بنك السودان المركزي يوجه شركات الاتصال بزيادة رسوم خدمة تحويل الرصيد

يا أخي الكيزان ديل فيهم عرق من اليهود ساكين خلق الله في كل شئ هي الشركات دي ما حقتهم .انتو ما بتشبعوا أصلكم ؟ أفقرتوا العبد ومزقتوا البلاد … حكايتكم شنو ………..مصيركم مصير القذافي انشاء الله وقريب جدا جدا .

صحى والله اولاد الحرام ماخلوا لى اولاد الحلال حاجه ..

الجماعة طمعانيين حتى فى مصاريف المدارس البتتحول بواسطة خدمة تحويل رصيد

وبنك السجم ده وكت فالح فى مراقبة حركة السيولة والنقد المتداولة فى البلد ..

وينو وتقارير ديوان المراجع السنوية .. مافيها الاف الحسابات والارصده الهاملة ..

وكل وزير فاتح حساب باسمو الشخصى .. وحساب باسم وزارتو

بلا يخم صابر والجا بعدو

ما هو دخل البنك المركزى فى ابتكار ضرائب جديده للدوله اذ لكل وظيفه مهامها الفنيه وخلق رسوم اضافيه هو من صميم الشركه المعنيه والبنك المركزى يقع على عاتقه تنفيذ ميزانية النقد الاجنبى. كان من الاجدر ان تقوم شركات الاتصالات بتضمين اقتراحها هذا بميزانيات الشركات المعنيه بعد النقاش من قبل المسؤولين وترفع الى وزارة الماليه لتقوم بدورها وزارة الماليه بنقاشها وتضمينها فى ميزانية الهيئات والمؤسسات العامه وتضمن فى ميزانية الدوله العامه وترفع الى مجلس الوزراء فى مشروع قانون ثم المجلس الوطنى لتصير قانونا نافذا بعد التصديق عليها.

عايزين يصلو بينا الى اي مستوي …………………………
هل بنك السودان اصبح يفرض قيم مضافة للمواطن ؟ ولا هناك نقص في رواتب الوزراء ؟وللشعب ان يصحي ويقف ضد هذه الفوضي !!!!