قبل أن يرتحل الجبل
لاحول ولاقوة الا بالله العلي العظيم…
***- هذا اخر ماكنا نتوقعه في سودان المحن والمصائب، وان يهاجر الفنان العملاق الكبير عبدالكريم الكابلي السودان الي اميريكا في رحلة نهائية وبلا عودة – ON WAY TICKET – مخلفآ وراءه “الجمل بما حمل”، ولسانه حاله يقول لبلده ” ده طرفي منك”!!
كسلا الزمان كانت عسل
الجمال فى ربوعها إضمحل
لبست سواد عينيها إكتحل
لا عاد ربيع لا عاد خريف
و القاش كمان صابو المحل
و حتى الجبل لو فكًر رحل
و لسه بنقول أيه العمل
==============
فى التاريخ زمان
كم ماتت مدن
و أرض القاش خلاص
ما عادت جنة عدن
دى الليلة شابت
وإتناساها الزمن
فات الحنان فات الامان
فات الشجن
و برضو بنقول
أشكيك لِمنْ
وقِفْ خلاص يا (هادي)
ما تبكى الدُمنْ
================
تعال يا حلنقى وشوف براك
إيه الحصل فى جنة هواك
وين قاشك زمان
وينو الغمام الظلل سماك
لا توتيل تزورها
ولا السواقى بكت معاك
ومنقة كسلا الكان تدورها
الليلة باكية تفتش عن ضراك
