البشير يبشرنا والوزير يخوفنا..نحن ما عارفين نصدق منو؟ ..نواب البرلمان يسخرون من دعوة وزير المالية للتقشف وعواسة الكسرة..سنأكل الكسرة ..ونترك هواية التزحلق على الجليد..!!
أم درمان : إيمان عبد الباقي
سخر نواب البرلمان أمس في جلسة للتداول حول خطاب رئيس الجمهورية الذي ألقاه أمام اللجنة التشريعية القومية، من دعوة وزير المالية للمواطنين بالتقشف وربط الأحزمة «والعودة لعواسة الكسرة» حال الانفصال وقالوا إن غالبية السودانيين تحت خط الفقر لذلك ربط الأحزمة طبيعي لديهم، كما بدا النواب زاهدين في تقارير وبيانات الوزراء التي يتلونها أمام البرلمان وقالوا إذا كانت خططهم لا تتلمس قضايا المواطنين وتعالجها فلا داعي لها. وأبدى هجو قسم السيد نائب رئيس المجلس الوطني استغرابه من حديث الوزير وقال إن رئيس الجمهورية يبشرنا في خطابه بوضع اقتصادي جيد ويأتي وزير المالية «ليخوفنا» نحن ما عارفين نصدق منو، مشيراً إلى أن 96% من السودانيين مصنفين تحت خط الفقر فكيف يدعوهم إلى ربط الأحزمة.
وأكد إبراهيم تمساح عضو المؤتمر الوطني أن المواطنين يشكون من الغلاء الطاحن وارتفاع الأسعار وقال إذا كان الوزراء لا يتلمسون الحالة المعيشية ويعالجونها في بياناتهم «فحقو ما يقدموا تقاريرهم للبرلمان».
ومن جانبه نبه عبد الجبار عبد الله عضو الوطني الجهاز التنفيذي إلى ضرورة فك الحظر عن المخزون الاستراتيجي وأكد عدم جدواه إذا لم ينداح للمواطنين لتخفيف الغلاء وطالب إبراهيم أبكر عضو الوطني بولاية غرب دارفور الحكومة بإعادة النظر في الأولويات ومحاربة المحسوبية والفساد بجانب وضع مسار استثنائي للتنمية في دارفور.
آخر لحظة
ـــــــــ.
يمكنك الضغط هنا للاطلاع على مقال :
[COLOR=blue]سنأكل الكسرة ..ونترك هواية التزحلق على الجليد..!![/COLOR] [URL]http://www.alrakoba.net/articles-action-show-id-2674.htm[/URL]
الزول الظاهر نسي نفسه ورجع بي خيالو الي ايام زمان ايام قبل ما يتلمع ويبقي ناعم حرام عليك كيف يرجعوا للكسرة واصلا الكسرة بقت اغلي من الرغيف بتاعكم
اتقي الله وربنا كفيل بعباده ورحيم بيهم
بس ما تنسي وتبقي تخطرف واسع لو جابو ليك كسرة معقول راح تاكلها وياريت يجيبوها ليك في قدح مع ملاح كول او ام تكشو لكن مصارينك ماراح تقبلها لانو اتعودت علي حاجات تانيه وبعدين راح يحصل انفصال داخل كرشك
انفصال شبكية وانفصال امعاء بعد الانفصام
ياوزير الهناء انت فاكر نفسك شنو انت بس بتنفذ سياسات وانت جالس بس ماتصرح ساكت اسمع كلامك عمك عبد الرحيم واتعلم منه
المؤتمرجية و المؤتمر البطنى شغالين تصريحات سااااااااى
