حديث المدينة
“تحرير” و ” تحرير” ..!!
عثمان ميرغني
تأثرتُ كثيراً.. مساء أمس وأنا أشاهد في فضائية الجزيرة، د. عصام شرف رئيس وزراء مصر.. يتحدث بعد قبول المجلس الأعلى العسكري الحاكم استقالة حكومته.. قال للشعب المصري: (أرجوكم.. ثم أرجوكم.. كل شيء سينفذ.. أرجوكم اهدأوا..).. الحكم الديموقراطي الرشيد، هو الذي يترجى فيه الحاكم شعبه.. ويتوسل إليه.. وينحني لرغبته وإرادته.. ويقدم استقالته بناءً على طلب الشعب.. وكما قال رئيس تركيا عبدالله غول: (انتهى عهد الحكومات المستبدة التي يجثو الشعب على ركبتيه خدمة لأمرها). لم يكن منحة من الحكومة في مصر للشعب.. بل عنوة واقتدارً عبر ميدان (التحرير!!).. كلما أغوى شيطان السلطة المجلس العسكري الحاكم .. سارع الشعب إلى ميدان (التحرير!!) ليذكرهم أنه هو الحاكم.. فاضطر المشير طنطاوي أمس أن يقر ويعترف بأن الشعب هو الحاكم وأن المجلس العسكري رهن إشارت الشعب إن شاء أنهى تفويضه.. أصبح اسم الميدان مستمداً من قيمته الوطنية .. ميدان (التحرير!!) بالله أرجوكم.. قارنوا الوضع مع ما يحدث في سوداننا المنكوب بأيدي أبنائه.. لدينا أيضاَ ميدان (تحرير!!) لكنه لا كـ(تحرير) مصر.. يتخذ مختلف المسميات المضافة. حركة شعبية لـ(تحرير!!) السودان.. جيش حركة (تحرير!!) السودان.. كلها تتخذ من البندقية وسيلة لـ(التحرير).. والقنابل والألغام.. يدفع الشعب ثمنها وحده لا غيره.. لماذا لا يعود حملة السلاح المعارضين إلى الخرطوم ويؤسسوا ميدان (التحرير!!) مثلما يحدث في مصر.. لماذا البندقية بدل الهتاف .. لماذا حرب الخنادق بدل حرب الساحات.. ساحات التغيير (مثل اليمن) و(التحرير!!) مثل مصر.. سيقول قائل.. لو جاءوا إلى الداخل سيعتقلون.. ويساقون إلى غياهب السجون.. حسناً.. وهل قدم نظام الحكم المخلوع في مصر أكاليل الزهور والورود للمعارضين.. هل أرسل لهم? في تونس? الرئيس المخلوع زين العابدين بن علي برقيات التهنئة.. كلهم دخلوا السجون.. وأرتال من الشهداء صبغوا أسفلت الشوارع بالدم الأحمر على رأي الشاعر .. وللحرية الحمراء باب بكل يد مضرجة يدق.. لماذا يخرج مرشح الجمهورية الأستاذ ياسر عرمان إلى الخارج ويجيش الجيوش ويوحد الفصائل لمزيد من الحروب الأهلية.. لماذا يصرّ د. خليل إبراهيم أن يسير في طريق الأشلاء والدماء.. لماذا لا يرجع قادة جيش حركة (تحرير!) السودان .. عبد الواحد محمد نور، و مني أركو مناوي إلى الخرطوم.. ويباشروا (التحرير!!) من الداخل.. انظروا إلى ما يحدث في مصر.. الحكومة تتنحى احتراماً ورهبة من الشعب.. الجيش المصري بكل صولجان القوة ومئات الآلاف من القوة القتالية فائقة التدريب.. لا يجد إلا أن يقول للشعب بكل احترام: (إن شئتم أن نرحل.. سنرحل فوراً..) يا جميع معارضات السودان.. بالله عليكم ألقوا سلاح القنابل والدمار.. وارفعوا شعارات التغيير و(التحرير!!) من الداخل.. كفانا حروباً أهلية.. فما مات فيها إلا البسطاء من الشعب المقهور.. وما بترت ألغامها إلا أطراف المساكين والفقراء الأبرياء.. هناك فرق .. بين (تحرير!!) مصر.. و( تحريرنا).. هو فارق حضاري.. بين تخلفنا وتحضرهم..!!ا لو كنت مكان ياسر عرمان.. لركبت أول طائرة إلى الخرطوم.. فـ(التحرير) الرشيد.. بالحناجر.. لا بالخناجر..!!
