لم يستطع العريس أن يخفى فرحته المزدوجة، ..خالد – عريس يحتفل بزفافه يوم الانفصال
عن قصد اختار العريس أن تكون ذكرى زفافه السنوية هى نفسها ذكرى الاحتفال بانفصال جنوب السودان، وإعلان ميلاد الدولة الجديدة، التى ستشمل – حسب أمنيته – مصر والسودان.. أنهى العريس خالد رجل الأعمال السودانى استعداداته لأول زفاف يقام بعد إعلان الانفصال رسميا بين شمال وجنوب السودان، لم يستطع العريس أن يخفى فرحته المزدوجة، ليس بالزفاف فحسب، بل أيضا بالانفصال، ففى اليوم الذى ينفصل فيه السودان يقترن هو بعروسه، ويبدأ الاثنان حياتهما فى دولة جديدة، إنه إحساس غريب – وعبر عنه خالد: أخيرا انتهت الحرب بين الشماليين والجنوبيين التى امتدت لأعوام طويلة، وراح ضحيتها الآلاف من «خيرة» جنودنا ومواطنينا، واليوم عيدى، ويوم المستقبل الزاهر للسودان.
لم يختلف زفافهما كثيرا عن أى زفاف عادى، لا فى العادات ولا مظاهر الاحتفال، حيث ذهب العريس لاصطحاب عروسه من الكوافير إلى استديو تصوير، ومنه إلى نادى الريفييرا المطل على نهر النيل فى مدينة أم درمان للاحتفال، الذى تم على أنغام الـ«دى جى» وأغنيات المطربين المصريين أمثال عمرو دياب وأنغام.
المصري اليوم
ألف مبروك ( بالوحدة يوم الانفصال ) أتمنى لك حياة زوجية مستقرة وموحدة كما نتمنى لك عدم الانفصال .
انت في نظر اسيادك الفراعنه عثمان البواب بالله اختشي واحترم صلعتك مصر شنو والله العبيد ديل الفي نظركم اشرف من اي عربي من المحيط الي الخليج
كفايه عاوزين مصر امشو ليها قال رجل اعمال البلد دي كانت مجموعة بسيطه من رجال الاعمال تركت بصماتها وانشئت المدارس والمشافي انت عملت شنو يا نكرات اعمال السمسره وغسيل الاموال اعتقد انها اعمالكم
السودان اكبر منك حتي الاحتفال (وأغنيات المطربين المصريين أمثال عمرو دياب وأنغام. )
اذا كانت فرحتك بانفصال اخونك عنك فهذا لشي غريب وتصرف ساذج منك ان يكون يوم الم كل السودانيون ونحيب كل امهات الشمال والجنوب ان يكون يوم فرحك وارتباطك وووووووكم اتمني من كل قلبي ان يرجع الوطن الحبيب كما عشقنها متيم بك ياسودان العزه والمفخرة ولكن اقول لك الف مبروك وربنا يوفقك في حياتك الزوجية
هذا الزواج لن تهنأ ولن تسعد به .
دولة مصر و السودان؟ … عقدة نقص و احساس متعاظم بالدونية .. هنيئا لك عروسك
كتبت اكثر من ألف مره إنه دائما من النواقص أللى فينا بنقدم إسم مصر على السودان لأنه يا رجل الأعمال دائما الكلب بمشى خلف سيدوا وتعيش العلآقات المصريه السودانيه.
ده عريس خارج الشبكة فالحرب يا دوب ابتدأت – علي كل ربنا يهني
مصر ايه و عمرو دياب و أنغام الا يوجد فى السودان مطربين؟ أم أن للعريس جذور مصرية على العموم نحن لا نريد وحدة مع مصر و لم يسرنا انفصال الجنوب حتى نقرنه بمناسباتنا السعيدة.
