أخبار السودان
76 راكبا يحررون محضرا ضد “السودانية” بعد تأخرها
الفتح
قام 76 راكبا اليوم الجمعة بتحرير محضر بشرطة السياحة بمطار القاهرة ضد الخطوط الجوية السودانية بسبب تأخر رحلتها المتجهة إلى الخرطوم وعدم السماح لهم بدخول الدائرة الجمركية وتركهم أمام صالة السفر.
وقالت مصادر مسئولة بمطار القاهرة ، إن سلطات المطار تلقت إشارة من مسئول الخطوط الجوية السودانية بعدم السماح بدخول ركاب رحلتهم رقم 103 والمتجهة إلى الخرطوم لعدم وصول الطائرة فى الوقت الذى تجمهر الركاب أمام صالة السفر إحتجاجا على تأخر وصول الطائرة من السودان لسفرهم عليها وبعد 8 ساعات توجه 76 راكبا إلى شرطة السياحة بالمطار وتحرير محضر برقم 5 أحوال ضد شركة الطيران وبعد وصول الطائرة تم السماح للركاب بالدخول لإنهاء إجراءات سفرهم بعد 10 ساعات.
امس شفت فى قناة القاهره والناس طياره سودانيه بلزوا فيها يعنى دفره ما عارف بطارينها نازله وله الاستارات شابك والركاب كلهم شقالين دفر عشان تدور والله ماعارف القناه قاصده شنو اقيدونا
تستاهلوا البركبكم ليها شنو
ما عاد هنالك خطوط جوية سودانية وإنما هي مجرد محاولات لابقاءيها على قيد الحياة كاسم فقط ولكنها محاولات يائسة لأن الخطوط السودانية ماتت مثلها ومثل الكثير من المؤسسات الوطنية والضرب علي الميت حرام …وأن كان هنالك متضرر فليحساب من كان هو السبب في تشوية صورة السودان الوطن لأن الحال من بعضة وأيدي المخربين طالت واحاطت بكل ماهو سوداني .. اقفلوا المحضر وافتحوا الدفتر
مع حبي لكم يا ركاب الطائرة ، ده غلطكم إنتو . وتحرير محضر ده ما حينظر فيهو . إنتو فاكرين دي خطوط عالمية عشان تكسبوا قضية. هي لله لا للسلطة ولا للجاه. وأقولكم … إنتظروا الطائرات الصينية حتكون الرحلات في مواعيدها. ونحن هنا في موعد مع قطار الجزيرة المكندش كما وعد البشير . تكبير !!!
يعنى ياجماعه معقول 10 ساعات تاخير تشتكوا يا اخى الخطوط السودانيه معروفه باتاخيرها يعنى دا شى عادى واعتقد ان البلاغ سيكون ما لو معنى بسبب ان تاخيرها شى عادى ممكن يومين ثلاث اسبوع حتى شهر عادى الغير عادى ان المبلغيين هؤلاء ما عارفين شى يمكن اول مره يسافروا بالسودانيه والتى اعتقد انها اسم فقط الان طائرات مؤجره وحالتها حاله والله المستعان ونرفع القبعات للخطوط الكينيه والاثيوبيه اما ما تبقى من الخطوط الكبرى والمميزه مثل السعوديه والقطريه نقول ما شاء الله ونحى من يديرونها الفرق كبير ولا مجال للمقارنه هنا نسأل الله تعالى ان يعافى سودانير وتحظى بطاقم ادارى جيد حتى ولو بطائرتين لنقل ركاب السعوديه والخليج بطريقة جيده يا رب العالمين
ومتين السودانية هبطت أو أقلعت فى مواعيدها؟ ما فى شئ جديد هنا يا هو دا طبع السودانية فوضى كاملة لا يوجد طيران فى الدنيا بمثل هذه الفوضى.
انا متاكد ان تكلفة المتاعب و المعاناة التي تكبدها هولاء الركاب كانت تكفيهم لركوب اي سفرية اخرى في خطوط جوية اخرى تحترم ركابها.
لا اتعاطف مع كل من يركب سودانير مهما كان حجم معاناتهم.
ألم تكن ارض الله واسعه
هل يوجد انسان عاقل فى هذه الدنيا فى هذا الزمان يقطع تذكرة سفر على الخطوط الجوية السودانية !!!!!!!!!!!!!!!!!!!!!! وين هذه الطائرات !!!!! مساكين السودانيين الخطوط السودانية ماتت وشبعت موت بتاريخ 1989م يوم السرقة الكبيرة للوطن !!!!!!!!!!!!!!!!!!! اركبو الباخرة النيلية من اسوان الى حلفا ومن حلفا بالحمير للخرطوم افضل من سودان طير …………..
في أحد المرات أوقعني حظي العاثر فحجزت على الخطوط السودانية ومعي أسرتي .. وحضرت للمطار عن الساعة التاسعة مساءً قبل ثلاثة ساعات من إقلاع الطائرة كما جرت العادة … ولكن الطائرة لم تحضر في مواعيدها … فأرتفعت أصواتنا بالشكوى فرد علينا مسئول المطار الأجنبي : تتحملوا نتيجة خطاءكم ما الذي دفعكم للسفر وقطع التذاكر على الخطوط السودانية … فلذنا بالصمت .. وأضطررت في تلك الليلة للمبيت أنا وأفراد اسرتي على كراسي صالات الإنتظار … وركبنا الطائرة السودانية في اليوم الثاني عند الواحدة ظهراً ونحن في غاية الإرهاق والتعب وخصوصا الأطفال .. وكل ذلك الوقت لم يظهر إي مسئول سوداني عن تلك الطائرة ليعتذر أو يستضيف الركاب في فندق أو ما شابه … ومنذ تلك السفرة المشئومة لم أحاول مجدداً السفر على تلك الخطوط السودانية … لك الله يا وطن