التيار
وهل ستضمن له ليس سلامته فقط بل إنسانيته؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ياعثمان الله يرضى عليك ماتفقع مرارتنا بكتاباتك الفطيرة دي ياتو معارضة من الداخل البتنفع مع اهلك ديل
الحاج وراق وفايز السليك ورشا عوض زملائك في المهنة ولا نسيتم الجماعة ديل كانوا شايلين خناجر ولا سيخ وانت عارف باقي القصة
مصر قبل الثورة كانت فيها مساحة واسعة للحرية
الجرائد تكتب
والقنوات الخاصة تفضفض وتحلل لحدي ماإنفجر الوضع
بعدين ياخي أحترم عقول القراء
بس الحق ماعليك على ناس الراكوبة
جابو لينا المرضغط والسكري بنشرهم مقالاتك
الظافر ذبادي وعدس يقول خلاص يا جماعة لابد ان نتسامح ونعفوء عن البشير وحكومته فقط علينا ان نجلس ونقول لهم لقد ظلمتونا والان سامحناكم …
اما انت عثمان صاحب الوالي الذي لايسلم منه احد تقول خلاص ضعوا السلام وابقوا مثل مصر …
يجب عليك ان تعلم وتفهم وتتزكر ان مصر ليس مثل اعلي للشعب السوداني حتي نقتدي بها. ولا تنسي اننا من بداء الثورات ولا نحتاج لمصر حتي نتتلمذ علي يدها.
من الواجب عليك ان تكون رجلاٌ واضح الرأي وتحدد موقفك مع من انت؟
اوضح لك اكثر حتي لا تراوغ كثيراٌ هل انت مع المؤتمر الوطني ام مع المسحوقين الي حين؟
من الادب ان توقف العبث واللعب والخبث بالسودان والسودانيين واعلم( ياعصمان) الكل يعرف من هو عبدالله بن سلول؟؟؟؟!!!!!!!!!!!!
رجااااااااااااء توقف عن بث سموم المؤتمر الوطني ………………..
اعوذبالله واعوذبالله..
غايتو….يا عاوز تورط ياسر عرمان وتتدخلو كوبر…يا قنعت من الوزاره
إقتباس : ( لماذا لا يعود حملة السلاح المعارضين إلى الخرطوم ويؤسسوا ميدان (التحرير!!) مثلما يحدث في مصر.. لماذا البندقية بدل الهتاف .. لماذا حرب الخنادق بدل حرب الساحات.. ساحات التغيير (مثل اليمن) و(التحرير!!)
مية مرة قلنالك يا عثمان بيه بطل لف ودوران ، الإجابة على سؤالك واضحة وهي أن البشير قال في أكثر من مناسبة أن على من يريد الوصول للحكم أن يحمل السلاح وذلك عندما قال بأسلوبه العنقالي الشوارعي : نحن جبناها بالقوة والعايزة لازم يشيل السلاح ، وزاد عليها نافع الما نافع ( حاولوا ألحسوا كوعكم قبل ما تحاولوا تشيلونا ).
