شباب شارع الحوادث

شباب شارع الحوادث
الفاتح جبرا
[email][email protected][/email]
في ندوة عن (مستقبل التدوين في السودان) عقدت في الأسبوع الماضي وبعد أن فرغت من تقديم ورقتي تقدم شابان في مقتبل العمر نحوي وبعد إلقاء التحية وتقديم نفسيهما قالا لي : يا أستاذ والله نحنا عندنا مشكلة ومحتاجين ليك نقعد معاك وين ومتين؟ أجبتهما بإنو مافي مشكلة ويمكنهما أن يسجلا لي زيارة بالمنزل في اليوم التالي.
جلسا لي في اليوم التالي في منزلنا المتواضع ، إ بتدر أحدهما الحديث قائلاً .. نحنا يا استاذ (شباب شارع الحوادث) ، وقبل أن تكتمل دهشتي أكمل لي الشاب الآخر القصة التي سوف أرويها لكم :
بدأت القصة قبل خمسة ستة أعوام .. لا أحد بالضبط يعلم متي بدأت بالتحديد ومن قام بها .. مجموعة من الشباب من الجنسين تشمل مختلف الشرائح طلبة ، عواطلية ،عمال وموظفين ياناوبون الحضور والجلوس في شارع حوادث مستشفي الأطفال على مدار 24 ساعة يقسمونها فيما بينهم مهمتم إستقبال الأطفال المرضى وذويهم وتقديم المساعدة لهم بتوفير الأدوية والفحوصات والأشعة وخلافه .
كيف يتم ذلك ومن أين التمويل .. أقول ليكم :
هؤلاء الشباب أنشأوا لهم صفحة على موقع التواصل الإجتماعي (الفيسبوك) أسموها (شارع الحوادث) وضعوا عليها أرقام هواتفهم تقوم الصفحة بإستقبال الحالات التي تحتاج إلى مساعدة فيقوم قراء الصفحة بالتكفل بنفقات الحالة المعينة بعد تحديدها بالإسم والذهاب لمقابلة هؤلاء الشباب في موقعهم أمام المستشفي لمعاينة الحالة وعمل اللازم .
لهولاء المجموعة من الشباب حسابات (جرورة) بعدد من الصيدليات قاموا بفتحها حتى لا يتعطل الأطفال المرضى (كما قالوا لي) ، وقد علمت منهم أنهم لا يمسكون قرش احمر (في ايدهم) إذ على المتبرع التعامل مباشرة مع المريض الذي يود مساعدته
وعلى من يود دعم عملهم أن يقوم بتسديد جزء من حساب الصيدليات والمعامل وقد علمت منهم أن هنالك الكثير من المواطنين يذهب جزء من مرتبهم شهرياً إلى حساب هذه الصيدليات كما أن هنالك عدداً مقدراً من أرباب المعاشات ميسوري الحال تذهب معاشاتهم شهرياً لنفس الجهات ولك ان تعلم عزيزي القارئ أن منصرفات الشهر الماضي من دواء وفحوصات وصور مقطعية وخلافه بلغت 300 مليون جنيه (بالقديم) !!
لله دركم أيها الشباب .. لله دركم .. كم أنقذتم من أرواح وكم أزلتم لوعة أباء وأمهات يعانون الفقر والمسغبة والهوان وهم يرون فلذات أكبادهم يإنون من وطأة المرض والألم … لله دركم .. ماذا يمكنني أن أقدم لكم ؟
الحقيقة يا استاذ نحنا جينك عشان قبل كم يوم كده جانا زول معاهو طفلو عمرو زي 9 سنوات عيان ومفروض يرقد في العناية المكثفة عشان يدوهو أوكسجين .. المستوصفات والمستشفيات الخاصة الزول لو ما دفع أمنية 15 ما بدخلوهو وبعد داك اليوم الواحد في العناية المكثفة بي حوالي مليون إلى مليون ونص .. ومستشقى جعفر بن عوف للأطفال فيهو غرفه عناية مركزة واحده وتعبانة وفيها جهاز واحد وبتاع (دم) .. أها ما عرفنا نعمل شنو .. عملنا إتصالات وحاولنا نجمع قروش من بعض لكن يا استاذ المرض ما بينتظر .. والولد مات قدام عيونا !
جيناك يا أستاذ عشان عاوزنك تقيف معانا عشان الناس القاعدة تقرأ ليك كتيرين ولو كل واحد فيهم ساهم معانا بي اقل حاجه ممكن نعمل لينا غرفة عناية مكثفة للأطفال (مكتملة الأجهزة) ونحنا سألنا لقيناها بتكلف حوالى 260 ألف (مليون بالقديم) .
