مركز حزب البشير الصحفي : إقبال واسع علي جناح هيئة التصنيع الحربي السودانية بالامارات
كتب مركز حزب البشير الصحفي
تواصلت فعاليات معرض ومؤتمر الدفاع الدولي ?آيدكس 2012? في مركز أبوظبي الوطني للمعارض وسط إقبال لافت من الزائرين والمختصين من مختلف دول العالم الذين تابعوا باهتمام مختلف المعروضات من المنتجات في مختلف الأجنحة، وعلى وجه الخصوص الجناح الخاص بهيئة التصنيع الحربي السودانية الذي تم تصنيفه كواحد من أكثر الأجنحة جذباً للزوار والضيوف الذين أعجبوا كثيراً بمحتويات المعرض من المنتجات الدفاعية المتنوعة التي عكست التطور الكبير الذي حققته الهيئة في مجال التصنيع الدفاعي مما أهلها لأخذ مكانها بين مصنعي المنتجات الدفاعية من شتي أنحاء العالم.
كما أعجبوا بالتصميم الفني لجناح الهيئة في المعرض ودقة التنظيم من جانب القائمين بأمره.وامتدت طوابير الزائرين لمعرض الآيدكس مسافات طويلة منذ اللحظة الأولى لفتح أبواب المعرض أمام الزائرين الذين ظلوا يتوافدون على المعرض طوال يوم أمس وصباح اليوم والذي يستمر حتى يوم بعد غد الخميس، حيث تمكنت اللجنة المنظمة من سرعة إنجاز طلبات الزائرين وتنظيم دخولهم إلى المعرض.
هذا وقد استمتع الحضور والزائرون أمس بالعروض الحية التي تضمنت عروضاً تراثية إماراتية وفعاليات عروض الخيالة والفرسان وعروضاً للطائرات الحربية والمقاتلات العمودية والآليات العسكرية التي قدمت خلال حفل الافتتاح وتمت إعادتها بعد ظهر أمس لإتاحة المجال أمام أكبر عدد من الزائرين لمشاهدتها . وحظيت الدورة الحادية عشرة من معرض ومؤتمر الدفاعي الدولي ?آيدكس 2013?، خلال اليوم الثاني على التوالي بإقبال لافت من الزوار الراغبين في الإطلاع علي آخر ما توصلت إليه التكنولوجيا العالمية في مجال الأسلحة.
وشهد الزوار بعض التجارب لإطلاق الأعيرة غير النارية من المسدسات والرشاشات والكلاشن كوف، على أهداف وهمية، من خلال شاشات عرض سنمائية كبيرة حولت ببعض الأجنحة في معرض ?آيدكس? لهذا العام إلى ساحات قتال قريبة للواقع، تصخب بأصوات طلقات المسدسات، والرشاشات .ويهدف المعرض الذي تنظمه دولة الإمارات العربية المتحدة الشقيقة كل عامين إلى تبادل الخبرات التقنية وتعزيز العلاقة بين المصنعين والمنتجين في هذا المجال الإستراتيجي إضافة إلي إبراز آخر ما توصلت له تكنولوجيا صناعة السلاح.
وتشارك هيئة التصنيع الحربي السودانية في هذا المعرض لأول مرة بجناح متكامل يعكس مجالات عملها وقدراتها ومنتجاتها الدفاعية المتعددة.
وقد تفوق الجناح السوداني عن غيره بعرض تقنية حديثة لم يسبق عرضها من قبل تستخدم حاليا وعلى نطاق واسع لحماية سيادة الاجواء السودانية وتعمل على رصد طائرات العدو والتنبيه لاعداد الرد بالسواطير
خليكم من الكلام النظري الفارغ دا يا وزير الدفاع ….السودان مهدد من الجنوب وحركات تمرد من الغرب وانتهاكات وخطف اطفال في الشرق وحلايب محتله في الشمال الشرقي وتقول ليا معرض
دا كلام فارغ وانصراف عن اداء الواجب وكيف تسمح الدولة بصرف اموال الشعب السوداني في هذا السفة والناس ومرضى الفشل الكلوي ما لاقين يغسلوا دا كلام فارغ وسفه
الصوارمي : أعلن الجيش السوداني، أن قوات تابعة للجيش الشعبي بدولة جنوب السودان … أن الأعداد الكبيرة للقوات المهاجمة ونقص الذخيرة أديا لانسحاب قوات الجيش للخلف ….. الفضل يعلن انسحاب الجيش بعد خوضه معركة في منطقة مفو بسبب قلة الذخيرة
