حركة تحرير السودان : إقليم دارفور في طريقه للانفصال..مساعد مناوي : مني اركو مناوي في جوبا ليشهد عملية الاستفتاء ليُنفذ مثلها في دارفور في يوليو من العام القادم
قال مساعد رئيس حركة تحرير السودان (جناح مناوي) إن إقليم دارفور في طريقه للانفصال، وإن مناوي في جوبا ليشهد عملية الاستفتاء ليُنفذ مثلها في دارفور في يوليو من العام القادم. واتهم عبد العزيز سام مساعد مناوي القيادي بالمؤتمر الوطني إبراهيم غندور بإيواء المنشقين من حركة مناوي وحمايتهم متسائلاً: أين هم الآن؟. في الأثناء نفت قيادات الحركة وعلى رأسها نائب الرئيس الريح محمود، والقائد عيسى بحر الدين رئيس المجلس العسكري، ويعقوب صالح مسؤول التعبئة، وبشير حسن الطاهر قائد سلاح النقل، وأحمد إبراهيم رئيس الحركة بغرب دارفور، نفوا صلتهم بالبيان الذي أصدره بعض منسوبي الحركة وقالوا فيه إن الحركة فصلت رئيسها مينى أركو مناوي، ووصف الريح محمود ما جاء في البيان بالتهريج والتجاوز للوائح الحركة واعتبره قفزة في الظلام على حد قوله، مبينًا أن الحركة فصلت رئيس المكتب السياسي علي حسين دوسة والناطق الرسمي باسمها بعد أن أمهلته 48 ساعة انقضت لنفي هذا البيان. فيما عاد سام للقول بأن وجود مناوي في جوبا يهدف للتفاوض مع بقية الحركات لإقناعها باللحاق باتفاق أبوجا، مبينًا أن الحركة لن تنفذ بند الترتيبات الأمنية بالصورة التي ترغب فيها الحكومة إلا بعد تنفيذ كافة البنود المتبقية
التيار
ليس اقليم دارفور وحده فى طريقه للانفصال بل اقليم جبال النوبة والنيل الازرق والانقسنا وحتى شرق السودان ولكن الشىء الغريب ان منافقى المؤتمر الواطى لا يهمهم حتى لو فضل من السودان الخرطوم فقط لا يهمهم الا الكرسى والسلطة اما باقى السودان فليزهب الى الجحيم انهم قوم لا اخلاق ولا ضمير ولا عهود لهم اللهم اجعل كيدهم فى نحرهم اللهم دمرهم وشتت شملهم انك القوى العزيز الجبار
من الاول نحن ابناء دارفور كنا رافضين الاتفاق الذى تم بين الحكومه وفصيل منى مناوى لان الحكومه استخدمته لتغطية الاباده والتى لا زالت مستمره وكنانتمنى ان يتم تلافى الخطاء من الاخ منى لكنه اصر على اكمال الدرب لكن الان الحمدلله الذى رجع الوعى الى المناضل منى و النسر لا يرضى بالسجون وان تكن من ذهب فكيف محابيس من طين فلا حل الا تقرير المصير فنتمنى ان تكون فى جوبا الى الاستقلال او الى تحرير السودان من بغاث الطير
يا عثمان عمر خلّك من كلام الحركة وشماعة الانقاذ الجاهزة دى .. المقصود نحنا الشماليين..متهومين بالعنصرية والمظالم ودى نظرة ما ح تتغير حتى لو جات حكومة من القمر .. وعلى كل حال أنا من رأيى انو اى اقليم بيرى انو سبب تأخروا ونكبتوا هم الشماليين فاليذهب حيث يشاء .. السودان ما الدولة الوحيدة الإتفرطقت .. مع السلامه إنتو برضو ياناس دارفور .. ونحنا عافين منكم .(التوقيع : واحد شمالى مغبون زيكم )
يامناوي ما تمسك العصا من النص خليك واضح لو الوضع ما عاجبك حدد موقفك الميدان بشيلك والمعاك ولا داير ليك قعده مع علي عثمان زي قعدة الفاشر ديك
يااخوي الجواك اتعرف والكيزان عرفوا انك ماتسوي حاجة عشان كده لو قعدت في جوبا ولا اسرائيل زول بشتغل بيك مافي احسن ليك ارجع بيت الطاعة واستلم مخصصاتك المادية ومشي امورك والله ابقي راجل ري الرجال الوقعوا اتفاقية الخرطوم للسلام ولما الوضع ما عجبهم رجعوا الغابة وجونا ابطال في اتفاقية نيفاشا
كونك تزعل وتقفل موبايلك ومرات يضربوا ليك ما ترد دة كلام ماصاح منك
والله ياريت دارفور تنفصل.. لكن اهلنا في الشرق لا تقحموهم في مشاكلكم . نحن الشمالين عاداتنا واحدة ومصيرنا واحد . وبيناتنا الانساب من قديم الزمان .
