أميرة الفاضل تقول انها رفعت الحد الادنى للمعاش الى 350 جنيه
الخرطوم(smc)
أعلنت وزارة الرعاية والضمان الاجتماعي عن حزم متكاملة لآليات الضمان الاجتماعي لدعم الشرائح الضعيفة والفقراء لامتصاص القرارات الاقتصادية المرتقبة تتمثل فى رفع الحد الأدنى للمعاشات إلى 350 جنيها ودعم 250 ألف أسرة فقيرة لهذا العام وكفالة 100 ألف طالب جامعي جديد وإدخال 150 ألف مواطن جديد تحت مظلة التأمين الصحي بتكلفة كلية تبلغ 828 مليون جنيه.
وقالت وزيرة الرعاية والضمان الاجتماعي الأستاذة أميرة الفاضل فى تصريح لـ(smc) إن عدد الأسر المستهدفة لهذة الحزمة يبلغ مليون ومائة ألف أسرة بكل ولايات السودان ولكنها شددت على أن برامج توعوية بالتنسيق مع منظمات المجتمع المدني تهدف إلى تغيير النمط الاستهلاكي البزخي فى الغذاء والكساء والمناسبات الاجتماعية وإحياء قيم التكافل والتراحم وتفعيل المسؤولية الاجتماعية لا يقل أهمية عن هذه الحزمة من الدعم الاجتماعي المقدم للشرائح الضعيفة.
بالله عليك ما بتستحي من كلامك ده .. 350 جنيه وبتقولي الناس تغيير النمط الاستهلاكي البزخي فى الغذاء والكساء والمناسبات الاجتماعية..!!؟ بس دقيقه أسألك انتي عايشه في ياتو بلد .؟!
بالمناسبة الـ 350 جنيه بتاعتك القالبه بيها هوبه دي مابتمسك الأسرة الصغيرة لأسبوع تقولي رفعنا الحد الأدني لي 350 جنيه..؟!وفرحانه كمان زي كأنك اخترعتي العجلة.
تعرفي المبلغ ده بالريال بساوي 175 ريال بسعر السوق .. ولو اديتيها لي أتفه بنغالي بغسل عربات كراتب شهري بجدعا ليك في وشك وبقول ليك كلام بالاوردو انا اترفع اني اكتبو هنا..!
التأمين الاجتماعي في السودان بقى تاجر يضارب في السوق ويستثمر ويبني في الأبراج بحقوق الغلابة والمستضعفين..المعاشي الذي خدم وطنه ومواطنيه سنين العمر يأتي ذليلاً خائر القوي يستجدي هذا المبلغ البائس استجداء وكانها منة او منحة وليست حق.. حسبي الله ونعم الوكيل عليكم.
حاولي أستاذة أميرة قسمة الـ 350 على 30 يوما لاسرة مكونة خمس أفراد. يكون نصيب الفرد جنيهين وربع يعني نصف دولار. وربك الساتر.
الكلام ده كلو ماينفع تخديرللناس
هل افهم من ذلك ان كل المعاشيين ما قبل 1995م بمختلف درجاتهم عند التقاعد سيصرفون مبلغ 350 جنية؟ لانهم جميعا يصرفون اقل منذلك.
ارجو ان احظي بالرد.
والله انت وزيرة غبية جدا جدا… مرتب معلم فى وزارة التربية والتعليم بعادل واحد جوال سكر فقط… انكم تضحكون على هذا الشعب السازج الشعب الذى كل كبت وافقر .. كلما صاح سير سير يا بشكير ولكن الان حصص الحق بالله عليك يا اميرة انت بتصرفى كم فى اليوم مش فى اشهر والله ماتصرفيه فى اليوم يكفى خمسمائة اسرة فقيرة من شعب بلادى.. قومى برا حد ادنى من الاجوار ..خلاص الفيلم قرب يا شبيهة وداد
رفع الحدالادنى للمعاشات من 300 جنيه الى 350 جنيه … بزيادة 50 جنية تساوي اقل ثمانية دولارات وهي تكفي بالكاد لشراء كيلو وربع الكيلو من اللحم …
غشمني بالحلق قمتا قديت اضاني او كما يقولون في شمال الوادي المهم ايها الموظف والعامل البسيط لا تجزع وما تخاف من الايام معاشك حيكون أكبر من راتبك!!! بالله عليكم ما قيمة الـ ٣٥٠ جنية في ايامنا هذا ألا تعلم هذه الاميرة الانطوانيتية ان ٩٠٪ من هذا المبلغ بالكاد تكفي لشراء الخبز الحاف لأسرة مكونة من خمس اشخاص في الشهر؟ومع ذلك ان صح الخبر أعتقد بأن كثيرين سوف يتقدمون بطلب المعاش الحكومي المبكر وذلك اما لانهم يتقاضون أقل من هذا المبلغ أو مايعادله
350 جنيه
تمباك ما يكفى و اتفه انواع التمباك
أميرة الفاضل عندها (كرت اصفر) حقو تشوف ليها صندوق (ختة) تدخل فيه – وتسجل اسمها في الضمان الاجتماعي مين عارف المصائر – دا كله كوم وشماتة قمر هباني كوم
بالمناسبة التأمين الصحي دة اكبر أكدوبة في عهد الانقاد وأنتو ناس كدابين وبتضحكوا على الشعب السوداني
دى (…….) التوب اللبساهو ده …سعره يساوى الحد الأدنى للمعاشات
قالت فى كل السودان الأسر المستهدف فى برنامج الرعاية يبلغ مليون أسرة…يا ولية خافى الله لو كنتى بتعرفيهو
خافي الله شوال السكر بقي 300 جنيه
350 دي ي استاذه ماجايه من تلتلت الشغل والمصاريف والمواصلات خليكم ناس عادلين عشان الشعب السوداني قرب يخلي ليكم البلد
يعنى يشترى بيها كبريته يحرق بيها نفسو ولا شنو ؟؟
صراحة – جميلة ؟؟؟؟؟؟؟؟؟؟؟؟
بصراحة وبدون زعل دا كلام دا مقرف.
كاذبة كاذبة كاذبة الحد الادنى للمعاش 150 جينة زائد منحة الرئيس 100 اصبح المعاش 250 جينة لحدى معاش مايو التم صرفه يقال ان الرئيس سيمنح منحة جديدة 100 جينة ايضا ستضاف كمنحة للمعاش ولكن يظل الحد الادنى كما هو 150 جينة فقط يا كذابة انشاء الله تكتبى عند الله كاذبة
يا استاذه يا محترمة قلت تغير النمط الاستهلاكي البزخي في الغذاء والكساء . انت ممكن تغيري لينا النمط الكسائ احلف وابصم بالعشرة من عينتي وزيرة وشفتك في التلفزيون ما كررتي ثوب هل كلامي دا صح يا جماعة الخير .
مرتبات موظفى الدولة والمعاشيين دعوة من الحكومة لشعبها لممارسة الرشوة والفساد المالى والاخلاقى وكل شىء قبيح ويقولوا ان حكمهم لله وتطبيقا لشرعه!!! بالله شفتوا ليكم ناس اكذب واتفه واحقر من ناس الانقاذ؟؟؟انا غايتو ما شفت وما اظن انه ح اشوف اوسخ من كده!!!!!