لو كنت مكانهم لركبت الطائرة فورا وعدت إلي الخرتوم ! حلوة ده .. مش ولا ما مش ؟ إذا لركبوا التونسية إن أسعفهم الحظ .. الفرق يا هندسة بيننا وبينهم أو بين تحريرهم وجنزيرنا ( ميدان أبو جنزير ) معروف إنه من عمل يدنا البتسوي بإيدك يغلب أجاويدك أو كما قال فينا الشاعر نزار قباني : ( لم يدخل الأعداء – يا سيدي – من حدودنا لكنهم تسربوا كالنمل من عيوبنا ! ) جاكم كلامي ؟ الموضوع يتلخص كله في انعدام الثقة وشتان ما بين السارق وسيد اللسان .. أفهمت المغزي ؟
كلامك دا ما عندوا فرق من لحس الكوع
الفرق بين حضارتهم وتخلفنا؟؟؟؟؟؟؟؟ زي انبطاحك انت نع الانقاذ ووقوف الصحفيين الشرفاء مع الحق ووقوفك مع الجلاد والجزار وكمان عاوز تكون قواد اضاحي للسلخانة
تحريرهم وجنزيرنا ؟؟؟؟؟؟ زي فرق القوات المسلحة صاحبة العقيدة القتالية ضد أعداء الوطن ولم تقتل عبر تاريخها الطويل ولا مصري واحد وقواتنا المسلحة وعقيدتها القتاليبة ضد ابناء الشعب السوداني منذ 1955 في الجنوب والشرق والغرب وفي كل ابناء السودان ولم تقتل مهدد لحدود الوطن في حلايب والفشقة وضربات اسرائيل في شرق السودان وإنما فلاحتها في الشعب السوداني فقط
هل نسيت خطاب بشائر ولحس الكوع وندوة لندن ام كراسي الشيء المؤسف أنك مسطح وتحاول ان تسطح بعقول الناس ولكن خاب فالك وخسئت يا ضلالي
أحزب المعارضة السودانية فشلت في تحريك الشارع السوداني من جانب وهذا ما نجحت فيها ثورات الربيع العربي, و من جانب أخر فإن علاقة الحاكم و المحكوم تختلف. فالمشير طنطاوي ليس مثل المشير عمر البشير الذي يستخدم الطائرات ضد شعبه, و كبت الحريات بما فيها حرية التجمع و التعبير عبر تظاهرات سلمية وصحافة حرة. فهل العلة في من حمل السلاح ولا في الذي منع وحرم كل أشكال التعبير السامي. هذا هو الفارق الحضاري بين المشير عمر و طنطاوي وبين الشعب السوداني و المصري….
حـــــــــــــاتم
الاخ عثمان
السلام عليكم
استحلفك بالله الذى لا اله غيره انت منو وفهمك شنوه وداير ايه هل عندما تذهب الى السرير بيذكرك ضميرك بالشعب السودانى الجائع وانت شبعان هل بتتذكر كم طفل جعان وكم ارمله عندها اطفال لا تستطيع اطعامهم
هل اينائك شبعانين هل انت شبعان هل وهل وهل وهل اين تقوى الله يا ايها الاخوان المسلمين ولا ياتو مسلمين ما عارف انا راسى جاطت
يا عثمان أفندى ………….الليله بقّيتنا فى حكاية بطّلوا دا و أسمعوا دا
ياحدق منو الهزم الديموقراطيه بالانقلاب ؟؟؟
من سطا على السلطة بالدبابه ؟؟؟
من قال ودعى للتمكين؟؟؟
من قال …..العايز سلطه يجى بدبابه ؟؟؟
من قال الداير سلظه يلحس كوعو ؟؟؟
من قال الراجل يقابلنا فى الشارع ؟؟؟
من ..و,,,من…..؟؟؟
و من لغى اتفاق الرجال أمام الوسطاء فى أديس أبابا و قال المشكله حيحلها بصندوق الذخيره ؟؟؟
و أخيرا آخر شئ من وصف خصومه شركاء الامس بالدبره فى ضهر السودان و الحشرات و الضحك البشرط .؟؟؟
و إنت عايز بعد دا جميع المعارضه يلقوا سلاح الدمار و يجو صاغرين طالبين الرحمه ؟؟؟ لو إنت كنت معارض بذمتك كنت عملت كده؟؟؟
يا عثمان كفايه نفاق !!!!و سلملى على صاحبك الفكى تلفون …..
