النقيب أبوزيد

******* غلفاء شايلة موسها تعمل عمايل ******** يا عثمان ميرغني ********** انت طيلة فترة الانقاذ ********** لم يفتح الله لك ان تمارس هذا النوع من الجهاد ******* عندما كنت تتحدث (حديث المدينة) و تسبح مع (التيار) ****** حتي قطعواعنك التيار ***** اصبحت تلمس في الظلام (جثة مجهولة الهوية) عسي ان ترد لك (التيار) *******

***** الحرية للبطل اب زيد ****** من يقدم السبت ***** يجد الاحد ****** يكفي ان تُكتب في التاريخ مع ابطال السودان ***********

ليت الرئيس البشير يستخدم صلاحياته باطلاق سراح البطل أبوزيد .. مع ترقيته .. لأنه عمل تبعآ لرغبة البشير في كشف الفساد و أتي له بالأدلة الدامغة التي تدين كبار رجال الداخلية .. فكان جزاؤه الدغمسة و الالتفاف حول القانون و حبسه .. هل جزاء الاحسان الا الاحسان .. و الظلم ظلمات يوم القيامة

وزير الداخلية الجديد جاء وعنده علم ان كل الموجودين حوله من كساري التلج شلة حرامية ومن الا بن كوز لا تأهيل ولا اخلاق وبداء يتحرك بدونهم واظن سوف يراجع ملف النقيب ابوزيد ودا من اهم الملفات في الشرطة ابو زيد ابوزيد ياوزير

مافهمنا حاجة أبوزيد دا مالوا صفق البشير كف ولا رجع المليارات المنهوبة ولا صفق نافع المانفع بالله ياعثمان لما تكتب عن موضوع أعطي مقدمة ولو سطر عشان نعرف القصة.

القصه شنو ياعثمان مرغنى مافاهم شى

البطل النقيب ابوزيد ادخل السجن لانه قال الحق وكشف الفساد في موقع عمله وبالمستندات ولكن التنفيذيين الكيزان وسلطاتهم الجائرة حكموا عليه .
لذا نناشد ابن المنطقة الفريق بكري حسن صالح بان يقوم بدوره بانصاف هذا الرجل النوبي ابن حضارة كرمة ، واخراجه من الظلم الذي لحقه من جراء احدي التنفيذيين .
يا عثمان كنت وين مش كنت قاعد تطبل للكيزان لحدما ضيعو جريدتك ،، نشوف حتعمل شنو مع النقيب ابوزيد
ونريدك ان تواصل في هذا الموضوع الي ان يظهر الحق المبين ولا تسكت
من سكت عن الحق شيطان اخرص ولا اظنك كذلك

المهندس عثمان ميرغني هو واحد من الشرفاءالصحفين الذين عرفتهم الصحافحة السودانيةالمعاصرة ، عندما اصدر التيار كانت له رؤية لجعل صاحبة الجلاله سيف بتار ضد الظلم والفساد، فكان تيارالتيار مخالف لطبيعةالزمن الردئ الذي مكن الرويبضون والدمهاء على رقابنا وارزاقنا، وسوف تعود التيار شاء من شاء وابى من ابى ،عندما تهطل امطارالحرية لتجرف سيولها كل النفايات التى تراكمت فوق كل مؤسستنا الإقتصادية والإجتماعية والثقافية لمبذبلة التاريخ ، تروه بعيداً ونرآه قريباً

اللهم عجل بخلاص النقيب البطل ابوزيد اللهم عجل بخلاصه …وجزاك الله خيرا الاستاذ عثمان ميرغنى على التزكير بالبطل الذى أصبح نسيا منسيا ….وان شاءالله وزيرالداخلية الجديد يحرك ساكنا وما يعمل أضان الحامل طرشة ….

بأي تهمة تم الحكم عليه بالسجن اربع سنوات ؟

ابو زيد راجل دقوسه في حد يشتكي للجلاد . العسكري الوهم ده كان ينشر تلك المستندات علي الفضاء الاسفيري . علي نمط الويكي ليكسي . هو لم يعرف قصة فعنونو واخرين .

ياعثمان ميرغني عايز تقنعنا انك طلقت الجماعة اكتب لنا عن استثمارات وداد بابكر حرم الريس واخوانه كلهم ونافع واولاده والجاز والاده ابداء لنا بالجماعة ديل وخلي ابوزيد الزول شباب وبتحمل السجن عشان وطنيته وانت رد له جزء من الدين بتاعه واكتب لنا عن فساد البشير وتستره علي ناس بيته ووزرايه وبعد ذالك تاكد ان ابوزيد لو وجد هذا الكلام سوف يكون له كوبر افخم واريح روتانا وهيلتون والسلام اكتب واكتب والكتابه الله تبقي ومحل ماتنقد تنقد نحن منتظرنك سجن سجن غرامة غرامة اقنعنا لانيبالحد عشمي فيك كبير رغم انك كنت كوز لكن ربنا غفور وعسي ولعلة نغفر لك وتبقي نفسك طويل وصبور

الباشمهندس العميد اقول لك

الفساد اصبح معروف للسودانيين فى الداخل والخارج وحتى الجيران عرب وافارقة والدنيا كلها تدرى بس ابوزيد بلغ عنده الاستياء مبلغه وعقلها وتوكل و شكى الحرامية لشيوخهم ..فعندما يتفشى الفساد فى جهاز الشرطة والقضاء فى اى بلد بربكم كيف تكون دولة والنائب الاول الجديد يكفت فاسدى كنانة والفساد تحت رجليه ثم اين كنتم يا ود ميرغنى واصحابك عندما بداء الفساد قبل 24سنه ماذا تعنى صحوة الضمير المتأخرة هذه الايام ام اكتشفتوه فجأة بعد ربع قرن من الزمان

ما فهمنا أي حاجة يا عثمان ميرغني.. أنت داير تقول شنو عن النقيب أبوزيد؟؟ شبكتنا شاب في مقتبل العمر ومارس حقه الانساني في تقدير المسافة والقيم التي الح الاسلام في ترسيخها والسلطان الجائر والحجاج بن يوسف وتفسير القرآن وشاعرنا الفيتوري ووووو

ياخي كصحفي متمكن زيك مفروض تركز وتقول (يا جماعة كده كده كده) بدل الكمونية دي.

عمري ما قريت مقال ملخبط ذي ده