قافلة من رئاسة الجمهورية لمواطن أطلق على مولوده اسم البشير
تقول الحكاية إن مواطنًا كان معجبًا بالرئيس عمر البشير، وكان يدعو في صلاته أن يمُن الله عليه بمولود ذكر ليطلق عليه إسم عمر البشير، فاستجاب الله لدعائه وأكرمه بالمولود الذكر بعد سبع من البنات، وأطلق على مولوده عمر البشير… كتبت بعض الصحف قصة إعجاب المواطن بالرئيس وتسمية طفله عمر البشير، وانتشر الخبر… اتصل أصحاب الرجل من زالنجي، والضعين، وحلفا، وعطبرة، لما قرأوا خبر المولود مهنئين صاحبهم… عوض الله شقيق الرجل أرسل كبشين أقرنين للسماية… يقال والعهدة على الراوي إن رئاسة الجمهورية لم تتعامل مع الموضوع كأنها لم تقرأ صحفًا في ذلك اليوم بعكس أهل وأصدقاء أبو الطفل عمر البشير… غضب المواطن مما اعتبره تجاهلاً متعمدًا من رئاسة الجمهورية، فذهب إلى المستشفى وغيّر اسم المولود من عمر البشير إلى «عوض الله» شقيقه الذي أهدى الكبشين، وحمل شهادة الميلاد الجديدة ودفع بها إلى الصحيفة التي كانت قد نشرت خبر المولود عمر البشير، وقصة إعجاب الرجل بالرئيس، وطلب من الصحيفة أن تنشر الأسباب والملابسات التي دفعته إلى تغيير اسم مولوده من عمر البشير إلى اسم شقيقه عوض الله، فكتبت الصحيفة في أخيرتها قصة تغيير الاسم مع صورة المواطن، وانتشر الخبر الذي يبدو أنه قد أزعج وأحرج مسؤولي الإعلام في مكتب الرئيس مما حدا بهم للبحث عن المواطن فجمعوا كمية من المعلومات عن الرجل، مكان سكنه، وضعه الاجتماعي، والسياسي، والاقتصادي، والثقافي، السايكولوجي والفسيولوجي، والبايولوجي، واشتملت الدراسة على جيرانه ومعظم سكان الحي الذي يقطنه… ثم كانت الخطوة التالية أن حمّلت رئاسة الجمهورية «بوكسيًا» بكل أنواع المواد الغذائية إلى جانب عدد من الكباش، وشوية «ضحّاكات» زي حوالى «5» ملايين جنيه، وذهبت إلى المواطن في عقر داره… استقبل المواطن رتل السيارات «السوداء» مع «البوكسي» الذي كان يئن من الحمل «الثقيل »، استقبله بالهتاف والتهليل والتكبير… في الصباح الباكر ذهب المواطن إلى المستشفى لتغيير الاسم للمرة الثالثة من عوض الله إلى عمر البشير… أبو الزفت… ومن المستشفى إلى الصحيفة التي ربما طالعها القراء في اليوم التالي بالعنوان: أبو الطفل عمر البشير يستقبل قافلة من رئاسة الجمهورية ويتراجع عن اسم شقيقه عوض الله… بعض أصحابه يمازحونه: يا راجل تبيع أخوك بالسهولة دي، فيرد عليهم: عوض الله أخوي كان داير كبشينو ما يجي يشيلُم، في زول قال ليهو لا؟!!
صحيفة الانتباهة
وفى واحد ولدو ليه ولد سماه “إسحق فضل الله” كده كامل، الناس سألوه ده شنو الإسم المركب ده؟ قال عشان ما يسحروهو.
بببببببببببببببببببايخة
ربنا عوض صبرك بعد سبعة بنات واداك ولد كان الانسب تسميه عوض الله وتربيه من مالك وعرق جبينك مش تسميه عمر البشير عشان يتربى من مال الشعب . يارااااااااجل حرام عليك تسمي ولدك على اسم مجرم حرب سفاك دماء البشر . كان اخير ليك دم الكبشين الاداهم ليك اخوك.
انا شخصيا ما بقدر اهنيك واقول ليك يتربى في عزك لانو واضح انو حا يتربى بي قوت الشعب
معنى الكلام دا أنا لو حمًلت ليه بوكسيين ممكن يغير إسم ولدوا لأبوأسامة المهاجر ويرجع حاجات الرئيس المسروقة من قوت الشعب لتلميع صورة الرئيس الكضاب أبجضوم لو جاتني موافقة من ابوالولد والجريدة أنا جاهز.