بغض النظر عن اختلافنا واتفاقنا مع السيد عثمان ميرغى وبالرغم من خلفيته المعروفه للكل ولكن مايقوله اليوم فيه الكثير من الصحه …العمل المسلح وخياراته حقيقه لن تسرع باقتلاع النظام بل العكس تساعد فى ابقائه وتعطيه الذريعه والمبرر لضرب الثوره بحجة التآمر على البلاد واذا نظرنا حولنا وجدنا الكثير من الدلائل …مثال الثوره التونسيه والتى بدأت سلميه واليوم تجنى ثمار سلميتها فى التوافق والتسامح الواضح فى تشكيل حكومتها الانتقاليه المنتخبه.
أما ليبيا فبدأت ثورتها سلميه ثم تحولت الى ثوره عسكريه لأسباب معروفه الآن أصبح مستقبلها فيه الكثير من الغموض.
ومن قبل كل ذلك ثوراتنا فى أكتوبر وأبريل فهو ارث نضالى وحضارى وسلمى أفضت الى اقتلاع دكتاتوريات عاتيه وأدت الى تغيير سبقنا به كل الذين حولنا.
فحقيقه رأى السيد عثمان ميرغى هو رأى الكثيرين من أبناء شعبنا السودانى….فحقيقه اذا اراد ت قياداتنا التغيير وجب عليهم أن يضحوا بأنفسهم أولا سجنا وقتلا وتعذيب أما أن يحملوا السلاح ويضحوا بالبسطاء بارسالهم الى معسكرات النزوح وتعريضهم للقتل والاغتصاب وبتر الاعضاء ويأتوا على ظهورهم ليحكموا فهذا مالا يجوز.
اذا كنت تعمل من أجل الشعب يجب أن تضحى من أجله كمعارضه ويجب أن تخدمه كحكومه.
أما أن أموت أنا وتحكم أنت كمعارضه وأن أخدم أنا وأدفع التزامات الحكومه لتبقى الحكومه جاثمه على صدرى فهذا مالا يجوز.
ندعو المعارضه أن تأتى الى الداخل وتموت من أجلى وتدخل السجون من أجلى ساعتها سوف تكون حياتى فداءا لك ولموقفك النبيل من أجلى.
يا وطن كيمان اذية
من عواس الجبهجية
الكوزنجية
الامنجية
الارزقية
النفعجية
حرامية لصوصية.. مية مية
يا بلد اطنان مآسي من فساد الطمبجية
يا بلد منكوب كوارث
من سياسات بربرية
وبي عمايل بلطجية
اونطجية
طمبجية مية مية
كلو نازل مافي رافع
كلو خافض مافي ساطع
كلو فاسد مافي رافع
كلو فاشل مافي نافع
وما يمهم يبقى الوطن بي ترابو
وما هدف يطمح شبابو
وما يضر يتم يبابو
وما بهم يكمل خرابو
وما ضروري يجوعوا ناس يموتوا ناس
وما خيانة تقيف مصانع
والزرع يشبع يباس
وما يخالف جوة رأس كل مخالف
ينفجر كوم من رصاص
بس المهم وفي الاساس
هم راس ونحنا ساس
وناس وناس ما سواس
وما يفيد اصل الشريعة
يكفي بس اسم الشريعة
تكون ذريعة
حصان طروادة
بيها نمرق في السعادة
بيها نسطو سنين زيادة
حصان طروادة
بيها نرقص نتشابا
على ظهر الغلابة
و كتوف التعابة
ونقيف في راسا
وبي هتافات البساطة وبكل سذاجة
ومع حماسها نزيد حماسة
وبي تهاليل كل طيرة ومخ دجاجة
نطرش كلام برة السياسة
وما مهم ابدا دراسة
بس المهم وفي الاساس
هم راس ونحنا ساس
وناس وناس ما سواس
شبت حريقة في كل ناحية
والحروب من كل زاوية
ومن هناك هبت عجاجة
والقراية وما القراية بقت حكاية
لا كتابة ولا دراية
لا قلم بيزيل بلم
ولا جهل بدأ في النهاية
بي الدعارة الجامعة سارت في مسارا
و بالحشيشة يتم مزاجا
والمصانع في اجازة
والزراعة سراب نتاجا
والبنوك منهوبة بالرضا والتراضي
والوزارت اختلاسات دون تقاضي
وقروشنا في بنك الخواجة
ازمة هايجة
وفوضى مايجة
وفتنة رايجة
وزنقة لي عنق الزجاجة
ده كلو حاصل وبرضو قالوا .. مااافي حاجة !!!
