؟؟
التضخم دة زاتو بوضح لو فى غلاء فى البلد أو مافى .. يعنى قريب من الخمسين فى المية من الجنية رايحة شمار فى مرقة , يعنى الجنية الكان بساوى مية قرش اصبح يساوى سبعة وخمسين قرش 100-43 ) , وبرضو سيادتو مُصر انو مافى غلاء !!

هى سوريا البلد الصغير الفيهو حرب دائرة لأكثر من سنتين التضخم فيها اليوم حسب منظمات الامم المتحدة تلاتة فى المية 3% مع كل الدمار والتدمير .. و وزير مالية الكيزان فرحان بنزول التضخم إلى 43% !!
دى عالم تخاف ماتختشيش … عالم لا تستحى .. وحسبنا الله ونعم الوكيل .. أللهم عجل بذهابهم اللهم ارنا فيهم عجائب قدرتك وعظمتكـ وعظيم سلطانك وجبروتكـ يارب العالمين , آمين آمين آمين .