انا اسمي عاصم كمال الدين بوعدك بـ سته كباش وبوكسي وبرادو محملات مكملات . عشان ترجع للناس كباشهم .وتدفع لعوض الله كبشينه وغير اسم ولدك للمره الرابعه والاخيره لعاصم كمال الدين . وقورشي عرق جبين مافي زول بيقول ليك من مال الشعب ،البوكس يتسجل باسم الولد والبرادو ليك ،ارفع شهادة الميلاد في صحيفة التيار ووالله التزم ليك .
بس ما تغير اسمك انت.
في الخبر جمعوا معلومات عن سكنه وجيرانه واخوانه النشاط في جمع المعلومات لو كان في حاجه تهم البلد ما كان عملوه حكومة فارغة وما عندها شغلة في شاب في الامارات غير اسموا بعد كم و30 سنه من معمر القذافي الي محمد ممكن يجي يوم ويغير ابو الطفل من عمر البشير الي اي اسم تاني وممكن يخليه عمر فقط علي سيدنا قاهر الفرس ومذل المجوس رضوان الله عليه عمر بن الخطاب. عندنا في السودان ناس قاعدة لي الفارغة والمقدودة يعني في مشاكل اكبر من كدا والناس قاعدة تتفرج والحكومة بت الكلب ما عندها غير سوف نعمل وسوف نعمل وكلوا في حدود حا نعمل فالحه في شد المواطن والتضييق عليه في سكنه وبلده ونومه. مافي بلد في الدنيا قدم الزمن ساعة الا السودان وبي كدا نكون دخلنا موسوعة قينتس للارقام الفارغيه بالعكس يعني بلد زراعي ونستورد دقيق حدادي مدادي وناس ما لاقيه حتي 200 متر عشان تسكن بلد فيه مواشي واغنام وناس تاكل ربع كليو ومرات ربع الكليو مافي بلد فيهو الدكاترة عباقرة والمستشفيات الكبيرة مافيها اخصائي كلهم طلبه .بلد فيها الجيش هام قدر وكل يوم اسرائيل بتدرب طلبه القوات الجويه بضرب السودان. ياخي نحنا حكمومتنا فريده في نوعه مافي حكومة في الدنيا وزيرة بسرق ويقولوا ليهو خلاص معليش بس اسرق شويه المره الجايه والله انا محروق من حاجه واحده المتعافي قدم استقالتوا وقالوا ليهو لا ما بنقدر علي فراقك زي التقول ام المتعفن دا ما جابت زيو في السودان انقلع انت والخضر والجاز واب لقوفه والله لا اسفا عليكم ولن تبكي عليكم السماء وسوف تمطر فرحا وطهورا من نجاستكم التي دامت سنين عجاف ارحلوا وسوف اقدم ولدي الوحيد قربانا بي رحيلكم (علي شرط ام عبدو ما تسمع )انقلعوا لا بارك الله فيكم طيروا وان شاء الله بتكون عامره من غيركم انتهي كلامي ولم انتهي انا
وهل هذا شعب نتوقع ان يثور في وجه الظلم والديكتاتورية الحزبية..؟؟؟
ماكان في البوكس سوف يؤكل ويطرح ويبقي الاسم الفضيحة تمشي برجلين والعوض علي الله فينا شعب
جاع فباع …
ياراجل تسمي ولدك علي خنزير رقاص غير إسم ولدك لأوكامبو وليك مني عشرة ملايين وكان الناس قالوا ليك تبيع الخنزير الرقاص ليه رد عليهم بنفس المبررات التي دفعتك إلى التخلي عن إسم أخوك وتعديله (إذا كان الخنزير الرقاص داير حاجاتو اليجي يستلمها في زول قال ليهو لا ) وصدق بالله الخنزير ماحيجي يشيل حاجة لأنه مجرد وجود إسم أوكامبوا في البيت ماحيقدر يقترب منه وسيرتعش خوفاً ويتصبب عرقاً وربما قدم لك الكثير من الإغراءات الماديةمن أجل تغيير هذا الإسم لأي أسم آخر تختاره حتى إنشاء الله تسميه سلفا بس المهم أبعد أوكامبو ده
شوف بالله الراجل ما بخجل يتاجر بولده ، دا لو جاب بنت ما بعيد يسميها وداد .