فلتذهب دارفور وتلحق بالجنوب .
ما زمانك قلنا ليكم اياكم وخضراء الدمن من امثال ضار على ضار
الخبال لا دواء له يعني ان الانفصال هو الحل ؟؟؟؟ إن تعارض حكومة وتحاول اسقاطها سلمياً خيراً لك ان تدعو للانفصال لأنه هروب من الواقع ، واًصلاً اقليم دارفور مهمش فكيف بالله يكون دولة دون بنيات واسس ؟؟ انتظروا لتشاهدوا الجنوب كيف سوف يعاني لتدركوا المصيبة التي انتم تدعون لها ،، وبعدين حتشربوا مياه من أين ؟؟؟؟ افيقوا يرحمكم الله
لا أنت و لا مناوي و لا كل حركات دارفور المتمردة الكرتونية و " الأنترنتية " تمثل دارفور حتي تطالبوا بتقرير مصير دارفور ، أنتم أقلية وسط جموع من القبائل الكبري التي تشكل مجتمع دارفور السمح و المتسامح ككل شعبي بلادي ، و لكن لعن الله السلطة و المال التي أعمت الناس ، فأصبحوا يتاجرون بسيادة و كرامة الشعوب و الأوطان في أسواق وسخة و نتنة يمثل اليهود سماسرتها فأنتشرت منظمات الهوان و الذل تبشر بديانات جديدة ، تدعو إلي التسول و الإتكالية و تجمع الناس في المعسكرات و تحرمهم من الرجوع إلي قراهم و مدنهم حيث الأستقرار و التعليم و الزراعة حتي تتكسب من وارئهم الأموال الحرام و حتي تضمن أن يعيش السودان في أزمات مستمرة و حروب و قلاقل و يساعدهم في ذلك بعض من أبنائه الخونة العملاء و العاقين . يجب أن يعلم أبناء دارفور المتمردين أن قضية دارفور لا تشابه قضية الجنوب لا روحاً ، لا شكلاً و لا مضموناً و دارفور 100% مسلمين و فيها العرب و الزرقة منسجمين و متزاوجين و متعاشرين مئات السنين لا يستطيع كائن من كان أن ينفصلهم ، أما وجود مناوي في جوبا فهو معروف الغرض منه و هو بعيد جداً عن أهداف حركته و التحرير الذي ينشده .
كفايه والله يا اخوانا حركات دارفور اصبحت من غير اى مبداء الحاصل شنو ؟؟؟؟ والدايرنو شنو؟؟؟ القضيه شنو ؟؟ حكم ؟ وعربات وعمارات ؟ ولا من اجل المواطن والبلد ؟ الكل من اجل نفسه
ههههههههههههههههههههههههههههههههههه ها ها ها ها :lool: احسن ديل قا عدين يبكو لكن دة بقي ابكم عديل سبحا ن الله ارواح النا س المشت دي ما ما بتروح سا كت واموال النا س الغلابة البيطلعو من فم الواحد عشا ن يا كلو برضو ما بيروح سا كت لكن الله في ;)