الشعب السوداني شعب عظيم .. العبد لله متأكد إنو ممكن نجمع لينا حق عشرة غرف عناية مكثفة في يومين .. بس المشكلة في كيفية جمع التبرعات .. والشراء (يعني في التنفيذ) … أولادي ديل قالوا ليا نخلي الناس ترسل لحساب المستشفي .. قلتا ليهم كده القروش دي ممكن تروح (مكاتب وستائر وموكيت) عشان كده أدوني فرصة نسأل القراء عشان نشوف إقتراحاتهم شنو؟ فيا أعزائي ورونا أنا والشباب ديل نعمل شنووووو؟
كسرة :
لنقف جميعاً تجلة وإحتراماً لشباب شارع الحوادث .. الذين بدلاً أن تقوم الحكومة بتشغيلهم .. إشتغلوا بدلاً عن (الحكومة)
كسرة ثابتة :
أخبار ملف خط هيثرو العند النائب العام شنو(وووو وووو وووو)+(وو)
اول حاجة جيب موافقة من الجهات المختصة بفتح مستشفى وكده-وبعد الموافقة شوف حتفتحو وين وجيب التصديق وكده- وجمع التبرعات دي ساهلة وتكون في المرحلة الاخيرة
اللهم اجزهم بقدر ما اعانو مرضاك واجعلهم في الجنة يارب العالمين نادرون هؤلاء الانقياء في هذا الزمن الغريب على كل حال اذا كان التفكير جعلها جمعية خيرية في العلن سيدخل اصحاب المصالح وستموت الفكرة اتركو الذين بدؤ الفكرة لانهم انقياء ولا يفكرون في مصالحهم علينا ان نبحث لهم عن دعم من انقياء امثالهم انا عن نفسي سابحث عنهم واقدم ما اممكننا الله لهم دعم
الهم اكثر من امثالهم
لمن الواحد يشوف شباب مثل هولاء يعرف انة انسان صغير وحقير مقارنة مع عظمة البعملوة
ربنا يقدرنا على فعل الخير اكتر والله انهم شباب بحق وحقيقي
اقترح انشاء جعية خيرية باسم شياب شارع الحوادث وفتح حساب باسم هذه الجمعية
ثم بعد ذلك الاعلام في المواقع الاكترونية والخ من وسائل الاعلام
وجزاهم الله خيرا واتمني من الله ان ان يزيح عننا هذه الغمة وتعود بلادنا وتصبح دولة حقيقة تساعد مواطني بلد
الفكرة تورى انه الشعب ده شعب كبير واصيل
الجماعة ديل يتفقوا مع شركة شركتين بتاعات اتصالات
يعملوا مكتب دعاية مبتكر للاعلان
يتفقوا مع بنك تجارى وما اكترها يفتحوا ليهم حساب
يربطوا شركة الاتصالات بى البنك بتوريد التبرعات المستلمة بواسطة الشركة للبنك
ادارة مالية
لوائح منظمة
{بجنيه انقذ مواطن من براثن الحكومة }
وبــس
ربنا يقدرنا على فعل الخير اكتر والله انهم شباب بحق وحقيقي
اقترح انشاء جعية خيرية باسم شياب شارع الحوادث وفتح حساب باسم هذه الجمعية
ثم بعد ذلك الاعلام في المواقع الاكترونية والخ من وسائل الاعلام
وجزاهم الله خيرا واتمني من الله ان ان يزيح عننا هذه الغمة وتعود بلادنا وتصبح دولة حقيقة تساعد مواطني بلد
ربنا يقدرنا على فعل الخير اكتر والله انهم شباب بحق وحقيقي
اقترح انشاء جعية خيرية باسم شياب شارع الحوادث وفتح حساب باسم هذه الجمعية
ثم بعد ذلك الاعلام في المواقع الاكترونية والخ من وسائل الاعلام
وجزاهم الله خيرا واتمني من الله ان ان يزيح عننا هذه الغمة وتعود بلادنا وتصبح دولة حقيقة تساعد مواطني بلد
اقلك وردوها في حساب الوزير بتاع الصحة عشان يشيل الذنب بتاع الاطفال دية اقتراحي
لهم ولك التحية الاستاذ الفاتح جبرة حقيقة عمل يعبر عن انه لسة البلد بخير وفيها شباب يسعد ويشرف جد ده عمل اكثر من رائع ويجسد كل معانى الانسانية ونشكرهم عليه ونشد على ايديهم وللاامانة ياستاذ العمل الذى يقوم به هذا الشباب الدولة رغم انه ده واجبها وهى مقصرة تب تقصير شديييد المشكلة ياستاذ انه الدولة تعرف وتقوم تضع ليهم العصي في الدولايب وتقيف ضد هذا العمل الانسانى لانه هم عندهم شباب محتاج وهو الجدير يكون محل الشباب ده وطبعا اهم شي يجمعو قروش عشان الشباب حقنهم ديل كل واحد يركب سيارة ولازم