الحكومة تسيير جسر جوى من المساعدات لمتضرري السيول بباكستان.. السفارة السودانية تناشد أبناء الجالية إغاثة منكوبي طوكر.. الحزب الشيوعي يطالب بإعلان شندي منطقة كوارث.
قررت الخرطوم تسيير جسر جوي من المساعدات الإنسانية الطارئة لإغاثة المتضررين من السيول والفيضانات في باكستان الشقيقة. ووجه السيد علي عثمان محمد طه نائب رئيس الجمهورية أجهزة الدولة كافة وعلي رأسها وزارتي المالية والخارجية لاتخاذ الإجراءات اللازمة فوراً لإيصال المساعدات إلى المذكورين في المناطق المتضررة.
وأكد معاوية عثمان خالد المتحدث الرسمي باسم وزارة الخارجية أن وقفة السودان مع أشقائه في باكستان تأتي تأكيداً لقيم التكافل والتضامن بين الأشقاء في باكستان والذين ما تخلفوا يوماً عن مساندة السودان ومناصرته، وسيجدون أهل السودان معهم في كل محنة. وأبدى المتحدث الرسمي باسم الخارجية ثقته في أن الأشقاء في باكستان بتعاون المنظمات الدولية والإقليمية وبتضافر جهود أشقائهم وأصدقائهم قادرون علي تجاوز هذه المحنة وإعادة مسار الحياة إلى طبيعته في المناطق المتضررة.
smc
[COLOR=blue]الحزب الشيوعي بشندي يطالب بإعلان ضواحي وقرى المدينة منطقة كوارث[/COLOR]شندي: عادل كلر
طالب الحزب الشيوعي بشندى السلطات الحكومية بإعلان المناطق المتأثرة بالسيول والإمطار بمدينة شندي وضواحيها منطقة كوارث وفتح الباب أمام المنظمات الدولية لتقديم الإغاثات والإعانات للمتأثرين، وحذَّرت القيادية بالحزب الشيوعي بشندي الأستاذة آمال حسين من مغبة تجاهل الأوضاع الإنسانية السيئة للمتأثرين بأحياء شندي وضواحيها والتي هدِّمت كلياً أو جزئياً جراء السيول، مضيفة بضرورة الإسراع في توفيق أوضاع المتأثرين ومعالجة الآثار الصحية والبيئية، مشيرة إلى الأخطاء الهندسية الجسيمة في تخطيط المدينة وتوزيع مناطق سكنية في مجاري السيول وإنشاء شوارع لا تراعي مصارف الأمطار ومجاري المياه. وشددت على ضرورة تعويض المتأثرين من قبل الحكومة على أساس الخطأ الحكومي في توزيع الخطط الإسكانية وبناء الشوارع.
من جهتهم، إنتقد مواطنو أحياء (37) و(36) و(20) و(21) والمسـيَّاب و?هبَّبنا? و?شقالوة? أداء سلطات الولاية في مجابهة كارثة السيول التي غمرت منازلهم وباتوا في العراء، ونفوا إستلامهم لأي مساعدات أو إعانات من الولاية رغم تسجيل المتأثرين
الميدان
[COLOR=blue]السفارة السودانية تناشد أبناء الجالية إغاثة منكوبي طوكر[/COLOR]الدوحة -الراية :
ناشدت سفارة جمهورية السودان بالدوحة أبناء الجالية والمقيمين من أبناء شرق السودان بصفة خاصة المشاركة في النفرة الثانية التي تقام بالتعاون مع الجمعيات والمؤسسات الخيرية القطرية بدءاً من اليوم لاغاثة منكوبي السيول بمنطقة طوكر الكبرى.
وكانت مخاطر السيول والفيضانات التي ضربت منطقة جنوب طوكر اسفرت عن عشرات القتلى والمفقودين الامر الذي استدعى الجمعيات والمؤسسات الخيرية القطرية بالتنسيق مع السفارة السودانية والجالية ورابطة ابناء شرق السودان بالدوحة القيام بالنفرة الثانية لاغاثة المنكوبين في السابعة من مساء اليوم بالقاعة الكبرى بمقر السفارة..
