قصيدة (يلاك للعصيان)

ماتنكسر يازول شد دفة العصيان امرق سكات القول شان نعرفك انسان
شايل شموس الحق ضد طغمة السلطان احرق بزورالخوف مايرعبك بمبان
طلع دفاتر الجد فى المدرسة وفي البيت يوم الحساب جاهزين لى كل باغى جبان
بت ابكبس سلامات بت من سلالة عز مابيه الظلم والضيم شايله الغضب عنوان
داخله المعامع توش لارهبة لا خوفة جواها كم رايات همة وصلاح وايمان
شفعنا قالوها فى الشارع المفتوح هذا البلد ياناس قرب خراج الروح
مالينا غير مانشيل مهج العيون والروح شان يفضل السودان
بلدا كبير بالحيل غابةوصحارى ونيل ماعشنا لويتهان
يلاك اوعه الخوف مايرهبك قرنوف او ريحة من بمان
شان نبقى فوق الكل فى الهمبريب والضل
لا حرب لا فتنة لا انقياد لا ذل
وطننا عزيز وكريم بلد بلا (كيزان)

[email][email protected][/email]