يعملو ليهم مكتب في كل مستشفى زى ناس الزكاة وكده وبعدييين يطلعو ليهم رواتب مجزية من التبرعات دى واهلنا واطفالنا المرضى الشافى هو الله ما الشغلة هى كلها هى لله ياستاذ ولا في زول عنده اعتراض انه الشفاء من الله ضبعا هم مابيعرفو انه في اسباب غايتو انا في راى نهائى ماتمشي قروش للدولة لا نثق في اى احد ينتمنى لهذه العصابة ولا حتى هئية كبار العلماء والايمة ماعندنا فيها ثقة الثقة في هولاء الشباب يعملو كيان مدنى خاص فيهم الدولة زاتها ماعايزين حتى منها اعتراف بيهم والله ياستاذ الفاتح بقينا نخاف من شي اسمو حيكومة لانه بتاكل بس مابتدى وده الاتعلمناهو من ال 24 سنة اى شى بيسوى المواطن رغم انه بيدفع ضرايب والبنعرفو انه الضرائب المفروض تتنزل للمواطن خدمات بس انحنا الدولة الوحيده البيشترى المواطن العامود والسلك والعداد وكمان بيجيب العمال من شركة الكهرباء ويفطرهم ويديهم اكرامية يومية يعنى وكذلك في الموية وكل زول يدبر راسو في الصرف الصحى وياكل نارو كان مرض عنده يتعالج ماعنده ياكل جازو براهو ولاهمها الدولة تموت ولاتعيش والمدارس الصيانة مسؤلية مجلس الاباء ووووووو قلت ليك دولتنا مابتسوى شي للمواطن وكان ملاحظ ياستاذ كل الانجازات وهمية كلو بالدين ومال الدين كبارنا قالو قاطع البركة تقول يوردوها للمستشفى والله دى بعدين تمشي في قسمة فائض الميزانية زى ماورد في عمود سابق لازم تتصفر الخزنة اوع من مستشفى ومن دولة بس الشغلة تتركوها للشباب ديل وهم الخير والبركة ونسال الله يوفقهم بس نصيحتى اذا تدخلت الدولة والمسعولييين الرماد كال حماد
ياهو الكلام التمام سيبكم من منتظرين جهات رسميه و معارضه لتحسين الحال هيا استنفرو كل الخيرين و ياريت استاذنا الفاضل تتبني هذا العمل الانساني الضخم و تكون المشرف عليه و يتم تنظيم ادارة من الشرفاء الصادقين امثالكم كثر حتي نساهم بتوفيق من الله من ازالة الم من طفل او شيخ او ام او اخت انه عمل عظيم و يتم فتح حساب له و مستعدين للمساهمه ووضع الدعوات الاستنفاريه التي تشحذ الهم مثل جنيه لانقاذ اخيك جنيه لانقاذ طفل .. الخ
بصراحة كدة انت وشبابك ديل ما عندكم وموضوع
مسؤولين الحكومة يتمتعوا بقروش الاطفال والايتام وينغنغوا انتو دجايرنانا نعمل غرفة عناية للاطفال وهم ذاتهم بخلوكم تعملوها وزارة الصحة بتعمل فى ايه وبعدين المنااااااااااضل ابو قردة ما قال كان متمرد علشان مشكلة الوطن والمواطنين اها بقى وزير عمل شنوا وافضليته على الكيزان شنو الشعب السودانى يموت واطفاله المساكين ولدوا ليموتوا والشعب لا بد ان يكون فقيرا لان الفقراء يدخلون الجنة او كما قال عادل امام
السلام عليكم استاذنا الفاتح جبرة..انا عايز اكون اول متبرع ..عليك الله بس ادينا العنوان والتلفون بتاعكم..انا مقيم فى انجلترا لكن عندى زول بوصل ليكم القروش لغاية عندكم ان شاء الله
الحل في ازالة هذه الحكومة الجاثمة على صدر هذا البلد المعطاء وبعدها لن تكون هنالك حاجة لشباب شبارع الحوادث ..؟؟!..والا سنظل نحتاج لشباب عند كل منعطف ومصلحة ومؤسسة وحتى عند دور العبادة ..؟؟
الامم المتحدة اليوم تصرف على السودان وعلى قواتها الموجودة بالسودان ومنظماتها مبالغ كان يمكنها حل كل مشاكل السودان وما جاورها ، الاقتصادية والسياسية والاجتماعبة والانسانية و……………….الخ ، اضافة الى ما صرف ويصرف في تلك الحروب العبثية 40 مليار دولار في دارفور وحدها…؟!.. فقط لو قام المجتمع الدولى فقط برفع الغطاء عن هذه الطغمة الفاسدة …؟! ومن ثم توجيه كل الجهود المبعثرة في ما يفيد البشر وليس الشر او اليشير …؟؟!!