يبدو ان درجة اعجاب الرجل يتأثر سلبا وايجابا بحجم الهدايا والعطايا التى تقدم ، فمن يدفع أكثر يحظى برضاه ويجزى بتخليد اسمه على ولده ، البشير دفع صفرا فى المرة الاولى ، فذهب الاسم لدفع الله الذى دفع كبشين ، وأهين البشير بحذف بالاستغناء عن اسمه ، وفى الجولة التالية ، اجتهد زبانية البشير ، فدفعوا الكثير ، فحازو على رضاء الرجل ، واستولوا على المولود .
اجزم ان البشير سيفقد اسم المولود بمجرد تركه السلطة وذهابه الى لاهاى ، فمن يسمى نفسه البشير سيكون كمن يسمىه هتلر، وحتى ان تمسك والد المولود بذلك الاسم ، فعندما يكبر البشير الصغير ، سيتقزز من اسمه ، وسيذهب الى الاحصاء او المحكمة هذه المرة ، وسيرفع قضية بحجم الضرر الواقع عليه جراء نسبه لمجرم قتل واعترف بابادة الالاف ، وسيعيد الاعتبار لاسم دفع الله ، وقد يختار لنفسه اسم اوكامبو (اسم اوكامبو موجود معسكرات تشاد والجنوب واثيوبيا )، سيخسر البشير الجولة الاخيرة ، وبالضربة القضائية القاضية ان كان فى السودان او فى لاهاى ، والى الابد .. فانتظروا وسترون ان كان فى الحياة بقية.
ياخى والله انتو سفله
بالله …. شوف العباطة دي … دا شنو الوهم دا … البتكتبوا فيهو … إحترموا عقول الناس …
وانتشر الخبر الذي يبدو أنه قد أزعج وأحرج مسؤولي الإعلام في مكتب الرئيس مما حدا بهم للبحث عن المواطن فجمعوا كمية من المعلومات عن الرجل، مكان سكنه، وضعه الاجتماعي، والسياسي، والاقتصادي، والثقافي، السايكولوجي والفسيولوجي، والبايولوجي، واشتملت الدراسة على جيرانه ومعظم سكان الحي الذي يقطنه.
jjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjjj
المقصود بهذا العمل ليس الرجل انما المقصود به اهالي المنطقة كلها وهو نوع من الاستقطاب الجماهيري وغسيل المخ وخاصة ان رئاسة الجمهورية هذه الايام بحاجة ماسة الى الدعم الجماهيري لما تمر به من زنقة مدنكلة !!!
لكن برضو ما بحلكم !!^_^
عالم عجيب يعنى عاجبك فيه شنو بالله
هههههههههههه عوض الله أخوي كان داير كبشينو ما يجي يشيلُم، في زول قال ليهو لا؟!! دى قويه
فى الحقيقة هنالك نسبة كليرة جدا جدا من السودانيين اثرت فيهم سياسات الانقاذ الخرقاء ومن ضمنها تغيير طبائعهم واخلاقياتهم حتى اضحى الواحد فيهم يمكن ان يبيع ويشترى اي يتاجر باقرب الاقربين له بل لا يسال بناته عن ذهابهن وايابهن وعن اموالهن التى تدر عليهن وليس بناته فقط بل زوجته لا يسالها البته المهم تجيب ليهو الفلوس والضحاكات ويكون مسرورا ….امر مؤسف للغاية ..المصالح المادية تغطت على حياة وقلوب ضعاف النفوس وعبيد المال …لا حول ولا قوة الا بالله.
شوف الراجل الوهم ده نحن عمر بشير وااااااااااااااحد نجضنا نجوووووووووووض ودقه بينا الدلجة داير تجيب لينا بشير 2 ياخ الله يسامحك لو كان الكلام ده صحيح وبنقول لي عوض الله ولا يهمك ربنا بعوضك
شعب غريب وعجيب اسماء (عبدالناصر – القذافى – الخمينى – نميرى – لينين -تيتو – وكمان تلابيب — عاصمة دولة اسرائيل
الحكاية شنو ولد ولا شهادة بحث !!
حتعيش وتشوف ولدك لمن يكبر حايعمل شنو حيمشى براهو ييغير اسموا ويجى يقول ليك يا ابوى ما لقيت الاعمر البشير عمر الخطاب ولا بن عبدالعزيز ولا حتى عمر المختار مالو مالقيت الا الب………..
