الكودة يطالب بالاستعداد عسكرياً لمواجهة العدوان
الخرطوم: صبري جبور
طالب الدكتور يوسف الكودة رئيس حزب الوسط الإسلامي الحكومة بضرورة مراجعة سياستها الخارجية بغية إيجاد حلفاء إستراتيجيين للسودان خلال المرحلة القادمة، وقال ينبغي أن لا نعيش منفردين هكذا، واصفاً العدوان الإسرائيلي على مجمع اليرموك الصناعي بالعمل المشين وأشار إلى أن هذه الخطوة تدل على أن العالم يعيش حالة من شريعة الغاب، ودعا لتضافر الجهود وتوحيد الصف الوطني، وأضاف ينبغي أن ننسى العداء الداخلي وحتى العداء مع الغرب من أجل أن ينصب العداء كله ضد إسرائيل.وقال الكودة لـ «آخر لحظة» أمس إن الاعتداء الإسرائيلي هو جرس إنذار لافتاً النظر إلى أن الأمر يتطلب دعم القدرات الدفاعية والاستعداد عسكرياً، وأضاف حتى لو لم يكن الاستعداد كاملاً، وتابع «لكن للأسف الشديد أن هذا الأمر معدوم تماماً وفقط تجد عبارات من شاكلة نحتفظ بحق الرد».ورأى الكودة أن أبلغ رد لإسرائيل هو أن تتبنى إحدى الدول العربية تكلفة إعادة بناء مجمع اليرموك علناً وليس سراً.
آخر لحظة
دة ياهو بتاع الكندوم ولا انا غلطان !!!!
تتحمل احدى الدول العربية اعادة البناء والله كلامك ده نسوان قاعدات فى حفرة دخان مابيقولون الكلام ده دولة الكويت قبل كده ماقصرة منذ استقلالها جئتم فى لحظة وقفتم مع صدام وخسرتم السعودية اليوم نفس الفلم علاقات مع ايران انتم افشل سياسين ولو كنت محل الدول العربية سوف لن استثمر فى السودان هللة لانكم حكومة فاشلة
خخخخخخخخخخخخخخخخخخخخخخخخخخخخخخخخ
يعني يالكوده قصدك نتعاون مع ايران والدول العربيه تتبرع تبني لينا مصنع اليرموك !!!!
يخسي عليك يا الكودة انت ماعندك تفكير
وأضاف ينبغي أن ننسى العداء الداخلي وحتى العداء مع الغرب من أجل أن ينصب العداء كله ضد إسرائيل.وقال الكودة,,,,,الخ
الظاهر ان هذا الكوده لايدري بمعاناة اهلنا في السودان ,,لعلي اذكره ببعض ما خفي عنه
اهلنا في السودان يا كوده يموتون بعلل سهلة العلاج مثل الملاريا والنزلات المعويه والربو وتعسر الولاده والحصبه وشلل الاطفال والسعال الديكي والقائمه تطول وكلها علل يسهل تفاديها بالتطعيم ومعالجتها بالدواء اذا تم توفيرهما
اهلنا في البوادي لازالوا يقومون برحلة الشتاء والصيف ويترحلون الاف الاميال بحثا عن الكلاء والماء لهم ولانعامهم ويعانوا من الامراض ويفقد بعضهم ارواحهم وتنفق بهائمهم في قتال لاجدوي منه ضد القبائل الاخري التي تنافسهم في المراعي
في بلادي تتفشي الاميه والجهل ولازال البعض يعيش في العصر الحجري
ابنائنا واخواننا واخواتنا في المدارس والجامعات يعانون من قل المصروف في جيوبهم ويتضورون جوعا لاتمام دراستهم وقلة منهم اضرتهم هذه الظروف القاسيه لممارسة الدعاره لكي يتموا مشوارهم الدراسي
وتاتنا انت يالكوده المنعم وتعظنا بان ان نوجه كل مجهودنا لمقاتله اسرائيل التي ليس لها اي عداء مع الشعب السوداني بل هو امر افتعلتموه انتم مدعي الاسلام ودجالي العصر
كنت اتمني ان يكون حديثك عير هذا وانت تولي جل اهتمامك لشعبك المسلم الذي عاني ما عاني باسم اسلامكم المستورد
لعنة الله تغشاك ياكوده كددك الله في نار جهنم اللهم يارب العباد سلط علي الكوده ومتاسلمي السودان كل غضبك وفشي فيهم الامراض والعلل المستعصيه واجعل حياتهم كلها نكد كما نكدوا حياة اهلنا
امين يا رب العالمين
الكوده أبعد نفسك عن هذه الفتنة
عسكرة الشباب أنه ما صغير حضرتها ولن تستطيع تحمل دمائها
هؤلاء ناس دنيا
أحسن شيل طوريه وأكل حلال وأختى الناس ديل
بكره يعملوا كلامك فتوة ويقع عليك دمها
WHERE ARE YOUR SUDAN RESOURCES ????!!!!
