غابت بُكرة..يا بهنس..!!

غابت بُكرة..يا بهنس..!!

أفـــل النـــجم..
غاب الشعاع..
في ليل بهيم..عسعس..
جوه الظلام..
تاه النجم..ضل الطريق ..
بين الغيوم مُنـدس..
والليل طويل ممتد..
كان النجم يحلم..
لو صُبحوا يتنفس..
ينقَشِع الظلام..
تسطع شمس بُكرة..
يطِل معاها الغد..
وغابت بُكرة..
يا بهنس..
غابت بلا إشراق..
كنت براك..
متوسِد ..
حجر أملس..
عشان يحميك..
من قِر الليالي ..
يقيك..
هجر الصحبة..
نار الغربة..
مننا نحن يا بهنس..
معاك الحق..
تعيش وحدك..دوام شارد..
تنسى حياتنا..
ياخالد..
تموت وحدك..
بين أحضان ..رصيف بارد..
كله دنس..
تفوت يائس..
من دنيا..فيها بشر..
مفطور بحب الذات..
وما حاسس..
بأمر الغير..مهما الغير..
يكون بائس..
بعد ما مت..يابهنس ..
فقدناك..
سجعنا كلام..
نظمنا شعر..
رثيناك..
ومن قبلك ..نعينا بهانس..
زى ما الليلة يابهنس ..نعيناك..
نحن كده..
نحس بالزول بعد ما يموت..
نعدد في مآثــر المــات..
نزيدوا شوية من أهات..
من زفرات..
نذرف لينا كـم دمعات..
نحشـد لينا كـم كلمـات..
بعد ما مات..
يرحمك الله..يا بهنس..
يغفر ليـك كل الفـات..

زاهر بخيت الفكي
[email][email protected][/email] بلاأقنعة..صحيفةالجريدة
aljareeda-sd.net