الحكم بإعدام طالب سوداني في ماليزيا لإدانته بقتل طفلة

وليه السفارة ما تابعت الموضوع كل البلدان اندونسيا والفلبين والهند تتابع محاكمة رعاياها وتحاول بقدر الامكان توفير محاكمة نزيهة ومستقلة لكن نحن سفارات الجبايات والتجسس.

لا حول و لا و قوة الا بالله

القصة على حسب علمي ان مهند صادق تلك الماليزية قرابة العام, وفي يوم من الايام تم اقتحام الشقة و اغتصاب و قتل الطفلة و من ثم توجيه اصابع الاتهام الى مهند. و يرجح الكثيرون ان الزوج السابق للماليزية (و هو رجل كبير في الدولة "داتو") دبر الجريمة للانتقام من مهند. و يبدو ان الحكومة الماليزية تريد جعل مهند عبرة لكل السودانيين و الافارقة للابتعاد عن الماليزيات. علما بأن الفتاة نفسها كانت تدافع عنه في الايام الاولى للحادثة, و لا تحتاج عميق تفكير لمعرفة الدافع لتغيير اقوالها.

حقيقة ربما لا يعلمها الكثيرون, ان العنصرية تجاه الافارقة مستفحلة للغاية وسط الشعب الماليزي

المهم ان تتدخل وزارة الخارجية السودانية بسرعة للحيلولة دون وقوع هذه المأساة و توقيع عقوبة الاعدام على طالب سوداني اثبت ال DNA براءته. علاقته الغير شرعية خطأ, ولكنها لا تستحق الاعدام. و الله المستعان

ههه السفارة قال في سفارة بتسال من سوداني اول سوال بقول ليك جيت لشنو ؟

لا نقول اكثر من لا حول ولا قوة إلا بالله العلي العظيم

الطلبه السودانين في ماليزيا سمعتهم ذي الزفت مالين البارات والخمارات…. وكثير من الاسر العاقله مشت ورجعت ابناءها والسبب المره دي كترة القروش لانو اغلبهم اولاد مغتربين ومشو لماليزيا عشان اصحابهم مشوا حتى ماعارفين حيقروا شنو ولما اتفاجاوا بالمقررات الصعبه وانظام الصارم قضوها مخدرات وديسكوهات وبتات وابشركم في كتير منهم بقوا من كبار تجار المخدرات….. عايزين تتاكدوا اسالوا وطبعا عشان السودانين جنس نعامي نسبه لحب دفن الراس في التراب كلهم ماحيعجبهم الكلام دا لكن احسن تحصلوا اولاد كمقبل فوات الاوان

نصيحة الي ابنائي وا خواني الدارسين بالخارج …ابتعدو عن النساء والخمر تسلمو ويسلم اهلكم …اقول لكم الغريب اديب الغريب اديب الغريب اديب ….درسنا بالخارج وكنا سفراء للسودان عندما كان لهذا البلد هيبة …لقد كان الروس يشمئزون من الشباب الذي يصادق بناتهم ويحترمون من يبتعد عنهن … يقولو شوف بالله نحنا نعلمهم علي حسابنا وهم جايين …………..بناتنا انا لا الوم الابن مهند انما الوم اهله يجب ان يعرف الاهل ابنائهم جيدا وتركيبتهم النفسية ومدي قابليتهم علي الانحراف قبل ارسالهم للدراسة بالخارج

ما اي حكم ضد سوداني عنصريه زي ما بقولو ماليزيا دوله اعدل بي مليون مره من السودان

في غرب السودان وشرقو وجنوبو كم من مغتصر وقاتل وعنصري عايشين بامان ولو وحده لابسه جنز ساااي يقيمو عليها الحد

عنصريه شنو يا جماعة ….الحاجة ماغريبة علي المجتمع السوداني بس الناس مابتتكلم والعنف حاصل في الأسر وبياثر في البنات شديد أكتر من الاولاد ….في بنات وزوجات فقدوا عقلهم واصابتهم أمراض نفسييه بسبب العنف من أحد أفراد الاسرة الذكور , …. في العالم الغربي بهتموا بالحاجات أكتر مننا و ازا تم اكتشافها القانون دايما يحمي المرأه والطفل واذا المرأة مابلغت الشرطة الجيران ببلغو الشرطة ……

