بالتوسع الأفقي في مجال الضرائب.. وزير المالية يكشف عن حزمة تدابير لاستقرار الاقتصاد ومعالجة تداعيات اثر الانفصال
كشف وزير المالية والاقتصاد الوطني لدى لقائه مدير بنك (بيبلوس) د.فرنسوا باسيل أمس، عن حزمة تدابير يتم اتخاذها بهدف المحافظة على استدامة استقرار الاقتصاد ومعالجة تداعيات اثر الانفصال. وأكد حرص الدولة على استدامة الاستقرار الاقتصادي وسد الفجوة المتوقعة في جانب الإيرادات بخروج بترول الجنوب، وقال: إن ذلك يتم بالتوسع الأفقي في مجال الضرائب بتوسيع المظلة الضريبية، وخفض الإنفاق العام وترتيب الأولويات وتفعيل أداء القطاعات الإنتاجية وتنويع الإنتاج وزيادة النشاط الاستكشافي للبترول في الشمال، وتوقع أن يسهم البرنامج الإسعافي الاقتصادي الذي تم وضعه للثلاث سنوات القادمة في امتصاص الآثار المتوقعة للانفصال حتى يتم تجاوز المرحلة بسلام. وبعث الوزير بتطمينات للمستثمرين مفادها التزام الدولة بالمحافظة على استدامة الاستقرار الاقتصادي وضمان ذلك. وأكد فرانسوا، استعداد البنك للإسهام في دفع عجلة التنمية في السودان بتوسع أعماله والإسهام في تمويل القطاعات الإنتاجية.
الاخبار
[ALIGN=CENTER]
[/ALIGN]
إن ذلك يتم بالتوسع الأفقي في مجال الضرائب بتوسيع المظلة الضريبية، وخفض الإنفاق العام وترتيب الأولويات وتفعيل أداء القطاعات الإنتاجية
وعواســـــــــــــــــــة الكســـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــرة
الزول الوهم دا لسى ما إستقال .
التوسع الأفقي في مجال الضرائب — يا سلام عليك يا وزير الكسره
وزير المالية ده مشكلة كبيرة جدا
انتو عارفين معنى كلامو ده انو حايضاعف الضرائب على الناس بمعنى ان تدفع ضريبة على ما كنت تدفع عليه ضريبة اصلا لانو اساسا المظلة الضريبية واصلة لكل اطراف النشاط الاقتصادى من المصانع الى بائعات الشاى بأطراف الشوارع
أها تانى يوسع المظلة الضريبية وين؟؟؟؟؟؟؟؟؟؟؟؟؟؟؟؟؟
هو وزير المالية ده مانفسو الوقع العقد مع عثمان حمد بما فيهو فقرة دفع الضرائب عن المستفيد المذكور سالفا ؟؟؟؟؟؟؟؟؟
طيب الأحق بالاعفاء من الضريبة ناس عثمان حمد ولا بتاع الكارو البجيب الموية للناس العطشانة فى برى القطعها عنهم الباشمهندس خالد حسن ابراهيم الذى رفض أن يستقيل خوفا من التولى يوم الزحف؟؟؟؟؟؟؟؟؟
بالمناسبة يا تو زحف البقصدو مدير هيئة المياه
يا ناس
أنا أقترح تسميته تاني ب مبدد المال العام أو راعي نهب واختلاس المال العام أو موقع عقود المال العام الفاسدة أو حرامي العواسة والكسرة والقراصة في كل ماينشر عنه من مواضيع وتصريحات لأنه لايستحق أن يوصف بوزير وكمان لوزارة المالية
ضريبه على الكسره
ياها دي المحرية فيك قال توسيع المظلة الضريبية هو فضل شنو عشان تشيلوهو من الناس والله ما فضل الا تشيلو ضريبة الموت.. يضربكم الضريب كسار العناقريب
بدل الزنقة والجرسة دي ما كنت تنقبوا البترول في الشمال من زمان وتخفضوا الانفاق العام من بدري خالص بدل التوبة ساعة الغرغرة .
يا اخوانا ما يمر به الوطن من ازمات وبلاوي تسبب فيها المؤتمر الوثني تتطلب منا عمل جبار فيه تضحية بالنفس من اجل ازالة النظام والا فلن ترى اعينكم الا النور … ثورة ثورة حتى النصر ….
يعني علشان قال ليكم اكلو الكسرة تقعدو في الصاج طوالي ياالشفيع انت دا ود الراهبات و
مابيعرف الحاجات دي (لكن بيني وبينك يستاهل اكتر من كدا ) المحيرني بكذب كذب كباااااااار جنس قنابل :crazy:
لن تتمكن ياسعادة الوزي من التوسع الافقي لزيادة الايرادات وستقع في دوامة الاستدانة من الجهاز المصرفي الخرب
الحل براحة ياسعادتك1-
1-اعادة الحياة للمشاريع الزراعية المروية
2- اعادة هيكلة وزارة الزراعة حتي تتمكن من اعادة كوادرها المقتدرة التي تم التخلص منها بحجة الصالح العام
3-انتشال القطاع الالي المطري من كبوته واعادة الحياة للمزارع الارشادية التي كانت تمتلكها الدولة في اقدي وهبيلا وسمسم
4- التخلض من الكارثة المسماة النهضة الزراعية والحاق منسوبيها بالقوات المشتركة او سجن العدلي
5- انهاء حالة الازدواجية يعني ياوزارة زراعة يانهضة
6-ا
الاخ نصرالدين من السعودية – تعليقك ممتاز – الضريبة الراسية هى ضريبة عن ضريبة – يعنى ضريبة مركبة – و انت مغترب عليك أن تتوقع ضرائب أشكال والوان لأن المغتربين سوف يعوضون العجز الحاصل عن فقد عائدات بترول الجنوب – شد حيلك والله يعينك 0
الضرائب الباهظة والقسوة في جمعها……. يتخيل فى سنة كم كده ما عارف درسونا انو من اسباب قيام الثورة المهدية الضرائب الباهظة والقسوة في جمعها
يا وزير المالية انتو ما بتخافوا من الشعب السوداني ده كلو كلو؟ ما كل هذه الجراءة علي الشعب السوداني…وما كل هذا الخنوع يا سودانيين.. والله النقاذ مسحت بيكم الارض … الانقاذ بتحتقركم وتزدريكم… مش قالوا ليكم الراجل يطلع الشارع
راجل منافق