الحلاويون يفشلون زيارة النائب الاول لمنطقتهم
قري الحلاوين / الراكوبة
الغت السلطات الامنية الزيارة التي كان من المزمع ان يقوم بها السيد النائب الاول لرئيس الجمهورية الاستاذ علي عثمان محمد طه الي محلية الحصاحيصا لافتتاح عدد من المنشأت في مستشفي ابي عشر وطريق قنب مناقزا ومحطة تقوية الامداد الكهربي جنوب طيبة القرشي حيث تم الاكتفاء بزيارة ابي عشر وافتتاح منشأت المستشفي فقط وقد علمت (الراكوبة ) من مصادرها ان الحلاوين رفضوا الاحتشاد لاستقبال النائب الاول وهددوا بالهتاف ضده اذا افتتح طريق قنب مناقزا والذي من المفترض ان يكون الطريق ياسم الحلاوين ليربط كل قري المنطقة والجدير بالذكر تتصاعد الآن موجة السخط الموجه ضد معتمد الحصاحيصا الذي يعتقد انه حول مسار الشارع لينتهي عند قريته مناقزا بالاضافة الي عدم رضاء اهل المنطقة عنه وقد عبر بعض اعيان المنطقة عن تضامنهم مع ابنهم البروفيسور محمد زين العابدين والذي ما يزال معتقلا منذ دخوله البلاد قبل اسبوعين هذا وقد شهدت المنطقة كثافة امنية لافتة للنظر.
عاجل ==عاجل == عاجل
جاءني على بريدي الالكتروني من داخل السودان ومن خارجه شمار حار من بعض الشرفاء المغروسين داخل المؤتمر الوطني فقد قام المؤتمر الوطني بتعين كتيبة جهاد جديدة لمتابعة الشرفاء من معلقي الراكوبة خارج السودان وقد قام المؤتمر الوطني بتجهيزهم بالادوات من اجهزة لاب توب وغيرهم ومدهم بالفلوس واخبرني المصدر الموثوق منه ان على جميع شرفاء الراكوبة تغيير اسماءهم باستمرار وان لا يظلوا على اسم واحد حتى لا يتم رصدهم
عليه انشروا هذا الخبر علي الجميع تغيير اسماءهم الحركية فورا اشدد فورا وباستمرار
نشكر شرفاء النضال لتحذيرنا .
وسيتم نشر الخبر ايضا في مواقع اخرى .
التحية لابناء الحلاوين الشرفاء
يا احفاد ود حبوبة كان جاكم لحقوا المامور الكتلو جدكم تربية القرود والثعالب ده الزول ده اخطر انواع الكيزان ده عقرب حزة بعضى وا تلبد بعدفترة تاني يعضى
مناقزا أيضاً من قرى الحلاوين وهي بلد ودحبوبة .
الكيزان في تكتيك واضح وما أن يحسوا أنهم غير قادرين على عمل حشد بواسطة مطبليهم , للهمباتة الزائرين , فأنهم يعمدون الى بث الفتنة بين الناس حتى لا يتوحدوا فيما بينهم . وذلك بالمثال في المقال أعلاه .
كل مناطق السودان ليس مكان مناسب للأحتشاد للهمباتة الا عن طريق أبرع أنواع التطبيل والتى تنجح فقط في مناطق معينة .و الحساب للمطبلين بالنفر و بالثانية كمان .
ديل أهل عبدالقادر ود الحبوبه ….. عفيت منهم والله رجال …..
سيفك للفقر قلام ……. الهزيت البلد من اليمن للشام
انا اسمي طبنجه بن بندقيه بن مدفع الصاروخي ساكن في مدينة الترسانه .ملئي بالبارود والذخاير الحيه الراجل خلي يجيني .
*** الحلاوين يا حلوين
التحية لاحفاد البطل ودحبوبة .
الانقاذ وادمان الحشود وادمان الفشل ..؟!
صارت سنة متبعة لدى الانقاذيين ادمان الحشود ،يعني يمكن ان تاتي منحة لاقامة صرح ما، مدرسة مستشفى نقطة غيار……. الخ، وتكون تكلفتها مليون دولار مثلا ،ثم ياتي احد التنابلة لافتتاحة بتكلفة تفوق الاثنين مليون ومن الخزينة العامة واحيانا يقتطع من المنحة نفسها .اليس هذا نوع من المرض يحتاج الى معالجة..؟؟
دي اهلي ..