كلام فارغ
انشاء الله اطلع ليك الخالق الناطق ويعذبك و ناس الحله و ما اخلى زول فى الحله ياخد راحته و من شرطه الى سجن و تتبهدل وتكره اليوم السميته فيه ابو جهل ؟
انا بتى خطيبتى اسمها وداد تصدقوا حبي ليها قل ما زى زمان يكون من شنو
طالما كل الاخبار صارت عبارة عن نكات نعطيكم النكات دى:
قالوا العمال دخلوا فى اضراب ولما اجتمع بيهم البشير قال ليهم السبب شنو?… العمال قالوا ليهو مافى خبز ومافى سكر ومافى زيت ومافى بنزين وووو… قام البشير قال ليهم طيب طلباتكم شنو؟ العمال قالوا ليهو عاوزنك ترفع لينا الاجور. البشير رد عليهم قال ليهم طيب انتم قلتوا انو كل شئ مافى طيب حتعملوا بالقروش دى شنو!!!!! ( سؤاله ذكى جدآ)
نفس العمال واقفين امام البشير واحد عطس فى وجه البشير قام سأل منو العطس؟ مافى زول رد قام أمر بضرب الصف الامامى كله بالرصاص. سأل الصف التانى مافى زول جاوب قام ابادهم عن بكرة ابيهم سأل الصف الثالث… واحد من الخوف قال ده انا يا ريس قام البشير قال ليهو: يرحمكم الله
البشير استشار ابليس فى انه عاوز يعمل شئ يطلع بيهو زيت الشعب قام ابليس حك راسه واداه افكار بنت كلب وكل مرة البشير يهز راسه لا لا لا. بعد شوية البشير وسوس لابليس بفكرة قام ابليس قال ليهو : لا يا راجل حرام عليك!!!!!!
المسألة تبادل منافع يانافع
والله ظرفكم صعبهز لكن بقترح لابو الولد اسم جون قرنق مع جنسيه لجنوب السودان بئر للبترول بشرط يتنازل اسم البشير ويتشلخ (شلوخ)
والله قرفتنا ما لقيت الا الصورة الفيها الضرس المسوس قول لية اقلعو وله ما تفتح فمك زي التمساح قرف .
Mr. President please try to visit a dentist.!!!
أنا كان جانى ولد حأسميه أبورياله ,, النشوف بيجيب لينا شنو؟؟؟؟؟؟؟؟؟؟؟؟؟
أفو الرقاص أحسن منو الجكاكي
هههههههههههههههههههههههههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههههههههههههههههههه
يا اخي كنت تسمي ولدك ده علىّ – علىّ الطلاق كنت جبت ليك مراح .
يخسي عليك يا فطيسه .
انا لو جبتا ولد حا اسميهوو الصادق المهدي- ابو الكلام- قلتااا اضحكــــــــــــــــــــــــم شويـــــــــــــــــــــــــــــــــــــه
السوسة السوسة … أدونا التونة.
انا زاتى كان جانى ولد بسميه نافع على نافع نشوفو بجيب لينا شنو؟
ياخى حرام عليك ربناعوضك وأداك ولد وإسم عوض الله كان من
الأول مناسب للمناسبه نفسها.
لكن إنت ماجارى وراء
الإسم بل جارى وراء المنفعه الوقتيه بتسميته
بهذا الفرعون الجديد إنتهازيه منك لم تراعى ماسيحدث فى المستقبل
لأبنك عجبى يابلد؟! مواطن
إستدرج السلطه متدهنسا
لها وسلطه تستجيب لهذه
الدهنسه وهذا التملق طمعا فى تحسين صورتها
أمام الشعب إليس هذا هو منبت الفساد والإفساد
والتأسيس له؟! يعنى كل
إسرة تلدليها ولدتسميه (عمرالبشير)و تمشى
تهدد السلطه لولم تأتى بالمكرمه حتغيرإسمه وبى
كده نكون شلنا(بدل الإسم) ويصبح بندجديد فى الميزانيه وأهوكله فساد فى فساد فى بلد التقليعات والمفارقات؟!!!
انا بالواضح عندى ولد سميتو هاشم بدر الدين .. ارجل راجل سودانى . جلد الترابى لما البشير ونافع وعبدالرحيم كانو بيبوسو مركوبو الابيض .. من تحت ..ومن ديك الترابى جن وفقد المحنه .
ما بيحلكم ما عندكم شيتا تشتروا بيه
ا راجل بتاع مصالح بلا معجب بالبشير بلا كلام فارغ ..
و بعدين رئاسة الجمهورية دخلها شنو ؟؟؟
المفروض البشير يدفع من جيبو و الا ما فارقه كلو من ( عرق المواطن) ..
انا او جانى ولدى حاسميه اوكامبو
الحمدللة بقى عوض اللة لانو فعلا العوض من اللة