نحن زاتنا يا جماعة بالغنا فى الترف يعنى شنو لو المواطن السودانى يخلى اجازتو السنوية ويتبرع بيها للانتاج بدل كل سودانى ماشى يصيف فى تايلند وسويسرا وتانى شى نحن كمواطنين سودانيين مفروض نبطل البعزقة البنعمل فيها دى يعنى شنو كل سودانى فى بيتو فى 5 عربات واقلاها سكوية 2011 ولييه الدولة تبنى ليك بيت بالتقسيط مدى الحياة ولييه العاطل يصرف راتب ولييه نتعالج برة وما نتعالج فى بلدنا ونخلى بلدنا يتعالجو فيها الصوماليين ولييه كل بيت فيهو 2 خدامة فلبينية و1 هندية و1 سيرلانكية و1 بنغالية ولييه سواق دنماركى مالهم الحبش رخيصين ياخى نحن شعب مبزر مفروض بدل ما نتقشف نموت ونريح الناس ديل . الناس دى بتتعب عشانة و كل وزير زهد فى الدنيا عشانة ونحن ما نستاهل شعب نمرود همو الاول والاخير انو يمشى يحضر افتتاح هوليود وكأس العالم و ديزنى ومهرجان كان ونحن بقينا فى خبر كان
اللهم اضرب الظالمين بالظالمين واخرجنا منهم سالمين
لله درك يا وطن
ابـــــــــوعـــــــــمــــــــر
والله الزول ده كذاب ومنافق والكسرة هو والحرامية المعاهو مابياكلوها في زول ساكن قصر بياكل كسرة والله اهل بيته مابكونوا سمعوا بحاجة اسمها كسره ومن وين الكسرة ذااااتها انتوا مشروع الجزيرة نهيتوه نتقشف نحن مامن زمان متقشفين وانت نايم في العسل وانتوا خليتوا لينا حزام نربطوا وبعدين ماعايزين اي اصلاح بعد ال 20 سنة عايزنكم تمشوا بس وانشاء تحكمنا امريكا والله احسن منكم
ابومروان كلامك صاح خلى الاصابة تغادر نحن عارفين نعيش كيف
دي إرهاصات زوال حكم الطغاة … هذا نفس المعنى الذي ردده جماعة مايو … الوزير ماهو سوداني هذا من المريخ …. يا أخي متى كنا مترفين حتى تدعونا للتقشف .. الدعوة يجب أن توجه لحكومتك لتقلل أوجه الصرف البالمقلوب .. فبند الأمن يجب أن يكون للتعليم والصحة ومعاشات الوزراء ومصروفات القصر كافية لدعم الغلابة ..
الجميل في الأمر أن نواب التزوير يعترفوا بالحقيقة في المجلس المخجوج .
جيتنا من وين ياسجم
يعنى………. الصباح نشرب الشاى مع اللبن بالكسرة
يعنى………. نفطر فى البيوت و المدارس و المكاتب بسندوتشات فول بالكسرة
يعنى………. والناس تامستطيعين ىاكلوا المربة و الطحنية والتونة والكبدة و السمك
…………. بالكسرة
ياخى تكسر رقبتك …… قول خير او اصمت
التضارب فى التصريحات اصبح سمة وزراء الحكومة خلال الفترة الاخيرة والتباين من وزير لوزير وتدخل وزير الشباب الجديد فى اختصاصات وزير الدفاع وتصريحاته اليومية بلسان الحكومة حتى اصبحنا نتساءل عن اختصاصات وزير الشباب ___ مع قناعتنا باهمال الشباب والرياضة فى عهد هذا الوزير لانشغاله بالتعبئة للحرب العالمية الثالثة !!!!