العريس للأسف من السودانيين الساذجين المستلبين الذين يعتقدون بأنهم يمكن أن يؤسسوا دولة واحدة مع مصر، وما درى هذا المسكين أن مصر هي من عملت على فصل السودان وتفتيته، ومثل شخصية العريس خالد الساذجة منتشرة بين السودانيين البسطاء الطامعين أن يكون السودان ومصر بلد واحد في يوم من الأيام.. عريس الغفلة عاوز يبقى مصري وناسي أو متناسي أن مصر تحتل جزءاً من بلده وتنظر إليه وإلى أمثاله بأنهم مجرد بوابين.. مثل هذه الشخصية الكرتونية وتفكيرها الضحل هي التي دمرت السودان..
نسيت أن أبارك للعريس.
شوفو ده ..
المصريين هم من احتل السودان مرتين وقتلوا السودانيين واسروهم وعلقوهم علي الخوازيق ودعموا الانقالبات العسكرية علي الديمقراطية و الّفوا النكات السيئة والمهينة ضد السودانيين وهم من اسباب استمرار الحرب في الجنوب وقد اعترف بعض الكتّاب المصريين في انّ هنالك جزء من السياسيين المصريين يرون انّه علي مصر ان تعمل لانّ يظل السودان ضعيفا وممزقا لا يستطيع استغلال حصته من المياه لياخذها المصريون . المصريون هم عارضوا قيام سد سنار والروصيرص ومشروع الجزيرة .
.
عجباً لشخص يفرح لإنفصال جزء من الوطن ونفر من البشر ، ضمنا وطن واحد منذ أن خلق الله الأرض ،وينادي بالوحدة مع المصريين .
لما المصريين عاجبنك كده روح إنت إشتغل بواب
اولا الف مبروك الزواج …… لكن حقيقة الكلب بريد خانقو …واهو رجال الاعمال مثل جمال الوالى اللى جارى جايب الحضرى وجايب المصريين وفرحان بماسوره 10 بوصة .. ودا رجل اعمال شنو المابنعرفو دا وكمان حفلتو بالمصريين وقال داير المصريين …الشعب السودانى اكتر شعب ما عندو ثقة فى نفسو ولا كينونة وحاسى بالدونية والمصريين طول عمرهم واطيين فينا بالجزم والرعن امثال هؤلاء وحكومتهم البلهاء يتبجحون بوساخة الارض كما يطلق الامريكان على المصريين
ونحن نقيمهم يا لة من شعب متخلف الى متى ان يعتز السودانى ويفتخر بسودانيتة …..
فى العالم لاتوجد دولة تقييم المصريين مثلما نفعل نحن ..والمصرييين يقييم العالم اجمع ما عدا السودانيين….والامثلة كتيرة
طواقي الخوف قصيدة جديدة للشاعر : محمد طه القدال
ما خايف المطر
يتحاشى الضهاري الراجية قولة خيرا
ولا خايف المطر
يمشي على الصحاري تلمو في بشكيرا
ولا خايف العشم
يتناسى العشامى ونيما ياكل نيرا
ولا خايف النفس
تتذكر نفسها وتنسى يوم حِدّيرا
خوفي على البلد
الطيب جناها وقمنا في خُديرا
شاحدك يا كريم
لا تحصل خراب لا أرجى يوم ودّيرا
***
وانا ما بجيب سيرة الجنوب.
عيال بتسرح للمدارس ..
والفطور نجماً بعيد.
بنوت بتجري
على الخطاطيب الخطاطيف
البتجرح ..
والعريس نجماً بعيد.
الدكاكين التملا تفضي،
السماسرة يسمسروا،
والبسفو الطين ..
يسفوا،
والبحتّوا الراب ..
يحتّوا،
والبناطلين ليها سستم،
والقوانين ليها سستم،
البنوك الفيها بستم ..
من سويسرا ولي ماليزيا
بالسفارات
والعمارات
والخبارات .. .
انا كنت متغطي ..
ومتدفي،
العمة ملوية،
والشال على كتفي.
سودان وكان ما كان
سودان علي كيفك
السكة ساعة إيد
والأرض مروية
والناس حنان وظراف
والراح يجيك ..
للحول
والخدمة مظبوطة
مظبوطة مدنية
والدنيا حرية
الماشي درب الكار يغور
والتاب من التمباك يتوب..!
انا مابجيب سيرة الجنوب.