وما مهم اي حاجة ..
بس المهم وفي الاساس
هم راس ونحنا ساس
وناس وناس ما سواس
يا بلد ادمن مرارات الفشل
مليان قرف مليان عفن
أهـ يا زمن
اصبح خطر
امر عجب عجبا امر
بقينا في اخر العمر
سخر القدر
لا ننتظر
ان تفتخر
بي كل تعددنا وتراثنا
وبي الرطانة
وبي ثقافتنا وغنانا
وننبهر بي انتمانا لي وطن!!
أهـ يا زمن
في زمن القومة ليك سابع محال يا وطن
في زمن الراحة فيك فوق الخيال علما اظن
اهـ يا وطن
زيادة عن عشرين سنة
عجفا عجاف
اقبح سنين العمر والاحباط بقن
اهـ يا وطن
زيادة عن عشرين سنة
عجبا عجاب
شفنا فيك الويل واصناف المحن
أهـ يا زمن
على كان زمان ونحن اول
واجترار لزكريات .. واهـة و شجن
أهـ يا وطن
عايشين انينك
ومر سنينك
والعيشة فيك شيء لا يطاق
وفي الفؤاد جمرات شون .
بس يا زمن بس يا وطن
روح القضية لسة حية
وما بتموت ابدا قضية
سار وراها الاغلبية
ثار عشانا الهامشية
هتفت حناجر مطلبية
غرزت خناجر لنضالات مفصلية
والقضية هيا هيا
والقضية مفصلية
والقضية جمرة حية
والقضية حية حية
حرية لينا ولي سوانا اولوية
حرية لينا ولي سوانا بي مستوانا
هي القضية
شعب راصد
شعب شاطر
شعب صابر ما هو فاتر
واذا الصبر لحدوده عابر
لا بجادل ولا بعافر
شعب واعي شعب صاحي
شعب حارق ما هو دافي
تاني مافي تاني مافي
على ما سلف الله عافي !!
تاني مافي تاني مافي
على ما سلف الله عافي !!
يبقا مارق كل سارق
ويبقا راكز كل معاكس
يبقا واقف كل لاغف
يبقا طالع كل بالع
ويبقا خايف كل زايف
تاريخو ناصع
شبابو واعد
الله واحد وموتو واحد
وعدو واحد
كل عسكر وكل فاسد
تاريخو شاهد
اكتوبر المرصع
وابريلو عايد عايد
اكتوبر المرصع
وابريلو عايد عايد
اكتوبر المرصع
وابريلو عايد عايد
اخخخخخخخخخخخخخخخ
You advised the resistance that is good, BUT DO THE SAME TO THIS BLOOD SUCKING GOVERMENT and if you can not do that just SHUT UP
انت ياعثمان جماعتك ديل قالو نحن جئبنا الحكومة دى بضراعنا وبالرجالة والعايزه يبقى راجل وياخدها بالرجالة واهو عشان الشعب الفضل يثبت رجالته طلعو مليون جبهة تحرير
ناس الركوب عذرا للسؤال الحرج كنت مفتكر عندي تعليق على كلام المهندس عثمان ميرغني راي فيه بسيط ان هلل هو جاد فيما قال .. لماذا هو محجوب اذا صح اني ارسلته .. للصراحة انا في شك من ارسالو او لا … الراي الان معروف لكن تعليقي داير نكهتو لا فيهو شتم ولا اساءة ولا بذاءة ولا و لا ولا ولا
يا هندسه إته داير الضحك إشرطنا ولا شنو
وهكذا وراء كل قيصر قيصر جديد فلا تحلموا بعالم سعيد ….. والدبابات والبنادق لا تفهم هتفات الجماهير …
ولحس الكوع للكل من يحلم بعالم جديد .. والجنزير لمن يخرج لميدان أبو جنزير ..