اما اعضاء البرلمان ماترجوا منهم خير _________ مؤتمر فى مؤتمر ______ ليهم يوم ____
المجلس الوطني المزور
لو كان يهمه مصلحة الشعب
لاسقط هولاء المسؤلين ووجه القضاء بمحاسبتهم
اهي نتائج الانتخابات المزوره
من هذا المنبر ادعو الشعب السوداني الحايفضل بدل التغشف الي ان يتجهو الي التشطف يعني بالدارجي كدا يشطفوا كورعينم النشفن من الجري عشان لقمة العيش ويقعدوا في العناقريب عشان يضربم الهمبريب لانو ما عندهم كوندشين :lool: :lool: :lool: الشكية لي غير الله مزلة
والله يا جماعة الخير انا من بلد مواسير المويه موصله فيها من سنة 56 يعني مع الاستقلال وفي الايام الفاتت دي المويه بقت تجي عباره عن صداء لونه اتقول شربووووت وبي جهد زاتي قررنا نغير الخطوط من حديد لي بلاستيك
المصيبه لم مشينه لي ناس الهيئه قالو هم نفسهم ما عارفين محل الشبكات الرئيسيه دي موقعه وين بالضبط هههههههههههههههه واتخيل اخر الشهر ارسلو ليك فاتوره وانذار بالقطع والسيد الوزير عايزنا نبطل التقشف البنعمل فيهو ده والله صحي ان شر البليه ما يضحك هههههههههههههههههه
يا ايمان كاتبة المقال …. طبعا نصدق الوزير …. لانو اخونا داك حلف كم مرة وحنث … والدنيا كلها شهدت … سيدنا الرئيس مشكلتو ما بشاور وزراء الاختصاص والمستشارين …. او ربما الجماعة ديل بكتبو لو الحاجات دي عن قصد عشان يهزو بيهو امام الناس … والريس معروف خلفيتو شنو … خلفيتو ما بتاهلو يقراء المالات الاقتصادية لحث قدر الانفصال … اما الوزير كتر خيرو … احسن كل واحد ينضف صاجو او يجيب ليهو صاج اضافي عشان ما يتفاجاء بان بنك السودان فلس وما عندو اعتمادات للقمح الاسترالي .. وبعدن ذرة القضارف ما بتنفع رغيف … بس المشكلة في ناس الخرطوم او الاتزوجو من الخرطوم زينا كدة … انحنا ما عرفين هل انحن سنعوس لنساوينا بنات الخرطوم ولا نقعد ناكل نيم … نريد من الوزير يصدر مرسوم بان العواصة من احتصاص النسوان فقط …. عند التغشف … وكدة نقدر نقنع نسوانا يبدوا في دحول مدارس تغليم العواسة من هسع … لانو الزمن بيقى ضيق شديد ..
ايد ان اسال الكاتبة ان كانت توافقني الراي … وهل هي نتعرف العواسة ولا حتعوصوليها …
بخت الكيزان العرسو مثنى وثلاث ورباع ؟؟؟ اتاريهم كان عارفين الجي شنو …
من وين الكسرة مع التقاوي الفاسدة والمبيدات الفاسدة والحكومة الفاسدة – قول بعد كدة تاكلو بعض
الكسرة مالها ياجماعة ما تربيتوا بيها والسودانيين تفننوا في صناعة الكسره في بلاد الغربة وفي البلاد المافيها ذره وعيش في اكريكا ستات الكسره قااااااعدين والسعودية والخليج وكل الدول الاوروبية والاسكندنافيه وراس الرجاء الصالح
خايفين ليه ما انتو هسه بي تشتروها بعد ما خليتو العواسه
اصله نحن مامتعودين على الدليفري والبيتزا شوفوا ناسكم نحن بنقدر على الكسرة والعصيده والكجيك
القصة ماقصة كسره القصة قصة كسره بفتح الكاف ياجماعة
انا بحب الكسرة باكلها بالفول كمان ما عندي مشكله لكن هم بكونوا حضروا المؤونه من بدري وخزنوا الجكن والقصص وكده يعني.
شعبي مسكين راح ضحية
وانت في اللامركزية
الوزارات خمسمية
وكل اقليم فيه مية
والمطيرة الجات شوية
والعرب فقدو السعية
وانت قاعد يا عطية
فيها متعنكل قرادة
وخاتي فوق كتفك جرادة
وانت ماجرب ولادة
وما مشيت يوم العيادة ونحن شاينا الشربنا سادة
انت جوه الدارة تنقز انت تنقز ونحن ننقز
كل نوبة وراها جاكي للدول داير تحاكي والديوك بوراك تكاكي
وهم يعوعوا وانت تنقز