ياللمبى معرض شنو انت جيشك ما عندوا ذخيرة وذلك على لسان الناطق الرسمى يا عالم اتقوا الله فى الامانه التى تحملونهاوفى هذا الشعب الصابر على سماع الكذب 24 سنه
طبعا الاقبال الشديد ربما يكون بسبب نظرية الدفاع بالنظر ونظرية الساطور – للاطلاع على تنفيذ نظرية وزير الدفاع الخاصة بالدفاع بالنظر عليكم فتح الرابط ادناه – وفور فتح الرابط مطلوب منك محاولة لمس أنف الشخص الذي يظهر امامك في الصورة باستخدام الماوس (الفأرة) ليتم تشغيل الدفاعات النظرية – وما تنسوا تدونا رايكم في النظرية بعد زيارة الرابط حيث ان حقوقها مسجلة باسم اللمبي
http://www.selfcontrolfreak.com/slaan.html
بالسلاح والحروب لم تحافظو علي وحدة السودان
الخليج عايزكم تكونو سلة غذاء يا فاشلين
صدرو اللحوم والبصل والفول اجدي لكم
دبابات تي 55 من الحرب العلمية الثانية,بلا صناعة بلا بطيخ,التصنيع الحربي في السودان من نشأته كان فساد وفلوس دخلت أرصدة بعض الأشخاص وأنا أعرفهم والحكومة تعلم ذلك وكثير من الشعب السوداني يعلم
توقيت ومصادفة غريبة فى الوقت البيشارك فيه السودان ممثلل فى هيئة التصنيع الحربى بمعرض مصنعى الاسلحة بدولة الامارات كمصنع للسلاح ونخرتوا فوق فى السماء نفس النخره دى ادعكت فى غاوا بالنيل الازرق لنقص الزخيرة .
انشا اللّه تلقو صفقة لبيع مقاتلات للجيش الكندي ,اكتر ناس يرتادو المعارض في الخليج السودانين عدم موضوع ويمكن الواحد يربح جائزة في سحب قرعة التذاكر ولقو في جناح سوداني يقولوا يمكن نلقى واحد نعرفوا ما سودانين.
وزير دفاع دولةعليا العظمي
لو جابو -اللمبي- لشرح عملية المراقبة بالنظر…. و-ابوساطور- لشرح تقنية استخدام السواطير، ما كان افضل، بدل عرض هكر من ايام الحرب العالمية الاولى،
هههههه لا تعليق
لاتعليق
قر قر قر قر قر
المواهيم ديل جابو ليهم موتور موية جديد لصقو ليهو مروحة وقعدو اكبرو وارقصو قال خلاس بقينا دولة عظمى وبنصنع طيارات اقعدو اشيطنو كدا لحدي ما يفكو ليكم طويويرتن تاني بلا طيار تنسيكم سفنجاتكم وتلحقكم امات طه وكل واحد امشي البد ليهو في قطية ولا بيت جالوص نحن عارفين اننا شعب فقير ومريض ومتخلف وضعيف واولوياتنا في التنمية البشرية اولا والاقتصادية والعلمية هي البتصنع القوة وتردع الطامعين ما احلام زلوط الساذجة حقتكم دي وكل سونكي احسن احسن يبقا مسطرينة
النماذج دي العاب اطفال في اي سوق موجودة
لو كنتوا فعلا بتصنعوا سلاح ما تمشوا تحرروا حلايب والفشقة ديل ؟
وليه فاصلين الجنوب الله يفصل عظامكم من ترابيكم لبشيركم يا خونة يا عملاء
سؤال بس انتوا النمازج المعروضه دي صناعه محليه و لا طلبيه خارجيه
طيب وكت عندكم دة كلو
ليه هربتو من مفو والكرمك
و الله منتهى السفه و تبديد أموال الشعب الغلبان على أنشطة إنصرافية و واقعنا بعيد عنها كل البعد لإرضاء قلة من الذين إحترفوا النصب و الوهم. شىء يموت من الغيظ و القهر خاتين ليهم شوية مجسمات من الكرتون لدبابات أكل عليها الدهر و شرب و أكيد كان هؤلاء المنافقين هم موضوع لتندر كل زوار المعرض.
كانوا على الأقل يكتبوا بالتفصيل عن المنتجات التى قاموا بتقديمها و يدعموا ذلك بالصور بدلا عن شوية كلام عام و فارغ و نحن عارفين البير و غطاها فى بلد يجاهد المواطن ليجد لقمة تسد رمقة أو حبة دواء تداوى علته. كثيرا ما يجد الإنسان يسأل نفسه ما الذى جنيناه حتى يعاقبنا الله بأمثال هؤلاء السفهاء الذين لا يرعون ذمة و لا دين.