الغبّوا عرفوهو
والعرفو سوّوهو
والسووا بلقوهو ..
??
أصبحت زي الزول
قادل بوسط السوق
سروالو نصلوهو
لو العِرق مسروق
أو قلبي نشلوهو
طعم الكضب مسلوق
ماسخ تضوقوهو
لو فمي ما مطلوق
أو كمي غسلوهو
ياني البسوي القوق
قولي البتابوهو
ماعندكم دمي
ما عندهم دمي
من دمي لا لا لا
ماقدروا فصلوهو.
وانا ما بجيب سيرة الجنوب؟
قول استقلْ ..
انا في صفوف الزوق
واقف مع الواقفين مزنوق بهنِّيهو
ويهنوهو
أواستقال ..
ودا أول الأحزان
أو قالوا باعوهو
ودا ياهو قطِّيع القلوب
أنا ما بجيب سيرة الجنوب،
فالسيرة كمين ألف عام
لوني المحرق مندوكور
وشكلي شكلين
شكل منقة
وشكل تور
دمي المشتت من قبايل نوح وحام
شعري المقرقد زي حصايا
اتشتت فوق الدروب
كتفي المهدل بالعيوب
وانا ما بجيب سيرة الجنوب
أصل البقت
من ساس وسايس أو يسوس
ياها البقت
خلونا من حرب البسوس
الفاضلة
تكفير الذنوب
الفاضلة لمليم البشاتن
والمعاطن
والخبوب
الباقي
مايخموكا تاني على
الدفافير والكناتر والحروب
الباقي تعظيم التماسك
في الخطوب
لا نافع الشَّدة العلوق
ولا نافع المبقوص يحوق
لا بنفعك عَرَق الزنوج
ولابرقعك لبن العروب
إلا الوقوف ألفاً ضكر
واحد براك
في الشيمة تلفحك الهبوب
الغيمة تديك
للسفاسف
والعواصف
والمطر
برطع مع الأفعال
وادخل على التاريخ
يغلب أجاويدك
من قرقريب عوسك
اخرِج من التاريخ
شيخك وعربيدك
لا نافعك التكفير
ولانافعك التوبيخ
فامشيه وحيدك
وامرق على التاريخ
تلقاه في السهلات
مستني كمسيدك
لا بيظلم التاريخ
ولا يرحم التاريخ
إياه عوس ايدك.
والأرض موقوت القنابل
في الحدود
والأرض منهبة الثعالب
والطحالب
والجيوش
باليوناميد
واليوناميس
والفُرقة بينات القبايل
والشتايم في المنصات
والشراكة الفي
المكايد
والخناجرفي الحناجر
والمنابر ..
آه من تلك المنابر،
إنداية كرتلة وبنابر
والجرايد
داقة طارات المدايد
الصَدَق في الناس كذوب
الساسة نِيّام العسل
بين انتباهة
وغفلتين
بين السلاطين والحبوش
والشلاتين
والقرايب
فين حلايب؟
واللي بنى الأرض كان في الفرض سوداني
عيني عليها
اتمزعت
حتة في قلبي
وحتة ف غصتي .. تاني
آدي اسرائيل في النيل
بكِّيني ولعبطني
والنيل أدنداني
إحنا حبايب في الطيّبة والآه؟
آ.
غنيلي ورقصني ؟
طيب.
بسِّ سمعني آه الآه في وداني.
***
أنقد السُقا وما بينصلح وكَّايو
وانكشح اللبن ما بينفعِن بكَّايو
بعدن بى الدروب مابقصِّرِن تكَّايو
والشاكي النقاص ناقص قمح شكَّايو
***
وانا لا بجيب سيرة الجنوب
ولا أكلوني
إذا ما أكلو التور الأبيض ..
(الأرض في الجزيرة)
وبدر الله فوق سماهو
يا ساسا يابساحوتة
مكوار حبس مياهو
عطشت قبايل ابقوتة؟
البودة في خلاهو
والأرضة في بيوتا؟
الزول رِبَت كلاهو
سمينة بي مقوتا
يا تمت المعاهو
أو خلصت الحدوتة
وانا لا بجيب سيرة الجنوب
ولا أكلوني
إذا ما أكلو التور الأبيض ..