وكل شخص يحلم بأن يكون وزير .. الترابة في خشمو لو بغم>>>
:lool: :lool: :lool: :cool:
ميدان التحرير هو الذى أتى بطنطاو و شرف ليمثلوا شباب ميدان التحرير عشان كدا لازم يحترموا الشعب الذى أتى بهم للحكم أما حكومتك دى زى مابيقول رئيسها جات بقوة السلاح عشان كدا ما بتعرف غير لغة السلاح. والحركات المسلحة دى عايزها تتناقش مع منو؟ ديل لابسمعوا ولا بفهمو و عايسين فى البلد عواسة و مهاميهم خرابها و لا جوع أهلها. وربنا يكضب الشينة
كل مؤسسات الدولة في السودان بما فيها الجيش مسيسة . إن نجاح ثورة يناير في مصر وكذلك ثورة تونس يعود إلى انحياز الجيش للشعب ورفضه إطلاق رصاصة واحدة على المحتجين، فهل يستطيع الجيش السوداني (المسيس) أن يفعل ما فعله الجيشان الوطنيان في تونس ومصر؟ أظن الإجابة واضحة يا سعادة الباشمهندس عصمان !!!!!!!!!!!
لاخ عثمان
السلام عليكم
انا لست سياسى ولا افهم فيها شى ولكل شخص خبز وخبازين لكل عمل
اين العدل ان الله يامر بالعدل والاحسان
هل تعلم كان الذئب يرعى مع الغنم فى عهد عمر بن عبد العزيز لان كان العدل موجود
الدين صالح لكل زمان ومكان
يا عزيزى انظر الى ما انت تكتبه واعلم انك ميت وانهم لميتون ماذا تعمل عندما تلاقى العزيز الجبار راح تقول له شنوه الانقاذ والموتمر الوطنى يوم يفر المرء من اخيه وامه وابيه انت الان ممكن تفلت من السجن والعذاب بعلاقاتك مع الناس ديل ولكن كيف الهروب من الله بعد الموت
الله يهديك ويهدينا وينور بصيرتك
طيب يا ابو عفان ….. ما المانع ان تقدم حكومتكم انموذجا وان تحكم عقلها وان تضحي بالسلطة في سبيل وحدة وامن ما تبقي من سودان؟؟؟؟؟؟؟ بان تدعوا هي كل الحركات المسلحة والاحزاب المعارضة لانتخاب حكومة انتقالية لفترة 9 شهور مثلا تمهيدا لاجراء انتخابات عامة تشارك فيها كل الاطراف تحت المراقبة الدولية علي ان تكون هنالك مصداقية عالية اساسها المحافظة علي وحدة السودان وامن ورفاهية المواطن ….. لان المواطن السوداني ده يا اخوانا تعب وصبر وضحي كتير ….. وكل الؤشرات تنذر بان السودان علي شفا حفرة من الحرب الاهلية الجهوية ….. فيا حكومة اوزني الامور بميزان العقل والسلطة والجاه والمال امور زايلة لامحالة فالتنسحبي من المسرح طواعية من اجل المواطن المغلوب علي امره ……
لا أدرى انت عبيط يا باشمهندس والله بتستعبط ! ؟ قلت لو كنت فى محل ياسر عرمان لأتيت فورا الى الخرطوم وعارضت من الداخل ! ! 1 1 كلام حقيقى ومنطقى وحق اريد به باطل . لم اختلف مع السيد عثمان فى رأيه لكن تتم المعارضة من الداخل فى ظل حكومة راشدة عاقلة تمنح مواطنيها ثقرة من الحرية والراى الاخر كما هو الحاصل فى مصر منذ عهد الرئيس حسنى مبارك . يعلم السيد عثمان وكلنا ان الجيش والشرطة وكل الاجهزة الحكومية اصبحت مسيسة وخاضعة للحزب وتتكون من اعضاء الحزب حتى القوات المسلحة احيل كبار جنرالاتها للصالح العام وجيء بفتيان الكيزان والمتكوزنين من الجيش فالشرطة والجيش اصبحت حزبية مؤتمر واطى خسيس يخدم سيده نافع والبشير ورلا يخدم الوطن الســودان .