حسبنا الله و نعم الوكيل
انا متأكد مية المية انو الجناح السودانى حيكون الاول فى الاقبال الجماهيرى. حيكون زحمة رهيبة جدا و الاعمى شايل المكسر لأنو الناس الجات دى كلها بتتسائل الجماعة ديل كل مرة ناطين لينافى حلقنا شى قروض و شى شحدة عديل و شى اغاثة يا ربى الجناح بتاعهم ده شكلو كيف و فيهو شنو؟؟؟
حاجه تفقع المرارة
على الناس أن تنتقد الأشياء السلبية في الحكومة أما أن كونه يكون بدايات متواضعة في الصناعة العسكرية فليس ذلك عيبا فالإنسان لازم يدخل سنة أولى عشان يتعلم، والمفروض أن هذه المنشأت ملك للوطن وليس لحزب الجبهة، ولا يجب أن نتهكم على بلدنا ونتبارى في السخرية منها. سلبية بلا حدود.
إلى كل ذي عقل بلدك تحتاج إلى أن تحمي ما بقي منها ومخطط التقسيم كان موجود قبل الإخوان وسيستمر بعدهم. وهذه الصناعة التي تضحكون عليها موجودة بالفعل بعون فني من دول أكثر تقدما، ولو لم تكن ذات أهمية فعلا فلماذا تجشمت إسرائيل المشاق وأرسلت مقاتلاتها آلاف الكيلومترات لضربها؟ فهل أنتم منتهون…
عايزين مصانع مواد غذائية زيوت مواد بناء الات زراعية وليس مصانع الموت لا نريداسلحة ولا حتى قوات مسلحة يوم واحد ما شفنا بلد حاربتنا نحن بنحارب في بعضنا بس
.. الناس المشت المعرض ده خمّوا (الذخيره) بتاعه (الصوارمي) ومشوا بيها (دبي) عشان كدا ما تلوموا الراجل .
هههههههههههههههههههههههههههاااااااااااااااااااااااااي , قال إقبال واسع في جناح المعرض السوداني قال , صدقناكم
زير دفاع النظام يعرض جبخانته (الفشنك) في دبي و مليشياته تُهزم وتولّي الأدبار في الكرمك لشّح (الذخيره) .. !!!!!!!
عرضوا ((سواطير)) ؟؟؟
اي تصنيع .. ووزير دفاع النظام غير قادر على شراء دبابات زي الناس . جاب لينا دبابات (خرده) لّما سألوهوا قعد يبكي !!!!!!
اتنتظرون من هؤلاء خيراً وتصنيعاً و قدرة على مواجهه احد ؟؟؟
هاهي مليشياتهم تولي الأدبار بالكرمك والسبب عدم وجود (زخيرة) ووزير الدفاع يعرض منتوجات مصنعه المزعوم بدبي !!!!!!
ويبدو ان الحاج آدم كان محقاً عندما تحدث لنا عن اعتماده على (السواطير) .. ورحم الله (زولاً) عرف قدر نفسه .
بالله عليكم شفتو شعب في العلم يتهكم على بلدو زى كلامكم الفارغ ده—-عيب عليكم –خالفو النظام كما تريدون —بس احترمو البلد وناس البلد —-والجيش البتتهكمو فيهو ده هو الحامي عرضكم —وورونا جيش في العالم بيحارب في المساحة والجبهات البيحارب فيها الجيش السوداني العظيم—-؟؟؟ اختشو شوية
احبك ياوطن وانت عزيز ,,, والله غالى ما رخيبص .. اتمنى ان تكون دائما شامخا و علمك يرفرف عاليابين الامم رغم انف الحاقدين … يحفظك الله ياوطنى وللامام باذن الله .أرجو النشر
بدل الطبنجة ما أحسن الكمنجة على الاقل بترقص !!!!!!!! خلاص يعنى الناس ماكلة وشاربة وهذا الناقص ؟؟؟؟؟؟؟؟؟؟؟؟؟؟؟؟؟؟؟؟؟
اذا كان الشاورما جبنا ليها خبراء سوريين والبقلاوة أتراك والفول المدمس سيدات من نايجيريا ونستورد اللبن من السعودية والبصل من إثيوبيا والنبق من الأمارات والخضروات من الأردن ؟؟؟ ليه يعني ما نصنع طائرات وننافس الصومال وتشاد ونهدد أمريكا وروسيا والصين وهلم جر ؟؟؟ ونحن عندنا الأسد النتر لو فكوهو لي إسرائيل ما يفضل فيهم واحد اليهود القدروا بينا نص الليل وضربونا خليهم يجوا تاني بالنهار ؟؟؟ والله أنا قاصد أبسط كتاب الراكوبة الفرحانين بصناعتنا العسكرية المتميزة ودامت أفراحكم جميعاً وعقبال السودان يصنع طائرات تجارية ذي البوينق الجديديدة 787 وننافس الخطوط الجوية الأماراتية ؟؟؟ واللبيب بالإشارة يفهم ؟؟؟