الخرطوم: الراكوبة
حددت تنسيقيات لجان مقاومة الخرطوم، القصر الجمهوري وجهة لمليونية 30 نوفمبر، وبعثت التنسيقية في بيان نشرته على صفحاتها بفيسبوك برسالة إلى رئيس الوزراء الدكتور عبدالله حمدوك بأنها لا تفرق بينه وبين البرهان، وحول الذين ادعو تمثيليها قالت التنسيقيات بأنها ستنشر أسمائهم ومناطق سكنهم.
بيان
تنسيقيات لجان مقاومة ولاية الخرطوم
انتو اشتغلوا شغلكم ونحنا بنشتغل شغلنا
إجتمعت لجان مقاومة ولاية الخرطوم اليوم بتاريخ 28 نوفمبر 2021م لمناقشة مليونيات 30 نوفمبر و ترتيباتها.
– إتفقت تنسيقيات لجان مقاومة ولاية الخرطوم على القصر الجمهوري كوجهة مشتركة للمواكب تعبيرا عن موقفنا الثابت: لا تفاوض لا شراكة لا مساومة وستنشر مسارات مليونيات 30 نوفمبر لاحقا عبر اللجان الميدانية في الأحياء و صفحات لجان المقاومة و التنسيقيات.
– ناقشت تنسيقيات لجان مقاومة ولاية الخرطوم خبر إجتماع المدعو رئيس مجلس وزراء الانقلاب مع أجسام تدعي أنها لجان مقاومة، نقول لحمدوك و لكل الإنقلابيين :- لو كان خلق الأجسام الوهمية يحمي السلطة، لكان البشير في السلطة حتى الآن. وموقفنا من السلطة الإنقلابية كان و لا زال و سيظل واضح، و لا نفرق بين حمدوك و برهان و حميدتي و بقية الجنرالات، كلهم إنقلابيين و مكانهم المشانق.
– سنقوم بنشر كل الأسماء و الجهات التي إجتمعت مع رئيس وزراء الإنقلاب في بيان تفصيلي بالأسماء و مناطق السكن و الجهات التي يدعون تمثيلها.
تنسيقيات لجان مقاومة ولاية الخرطوم
29 نوفمبر 2021
مليونيات مليونيات
البرهان حتصيبه جلطة من مواكب الشعب
مليونية 30 نوفمبر
✌✌✌✌✌✌✌✌✌✌
لا البرهان لا انت لا الاحزاب ولا من علي شاكلتهم حاتصيبوا الجلطه لانو ما فارقه معاهم حاجه، الاموروا باسطه ما بيلقط رزق اليوم باليوم، والمتفنس بره السودان تحت المكيف واولادوا بره
الحا تصيبوا جلطات الغلابي من الشعب واصلا اصابتهم وانتهت
لجان الحزب الشيوعي كفانا استهتار وعدم المسئولية
كفانا خمول وعطالة البلد لا تبني هكذا بل بالعمل والتفاني في حبها هو العمل موالعمل
ياخ الاحزاب طلعت عين البلد ولسه بتطلع فيهو ظهرت لينا موضه لجان مقاومه
والله لو اتلميتوا ورجعتوا الانترلوك المفكك دا ونظفتوا الشوارع دي من الوسخ كان احسن للوطن والمواطن
كرهتونا والله، كل يومين ناطين تعوعوا وتزيدوا البلد وسخ علي وسخها
الله لا كسبكم
دمرتوا وعفنتوا البلد يا عفن
الما عندوا مسيوليه وشغله فارقه معاهوا شنو كل يوم يطلع ويهزهز ويرجع
كلكم الفي المركب والفي البحر طره وكتابه
حيطلعوا شوية شيوعيين وشوية عطالة شوية يافطات.
زول حيشتغل بيكم مافي.
طبعا الشيوعيون يتمنوا انو يكون في شهداء ودماء للتجارة السياسية وكدة
ههههههه
يبدو أن القحاطة يبحثون عن دماء شباب جديدة لتحقيق أجندتهم الحزبية وإلا ما كان اختارو الذهاب للقصر الجمهوري.
ياريت لو عملتو مليونية لتصليح ما دمرتوه من شوارع وأرصفة.
صبوها فى القصر. نشوف ناس حميدتى بيجيبوا ليكم الموز والمحشى. والا ما بيسمحوا ليكم بالوصول للقصر مثلما سمحوا لأتباع مناوى وجبريل واردول والتوم هجوا
انتو ذي المتفقين مع البرهان بالاضرار بالشعب..مافي فرق بينكم وبين العقوبات الامريكيه كلها لا تضر الا الشعب.
الجداد الليلة كتير فى الراكوبة. الظاهر مرتعب من المليونيات.