يذكر ان الفيضانات التي ضربت المنطقة سببت اضراراً بالغة وادت الى نفوق العديد من المواشي كما ادت الى مشكلات عديدة بين السكان الامر الذي يستلزم المشاركة والاسهام في التخفيف من معاناة أبناء المنطقة بالخيام والبطاطين والادوية والمواد الغذائية المعلبة.
الراية
حكومة السودان.
اصبح السودان دولة كبر في عهد السيد المشير امام المسلمين وقائد جيوش ومليشيات التتار لقد استطاعت حكومة هولاكو ان تقود السودان وتجعله اكبر دولة في العالم يدعمون ويغيثون المنكوبين في العالم وتسير جسورجوية لايوازيها جسر في العالم
الله اكبر على كل من تطغى وتجبر
ياحكومة التتار ويا قائد جيوشهم وياهولاكو المعسرين والمرضى اتقوا الله في حق شعبكم اتقوا الله في بلدكم الجريح اتقو الله في حق اهل دارفور وكردفان اتقوا الله في وطنكم.
مادخلكم بباكستان ومادخلكم بتشاد المواطن السوداني الان في محنة عظمى تتطلب دعمكم له والوقوف معه من اجل تجاوز اثار الفيضانات والحرب الدائرة في دارفور وكردفان
ولكن لاينطبق عليكم لا المثل ( قلفاء شايلة موسه بطهر )
ماهو السبب الذي جعل الحكومة تترك مسؤولياتها في السودان وتتجه لدعم بكستان وتشاد وافريقيا الوسطى. في اعتقادي السبب واضح هو البحث عن دعم وحماية الرئيس من المحكمة الجنائية الدولية. بالرقم من كل الذي حصل فان الشعب السوداني سوف يدافع عن وطنه من اجل ان يكون موحدا واول خطوط دفاعه هو العمل على تسليم البشير لمحكمة الجنايات الدولية وبقية المجرمين الذين ارتكبوا الجرائم بحق الشعب السوداني في دارفور.واسقاط النظام وسحق كل جيوب النظام واسترداد كل ماسرق من الشعب السوداني من اموال وكرامة
الحكومة توجه بإغاثة عاجلة إلى تشاد .. باكستان .. إيواء الفلسطينين !!!
لا أجد ما أقول ……………………………………………………………………………
نحن محتاجين ونرسل برة ؟ الحكومة دي بتستعبط ولا شنو ؟
ياجماعة الخير دا كلاااااااااام
شندى منطقة كوراث يعن داير ة اغاثة !!
طوكر دايرة اغاثة !!!! ويقولوا للجالية اجمعوا المساعدات !!
طيب لزومو شنو يرسلوا اغاثة لباكستان وناس البيت مالاقين ياكلوا !!! كدى فهمونا
الزاد اكان ما كفى اهل الدار حرم على الجيران
الناس دى مابتقرا
على جسمان ما سمعت المثل البيقول الزاد لو ما كفى ناس البيت يحرم على الجيران خلى الفشخرة والكرم الحاتمى يا على جسمان اغاثة شنو الى بكستان لو وديت اغاثة لدول العالم كله ده مابيغفر ليكم الجرائم العملتوها للشعب السودانى الاصيل انت خلاص ارسلت اغاثات واعانات كافية الى منطقة شندى وطوكر ذى قبل اليوم دعمتوا حركة حماس بملايين الدلاورات والمعسكرات فى دافور كان معدوم فى ابسط مقومات الحياة
يا على جسمان اليوم الاسود يومك والنار المظلمة نارك لانك الابن العاق
الخرطوم تسير جسر جوي الي باكستان,,,و السفارة السودانية تناشد أبناء الجالية إغاثة منكوبي طوكر,,,يا كيزان عليكم الله خلو عندكم رحمه ليه ديما الاجنبي في حساباتكم الاوله ونحنا طز فينا
"قررت الخرطوم تسيير جسر جوي من المساعدات الإنسانية الطارئة لإغاثة المتضررين من السيول والفيضانات في باكستان الشقيقة"
آيه يلقى الريح من البلاط!!؟؟؟؟؟؟؟؟؟؟؟!!!!!!!
