بالصور: كوادر وشباب حزب الامة ينفذون 5 مخاطبات جماهيرية في اسواق ولاية الخرطوم تدعو لإسقاط النظام

الله اكبر و لله الحمد … الثورة انطلقت هتافات ترددها الحناجر و القلوب … الوقت وقتكم يا شباب و معكم كل شباب السودان لانجاز مشروع التغيير و اسقاط نظام الكبت و الجوع و الارهاب

مبرووووك يا شباب حزب الامه ومن سار على الدرب وصل وحقيقة الشعب السودانى محتاج لايقاذ ماتبقى له من كسر حاجز الخوف .

والله زمن يا ياسر فتحي لساك مليان عافية نضال , ياحليل زمن مخاطبات السنتر والنشيشيبة والاهلية والجنوبي والنيلين . كانت احلامنا ومازالت بوطن شامخ ديمقراطي .

اصلو مافي حل غير الطريق دا , الاركان لازم تمرق من الجامعات للناس العاديين وفي الشوارع والاسواق , لكن تكنيك الخطابة لازم يختلف ياشباب والكلام لازم يكون فيهو ارقام واحصاءات وارتفاع الاسعار ومعلومات حقيقية عن الفساد ورفع الوعي الجماهيري بكل القضايا ولو في موية قطعت في منطقة لازم تجيبو خبرها , وضروري جداً تخاطبوا اهتمامات رجل الشارع العادي وربطها بالاسباب السياسية , يعني لازم الكلام يكون بسيط ومتسلسل ويعزف على الوتر الحي , واهم حاجة العزف على الوطنية السودانية ونبذ الجهوية والعنصرية لانها ظاهرة خطيرة بدأت تتفشى في الاونة الاخيرة

ياسر فتحي الصمود في زمن الانكسار

يا اخى لوقامت مظارهة فى ام بدة او الحاج يوسف فكيف تستطيع قوات الامن الدخول اليها؟…خلوا المظاهرات فى الاحياء المكتظة بالسكان …الامن يخاف دخول هذه الاحياء …وحتى دخوله اليها مشكلة من شدة زحمة المواصلات….ابعدوا من القيام بمظاهرات فى المناطق المكشوفة…اعملوا زى المصريين فكل مظاهراتهم حاليا فى الشوارع الضيقة فى الاحياء المكتظة بالسكان

حالتين ايجابيتين وقفة الشبان العاطل في مبادرة انا عاطل ثم و قفة شبان الانصار الثوره اتيه ولاريب ولن توقفها اقزام الاسلام السياسي المستقبل للشباب

قال: (وبالأمس حينما تم القبض على ياسر فتحي بعد مخاطبة السوق الشعبي ………. وحتى اطلاق سراحه …. وانتظار جهاز الامن في الخارج لاعتقاله مرة اخرى ……. وتهريبه من قبل الاحباب )
أيه التهريج ده؟ ولو ناس الأمن عايزين يعتقلو ثاني كان فكو؟
واي يعني لو قبضو؟ ما بسوقو لسيدك بشرى ولا سيدك عبد الرحمن.
حزب اللمه مات وشبع موت..
كدي خليك من الكلام النئ أنت راجل متعلم.. وحد الله وشوف الله قال شنو والرسول قال شنو وبطل شغلة السادة دي

التحية للدكتور ياسر فتحي وتحية خاصة للحبيب عصمت الدسيس رد الله غربته فقد كانوا يزلزلون اركان النقاش في الجامعات السودانية.

هذا دأب الانصار وحزب الامه منذ فجر التاريخ أصحاب تضحيات ويواجهون الموت بصدور عاريه..لايعرفون الجري والخوف..فهم دائما راس الرمح ..اتمنى ان يحدثني شخص عن حزب وجماعه ضحت بالنفوس مثلما ضحى الانصار من الجزيره ابا وشيكان والابيض وتوشكي وكرري وام دبيكرات….أما الذين يشككون في نوايا الانصار وحزب الامه فهم ارزقية المؤتمر اللاوطني والشيوعيين الوسخانين..

تأبى الرماح اذا اجتمعنا تكسرا واذا افرترقنا تكسرت احادا .. يجب الابتعاد عن المشاحانات والخلافات السياسية المدفوعة الاجر من اجهزة بعينها ..التوافق على الثوابت وتوحيد الهدف هو من يعجل برمي الانقاذ في مزبلة التاريخ.. الى الامام

الناس متفاعلة مع المخاطبات فى الميادين والساحات أتمنى أن تمتد وتغزو الاحياء فمن الاحياء يمكن أن تنطلق الثورة باذنه تعالى فجربوا مخاطبات الاحياء ووفقكم الله لما فيه خير المظاليم وبئس مثوى المتكبرين