IN YOUR POCKET !!!!!????
يا شيخ الكودة، الحكومة يتصرف أكتر من 70% على الجيش و الشرطة (بكل أنواعها) و الدفاع الشعبي و جهاز الأمن بشكاته و مطاعمه و تكاسيه و رقشاته و…و…و… أها فضلت حاجة يستعدوا بيها تاني؟
جمعة مباركة للجميع . انت ياكودة خليك في حكاية الواقي الذكري و بس . ( ورأى الكودة أن أبلغ رد لإسرائيل هو أن تتبنى إحدى الدول العربية تكلفة إعادة بناء مجمع اليرموك علناً وليس سراً.) شوفوا جنس الفهم دا انت فاكر الدول العربية مصطحه ذي ناسك ديل هههههه وهم كرور وهم كرور ههههههه
والله يا الكودة انت لسع ما عرفت محل كدتك وين
حتي انت يا اب دقن ! الشيعه الروافض ديل مش بسبوا الصحابه و السيده عائشه و لا شنو ؟
بالله هو ده الكوده بتاع الواقي الذكري لينا عظيم الشرف . قلت نخلي دوله عربيه تتبني اعاده بناء المصنع ده الفهم و الفكره الممكن نرد بيها علي اسرائيل الغلانه مكاوه يعني . و الله انتوا حيرتونا لا فهم و لااخلاق. فعلا دكتور انقاذي
دي ياتو دولة البتتحمل بلاويكم دي؟ عليك الله يا الكوده الله يرضى علينا وعليك خلونا في الانحنا فيه ده ما عايزين اي تفاهات تاني منكم كفاية العملتوه في السودان بفتاويكم وبفشلكم. الدول العربية خلاص عرفت الفيكم البلد خلاص بقت دولة معزولة يلا خموا وصوروا وتاني مافي واحد يمشي يشحد هناك براكم تبظتوا عينكم بأصبعكم
يا شيخ الكودة خليك فى فتاوى تحت الحزام و اللغط فيها حرام وبعدين قانون الغاب الذى تدعيه ما هة الاسد من عندكم و ابو الغفين مستشارة و نائبه ولازم اكون هناك قانون يتوافق و من هم على راس النظام وهم من سكان الغابه كيف يكون القاون كدى ورينا واشرح لينا وبالتفصيل الممل علشان نكون على بينه و العلم بالشى و لا الجهل به ونورنا ؟
الاستعداد و اعلان الجهاد والدفاع الشعبى ومعسكرات التدريب زمنها ولى واذا كان الجيش النظامى و بكل قدراته عجز من التصدى او الاعتراض على اختراق الاجواء السودانية يعنى حا اعملوا شنو ناس الدفاع الشعبى او الجهاد الاليكترونى .
ادوها صنه و انتظروا الفرج من عنده انشاء اسلط عليكم من لا يرحم ويمسح و يكسح وما اخلى فيها منافق او تجار الدين والمفسدين .
هو من المؤيدين للنظام لكنه يظهر نفسه أنه كمعارض و مثير للجدل سياسياً ودينياً في نفس الوقت وهذه لعبة داخليه للنظام , فالنظام مقسم نفسه إلي فرق ومجموعات متاح لها التصريحات في كل شيء وفي أي وقت وذلك لتشتيت إنتباه الشعب بين كل قضية وقضية ومن نتاج ذلك كان إستمرار النظام 23 عام , هذا الشخص لا أراه إلي حقير وتافه.
بالمناسبة أين حسب الرسول بتاع البرلمان من هذا المولد!!!!