الامر في غاية اذا جندوا كتيبة ما عليك الا ان تعرف بالاسم من الذي يعكر صفو حياتك وتصيبه في مقتل في نفسه
يعني يجيك لابس ميري احترمو وبعد ما يطلع الميري في قريتو او مدينتو طلع عينو ( الا يطير ويعمل جناحين الشغلة بقة رجاله وحقاره وخيانه والمعاملة بالمثل )
احى اهلى الحلاوين يله نثور نثور نثور نطرد الطيور مادايرين الرئيس الراقصه
معقولة الحلاوين احفاد ود حبوبة يستقبلوا حفيد عسس كتشنر
بتريد اللطام أسد الكداد الزام
هزيت البلد من اليمن للشام
سيفك للفقر قلام
*********
ديّم في التقر انصارو منزربين
بالصفا واليقين حقيقة أنصار دين
بالحرب أم طبائق قابلوا المرتيين
في وش المكن رقدوا التقول نايمين
***********
ديّم في التقر انصارو زاربنو
بعهدوا القبيل بعيسى تاهمنوا
اتلموا العمد ليهم نقر سنوا
الهوج والشرق طار المنام منوا
**********
ديّم في التقر قال العمير للسوم
القوى والضعيف من عينو طار النوم
الكفرة النجوس مابختوا من اللوم
حجرت الدرب خليت جمالهم تحوم
*********
الأسد النتر وقال الدين منصور
لمولوا الاورط جابوهم بالبابور
العمد الكبار كلامهم بقى مدحور
كم فقشت مدير وكرمت بالمأمور
***********
الأسد النتر بى جيهة الأبقار
لمولو الاورط شايلين سلاح النار
ود حبوبة قام ورتب الأنصار
في كتفيه ديك كم شبعن صقار
***********
الإعلان صدر واتلمت المخلوق
بى عيني بشوف أب رسوة طامح فوق
كان جات بالمراد واليمين مطلوق
ما كان بنشنق ود أب كريق في السوق
***********
الإعلان صدر واتلمت الحلال
نصبولو السلاح واتكرنف الخيال
قدر الله الحصل و الزمان ميال
منسول من أبوك ماك ود حرام دجال
***********
بتكلم بقول بوريك شن حسبوا
نايبو السنين منّو الرجال حسبو
كل الخاصموك في الآخرة ما كسبوا
التبعوك جنود لله ما انتسبوا
***********
رضوان الإله تملأ الضريح كافور
مسك الرحمه لاح منو يلوح النور
اغفر سيئات كل من يجيك زور
في الفردوس هناك يتمنى مهما يدور
التحية والتقدير والتجلة لأهل الحلاوين .. والله شرفتوا كل السودانيين والسودان ….
الثورة تبدأ من هنا ….
كلام غريب والله
عافي منكم ياأحفاد عبدالقادر محمد امام ( ودحبوبه) الوارثين الفراسة من أبطالكم وقاتل الله الحرامية واللصوص اللهم عليك بهم سارقي أموال اليتامي والمساكين
هولاء دمروا وافسدوا ؟ لاضمير ولاانسانيه ولااخلاق ياسفله . واذكركم ايضا عبدالرحمن سر الختم برضو عمل نفس الشيى بأن مد الطريق الاسفلتى الى الحى الذى تسكن به والدته ؟ دون وجه حق أو حسيب ؟
واحد جاب امو زيارة السعوديه وقام وداها كبرى البحرين والسعودية للنزهة ومعاهو واحد ممسوخ من ناسنا عرب الفاو بتكلم مع ام صاحبنا : عارفة يا حاجة الكبرى دا طولوا 35 متر فى الموية . اجى ياولدى. والله جد يا حاجة اتخيلى يوم الافتتاح ماجاء عسكرى افتتحو والله دا كان عندنا كان جاء البشير والسفير والعوير وغنوا ورقصوا ونبزوا الدنيا كلها. والزارعنا غير الله يجى يقلعنا .شكيتن على الله آولدى ديل العملوا فينا ما بتمرق تانى.
جداد الكتروني
لو كان بالمراد واليمين مطلوق مابتشنق ود أب كريك في السوق سيفك للفقر قلام، بتريد اللطام،
الحلاويين بقيادة ود حبوبة قدموا أعظم التضحيات ولكن تاريخ السودان منحاز وغير منصف وهى من القضايا المسكوت عنها ،رحم الله بادي محمد الطيب