إزدهار جمعة تختار السجن بدلا عن الوزارة

التحية لك استاذه ازدهار هكذا عهدناك وستظلين في ثباتك علي مبادئك….حب المبدأ يجعل سيدوا عبدا ليهو …ولابد سننتصر …

المشاهد التي تعرضها الراكوبة بالصورة والصوت هذه الايام فيها اشارة واضحة على أن الربيع العربي قادم لامحالة على النظام القمعي في الخرطوم، التحية للاستاذ ازدهار لمهندس جامعة النيلين، الخزي والعار لمن آثار السلطة في أيامه الاخيرة. وللشعب السودان اقول أن اكبر مهدد للسودان وشعبه البشير وحزبه.

التحية للمناضلة ازدهار والخزي والعار لكلاب الامن . قال ازدهار مهدد للامن الوطني .انتو خليتو فيها وطن خليتونا زي المتسولين في بلاد الغربة. الانقاذ هي المهدد الرئيسي لوطنا السودان لانهم ببساطة اشبه بالغريق الذي يتشبث بقشة .:mad: :mad: :mad: :mad: :mad: :mad: :mad:

التحية ليك ونرفع لكي القبعات وانتي تناضلي من اجل المهمشين لكي المجد والخلود ولا نامت اعين الجبناء الكيزان

لك تحية الابطال الشجعان الاستاذة اذدهار وصمودك واصرارك علي المسير في طريق النضال الحق لاجل المهمشين هو السبب الرئيس في ممارسة جهاز الامن التهديد والتخويف ضدك ولكن نحن سنقف خلفك وسنعمل بكل ما نستطيع لاجل حمايتك وسنعرض هذا الفيديو لكل المهتمين بشئون المراءة في حميع الدول التي تؤمن بالديمقراطية;) ;) ;)

( 1 )

غطى الجبال الليل
لكن هدير السيل
لكن صهيل الخيل
نار الغضب والجوع
تحت الجبل مسموع
يضووا عز الليل

( 2 )

والموج شديد الظلام
غطى الشهيد الهمام
لكن دماهو بتقيد
لكن طريقو المجيد
ابداً شديد الزحام
رايات ترفرف غمام
ينزل رزاز النشيد
والنجمة تلمع هناك
رغم المكان البعيد

( 3 )

والنهر عبر السنين
يزحف بعنف وبلين
في الليل بيلمع يبين
فارس بسيفو السنين
يحمينا حضنو الامين
نطلع بكتفوا الشمال
ننزل بكتفوا اليمين
لكنو مين يقدر يقول
أنا سيدو مين

( 4 )

في منحنى الدرب الطويل
الحبة تفلت من جراب
عابر سبيل مسكين هزيل
عطشان يموت في السكة
ما يتم الرحيل
تكبر تشيل تلبس جميل
تصبح مقيل عابر سبيل

( 5 )

عصفورة من أخر بلاد
في رحلة لي أخر بلاد
تعرف مواعيد الحصاد
وكل دورات الفصول
وأنضر ايام الحقول
وتعادي أسراب الجراد
وتنادي لوكركب زناد
صياد على العش والولاد

( 6 )

أنسانة ابسط ما يقال
لو صاح
اعز من النساوين الرجال
أنثى ولا دستة رجال
تمشي وما بتطأطي
ما بين بير وشاطي
تطلع عالي واطي
نهارها مع السواقي
وليلها مع الطواقي
وعمرها للجهال

( 7 )

والنملة في الصف العجيب
وعلى انفراد
نفس النشاط والأنضباط
نفس الحماس
تسعى وتجيب ولا من رقيب
ولا حتي في الأمر التباس
ولا في اختلاس
أحسن كتير من بعض ناس
ولا في اختلاس
وهيلا .. وهيلا هيلا .. هيلا
تلقى تفسها في سفينة
وهيلا .. وهيلا هيلا .. هيلا
تاني في شارع مدينة
والحكمة بنفس الحماس
تلقاها في الصف العجيب
كم مرة تهرب من مداس
من طفل عابث ومن لهيب
بالحبة تمسك في عناد
الحبة ملك الاتحاد

( 8 )

والحكمة في مر السحاب
والعلاقة البينو ما بين الجذور
واللسة في الباطن بذور
وغنا الطيور
والمعركة الدارت تصلصل
بسيوفها وبالحراب
والعلاقة البينو بين الغابة والهبابة
والربابة والمنديل
ومجرى النيل وضلفة باب
وبكية طفلة في الكتّاب
تفتش عن قلم رصاص
وقع في الباص
وحس رصاص هدر في ناحية
فيها العيش حكر للجيش
بتاكل من زمن مافيش
وتشرب من زمن مافيش
وكان اضراب

( 9 )

والشمس تطلع يبين
ادق ما في الجبال
تبدأ الموانئ العظيمة الهدور
وتصحى المصانه بيهمة وتدور
ووتملأ الشوارع وكل الجسور
وتشفى الصدور
جموع الشغيله خطاها ثقيلة
تخلى القصور تحس بالفتور
وحمى الزوال

( 10 )

تصحى المدينة
تقوم تستحم وتولع سيجارة
تدخن تسخن بشاى الصباح
وحق الملاح وسيد الجزارة
وتقعد تدندن تخيط زرارة
ترتق هدوما وتفتق هموما
وتسب الحكومة وتفن الريال
وتنفض سريعاً غبار النعال
وتنزل تواجه مشاكل عويصه
تشرّط قميصا وتدق العيال
ليه العيال يعيش النضال
يخلى الحكومة تدخن تسخن
بنار الكفاح
وتقعد تطنطن لحدي الصباح
بتطلع بتطلع حزينة وكتومة
تشرّط هدوما وتحش المصحة
يعيش الأصح يعيش النضال
وضروري النضال

أقسم بالله العظيم دي أعظم سودانية أنا أشوفا ف حياتي بغض النظر عن كونها من الحركة الشعبية أو غيرو أحيييييييييييييييييييييييييييك يا أزدهار

يا ناس الحركة قطاعكم في الجنوب هسه عملوا شنو لمهمشيهم نفس الشئ أي جهة في ها السودان المنكوب بس كدي يصل الكرسي ونرى العجب كفرنا بكل الشعارات بلا قديم بلا جديد
نضال جهاد كفاح شـــــــــــــــــــــــــــــعارات بس