يعلم جيدا الاخ عثمان لو جاء ياسر او عقار او انا وغيرنا وقاموا بالاحتجاج من داخل ميدان ابى جنزير تعلم ماذا يحصل ؟؟ الجيش وعناصر الامن والشرطة كلها فى حالة استنفار لمثل هذه المواقف تسجن وتحرق وتقتل ولا احد يستطيع ان يدافع عنك . هل مثل هذه العصابة الباغية يصلح معها غير حمل السلاح ؟؟ قاتل او مقتول هذه هى اللغة الوحيدة التى تصلح مع هؤلاء الخنازير الحاقدين ولا شيء غير ذلك . دع عنك يا عثمان هذا الكلام الفارغ فالمحاورات والاتفاقيات تعقد مع رجال دولة راشدين وليس تجار دين منافقين اتوا للسلطة من اجل السلطة والثروة وليس من مصلحة الوطن . فنرجو تكوين المزيد من الجبهات الثورية المقاتلة والله اكبر على الظالمين الفاسدين تجار الدنيا والدين .
عثمان !!!!!!!!
الضحك شرطنا
اهداء مع اللعنه لك
اصدرت المحاكم الايجازية في مدينة سنجة، أحكام بالاعدام ,في حق 19 من قادة الحركة الشعبية، من المدنيين , والذين لا علاقة لهم بالعمل العسكري في النيل الازرق وشمال السودان . والذين تم القبض عليهم، من منازلهم واماكن عملهم , بعد الهجوم الهمجي، الذي شنه المؤتمر الوطني، على ولاية النيل الازرق والوالى المنتخب، وقد تعرض هولاء للتعذيب، والاهانات، والاساءات طيلة فترة اعتقالهم .الامر الذي أدى الى أصابة بعضهم بعاهات جراء التعذيب، ووصل الامر بهم الان لمحاكمتهم في محاكم أيجازية لاعلاقة لها بالعدالة الطبيعية، والقضاء المحايد، ولم تتوفر فيها أدني درجات النزاهة القانونية. وفي انتهاك كامل لكافة حقوق الانسان، تم اصدر احكام جزافية على 19 منهم، ينتظرون مصيرهم في سجن كوبر وعلى راسهم الكاتب والشاعر الاستاذ عبد المنعم رحمة.
ويلي ايضا قائمة بمن تجري الترتيبات لمحاكمتهم الان في مدينة سنجة :
? موسي جاه الرسول
? حماد احمد قادم
? صدام عباس جول (اقل من 18 سنة)
? محمد عبدالغني دقيس خليفة
? شيخ على النور قري (عمدة قبيلة كولقي)
? عبدالله التوم صالح
? موسى بلولة كسينة
? السر عامر الزاكي
? السيد جاروم جاه الرسول
? طة سوميت مرحوم
? عبدالله محمد الحسن
? كروم عوض بعشوم
? كوجي ملوال
? الرشيد عمدة خوصي
? عبدالله عبد الرحمن عبدالله
وتدعو اللجنة كافة الوطنيين في الداخل والخارج لوقف هذه المحاكمات الهمجية .
لجنة متابعة قضايا المعتقلين في سجون المؤتمر الوطني
الحركة الشعبية لتحرير السودان
تم إضافته يوم الجمعة 25/11/2011 م – الموافق 29-12-1432 هـ الساعة 6:56 صباحاً
شوهد 1 مرة – تم إرسالة 0 مرة