(1.5) مليار دولار حجم الاستثمارات الأجنبية المباشرة بالبلاد في الفترة من 2012م- 2014م
الخرطوم (سونا) – بلغ حجم الاستثمارات الأجنبية المباشرة التي دخلت البلاد في متوسطها للفترة من 2012م- 2014م حوالي (1.5) مليار دولار ومتوسط الاستثمارات الأخرى لنفس الفترة (2.7) مليار دولار وفق ما ذكر وزير المالية والاقتصاد الوطني بدرالدين محمود في استعراضه لموازنة عام 2015 في البرلمان مؤخرا .
وحسب التصنيف والترتيب فان التدفقات الاستثمارية اتجهت نحو القطاع الخدمى ، ويليه القطاع الصناعي ومن ثم الصناعى .
يهدف الجهاز القومى للاستثمار في خططه الى أن يصبح السودان منطقة جاذبة للاستثمار وذلك من خلال تهيئة مناخ استثمارى متمبز وانتهاج أساليب متقدمة في الترويج للفرص الاستثمارية المتاحة لجذب رؤوس الأموال المحلية والأجنبية .
ووفقا للتقارير الصادرة من البنك الدولى فإن حجم التدفقات الاستثمارية المباشرة للسودان في العام 2010 بلغت 2,063,730,998 دولارا وارتفعت في العام 2013 الى 2,179,116,544 دولار .
*********زي السمكة المقلبه ف الدقيق
المليار الواحد وخمسة من عشره يسمي استثمار هذا المبلغ يملكه بتاع بطيخ ولا ود عماري استثمار الاجانب كله ف المطاعم ومحلات الاسماك وف بلده لايسوي شئ عمله بائر تلك الوجبات المصنوعة ف مطابخهم تطبخ ف بيت اي مصري ولا سوري وهنا عنا ترف دخلنا العالمية وبرستيدجنا اصبح عالي لو ف مطاعم شارع المطار او غيره يفترض المعروض والغالي ف تلك المطاعم واصحابها المغمورين والغير معروفين لجيرانهم ببلادهم يفترض اي بنت او زوجة سودانية تطبخة لكن هن فاضيات لنقش الحناء والدخان ولبس الذهب والنميمة وكمان جابت ليها جلبيط وجة ي امات وض الواحده فيكن وشها ابيض زي السمكة المقلبه ف الدقيق
شوية كبابي وصحانه وشوك وسكاكين مفتكرينو مكعم عالمي
الطشاش فى بلد العمى شوف ……كل من جاء للاستثمار فى السودان نفد بجلده لما وجده من نهب مقنن من تماسيح الكيزان …بل والادهى والامر هروب الاستثمارات السودانية للخارج ولكم فى اثيوبيا التى بلغ حجم الاستثمارات السودانيه فيها ما تجاوز الاربعه مليار دولار …هذا غير اموال الكيزان المستثمره فى كافة القطاعات سيما قطاع المقاولات فى دبى والخليج عموما وماليزيا وتركيا …فحقو تحترموا نفسكم شوية وماتتكلموا فى حاجه انتو ماقدرها
اللبنانيين بتاعين الشورما والحلاقين الاتراك والباعة المتجولين من المصريين والصينيين والاندية الصحية التي تتستر فيها بيوت الدعارة
استثمارات شنو يا جماعة بدون بنية تحتية وشبكات مجاري وكهرباء وطرق مياه وسكة حديد وعلاج ودولار مستقر
الجماعة ديل بيحلموا
مصطفى عثمان بيكون حسب البيوت التي اشتراها السعوديين والسودانيين المغتربين
سلملي ع البشير
عليكم الله الحكومة دي عاقلة !!!!! مالقت غير الاهبل ابوجضوم الشحاد ده عشان يتكلم باسم الاستثمار مع الوليد بن طلال !!!!! ده اول حاجة حيتباكي ليهو و حيشحد منو علي الاقل 2 او 3 مليون دولار حيقول ليهو في قرية جات للموت وانا قادم منها وبعدها يدخل الفلوس في حسابه وياتي للسودان ويقول تمكنا من دفع البلاد الي مزيد من الاستثمار العربي وبتوفيق من رب العالمين , والله خربتو البلد بسبب بلاهتكم وشحدتكم الكتيرة دي