الخبير النفسي الدكتور عثمان ميرغني : يجب تطوير ظاهرة الحواتة ولو ترشح (الحوت) للانتخابات كان حيكتسح..!!

اه انا محمود عائش جوانا وسيظل جوانا لاخر لحظه فى عمرنا

نحن عشقنا محمود لدرجة الجنون والوله , بل حبنا له حب شرس بمعنى الكلمه وسيظل هذا الحب ابدى ,,

وجانا الحوت يعلمنا نعيش الدنيا بى احساس نسامح بى قليب طيب ونشيل الريد لكل الناس عرفنا

الريده فى حوتا وحلاوة الريده فى الاخلاص , نحن حبينا محمود الانسان , محمود المتواضع , محمود

الفنان , محمود اسطورة بمعنى الكلمه , محمود هو الفنان الوحيد الشهرة بحثت عنه وليس العكس .

واجهزة الاعلام كمان ظلت تبحث عنه , محمود كرس حياته لمساعدة المحتاجين والفقراء والارامل ,

محمود رفض السيارات الفارهه او حتى العمارات الشاهقه , من اجل المحتاجين للمال , محمود هو

الوحيد الذى احرج الحكومه بمساعدته وحبه لوطنه , ولكن مسئولوا الحكومه ظلوا يأخذوا اموال

الشعب لبناء العمارات والسيارات الفارهه , ونحن بنقولها بالخط العريض محمود لا يمكن مقارنته

باى من فنانى السودان حتى وردى وود الامين , لانه سبقهم بالاعمال الخيريه , والدليل على ذلك

انشاء مؤسسة محمود الخيريه لمساعدة كل المحتاجين . ويوم وفاته ببحرى جاءت امرأة تبلغ من

العمر تقريبا 60 سنة وتبكى بى حرقه , قالت انها اول واخر مرة تقابل محمود فى عام 2010 بمستشفى

الخرطوم, كانت مريضه باحدى العنابر , حيث جاء محمود الساعه 2 صباحا وكان يوزع فلوس للمرضى

تحت المخدات والمرضى نيام ولما جاء دورها امسكت محمود من يده وكانت تدعو له , لانها كانت فى

اشد الحوجه للمال . وهذا قليل من كثير من ما قدمه الراحل محمودعبدالعزيز وعجزت ان تقدمه

الدوله , ادعو له بالمغفرة وجنات الخلود

رحمك الله ياملك الانسانيه واسطورة زمانك , تانى ما بتتكرر ,,

وسوف نظل نحمل شعارنا الى الابد : **ما بنطيق لغيرو نسمع **

الاخ مريود اول شي مع كل الود والاحترام سلام عليكم اول الحديث كما قال الاسلام النت بتتكلم بيهو دا انو تزكر محاسن الاموات وتاني شي الميت دا انت ما بتعرف ليهو شئ وعلاقة بي ربنا دي مافي زول بعرفها ولا مات علي شنو دي ما بتعرفها اسي وكل الدليل تشير انو محمود عبدالعزيز ربنا يرحمو ويغفرليهو انو مات ميتة هنية اول شئ المرض بكفر الزنوب وتاااااااااني شئ الحاجات والخير الكان محمود عبدالعزيز له الرحمة والمغفرة بي يقدمو للناس ظاهر واسااااااال شباب بحري وانت تعرف اعمال محمود الخيرية عشان كدا عليك الله خلي المخلوف للخالق وما تعمل فيها انت صااااااااااالح والناس عفن في نظرك مع كل الود والتقدير

اذامات الانسان انقطع عمله الا من ثلاثة صدقة جارية وعلم ينتفع به وولد صالح يدعو له. ولا نستطيع أن ندخل فيما بين الله وبين عباده، وما حدث من بعض أحبائه من عدم قدرة على الصبر يستحق المراجعة والاستغفار. والله المستعان

ما كنت بستمع لمحمود عليه رحمة الله إلا لماماً وليس محمود هو فناني المفضل ,لكن ما شاهدت حديث بعض المسئولين وعلماء السلطان عنه سواء بالعنجهية أو بالغيرة أو بحديثهم الذي يحط من قيمة محمود وضحكهم علي محبيه ومريديه أحببت محمود وبدأت أستمع لأغنياته كناية في هؤلاء المسئولين السفلة.
أسأل الله له الرحمة والمغفرة.