اللهم جنبنا السكن بالقرب من الحاميات العسكرية والشجرة واليرموك والعززاب بالذات وخارج من ساكن حولهم لمناطق اكثر امنناً واستقرار اللهم احفظ من جاء زائير او مستاجر او عابر وأهلك وفجر من سرق قرش وبنى عمارة بمال السرقة وغش بحى اهبر والعمارات الحولين هذه المصانع واحمى كل مواطن شريف مكافح اللهم سلطة عليهم اسرايئل مثلما تسلطو على هذا الشعب الصابر
السؤال:
لما تتبنى الدول العربيه بناء مصنع اليرموك؟
الأجابه:
لرد العدوان الأسرائيلى.
تعرف يا كوده لو إجتمعت كل جيوش المنطقه العربيه لاتحرك شعره فى إسرائيل والعرب يدرون هذا جيدا.
مفروض تقول على إيران أن تعيد بناء المصنع علنا لو عندك شوية حياء على وجهك وأنت تعرف العلاقه بين إيران والعرب..ثم على أى أساس العرب يتكفلون بهذا؟؟ لسواد بشرتك آسف عيونك؟؟
بعدين عايز تبنى جيشك ده بسجم رمادك إذا كان الحبه الواحده من صواريخ توما هوك ثمنها 45 مليون دولار ده لو باعوه ليك يا المكحل عينيك,
دول زى سويسرا واليابان ماعندها حتى جيوش تقدر تقول موقعها وين الآن من الأعراب؟؟..أنا أقول ليك تلك الدولتين هم من يتكفلون بأكلنا وشربنا ومهمتنا نحن نبعر فقط وبعدها نجى نقول زى تفاهاتك دى…ياخى إتلم وإتكلم على قدرك أو زى ماقال بعض الأخوه المعلقين خليك مع الواقى الضكرى بتاعك ده.
عشنا وشفنا علماء آخر زمن
هى الدول العربية نفسها ما شايلاها مع اسرائيل مثل ما انتو شايلنها مادام انتو شايلنها اتحملوا اللى بيجيكم وحدكم لانه مافى دولة عربية قاعدين تشاورها فى سياساتكم. واسرائيل هى امريكا ما تفتكروا انو امريكا سوف ترضى عنكم طول ما انتو سياستكم الخارجية بهذه الرعونه وعدم الفهم وعائزين تفرقوا بين امريكا واسرائيل من ترضى عنه اسرائيل ترضى عنه امريكا يعنى ما تعشموا فى رفع عقوبات ولاتسوية ديون مفتاح امريكا عند اسرائيل وما تلفوا وتدوروا والعرب كلهم عرفين هذه الحقيقة وفاهمنها تمام يعنى لاتعشموا فى انهم يدينوا اسرائيل او يبنوا لكم مصنع تانى .
بسم الله الرحن الرحيم
” العالم يعيش شريعة الغاب..” و أي شريعة يعيشها السودان عندما قامت حكومة السودان بالإبادةالجماعية فى جميع ربوع دارفور و حولت كل دارفور الى معسكرات كلها قتل و تشريدو حرق و إهانة من كرمه ربه؟ كيف تريد للناس ان تنس كل هذه المذابح التى مثلت ابشع ما شهدته البشرية و لم نسمع منكم اي تعليق على افعال مجرمي الحرب فى دارقور و جنوب كردفان و النيل الأزرق؟ لا يا علماء السودان ان كان هناك شئ من العلم و العلماء فى السودان.. الناس لا تنس و ليس من حق احد المطالبة من المظلومين ان ينسوا و لكن الناس قد يصبروا او يسامحوا و لكن النسيان غير وارد فلتحرق كل الزخائر و المصانع و كل السجم الى ما نهاية..إسرائيل؟ و نحن مالنا و مال إسرائيل؟ يااخي انتم قدر اسرائيل؟ انتوا تقدروا لى ثلاثة حاجات: اللسان الطويــــــــل، الدفاع بالنظر (و دي ما سبقكم بها من احد)، والاحتفاظ بحق الرد الى يوم الدين
الله يخرب بيوتكم يا أهل الإنقاذ ، يا حرامية يا فاسدين يا تجار الدين يا قتلة يا عنصريين … يا المسمى الكودة ناس الحصاحيصا كلهم يدعون عليك بالسوء لآنك خربتها ودمرتهاعندما كنت متعمدا لها .. لعنة الله عليكم جميعا يا ناس الإنقاذ وندعو الله ان ينتقم منكم
اتمني من هذا, يوسف الكودة ان يقود فيلقة ويحارب اسرائيل ونشوف الشطارة وين وكفايه الكلام الممجوج. نحن شبعنا موت من هذا النظام القذر وجاء دورك اذا انت لست بجبان وتريد الجنةو اذهب وقاتلو وبلاش فصاحة وزلت لسان.
