اتفاق بين الخرطوم وسيول لاستجلاب 500 بص ماركة دايو

القالوهو إنو وقفو إستيراد العربات المستعملة لأنها بتستهلك إسبيرات كثيرة وقلنا قرار جيد بس لما يمشى يجيب بصات دبى المنتهية الصلاحية عشان الكوميشنات وبعد شهرين تتملى الزريبة بصات هكر دا ما تمام ودا الفساد بعينه والبتحرمه الدوله على المواطن ما تقوم وتسلكه هى وع إضافة أن العربة الصالون إستعمال شخص واحد وبحافظ عليها مش زى عربية الحكومة البكسروها الناس ويقول ليك عربية حكومة ناسى الغبى إنها من دمه ودم أهله، ما كتير على الشعب السودانى بصات جديدة ولاسيما إنو من أكثر الشعوب دفعاً للأتاوات الحكومية لكن الفيهو داء ما بطلو وحرامية الإنقاذ مصرين ياكلو السودان لغاية نفخ الصور لعنهم الله وذادهم فقراً ومرضاً

بصات دايو وبصات سامسونج وبصات هيونداى والبصات الصينية عمرها بسيط وتستهلك الوقود والاسبيرات وعمرها الافتراضى لايتعدى السنتان فقط عن تجربة غير الضوضاء والازعاج لمحركاتها على الطريق – ونصيحتى استيراد عدد (200) باص ماركة ( مرسيدس ) أو ( ماركة مان ) أفيد وأضمن لطبيعة وجو السودان لانها متينة وتخدم لفترة طويلة بدلا عن ال500 باص دايو- وصناعات دول شرق أسيا ما تنفع بتاتا – وحكومة الولاية كان الاجدى أن تعمل دراسة جدوى للمشروع بدلا من سياسة التخبط والحفاظ على أموال الشعب في مشاريع مفيدة ومضمونة – والله من وراء القصد .

مرضتونا يادولة الفساد ………. ماقلتوا بتصنعوا بصات في جياد بتاعكم دي …….ولا دي سمسره لاحد منسوبيكم

ما شايفين المرسيدس ؟ …. حليل ابو رجيله والزمن الحلو …. القلبان في السودان يركب مرسيدس وتكلم انجليزي ويلبس ايطالي

جننتونا كوريا والصين لا تصدر الا النفايات

مشى المتعافن وجاءالخضر وفضل ان يذهب بنفسه عسى ولعل ان يتحصل على شوية كوميشن. الا يوجد فى حكومة ولاليته من يقوم بهذه المهمة؟. ناس وصلت مرحلة المترو ونحن والينا ماشى يشترى البصات المستعملة|||….