اللهم لك الحمد والشكر
اللهم وفق هؤلاء الشباب
أنا واحد من كثر نود الانضمام لهؤلاء الشباب رغم شيبي .
أقترح لجنة من :
جبرا
الطاهر ساتي
برقاوي
عووضة
شريفة شرف الدين
القراي
فيصل محمد صالح
مهمة هؤلاء الشرفاء الاعلاميين تحديد خط سير التنفيذ
1/ يفتحو حساب في بنك
2/ يعملو تحويل رصيد وتحديد ارقام لاستقبال التبرعات
3/ يحددو مكان لاستقبال التبرعات العينية
4/ يعملو تصور مالي وفني للمشروع ويتصلو برجال الخير وسفارات دول الخليج مثلا
5/ يجب ان لا تتدخل الحكومة في هذا العمل باي شكل من الاشكال خاصة في استلام التبرعات ايا كانت
7/ يجب ان تدعموهم بالاعلان استاذ جبرة بعلاقاتكم الاعلامية
ربنا يوفقكم لعمل الخير
في البدء والله عيناي تزرف وانا اقراء هذا العمود ز حقيقة انا الان مشتت وما اقدر اكتب اي شي الشي الوحيد ورونا رقم الحساب وانا معي مجموعة من الاصدقاء الذين نظن فيهم الخير الكثير سوف نساعد بشي مقدر . والله يجازي الحكومة بقدر ما عملت في خلق الله
شعب عظيم وشباب اسال الله ان يكون فى ميزان حسناتهم فى يوم لاينفع مال ولا بنون الا من اتى الله بقلب سليم …. أين البروف مامون حميدة من هذا … الذين يكنسون الذهب والفضة
استاذى العزيز جبرة تحياتى العزيزة لك والتجلة والاحترام وتعظيم سلام لهولاء الشباب ونسأل الله ان يجعلهم دائما من الذين خصاهم الله بقضاء حوائج الناس عليه ان يرسلوا لنا رقم جوال ورقم الحساب حتى يتسنى لنا مساعدتهم وسوف نقوم بجمع التبرعات من المعارف والاصدقاء وكيفية ارسالها بطريقة رسمية ونسال الله التوفيق
مع خالص تحياتى
انا راي يا استاذ يتم فتح حساب باحد البنوك ويكون توقيع الصرف منه لك ولاحد الشباب ويتم التنسيق من طرفكم مع احد الاطباء الثقة لترتيب امر شراء اللازم وما شرط يكون متواجد بالسودان ممكن اكون مقيم خارجه عشان الخيارات عنده بتكون اكتر وطبعا لازم يكون في تنسيق مع الجماعة الماكلين قروشنا (تخش عليهم بالساحق والماحق انشاء الله) عشان تسهيل الاجراءات والجمارك وكده
انا شخصيا افتح التبرع واعوذ بالله من انا بمبلغ نصف مليون بالقديم بس وروني اديها لمنو
الاستاذ الفاتح جبرا انا احد قراء عمودك – واقتراحي لك ان تتبنى هذا المشروع بنفسك ولثقتنا فيك كما وثق فيك هؤلاء الشباب ولاهتزاز ثقتنا في الحكومة نرجو ان تضع لنا تصور وبرمجة مكتملة الاركان لايصال ما يمكن ان نساهم به نحن في دول المهجر ولو كان بمعدل واحد ريال في اليوم نحن في المملكة السعودية نربو على اثنين مليون يمكن 2 مليون ريال يوميا تعادل 3 مليار جنيه سوداني – تصور هذا المبلغ – واستنفر كل من له قلب رحيم واعانك الله وانسى خط هيرثوووووووالعند النايم العام وليس النائب !!!
