لص يتسوّر منزل نافع ويسرق مشغولات ذهبية قيمتها بالملايين

لو قام هذا اللص بتغيير فكرة السرقة وضرب هذا الكلب المانافع بمنفلة في رأسه لأصبح الآن بطل السودان الأول ، ولكن أعتقد أنه كوز مثلثه مثل البشير وعصابته، لا يهتم في هذه الدنيا إلا بسرقة الأموال .

هنيئا مريئا حلال عليك. و إنشاء لله ما رتجع.

80 الف جنيه! ده ممكن يكون سلسل بس

نافع حريف ما بخت الذهب في البنوك ،أقل كركبة بشيل الذهب حقه وبهرب.أهو الذهب المستخرج كله موزع بينهم ،اتقاسموه زي قروش البترول.
الكيزان وما يهوون قطبي المهدي مخبئ العملات الأجنبية بداره ونافع فضل الذهب على العملات الأجنبية وخزنه بداره الحالتين تم كشفهما وفضحهما بواسطة اللصوص.
تخيلوا معي هذا المشهد….
نافع صحى من نومه ووجد نفسه أمام هذا اللص وجها لوجه بداخل بيته هل سيعتبر نافع هذا اللص…..:
أختاروا احدى الإجابة الصحيحة:
١-جاء اللص ليسلم عليه
٢-جاء اللص ليسرقه
٣-جاء اللص ليقتله
😂😂😂😂😂

يسمي هذا باللص الظريف، يسرق من اللصوص ويوزع علي الفقراء ، بعدين ياخوانا منو اسي عندو دهب ودولارات وملايين غير كبار اللصوص لو شئت لبن الطير لوجدته حاضر عندهم ، مفروض الواحد منهم يختشي ويستحي حينما تسرق منه الثروات المكنزه من الذهب والفضه في زمن المجاعه والقحط ونقص الادويه

بصراحة انا مندهش شديد….!!! اول مرة في حياة اقرأ عن لص لحس كوعه

برافو للسرقة المسكين
تستاهل جوائز الطيب ود ضحوية و كمان وسام ابسريجا برا ومن كافة تجمع الهمباته فى السودان من السلطنة الزقاء لغاية عهد المجرم الرقاص الفاسد المفسد المستبد القاتل الجبان

هذا الذهب بسيط وقيمته بسيطة وهو في حدود 5 جرامات وانا اتوقع ان يقوم السيد نافع على نافع بالعفو عن اللص وهو اكبر من ذلك عسى ان يتوب اللص ولان البلد مصابة بالوباء وبعض العسر وعلى الجميع ان يعفو حتى يعفى الله عنا جميعا لان مثل هذه الضوائق اذا لم يلزم الجميع الاستغفار والشكر والحمد نخشى ان يحيق بنا اكثر من ذلك فعلينا ان ننظر الى انفسنا اولا ماذا فعلنا وفي الامم السابقة لنا عبرة وفي الشعوب اليوم من جيراننا لنا عبرة فهل نعتبر قبل فوات الاوان ؟

اللص هين .. فاليستعد نافع ليوم أسود يحيط فيه الثوار بقصره المنيف، عندها سيكون سعيد الحظ لو خرج “بالعراقي والبرطوش”.

رسالة تحزيرية الى المدعو ضار على ضار من الانشقاق اودخول قافلة المعارضة ، المعترضين الى ترشيح الدكتاتور . وهى بوادر صراع الاجنحة بين نخب التنظيم وكيف يسرق منزل رئيس جهاز الامن سابق اتخوف يكون نهاية (( نافع )) مثل الزبير – خليفة – شمس الدين

سرقة السارق نعمة من الخالق.

إحترامي للحرامي
صاحب المجد العصامي
صبر مع حنكة وحيطة

وابتدا بسرقة بسيطة
وبعدها سرقة بسيطة
وبعدها تعدى محيطه
وصار في الصف الأمامي
احترامي للحرامي ..

صاحب النفس العفيفه
صاحب اليد النظيفه
جاب هالثروة المخيفة
من معاشه في الوظيفة
وصار في الصف الأمامي
احترامي للحرامي ..

الليلة شيل شيلتك ابو العفين ده قبل كده اتسرقت منو نعجة كام قتل الزول وخلى بيضاتو اوملت .. الله يعينك

لص صغير سرق من لص كبير ـ المشكله وين ؟

الحرامي – للمغفور له بإذن الله / محجوب شريف

صحيت بالمؤذن

وحالتك تحزن

تبكّي الجبال ..

مرقت وسرقت وحصدت الوبال..

معكز ملكز بسيخة ونعال..

منتف مكتف بأغلظ حبال..

وغيرك يخّزن جميعالغلال ..

يهرب يخرب يسرب جمال ..

باسمه اللواري تهدالكباري

وتشق الرمال ..

سيادته بتدّبر شئونه الأماسي

يرش الحديقة ويرص الكراسي ..

وبين الغواني ورنين الخماسي

تعاين تشوفه بتقول دبلوماسي ..

يمضّي ويرضي ويعضي المحال

يلعلع ويشفط بحلقه الجداول

يحاول ويداول يساوم ويقاول

بيعرف يناول

حذارك تحاول

تعاكس تقــال ..