***
يدر الله يابسلوكة
سلوكة الجزيرة
كل يوم فينا بتنتش
سكك الحديد بي كم؟
بي كم بيت المفتش؟
والبيع بيعة عدوكا
بعت الأرض بترابا؟؟
باكر تبيع أبوكا
وان مُتْ من تُخمة باكر
ناس الشرق يبكوكا
وناس الغرب يبكوكا
ناس الشمال يبكوكا
وناس الجنوب يبكوكا.
وانا لا بجيب سيرة الجنوب
ولا أكلوني
إذا ما أكلو التور الأبيض ..
***
حمدتكم بالجاية
والجاية فوق الجاية
وعسكري الجباية
قلبو الحجر اللداية
***
بشرتكم بالسادة
والسادة بعد السادة
وجرادة فوق جرادة
من دوكة لام كدلدة
***
حمدتكم بالواقعة
والصاقعة جنب الصاقعة
مقدودة مالها راقعة
والدمعة صابة وناقعة
***
بشرتكم بالتوية
والصبنة لي الدامبوية
في الحلة دي ام كدوية
ما تقعدوا شدرة موية
***
والأرض لا حليوة
ولاها دي الجزيرة
الأرض أمات الحنين
لو نقط الضحوي البريق،
في الحين تبتق شهوتِن.
تحبل
كما الأمات
وتشرق بالوحم
لو تسعة الميلاد بتمرق بالسنين،
أو دي الشوارع بالبنات متحينة،
ترسل تراتيل الخروج في يوم
وتقطع سرتِن.
الأرض تعريف الهديل
هدل الحمام بشري
وشوق السلام انسان
بالحيل بيعرف أنَّتِن
والأرض شافت
إلا خافت
من عيون الليل
تناجي حبيب
غريب في الليل
وتفرز غنوتِنْ.
زي بذرة في جوف الأرض
أو ضحكة عند طرف القلب
بتغني لو جات في العيون
والضحكة لاقت مرقتِن
الأرض منصوص الضمان
حضن أمك الدافي وأمين
ريحة حبيب
جاياني من شمة حبيبتي وكرفتِن
لو جاتا في يوم الهموم،
في الحين تزغرد فرحتِن.
أو حرقصت فوقها السموم،
باكر تهبهب نسمتِن.
والأرض ما بتعرف تنوم
ترتاح
وغابت جمتِن
بس تدِّي مدين للعديم
بالمدة تحفظ ذمتِن
***
هن مارقات خلاهِن
ما مارقات بَراهِن
لي بصاص حِداهِن
إو قصاص بِراهِن
هن مارقات تراهِن
تريانات تراهِن
الخوف ما حَماهِن
من شوفة حِماهِن
طمانات جناهِن
بي لبنا معاهِن
يوم الشينة جَاهِن..
مرقن ليهو جَاهِن
بالعز المبطَّر
والزوق الشَفاهِن
لا حايدات مداهِن
لا قايدات عماهِن
وما كشحن بلاهِن
فوق زولاً أباهِن
لو الضيم رماهِن
هِنْ ياهِنْ
وما هِنْ.
