وزير التعليم بشمال كردفان: سنطبق سلماً تعليمياً جديداً

ما قصّرت ابدا ..والله ارجل منّك ما فى.. 3 سنين والست الوزيره ما قادره ترجّع السنه الاثنى عشريه للسلم التعليمى .. منتظره قالت ألآليه لتنفيذ حزمة توصيات مؤتمر التعليم اللى انتهى فى ابريل 2012.. انت اللى فيهم واياك الراجل ود الرجال..اهل كردفال..ايّاك اسماعيل .. اسم على مسمى.. انت اللى حقو يعينوك الوزير الكبير.. الليله قبّال بكره !
*اها كمان دق سدرك واعلن عن افتتاح خورطقت فى يوليو الفى وشّنا دا! والله السودان دا كللو يقيف معاك وبالمرّه كمان العجب لو رجّعت اخيّتها حنتوب! او سعيت مع منظمة خريجينا لأعادتها.. مستعدين لعونك والشد من ازرك (والوقوف حجر عثره من وراك زى ما قال واحد من الجماعه) الناس يشيلوك وين ويختّوك وين *ما تقول لما تتعين وزير كبير.. اعلنها رجوعا فى مسمّاها مع خورطقت .. ما هى اصلو خورطقت طلعت من ضلوع حنتوب.. النصرى وعبد الحليم جوها من وين ..وكمان معاهم مستر بروكس برضو من حنتوب ..ومعاهم الفاتح بشاره(الله يرحمو) وبكرى عديل وعبد الوهاب ريّس .. عبدالسلام صالح والجوكر جوها من وادى سيدنا “يحفظهم الله ويزيدهم صحه وعافيه وما يشوفو شر.. وغنّو ليهم ” حنتوب احتجت والوادى ضجت للشباب الماشى طقّت …قرارك مبهج وسار وبسط الناس كووولللهم ليحدهن بالجيييل
*اها كمان النزيدك .. صورة التحقق طلعت 66 بالتوفيييييق وعلى بركة الله .. 6 – 3 – 3 وخورطقت وحنتوب! احر التهانى بما نويت اتخاذه.. وخليك من ناس الخرتوم اللى مدير تعليمهم الثانوى قالها بعضمة لسانو (لسانو بالتقطعو ليهو)انه وجه باختيار ولدين وبتّين من كل فصل فى كل مدرسه عشان يعملو ايه .. قال يدّو تقارير عن مدرسينم ومدرساتن لمنو؟( يعنى عيون ..ما عايز اقول جواسيس.). الكلام دا بكل اسف قالو وتبجح بيهو مدير التعليم الثانوى فى الجريده ،نسى ألأيه فى سورة الحجرات “ولا تجسسوا ولا يغتب بعضكم بعضا”
البركه فبك انت! الله يعينك زيكفيك شر خلقو.

التحية والإجلال لوزير التربية بولاية شمال كردفان بقرار تطبيق السلم التعليمي(6+3+3) وكفاك فخرا وشرفا هذا القرار وان لم تفعل غيرة.فقد قصد من السلم القديم تدمير الشباب ووفق خطة ماسونية دنيئة حتي ينشا جيل فاسد اخلاقيا عديم الشخصية.حيث ان وجود طالب مراهق في عمر15سنة مع اخر 6سنوات لا يقره الدين ولا علم النفس.واقل ما يحدث هو ارهاب الصغير واستغلاله وقهره حيث يفقدة الشخصية والكرامة.بالاضافة للتحرشات الجنسية.وقتل روح المبادرة في نفسه..ورغم اجماع الكل علي خطأ الفكرة،فان الامر المحير والمثير الاستغراب هو اصرار ذوي التوجه الحضاري عليه لربع قرن من الزمان.
حسبنا الله ونعم الوكيل.

وفقك الله وسدد خطاك في طريق تصحيح مسار التعليم والرجوع الي مافيه مصلحة التعليم نشد من ازرك

الله يكثر من امثالكم ..لقد مللنا من وعود حياتي ولقاءته التلفزيونية التنظيرية التي لا تسمن ولا تغني من جوع لا تنتظروا المركز فهو مشغول بمهموم سياسية ..قدموا لشعبكم ما يحفظ له تقدمه وتطوره .. وعد مدير الماهج حياتي تبخرت في الهواء وانقضى العام الدراسي 2014 والوضع على ما هو وسوف يبدا 2015 ان شاء الله وما نرى من بوادر تعديل اللهم من اراد بالسودان خيرا فاجري الخير على يديه ومن اراد شرا اجعل كيده في حره ووجه سهامه إليه.

بهذا القرار السليم الوطنى الجريئ أتوقع أن يرحل كل طلاب السودان لكردفان بس كتر من المدارس يا وزير تربية كردفان ، أنا ملاحظ عموم الأحوال فى شمال كردفان ماشة بوتيرة ممتازة و تحس فعلا المسؤولين هناك مسؤوليين بتحسسوا آلام مواطنيهم و أتوقع أن يقيل البشير هذه الحكومة لأنها ماشة صاح و حا تصحى باقى الولايات المأكولة بما فيها خرطوم اللبع الصاااح

نسأل الله تعالى ان يوفق الوزير الغيور على التعليم والوطن ويبعد عنه جماعات الضغط والحساد باعتبار القرار صادر منه وليس منهم وندعوه ان يتمسك بقراره الصائب وعدم التراجع منه حتى ولو كلفه منصبه ونرجو ان يتنادى اهل كردفان لدعمه بالغالي والنفيس باعتبار صعوبة المرحلة الاولى وقلة الاماكانات وانا عن نفسى سوف اتكفل براتب اي استاذ متطوع في مدخل الخدمة لمدة 5 اشهر . نأمل من جميع ولايات السودان دعم هذه المبادرة واعادة التعليم لسابق عهده وتبني قرار وزير التعليم بكردفان حتى لا يكون قرار فرديا ويفسر فهمه خطأ ومن ثم وأد الفكرة في مهدها . مستقبل ابنائنا اهم من كل شئ

قل سنعود الى السلم القديم
ولو قلت هذا فمعناه انكم فاشلين
واصلكم فاشلين
الله يقطعكم واحد وراء الثاني