والللة بلد ما عند ها صاحب فعلا؟؟؟ باكستان !! عليك اللة باكستان بتعرف موقع السودان وين !!؟؟ الناس ماتو فى شندى وطوكر وين وين وديل ماشين لباكستان يعنى حاجة العقل ما بفهمها(؟) (؟) :confused: :confused:
حكومتنا تساعد الغير و والبلد حالها يغني عن السؤال حرام عليكم خافوووووو الله
يا ياناس قالوا المابيكفى اهل البيت بيحرم على الجيران ,, ماتشوفوا احوال اهلنا المتضررين فى مناطق السودان المختلفة وبعدين اتفنجروا واعملوا جسور جوية وبرية وبحرية وجبلية كمان ,, حاجة تورم الفشفاش ,, ياربى الجسر ده فيهو شنو ؟:crazy: :crazy: :crazy:
قررت الخرطوم تسيير جسر جوي من المساعدات الإنسانية الطارئة لإغاثة المتضررين من السيول والفيضانات في باكستان الشقيقة.
ناشدت سفارة جمهورية السودان بالدوحة أبناء الجالية والمقيمين من أبناء شرق السودان بصفة خاصة المشاركة في النفرة الثانية التي تقام بالتعاون مع الجمعيات والمؤسسات الخيرية القطرية بدءاً من اليوم لاغاثة منكوبي السيول بمنطقة طوكر الكبرى.
دي تتفهم كيف يا ناس والله الحكومة دي حيرتنا وحيرت ابليس زاتو
:mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad: :mad:
ده عشان باكستان تقيف معاهم وتساندهم فى مواجهة المحكمه الجنائيه . لان العايزين اغاثه على بعد خطوات من قصر المشير . يطويهم الجوع ويلتحفون السماء . اللهم ارحم فقراء السودان وزد فى اموال الكيزان .
قال جسر جوى لباكستان بالله الحكومة دى ما فيها راجل عاقل والله شيىء يحير يتركوا الناس فى العراء فى شندى وفى طوكر ودارفور فى العراء جوع ومرض ناس يفترشون الارض ولا يجدون ما يسد رمقهم الحكومة ترسل فى الاغاثة بالطائرات الى باكستان وتشاد وهؤلاء اقرب لهم من القصر الجمهورى الحكاية دى وراها شنو ؟ يا رئيس ياسجم ربنا بسألك من الباكستانيين والله التشاديين ام السودانيين ؟؟؟؟؟؟ شيىء محير آه آه قالوا عايزين باكستان تقيف معاهم ضج المحكمة الجنائية طيب يعنى ناس شندى وطوكر مايقيفوا معاك ضد المحكمة والله شنو معناها– ياجماعة باختصار هؤلاء الكيزان والله فى سبيل يحكموا البلد مستدعين يقتلوا نصف المواطنين المهم بس هم يكونوا فى السلطة ودى كلها حركات الثعلب الكبير على عثمان والرئيس مبسوط لما يجرى ويرقص ( بئس الرئيس وبئس النائب وخسئتم جميعا وخسئت حكومتكم
( الراعى فى السودان غير مسئول عن رعيته ) يفلحون فى الجبايات فقط واكلب اموال الناس بالباطل تفى تفى تفى
والله حيرتونا يا ناس الانقاذ
جسركم دا اولى بيهو السودانين فى شندى وطوكر وكتم
ناس كتم هنا فى شمال دارفور ما فضل ليهم حاجة غير اولادهم
الموية شالت ليهم اى حاجة
اما ناس زمزم انسو ساى ديل غرقوا عديل كده
تجى تقول لى جسر لباكستان ومعونة للصومال
حرام عليكم والله يا ناس المؤتمر الوطنى
اهلكم بموتوا من الجوع والبرد والامطار