هنالك بعض المعلقين يقرأ الخبر ويقرر أن السفارة لم تتدخل ثم يبدأ في كتابة التعليق منتقدا السفارة دون تثبت ، أبشركم أن السفارة على اطلاع بالموضوع من سنتين (عمر القضية) و تتابع الموقف وهناك امور لا يصح نشرها للاعلام لانها تمس أسرة سودانية محترمة

بصراحة أنا مقيمة بماليزيا عشر سنوات ، كان سمعة السوداني فوق الكل بس السنوات الأخيرة لو في تزوير وتهريب فلوس تلقى السودانيين السودانيات لهم ضلع في الموضوع وماننسى البزنس لأنهم أكبر حرامية فيه فتجدهم يأجروا الغرفة أم 160بأضعاف مضاعفة ولي منو لي سودانيين مثلهم ويأجرو الشقق للسودانيين الجدد بمبالغ خرافية وكمان بيبزنسوا في الطلاب وقبولهم ولو تكلمنا عن المخدرات والاتجار فيها أشطر ناس فيها طلاب البكالوريوس السودانيين والسعوديين والمحاكم فيها قصص تشيب الرأس وللأسف أغلبهم طلاب الشهادة العربية الجايين من الخليج والسعودية وكمان بيتعاطوه وفي حوادث انتحار وجنون حصلت ولو تكلمنا عن السودانيات برضو الشهادة العربية ففضايح ما بعدها فضايح والله العطيم ما ظلمتهم بس بنات بيسكرو وبيلبسو أردية وبيمشو البارات وسمعتهم زفت وأكثر ولما تكون في الشارع ماشي وتشوف ليك سودانيات من العينة دي تخجل …وأنا شايفة الحل إنو الأهل المغتربين ديل إما يجو مع أولادهم أو مافي داعي يرسلو أولادهم للبلد المفتوحة دي لأنهم بيخربو وبيصاحبو الهنديات والشينيات والماليزيات والايرانيات وبيصرفو عليهم كمان والأدهى من كده في واحدين بيتزوجوا فلبينيات خدامات وماينماريات قريب لزواج الشيعة وبعدين كل قرد يركب شجرتوويكون متزوج في السودان ولو مامتزوج مابيكلم أهلو انو متزوج هنا حتى لما يرجع مابيجيب سيرة للموضوع أبدا.

يا اخى الاولاد ديل ما يكونوا مسؤلين الواحد اهلو ودوه يقرا ولا يتصعلك . كلام فارغ خليه كل من جنى على نفسه فليتحمل وزره لان الزنا فاحشة وساء سبيلا هكذا قال رب العالمين . نسال الله العافية و الستر لابنائنا اينما كانوا.

الأخ أبوردينة ……إيه مصلحتنا كسودانيين إنو نسيئ لسمعة السودانيين وبعدين مين قال ليك بندعي انو السودانيين بيمشو البارات والديسكوهات وفي الحقيقة البنات أكثر لأنهم فاسدات وبيمشوا البارات وبيسكروا وبيبقو طينة لدرجة إنو الطلاب العرب بقوا يسخروا من السودانيين ويقولوا ليهم شوفو الزولات ديل ….ولو إنت مامصدق الكلام ده أسأل أي أحد بالسفارة أو أي طالب بيدرس في LImkokwing أو MMU ومشاكل السودانيين أحياناً تكتب في الصحف وياريت كان ترسل ايميلك وأنا أقول ليك بلاوي عشان تقتنع ….وفي أسر عاقلة جات قعدت مع عيالها هنا وفي ناس رجعوا وفي اولاد وبنات ضايعين ….ومافي داعي للاساءة وانك تقول :: وانتي واحدة يمكن في احد من اسرتك شغال مخدرات واشك ان الفشل دق علي بابك من احسن الجاليات الجالية السودانية احترام وتقدير ومهند حالة واحدة مش 3 :: : في موسم السياحة الأغلبية بيشتغلو حرامية وأسال عن الكلام ده برضو قبل وزمان كانو السودانيين من احسن الجاليات في ماليزيا وده مامن عندي من عدد المسجلة عند البوبيس الماليزي …..أما السودانيين العرائس فبيبزنسو فيهم بزنس رهيب ….بالدات لو شخص جاء لأول مرة والله ربنا يعوضو بس ….. وتأكد من كلامي ده من السفارة عشان تعرف إنو سمعتنا هنا بقت كيف …زوأنا واثقة في كل كلمة كتبتها ….لدرجة إني بفكر أكتب في الصحف السودانية والمنتديات لتوعية الأهالي الأولادهم بيضيعوا هنا ويضيعوا تعب أولادهم ……………..