***
هووووووي يا ناس انتو ما عندكم دخل بيهو يجيب عمرو دياب والا يجيب تامر حسني
وبعدين كل الاعرااس السوداانيه بتشغل اغاني مصريه في الزفه
وملاحظه للمعلق zingar يعني انت شايف انها ح تفرق لو قدمنا اسم السودان على
مصر ؟؟؟؟؟؟؟؟؟؟؟؟ هل سيتقدم السوداان اقتصاديا وحضاريا وهل ستختلف نظرة
المصريين للسودان بمجرد تقديم الاسم؟؟؟؟؟؟؟؟؟؟؟؟؟؟؟؟؟
وبقوول للعرساان الف مبرووووووك ;) ;) ;) ;) ;) ;) ;)
البشير يقول السودان ليس به تنوع ثقافي عرقي او ديني بعد ان انفصل الجنوب ود جون قرنق يرد عليه ,, شاهد الفيديو
https://www.facebook.com/video/video.php?v=253461038004668
خلوهو يا جماعة
يمكن شارب كاس شجاعة
أو عاوز يأمن مستقبله بكسير التلج للخال الرئاسي ومنبره الفاشستي
لكن الواضح أن العريس مستلب ثقافياً لدرجة إنو عمل التورتة 4 أدوار
يعني خلاااااااااص أنا مصري حتى في عرسي بحاكيهم
نقول للعروس إن شاء الله ربنا يصبرك على العريس أبو مخاً مقلوب، وشكلك كدا ح تعاني معاهو…مادام فهمو على قدرو
ونقول للعريس، أمشي أسأل نوبة مصر وقول ليهم إنتوا مصريين وللا نوبيين
ولو في واحد بس قال فيهم إنو مقدم مصريته على نوبيته
أنا شخصيا ح أدفع ليك الكشف
قوم لف
أخشى أن يكون الإنفصال في الذكرى الأولى للإنفصال ؛؛؛؛؛
يا من تسمي نفسك شلاقة يا عديم الوطنية .. نعم تفرق عند تقديم اسم مصر علي السودان
المصريون عندما يتحدثون عن علاقتهم بامريكا يقدمون اسم بلدهم علي اسم امريكا لانّ ذلك ما تقتضيه قواعد السلوك الوطني
وانت كتبت ( هووووووي يا ناس انتو ما عندكم دخل بيهو يجيب عمرو دياب والا يجيب تامر حسني ) .. وما دخلك انت اذا علقنا علي هذا الخبر او لا ؟!!
وانت تكذب , فليس كل الاعراس السودانية يتم فيها الاستماع الي الاغاني المصرية , فهذه العادة دخلت حديثا الي السودان وفي الخرطوم تحديدا
انت من اصول مصرية , علي ما يبدو , وبالتالي فليس اي حس وطنية او اعتزاز بكونّك سوداني وليس لديك ارتباط عاطفي حقيقي بثورة الثورة المهدية التي كانت ضد الوجود المصري في السودان اوبمعناة السودانيين من الاحتلال المصري او بنضال السودانيين للاستقلال عن مصر .
اخخخخخخخخخخخخخخخخخخ يامرارتي الاتفقعت وربنا يكون في عون العروسه الاهلها ادوها لواحد دهل زي ده
هل عشان الجنوب انفصل وجب على الجميع ايقاف حياتهم حدادآ على ذلك الانفصال وعلى الذين يستكترون على الرجل زواجه فى يوم كهذا اين كانو من احتفالات الجنوبين بالانفصال ام كتب على الشمال ان يكون دومآ هو شيال اسية الجنوب فالجنوب انفصل شاء من شاء وابامن ابا فعلينا كفكفة الدموع ورفع فراش الوحده والتى اصلآ لم تكون فى يومآ من الايام بيننا فهل نعى ذلك
شكلو راجلك ده بحب الانفصال احزرررررررري والله يا فوكس كلامك ميه ميه تعال شوف السعوديين خاتيين المصريين تحت الجزمه كيف والمصريين كبكبه شديده للسعوديين اما نحن الحمد لله شعب معفن زي ده نعمل ليهو الف حساب نستاهل والله
BEWARE OF THOSE WHO LOOK LIKE SUDANESE , BUT THEY SPEAK WITH AN EGYPTIAN ACCENT, THESE GUYS SUFFER FROM MENTAL SLAVERY,THEY CAN ONLY BE LOYAL TO THEIR EGYPTIAN MASTERS,, , THEY ARE EMPLOYED BY EGYPT SECRET SERVICE TO HINDER OUR PROGRESS,, UNFORTUNATELY, THEY HAVE BEEN NATURALISED AS SUDANESE BY THE USELESS INGAZI REGIME, THESE ARE THE ONES WHO WILL TRY TO SHOVE THE EGYPTIANS MUSIC, SOAP OPERAS(MUSALSALAAT) FOOD, UP OUR NOSTRILS IN OTHER WORDS MAKE IT EASY FOR THE IMMINENT EGYPTIAN INVASION OF SUDAN AS WE HAVE BEEN PROMISED BY HANI RISLAAN, DR ALNASHARTI AND OTHERS ,
يا ابوالبنات ماشاء الله يظهر عليكم الذكاء عندكم وراثه…العريس بنفسه بقول عن قصد إختار اليوم ده…والله صحى إذا دخل أهل العوض الخرطوم جعلوا أعزة أهلها أذلآء.
اولا
الف مبرووك وربنا يسعدكم واتمنى ليكم حيا هزوجيه سعييده
ثانيا
بالنسبه للمناسبه الحبيت تكون ليك ذكرى زواجك
انا عتبرو تخلف وكلام فااارغ
شوف ليك حاجه تانيه افضل تكون ليك ذكره
سبحاااااان الله الفهم قسم
ماذا قدمت لنا مصر طوال تاريخنا؟اوت النميري بعد خلعه من الحكم واحتلت حلايب مع انو نحن غرقنا ليهم حلفا عشان يعملوا السد العالي ولكنهم جاحدين بطبعهم ولا يحفظون الجميل ونحن في نظرم شعب من السذج والمغفلين
حاليا هم يستغلون ورطة هبنقة مع اوكامبو اسوا استغلال ولانو عارفين هبنقة خايف من المحكمة وداير يتحامي بيهم فهم يعتبروت هذه فرصة لمكاوشة المزيد من الاراضي السودانية والتخلص من 10مليون مواطن حتة واحدة برميهم في حديقتهم الخلفية…..والله اسعد الناس بمعاناتنا مع الكيزان هم المصريين الانتهازيين…..ومعا لافشال توطين 10مليون مصري في السودان قبل ان نضيع وتضيع الاجيال القادمة
ياخ والله انتا التخلف زاتو
ياااااااخ ما مبرووووووووووووووووووك وفرحان
:mad: :mad:
والله انتو زاتكم فارغين يل بتعلقو تعملو من الحبة قبة
الطيب مصطفى ضبح تور قدامكم مافي زول قال بغم جيتو على المسكين دا فلسفتكم دي اصو مابتخلوها شعب عمرو مابتفق
…خملة …….
احييك ابو البنات كلامك في قمة الفهم
عريسنا عريس الهنا الله يسعدو وعلى طريقة ناس (أفراح أفراح) نبارك للعريس وللعروسه وللجنوبيين الانفصال ونشكر كل من شارك الفرح فى جوبا وفى أم درمان الريفيرا وانشاالله يغلبا بالمال وتغلبوا بالعيال وهم (اتلملموا) و(الجماعه اتفرتكوا ) بعدين المذيعه بتسأل العروسه بتقولى شنو للعريس فى اللحظه دى؟ وطوالى تتلبك وتتوتر العروس وتتكبكب أنا أنا بتمنى أسعدو.. وطوالى بشكر صاحباتى وخالى فى كندا وسويسرا يعنى العروس ماعندها أهل من السريفا وأم عرديب والدقاق وأب قرع وكل حلال وقرى الدندر القويسى المهم لو العريس قايل السعاده فى العِرس يبقى غلطان ثم غلطان وماشاورنى انو هو عاوز شنو من العِرس وعاوز يعرس ليه؟ دى آخر حاجا تلقاها ياخالد وهم (السعاده) نحنا فى السودان نهوى أوطانا بنعرس لأنو كل الناس بتعرس وبتعمل حِنه وزفه وسيره وبعدين عينك ما تشوف الا النور يزفوك زفة عدوك وسيروك لبيت أبوك سيرة عدوك وتسمع كلام غريب وعجيب وتقعد تغنى مع وردى ( براى سويتا فى نفسى قلبى الحبه ما واعى) وانا قلبى الحبا ما فاهما ولاعارفه .. عشان كده حقو يعملوا لينا لقاءات مع عرسان برنامج افراح افراح بعد سنوات من العِرس تلقى العروس بقت من (الامس) ذى خبر البكا …