كان ينبغي على الحكومة أن تتجنب عداوة العالم حتى لم يصبح لها صديق غير محور الشر ايران وسورياوهناك فرق بين الكرامة والشجاعة والحمق والتهور .. سيدناخالد بن الوليد انسحب بجيش المسلمين من معركة مؤتة وهو اشجع الناس على الاطلاق وأخذ أعلى وسام في الشجاعة من الرسول صلى الله عليه وسلم سماه سيف الله المسلول ومع ذلك انسحب لأنه علم أنهم لن يستطيعوا الانتصار على جيش الروم الذي كان يفوق عددهم بأضعاف مضاعفة وهو يعلم أن الغاية من الجهاد ليست الموت بل إعلاء راية الاسلام فاختار انقاذ جيش المسلمين
اعدوا لهم ما استطعتم من قوة ورباظة خيل…..الخ اول كتيبة دبابين ترسل لاسرائيل ليكون الرد الشافى يجب ان تكون بقيادة الدباب كرتى وبعدها بقيادة الكوده وبعدها يصبح السودان مستعمرة اسرائيليه.
زمن حرب الجنوب والدبابين والبشير والترابى عايز يقرض اولاد الناس باسم الدين فى نكته ظريفه طلعوها ناس الخيال الواسع عن الكيزان..قالو فى واحد راجل كبير بكره الحكومه كره شديد وعندو ولدو كوز لكن ابوه ما عارفو المهم يوم من الايام الولد قال لابوه يابا اعفى منى انا ماشى اجاهد.ابوه قال ليه لو مشيت انا ماعافى منك.الكيزان عملو للولد غسيل مخ وقالو ليه ممكن تعصى ابوك وما عليك حاجه ولو استشهدت سوف تدخل الجنه وتتزوج من بنات الحور.الولد سمع كلامهم ومشى الجنوب ومات فى الحرب.بقى هنا بنى كوز عارفين ابو الولد بكرههم يوصلوا ليه الخبر كيف واحد من خبثاء بنى كوز قال ليهم لقيت لكم الحل .قالو ايه الحل.قال ليهم نرسل اخوات نسيبه لابو الشهيد ويقولن ليه الخبر لو مشينا نحن بضربنا بعكازه.قالو فكره جميله وارسلو اخوات نسيبه عشان يودو الخبر .وراحن يزقردن .الاب قال ليهن فى شنو بتزقردن.قالن ليه ولدك الان مع بنات الحور العين الواحده عينها قدر كده(يعنى كبار)الاب اغتاظ شديد وزعل ورد عليهن وقال ليهن انتن لو عارفات بنات الحور عينهن اكبر من كدا .ماتمشن تجاهدن وتموتن والله ولد الحور ذ…… قدر كده كدا؟
يللا شباب جهزوا النبل والدوم واللالوب والنبق والله اسرائيل جاها بلى ودنا عذابها
الاخ الكودة
تحياتي
قبل اسبوع ذهبت مع احد الاصدقاء الي حوادث البراحة مع صديق يشكو من الهضربة فاخبرني الطبيب بان العلاج الصحيح هو اخذ صورة مقطعية للراس لان الهضربة او الهدربة بعد سن الخمسين دليل علي وجود جلطة في الراس ارجوك الذهاب للبراحة وعمل صورة مقطعية للراس وكل سنة وانت طيب
الكودة معول من معاول النظام .
كانت وظيفته السابقة شغل الناس بقضايا تافهة مثل دعوته لاستخدام الكوندم و اليوم مطلوب منه الدفاع عن النظام بشكل غير مباشر عن طريق هذه الهرطقات الشماسية
ورأى الكودة أن أبلغ رد لإسرائيل هو أن تتبنى إحدى الدول العربية تكلفة إعادة بناء مجمع اليرموك علناً وليس سراً.
اذا كان ما فى اصلا دولة عربية ادانت الهجوم عليك عايز واحدة تبنى ليك المصنع وكمان علنا انت يا مان بتفكر كيف عقليتك اقرب لعقلية عبد الله التعايشي لما كان عاوز يزوج فكتوريا ليونس ود دكيم
اطالب الحيكومه بتكثيف الطلعات الجويه علي المتمردين ومن جاورهم من المواطنين والعملاء