وزير المالية يشيد بتفهم السودانيين لدواعي إتخاذ الإجراءات الاقتصادية الأخيرة

دا بيهضرب ولا شنو الوزير دا ، منو القال ليهو ان السودانيين متقبلين الكلام دا ، أنا ما عارف الناس بتظل تكضب على الشعب السوداني المسكين دا لمتين ؟؟؟؟؟؟؟
والله البيمع السلوك الاستهلاكي يقول السودانيين ديل بيأكلوا في المحمر وفي المشمر

دااغلب بل أكثر من 97% لو ما كان 99% من السودانيين أكلهم التالي :

الفطور – كسرة بي موية لو ماكان ملاح ويكة

بعدو كباية شاي

الغداء – لو ما كان باس يكون نفس الملاح بتاع الفطور

العشاء – فول أو فتة فول

وكضاب من يقول غير ذلك …….

وفي أسر ما لاقية تأكل

وا حسرتي على بلدي وصدق الطيب صالح حينما قال " من أين أتوا هؤلاء "

حليل السودانيين ___ قال اتفهموا الاجراءات الاقتصادية!!!!! ديل ماممتفهمين أى حاجة

الشعب السودانى مات من زمان ___ الشعب السودانى عملوا ليه غسيل مخ وقتلوا فيه

روح الثورة والاحتجاج __أصبح يبصم بالموافقة على أى شىء__ يرفعوا الاسعار

وفى اليوم التالى يخرجون للرقيص مع رقاص النظام ____

هذا شعب الانقاذ ____ اما السودانيون الحقيقيون اكتفوا بالفرجة من بعيد والتزموا

بيوتهم والجرى وراء لقمة العيش سواء داخل السودان أوخارجه ____

لكن لن يطول السكوت ______

بسم الله الرحمن الرحيم

الشعب السودانى ستراه قريبا ياوزير المالية

ولنا فى شعب الجزائر وشعب تونس أسوة حسنة

فالتهب كل الشعوب العربية لازاحة الطواغيت الجاثمة على صدورها

شعب سوداني قال متفهم بعدين النلس الطلعو للشير ديل كلهم كيزان مادايره عبقريه مافي مواطن دايركم الناس بطنه طمت لكن خايفين

يا سيادة الوزير انت شكلك مغشوش والله الشعب مشغول في عيشو وعيالو واكتر واحد مرطب فطورو وعشاهو فول والغده اي طبيخ او ملاح بمرقة جداد لو سمعت بيها ويقعد في التلاجه وياكلو فيهو لمدة اسبوع ( اتفهمو قال)

كل بلاوي المواطن السوداني سببها الضرائب والرسوم والجبايات .. أما التنمية والنهضة المزعومة فلا توازي ما يتم جبايته من المواطن (قسراً) بل إنها لا تمثل ما نسبته 20% من المبالغ التي تجمع منه وحتى أن هذه الـ 20% يتم إنفاقها في مشاريع تنموية أو بنى تحتية أو غيرها ولكنها تفتقد لأدنى المواصفات او تكون الاستفادة منها برسوم مثل عمود الكهرباء وعداد الجمرة (من دقنو وفتلو) وكمثال آخر عشان تستفيد من خدمة معينة تقدمها الدولة يخبروك بأنها عندنا مجانية لكن جيب خلو طرف من الإدارة الفلانية وتمشي وتلقاها بفلوس مضاعفة (يعني يلبسوك الطاقية) .. يبقى السؤال المحير وين الـ 80 % أنا ما بفسر والعارف ما يقصر ويقول سيدنا إمام المرسلين (ص) (اللهم من ولي أمر من امور امتي فشق عليهم اللهم فاشقق عليه) وحسبنا الله ونعم الوكيل

البشير فاقد السلطة والأهلية زااااااااااتو ما يقدر يسوى حاجة ويكفي أنه قبل ذلك الغى الكثير من الضرائب والرسوم والجبايات وهو يعلم أن الكثير من المسئولين لن ينفذوا قراراته أو أنهم سيجدون طريقة اخرى لتحصيلها مع تغيير المسمى او تغيير الجهة التي تقوم بالتحصيل أو تغيير الوعاء الضريبي … وكمثال على ذلك عندما يطلب المواطن خدمة معينة من جهة حكومية صدر قرار لها بإلغاء رسوم معينة فعندما يذهب الى هذا المرفق الحكومي لا يدفع شيئا تنفيذا لقرار الرئيس ولكن تطلب منه هذه الجهة الحكومية احضار خلو طرف (لم يكن موجود قبل قرار الإلغاء) من جهة حكومية اخرى ويمشي عشان يجيب خلو الطرف ويجد في انتظاره رسوم مضاعفة يعني يلبسوا المواطن الطاقية بل ويتم مضاعفة الرسوم يعني بالمختصر المفيد اي قرار يصدر في ظاهره مصلحة المواطن إنما هو وبال ومصيبة تدبر له في الخفاء وهذة هي سياسة المشروع الغير حضاري غش وتدليس وتجويع كذب وتجويع وتجويع وتجويع ونحن لا نقول إلا … حسبنا الله ونعم الوكيل.