بدل ما تشيفو البيت مشكلتو شنو تجرو تمشى للجيران
والله حرااااااااااااااااااااااااااااااااام
المنطق يقول اغيثو اهلنا فى شندى والنيل الابيض وطوكر المافضل فيها زول ديك انتو عارفين ذاتو طوكر دى وين عرفتا انو المجلس التشريعى قلبو يصل ليها الا ركبو طيارة وبعدين شوفو العالم الخارجى وقراات كمان انو الحكومة ودت اغاثة لتشاد سبحات الله عالم غريب الشعب السودانى حاله يغنى عن سواله حسبى الله ونعم الوكيل يادولة الشريعة ان وجدت
زي مابقول أبوي عريان و لابس سديري:mad: :mad: :mad: :mad: :mad: :mad:
شي يحير مناطق كثيرة داخل السودان محتاجة لاغاثة عاجلة جراء الامطار والسيول وهؤلاء احوج من غيرهم للنجدة 000وجسر جوي 000استحوا يا ناس الانقاذ000لقد دنا عذابكم 0000
لنا الحق ان نتصدر قائمه الارهارب وان يطلب رئيسنا كمجرم حرب مادام شعبنا يموت من الغرق وننقذ اخرين مالذى يفضلهم عنا ياساده سوى انهم اشتهروا بالقتل والسفك باسم الدين لذا تساعدهم فنحن باسم الله واسم الشريعه قتلتونا حتى دينكم لم يشفع لنا ولم تسمعوا فيه قول الله وقول الرسول ان نساعد بعضنا اولا ثم ما فاض الى الغير ولم ينفعنا ديوان الذكاه والتراحم والتعاضد والمسلم كالبنيان المرصوص والشمال والغرب يغرق كفاكم بالله اهملا لشعبكم ولن يسالكم الله عن كل العالم وارحمونا لكى يرحمكم من فى السماء
( الحكومة ) ….غلفة وشايلة موسها تطهر….
أيها السودانيون المظلومون في كل مكان من نظام عمر البشير وزبانيته علي عثمان , نافع علي نافع , عوض الجاز وكل لصوص الانقاذ عليكم أيها السودانيون أن تتوجهوا في هذا الشهر المبارك شهر رمضان بالدعاء ليل نهار على هؤلاء الكيزان (مؤتمر وطني أم مؤتمر شعبي ) أن يخلص الله السودان والشعب السوداني من شرورهم وفتنتهم وظلمهم وأن ياخذهم الله اخذ عزيز مقتدر …انه سميع مجيب ..
ياخوانا نحن ناس مرطبين , صدقونى والصورة دي من باكستان بس صاحب البيت اتغش فى مواصفات (الزبالة) الله يكرمكم,,,,,,,,,,,,
يعنى الليله ود شندى ما ظهر يدافع عن الجماعه يكون لسه بيقرف فى المويه وحق اهله وصل باكستان
معليش ياخوانا استحملوا…كلها شهور ويقبض علي هؤلاء المجرمين والسفاحين…يعني ده كلام؟؟ البلد غرقانه ويسيرو جسر لي باكستان و تشاد؟؟
والله فعلا اغبي حكومة في العالم !!!!
انشاء الله ببركة شهر رمضان الله ينتقم من هذه الحكومة من رئيسها وحتي اصغر مسؤل فيها…ويرزقنا الله بحكومة عادلة ومسؤلة
لكل اخواني الذين كتبو تعليقاتهم على هذا الخبر المعادلة بسيطة جسر جوي = مأكلة كبيرة ( أحسب حق الطائرات والوقود والطيارين ووكلاء الطيارين ومن رشح الطيارين للقيام بهذه المهمة الجهادية و و و و و…. وارسال إغاثة إلى مناطق السودان المنكوبة = مأكلة صغيرة يعني باختصار العملية ما بتغطي :mad: :mad: :mad: