(مظاليم) قناة النيل الأزرق..!
الشربكا يحلها – احمد دندش
إذا كانت قناة النيل الأزرق تستحق أن تصنف كالقناة الأولى الأكثر مشاهدة في السودان، فهي كذلك تستحق أن تحتل المرتبة الأولى ضمن القنوات الفضائية التي (لا تستفيد) من كوادرها العاملة، وأقول هذا الحديث وأنا أشاهد عبر سهرة ليالي التي تبثها القناة كل يوم، احتكار بعض المذيعين والمذيعات لفقرات التقديم، في مشهد إن عكس.. فإنما يعكس خوف القناة من ضم وجوه جديدة لتقديم السهرة، وعدم المجازفة بالزج بتجربة حديثة، والإبقاء على (الحرس القديم) للوصول لبر الأمان.. وهو تفكير تنقصه الكثير من المقادير الإبداعية..!
المشكلة الرئيسية في قناة النيل الأزرق أنها (تحبس) المذيع أو مقدم البرنامج في قالب معين، وتجعله بالتالي غير قادر على الخروج من ذلك النمط إلا بعد فترة طويلة، تماماً كما يحدث مع الشاب (أمجد) الآن، والذي أصبح ظهوره خارج بيوت الأعراس ضرباً من ضروب (الفشل)، وأصبح كل الناس يعرفونه بذلك البرنامج (العرائسي)، وهو بالفعل يحتاج لوقت طويل حتى يمسح عن أنوف الناس روائح (الدلكة والمحلبية)، ويجعلها تعاود الاشتمام عبر مسارات جديدة.
أسماء عديدة استغرب والله لغيابها عن تقديم سهرة مثل ليالي، وهي أسماء ليست بحديثة تجربة في القناة، بل تعد من أركانها الرئيسية وهو ما يثير الدهشة، فغياب الشاب المهذب جداً (أحمد عربي) عن تقديم مثل تلك السهرات، أمر ربما لا يستوعبه الكثيرون، خصوصاً بعد إثبات ذلك الشاب لمهارة كبيرة في الحوار ولغة عالية جداً وحضور طاغٍ، بجانب المثقف لحد الجنون (محمد محمود) والذي افتقدناه بشدة مؤخراً، وأخيراً النجمة الصاعدة بقوة (شهد المهندس) والتي أخاف عليها كثيراً من السجن داخل قوقعة البرامج الإعلانية، فهي تمتلك الكثير من الموهبة وتحتاج للتوظيف السليم.
نعم… قناة النيل الأزرق تفتقد للتوظيف السليم لنجومها، وتخشى دوماً من المجازفة والتجديد، بحيث تفقد في كل صباح لؤلؤة بداخلها، حجبت لمعانها بعض ذرات غبار الإهمال، لذلك فهي رسالة للسيد حسن فضل المولي بضرورة الانتباه لهذه الجزئية، وأن يشرف بنفسه على إعادة هؤلاء الشباب للصف الأول، فهم يستحقون، وتشفع لهم موهبتهم الكبيرة.
جدعة:
من ينصف (مظاليم) النيل الأزرق..؟
السوداني
ياخى بالغت – شهد مين وموهبة مين
كل قنوات السودان مجتمعة لاتستطيع ان تخرج منها بمزيعين اومقدمى برامج زوى كفاءات بمايزيد عن اصابع اليد الواحده
الناس فى غلاء المعيشه وارتفاع الاسعار الجنوني وانتو مع المزيعات . جندوا اوقاتكم وافكاركم للخروج بالبلد من هذا المستنقع وبعدها لكل حدث حديث.
انا بوجه سؤال امجد ده مذيع يستحق ان يقدم برنامج امجد ده افشل مذيع مر علي السودان دمه تقيل لا يعرف يدير حوار مع اي زول اسئلة محرجة وبايخة يصيب الواحد بمصران عصبي انا بتمني ان يذهب خلف الكواليس مراعتا لذوق المشاهدوحفاظا علي مشاهد قناة النيل الازرق من الامراض المزنة وعفانا الله
من ومن هو حسن فضل المولى كان زمان قبل انضمامه للكيزان لكى يبقى فى وظيفته 000 فيسير القناة كما يحلوا لهم انه رجل بدون مبدا اضينه لاسياده الكيزان
شهد المهندس ؟؟؟ خلي البكا في رمضان يا عمك , البنية كلام ما بتعرف تتكلم !
يا أحمد دندش هوي! ما تقعد تلمع لينا زير أغبش بي مناديلك الكلينكس دي!!! بلاي البيسمعك كدة يقول النيل الأزرق دي الأم بي سي 4 !! مزيعين ثقيلين وباردين وما عندهم أي موضوع ومزيعات غير المنكير والبدرة ما بعرفو لي شي!! دة فشل الله يحلنا من إنصرافيتو ياخ!! عوووووك أخبار قناة الضمير شنو يا أستاذ معاوية؟؟؟؟؟
..
..
..
.. وماشين في السكة نمد..
رمضان كريم ..
واللة العظيم انتة راجل فارق –وما عندك هم الناس في شنو وانتة في شنو –انتة ما تمشي ليها عديييييييييييييييييييييل وكلمها —بعدين انتة الحاصل في السودان دة ما هاميك –بس شغال لي ببنات النيل الازرق –رمضان كريم ياخي —ارجو انك تكتب حاجة يستفيد منها القاري —ما تستفيد منها انتة –وانتة عارف قصدي —
الموضوع فى النهاية مربوط بنسبة المشاهدة والاعلانات التجارية وبمعنى اخر money wise عليه القناة غير مستعده للمجازفة بوجوه جديده او حتى افكار جديده طالما المعلنيين ملتزمين بالسداد
بصراحة نسرين النمر نجمة تستحق الاهتمام من مسئولي القناة وافراد مساحة اكبر. والشاهد ما قدمته خلال الفترة الماضية اما ناس ملكات البدرة ديل اخير منهم راديو ترانزستر
مقالك صورة طبق الأصل لأعمدة صحفنا الرياضية..
تتحدث عن قناة النيل الأزرق وكأنك تحدثنا عن مذيعين
في ال أم ب سي ولا الجزيرة..قناة النيل الأزرق
تهتم بلبس وشكل المذيعة قبل الاهتمام بمؤهلاتها..
وهى قناة اعلانية مائة في المائة..ولا تقدم شئ
يستحق الذكر..سوى مشاهد أعراسنا..
يا دندش ، ما في طريقة، زي شهد دي تكسير لوحين تلج ما ينفعن معاها، عشان كدا، حقو آ أخوي تمد كرعيك قدر لحافك، ما عندك طريقة..
هذه القناة يستحق أن يطلق عليها إسم “قناةالدعايات والإعلانات” ،،، حيث أن 90% من بثها إعلانات إعلان وراء إعلان ،،، والملاحظ أني كلما أشرت عليها بالريموت أجد أعلانا وحتى لو وجدت برنامجا جذبني إلا وهي لحظات وتجد نفسك في وصلة إعلانية فتدير سريعا الريموت لقناة أخرى ،،، كرهتونا بالاعلانات وكترتوها يا ناس النيل الازرق … وحتى الفرمالة بتاعتهم أغاني وأغاني السنة دي في غاية البياخة مع فنانين تعبانين ،،،
شهد ما عندها اى موهبة فهى دون المستوى التواضع حتى لمذيعات النيل الازرق الو مرحبا ذاتو ما قادره عليهو اظن هى بس جابوها عشان اخته واخته ذات ما عندها شى وما قدمت شى
البت دي حلوة شديد بس مذيعة لا والف لا..كلامها كلو بالايدين بتعمل للواحد احولال في عيونو..ركيكة..هشة ..لسه قدامها الكتييييييييييير..وبما انها حلوة ووشها مريح انصحها تعمل كورسات تقيلة وتدرس اعلام وتشتغل علي روحها كويس بعدين تطلع قدام الكاميرا
كسرة: في واحدة شيخة كدة في النيل الازرق شكلها استاذة في الاسلامية المهم الشيخة دي مررررررض,,,بتدرس كيف ما عارفة..مع احترامي للكلام الديني البتقدموا.
و الله المذيعة بتاعتك عثل بس لكن تاني ما عندها أي حاجه و ليك حق يا كساره
والله انتو نفسكم فاتحة ماشاء الله عليكم يانا اعلام شنو ومزيعين شنو وسودان شنو قسما بالله تخلف اعلامى واذاعى بشهادة وقناة النيل الازرق قناة تجارية سطحية وبرامجها لهو فى لهو وحتى البرامج الدينية ومنها مايقدمه احمد الخضر خزعبلات وضيوف شيعةغايتو جنس تخلف حسبنا الله ونعم الوكيل وطبعا نحن الدولة العربية واعلامناالاكثر تخلفا بلا أدنى مغالطة احسن الله عزاءنا ويارب تقر اعيننا بزوال هذه الحكومة المشئومة فنبدأ من الصفر بالله كفاناسطحيةوتضليل
شكل بس لكن ثقافة مذيعين واحد في المائة يمكن كتيره عليك .. والمصيبة الجابك بالواسطة والواسطة ما عندهم شىء يقدمو ليك .
ااجمل قناة فضائىة قريبة جدا للمزاج السودانى كان مشيت اى بيت بيكونو فاتحين النيل الازرق ونحى قنا ة ام درمان الفضائية الصاعد بقوة 000 ونرجو من اتلنيل او ام درمان ان يضم المذيع والحوارى الفلتة والله لا اعرف اسمه بس مين كده محى الدين تقريبا والله ده مكسب وحضور كبير 0.000