ينصر دينك يا (أم أيمن)
فعلاً كلامك كلو حقيقة وما خفي أكثر من ذلك بكثير …
والطالب هذا يستاهل ما جاه لأن هذا ما جنته يده ..
وهناك لا مكان للظلم ..

لاخوة الاعزاء برجاء نشر هذا الرد للدكتورة نجاة

اولآ :

الدكتورة نجاة نحن كنا نود الاتصال بك للعمل معنا والمساعدة علي توفير محاكمة عادلة اكرر محاكمة عادلة ونحن كاسرة الطالب مهند لانطلب ان يبراء مهند من زنب ارتكبه

ثانيآ:

لقد قمت بتذكيرنا علي العمل علي اخذ الحقائق من افادات الاطباء المختصين وبخصوص هذا الذي اشرتي اليه لقد قمنا نحن والسفارة السودانية متمثله في الاخوة السيد نادر سفيرنا والسيد القنصل طارق بالاتصال وهنا فاتني ان نقدم شكرنا للبروف هنود من العلماء السودانين في الذي نفتخر بهم في مجال القانون ولقد قام البروف بترشيح المحامي كومار ومن اكثر الاشياء التي لاحظناها ان المحامي الماليزي كان فخور باشراف هذا البروف علي هذه القضية

ثالثآ:

لاحظنا يادكتورة انك فمت بتزكيرنا بما حدث لهذا الطفلة والظلم الذي وقع عليها وكأننا نريد براءه ابننا وبس لا يادكتورة نحن وجميع الاخوة الاعزاء الذين وقفو معنا لن نقبل بعدم القصاص لهذه الطفلة البريئه ولاننا اباء ايضآ لبنات مثلها ولو فعل هذا الفعل الشنيع مهند لقمنا بشنقه في ميدان عام

ثالثآ:

بمثل دفاعك لبراءه الطفلة ونحن نقدر بأنك تحمل انسانية علية والتي ظهرت من خلال اهتمامك بالموضوع نرجو منك ايضآ النظر من جهة اخري علي الابن مهند وهو في هذا الموقف اذا كان برئ

رابعآ

ذكرت بان الطفلة كانت موجودة مع مهند في المنزل ولقد جعلت من هذا الموقف ادانة لمهند ولكن اريد ان الفت نظرك علي شي وهذا الشئ جعلني افسره لصالحه لانني عملت مقارنة بين موقف مهند وموقف جميع المجرمين في الجرائم التي حدثت مؤخرآ بالسودان

1- وجدتهم جميعهم قتلو الاطفال بغرض محو اي اثر للجريمة الاغتصاب وهذا كان دافعهم للقتل ولسلوكهم المريض لان اي انسان يرتكب جريمة الاغتصاب علي طفلة من ناحية نفسية انه يمارس اضهاد علي طفل ضعيف وهنا في فضية مهند نجد انه لاتوجد عملية اغتصاب ولذلك السؤال يقتلها ليه ماهو الدافع للقتل وايضآ وجود مهند مع الطفلة اريد ان يفسر لصالح مهن لانه ليمكن لاي انسان ان يترك طفله مع شخص اخر لايضمن سلامته لقد ذكرت با ان الاغتصاب يمكن ان يكون بادوات اخري وليس كما هو معروف واريد ان اوضح هنا ان هذا السبب ايضآ يا تي ناتجآ عن نوع معين من الشذوذ وهذه الحالة لاتنطبق في مهند اي ان الشذوذ يتولد عن كبد معين للشخص اي كبد جنسي فاقد تربوي او نقص في التعليم وهذه الصفات لاتوجد في الابن مهند والدليل ان في ماليزيا يمكن لاي شخص يعمل الذي يريده ولقد رأيت هناك في ماليزيا كل واحد يعمل الذي يريده ووجود الحرية الشخصية والسبب الاخر ان مهند تربي في اسرة محترمة وانت تعلمي ان معرفة سلوك الاسرة المحترمة والغير محترمة يمكن ان تعرفه من غير اي تعب وايضآ انا هنا لا ادافع للخطاء الذي وقع فيه ولكن بالنسبة لنا ان هذا الخطاء تتفاوت تقيمه بالنسبة للناس في ناس يروهو خطاء كبير جدآ وفي ناس يروه خطاء في ظل وجود الفرد في سنه هذه خارج علي مراقبة الاسرة وهنا اقصد بالاسرة المجتمع الكبير السوداني لان الجميع هنا يعمل حساب لسمعته يري هذا الخطاء عادي واكرر لاراقصد بانه بسيط ارجو ان اكون شرحت هذا الفهم بمثل ماانا اقصده

3- مهند درس جميع مراحله في مدارس خاصة لايستطيع عامة الناس ان يلتحقو بها واقصد هنا ان اسرته دفعت له واجتهدت في ان يكون انسان ناجح وهذا يضآ بمقارنته بجميع الجرائم التي حدثت اخير بالسودان ان جميعهم يعملون بالاعمال الهامشية ويجد لديهم فاقد من الناحية الاجتماعية والحمدلله كثيرآ باننا لم نسمع حتي الان عن حدوثها في مجتمعنا السوداني او في الوسط المعروف للجميع

4-اغلب الذين يرتكبون هذه الجريمة يسعو الي اخفا الجثة ومسح اي خيط يدل علي ارتكابهم هذه الجريمة ويكون غير معرفين لاسرة الطفلة ويخافون الخوف الشديد جدآ عدم معرفة الاسرة بهذه الجريمة وهذا حدث عكسه تمام في موضوع مهند انه اجتهد في الاتصال بالام وانه حاول ان يجري لها تنفس صناعي وانه قام باخذها وجري بها الدكتور وهذا انما يدل علي ان الحكم بالاعدام لقد تم علي شهامة السودانين ووقوفهم مع الغير.

اخيرآ يادكتورة نحن كاسرة نوضح لك باننا نوؤمن بالله ونؤمن بالقضاء والقدر ونعلم جميعآ بان تعدد الاسباب والموت واحد وقال تعالي(ولنبلونكم بشيء من الخوف والجوع ونقص من الأموال والأنفس والثمرات وبشر الصابرين الذين اذا اصبتهم مصيبة قالو انا لله وانا اليه راجعوت(

وايضا لا نطلب تعاطفك هذا لانه ليأخر ولايقدم واننا جميعنا الان نعمل علي عدم اثبات هذه الجريمة علي المواطن السوداني في الخارج اما بخصوص مهند فانه انسان مثله مثل اي انسان يعيش ايامه المكتوبة له ولكن يفضل اسم السودان.

اسرة مهند

سلام يا سومي ياعسل وأشكرك على تعليقك ويظهر إنك جيت ماليزيا وعرفت الحاصل …………أ سمعت من شخص موثوق فيه………
والله أنا رديت على الأخ الفاضل [ابوردينة] لأنو قايل السودانيين هنا ملائكة وما قادر يقتنع إنو سمعتنا هنا بقت هباااااااااااااااااااااااااااب ……وتطلع القطار تشوف بلاوي وتمش تايم سكويرز تشوف مصائب والعجب الطلاب والطالبات البيجو رحلات علمية بيفكوها في نفسهم فكة عجيبة ولا تسألني عن اللبس لأنه عجيب وأنا متأكدة إنو مابيقدرو يلبسوه في السودان…. ومن هنا بناشد السودانيين المغتربين مايفكوا أولادهم هنا في ماليزيا براهم لأنها بلد مفتوحة والعيال بيخربوا فيها بسرعة …وبالله لو في منتدى بتعرفوا للمغتربين بسل لي عنوانو عشان فعلا عندي رغبة أكتب تعليقات عن الطلاب الطالبات وعمايلهم واتمنى الأهل المغتربين يقروه عشان يشوفوا حل لضياع العيال هنا…………..