كمان لو تلاحظ صديقه المحافظ

وقالوا الملاحظ عيونه الجواحظ

تباري الريال ..

حليلك بتسرق غويشة (سفنجة) وملاية ..

وغيرك بيسرق خروف السماية ..

في واحد بيسرق تصدق ولاية ..

ودا أصل الحكاية

وضروري النضال

ضروري النضال ..

يا ريت لو لقاه راقد على بطنه وركبه فيو …

لص ويسرق لص كلهم لصوص ??????-الخ

الكاميرا سعرها 70 ريال شنو الترف والبزخ في الموضوع شكل الكاتب مستجد نعمه ؟؟؟؟؟؟؟؟؟؟؟؟

دخل اللص عندما علم أن هذا المنزل حلوب وفيه من الحليب الأبيض والذهب الأصفر وأخذ يرضع من هذا الثدي بحرمان وخرج شبعان يتضرع وأثبت الكمرا انه خرج وهو أشبه ببقرة حلوبة تضرع وليها ضرع.

دي البداية بس ، لسه حيسوء الوضع الامني اكتر واكتر، كميرات المراقبة الايام دي ما بتكلف شي

أكاذيب × أكاذيب

مسرحية سخيفة لايمكن لصا دخول منزل رئيس جهاز امن سابق مثل ، المدعو ضارعلى ضار المعروف بنافع عملية من تدبير رجال المخابرات . زر الرماد فى العيون طلاء فاضح او واحد من رسائل الى المنشق ضار بعدم الخروج من حظيرة النظام الا لك الهلاك ممكن ان ندخل بيتك ونخرج بدون عناء يا(( نافع )) وارجوع من خط معارضة دكتاتور بشير فى ترشحه لمرة المليون

نافع ما شغال بذهب دا حقو حولو ضان وجمال وماعز. رعويتو عندهم لاندكرزرات وتناكر والعلف بالبطاحات. .مراعي شرق النيل وجهات أم شديدة وبعلوك وعموم غرب الاتبراوي عدمت الأخضر واليابس

حلال بلال يا حرامى وعفارم عليك،،، سرقة لصوص المؤتمر الوطنى حلال وحبوبتى بتقول مال الحرام يا سِرق يا ِحِرق (بالكسرة).

قطبى المهدى
دكتور صابر
نافع
والسبحة تجر

80 ألف جنيه دي قروش؟!

السلام عليكم — لكم التحية– اذا اراد الله نشر فضيلة (دغمست) أتاح لها ( حكمة لص)- فتطاول من دخلوا الخرطوم في سبعينات القرن الماضي بشنط حديد بعد ان تسكعوا في الزمن الجميل ( يسكون) ركاب الدرجات العليا في قاطرات الانجليز الفاخرة للتصدق عليهم بالخبز وبقايا الطعام وهاهم اليوم يتخذون السياج الالكتروني لمنع الذين افقروهم من الوصول الي مقتنياتهم الثمينة من ذهب ودولارات وأراد الله نشر ( فضيلة) حركة الترابي واثرياء حربها فاتاح الله حكمة هذا اللص.

يذهب المال من كف الفتى من الباب الذي منه اتى
حرامي يسرق حرامي … بس الفرق
حرامي يسرق عشان يغنى و يسرق من مال الشعب الفقير و مال البلد … و حرامي يسرق من ثري حرامي عشان ياكل
حرامي يسرق باطمئنان بي سطوة السلطة و حماية الدولة و لا حد يساله .. و حرامي يتعب و يخاف و اذا قبضوه سيموت سحلا و تعذيبا

المشكلة الحرامي كيف عرف مكان الذهب بالذات التقول شايل معاهو جهاز…طبعا دي رسالة تحذيرية من جهاز الأمن لنافع لتصريحو الأخير ومعركة في ما بينهم.

لأول مرة يحدد حراميس صغير هدفه المستحق بدقة ويسرق من حرامي كبير

انت ما فاهمين حاجه
يعني معقول لص ينط بيت نافع ويصل لغاية الدهب دون انذار سرقة او كاميرات مراقبه ..وعرف محل الدهب كيف ..الا يكون نافع ساكن في راكوبه زي حقتكم دي..
أغلب الظن والله أعلم ان نافع قرر يشيل قروش التأمين العاملها ضد السرقة ورتب القصة القصيره دي وباكر حيمشي يشيل قروش التأمين كاملة غير منقوصه وبدون تأخير لان المدير صاحبوا.. شوف ليكم أخبار مفيده غير الهباله البتجيبو فيها دي.. هذا اذا افترضنا صحة الخبر أصلا

حرامي سرق حرامي والحرامي الكبير يجقلب . ان شاء الله يوم الحارة وينقلب الحال لحال . والله يا ابو العفين الا تشوف ليك بلد تتخارج ليه . خاصة في في رقبتك دموم وثارات من القريب قبل البعيد . السرقته ده كله الا تطرشو مال الحرام يا سرق يا حرق يا سرق يا حرق . الله ما يسلط عليك الا عارفك حرامي ود حرام تاكل السحت