ياوزير الشوم المنطق بيقوليك من الاحسن المواطن الضعيف يتحمل هذه الزيادات ام الافضل تخفيض هؤلاء الحراميه من الوزراء والمستشارين اصحاب المرتبات الضخمه والعمارات الفارهه والعربات الباهظة الثمن ايهما افضل للمواطن ام انكم تريدون لهذا المواطن ان يذهب الي الجحيم الذي فرضتموهوا علينا نسال الله ان تدخلوهوا في الاخره

يا سبحان الله !!!! ربنا يضع سره في أضعف خلقه

الحكومة أكثر من عشرين عام لم تقدر علي ( قفة الملاح )

حكومة بحالها من رئيس ووزراء ومستشارين و ولاة وتابعيهم لم يقدروا علي هزيمة (

قفة الملاح ) والتي تتكون من عدة ( طماطمات ) ونصف أو ربع لحمة وشوية خضار ,,

ليس من المستغرب في أن تخفق الحكومة في الحفاظ علي المساحة التي تحكمها!!

إتقى الله فينا يا رجل
الشعب ليس بمتفهم لدواعى الزيادات وإنما لا يقوى على مناهضتكم لإنه جائع:mad:

أمس يطلع محمد عطا الأمنجى يتكلم عن وعى الشعب واليوم يمتدح وزير الكسرة تفهم الشعب فاهمين حاجة ياجماعة الخير ديل خايفين ومرتبكين ونقول لوزير الكسرة الشعب لامتفهم ولامقدر الشعب يغلى ووصلت معاه للحلق وحينفجر فى اى لحظة كما أنفجر الشعب التونسى والشعب الجزائرى :mad: :mad: :mad: :mad: :mad: :mad: :mad: :mad:

سعر طن الأسمنت المستورد أرخص من المحلي عشان كده زودنا الرسوم علي المستورد (طيب وبعدين؟) ولأنو سعر السكر المستورد أغلي من السكر المحلي زودنا المحلي ( ده مش كلامي وانما كلام وزير المالية بس انا لميتو علي بعض) وكمان قال بيكلف جوال السكر 200 جنيه(50 كيلو) ولم يذكر سعر الطن العالمي؟ (عارفينو طبعاً) وارجو ان تكونو فهمتو وتفهمتو يا متفهمين المنطق الأعرج لوزير المالية والذي يصلح فقط لجلسات الونسة بتاعت ماري انطوانيت أو المساكين وضعفاء العقول في ضل الضحي أو أهلنا المساكين في قرية نائية مكتفية ذاتياً من الويكة (أم شعيفة) والفتريتة ومريحين بالهم . والامر الثاني المحير هو جلوس السيد الوزير مع اصحاب العمل لتقدير التكلفة المتوقعة علي اسعار النقل وقالوا 2%!!!! طبعاً الفيلم مكرر وتبرير مالايمكن تبريره وحتي غير المتابع والبسيط يعلم خطل مثل هذا الحديث والدليل اصطدام الناس بالزيادات نتيجة لذلك (50% والعهدة علي التلفزيون الرسمي للسودان) وطبعاً جلس مع اتحاد المزارعين وما فيش تأثير علي الزراعة ولا أدري هل تبقي شئ لنقول له وداعاً بعد خروج الطماطم من المعادلة (أكلو نيم ولا أقصد القول المعروف وأقصد شجرة النيم ). سؤالي بسيط جداً وهو لما وصلت اسعار البترول 12 دولار لما لم تخفض وزارة المالية اسعار الوقود كما تفعل أمريكا التي تستشهد بها بطريقة مخجلة وأنت تسبها في كل مناسبة فضلاً عن أن هذا الحديث لا يليق بمن هو في منصبك وذلك امر مخجل لنا كمواطنين في وش العالم وقال سعر الجالون بتاع البنزين عالمياً 17 جنيه يعني قرابة 6 دولارات بسعر السوق فهل يا تري وصل سعر جالون البنزين في أمريكا 6 دولارات كما تدعي ولا نسيت كلامك في أول الحديث عن أمريكا؟.