والله يا استاذ دى الحاجه الوحيده البتخليك تسيب خط هيثرو شويه وتركز معانا فى مشروع الشباب ديل
وصلا يا استاذ لو الحكومه ختت يدها فى المشروع ده اقنع من قرشا يجيك …اقترح بان يشترو الجهاز المحتاجين ليهو ويختوه فى عيادة طبيب يتبرع بالاشراف (لو مشى مستشفى الرسوم محمداهو ) والتبرعات تتواصل بنفس الطريقه باشراف نفس الشباب بس نصيحه ابعدو الحكومه من الموضوع ده .
لله دركم من شباب … بارك الله لكم في أعماركم … وانتم الشمعة المضيئة في ظلام هذا الزمن الغابر… يفتح حساب في أحدى البنوك بأي مسمى ترونه حتى نستطيع نحن الذين في الخارج ان نساهم فيه . نسأل الله العلي القدير أن يجعل ذلك في موازين حسناتكم .. والله لقد اثلجتم صدورنا .
…كل الاقتراحات ح تقول المبلغ ما تشمو الحكومة ولا الصحة ولا إدارة المستشفى ,وعليه اقترح فتح حساب فى بنك فى لندن , وتكوين قروب انجليزى أصلى _ زى قبل 1955 عندنا_ يعنى ما انجليزى من اصل باكستانى ولا فلسطينى ولا حتى سودانى ,ويكون مسيحى , يقوموا بكل العمليات حتى تركيب الغرف,,وياخذوا اتعابهم على داير الجنية الاسترلينى او اليورو,ويركبوا خط هيثرو ويمشوا لا اهلهم ,,بعد التركيب إن شاء الله الحكومة تجى تكسرها ,بس دى الطريقة , غير كدة يكون مجرد حرث فى النهر..!!
الحمد لله. الحمد لله. الحمد لله
شباب بلادنا لسه بخير وفيهو الخير
اكثر الله من امثالكم وجزاكم الله كل الخير وفتح الله عليكم
اما الحكومه
فشكيناها لى الله
أدوها لمنظمة سند الخيرية
أحيك و احي قبلك شباب شارع الحوادث ..مستعدين للدعم ..لاقو طريقة مضمونة للدعم و لسه بلادنا بخير و الخير في السودانيين موجود…بس اولاد الحرام يكرمونا ويبعدوا
والله ياستاذ جبره دى نقل نوعية مباركة من عملتوا لينا شنوا لى نعمل شنوا وحقيقى انا اندهشت واتاثرت للعمل الكبير والمبالغ الضخمة القدروا يجمعوا الشباب ديل ويساعدوا بيه المحتاجين من غير ضجة وانا بقترح طريقة ارسال الرصيد لجمع التبرعات . وممكن فتح حساب فى احد البنوك وايداع تبرعات القراء.
ارجو فتح حساب في احد البنوك واكتب لينا رقمو .. وخليك انت حلقة الوصل .
والله اول مرة اسمع بهذا الموضوع، والله دموعي تجري من نص الموضوع لحدي كتابتي لهذه المداخلة . والله لقد وصل الامر حد لا يصدق.
يا الله يا الله اللهم فرج عنا هذا الكرب
السلام عليكم ورحمة الله وبركاته ، أستاذنا جبرا ، جبر الله خواطركم جميعاًوالشعب السوداني الفضّل، وجزاك الله كل خير وهؤلاء الشباب والمحسنين من الشعب السوداني أيضاً، والله يا أستاذ الفاتح أنا أقترح عليك بخصوص هذا الموضوع أن تتولى أنت هذا الأمر بفتح حساب ويتم تحويل التبرعات بإسمك ونعرف مُسبقاً أنها واصلة مباشرة لمحتاجيها. وطبعاً فيها زيادة تكاليف عليك لكن ثقتنا فيك لا تحدها حدود، أنا شخصياً ممكن أرسل ما أقدر عليه عن طريقك لو أنت قبلت بهذا التكليف، وعلى ثقة بأن جميع قرائك سيساهمون في عمل الخير وينوبكم جميعاً ثواب، ولوأنت وافقت يا أستاذ الفاتح أظهر رقم الحساب ( بعدفتح الحساب) في شكل كسرة ثالثة وثابتةيومياً ، على أن تكون الكسرة هكذا: < كسرة ثالثة للتبرع يومياً وسترى من الجميع ما يسُر الجميع من تكاتف ، ونسأل الله أن يتمم الشفاء على جميع المرضى صغاراً وكباراً. وكلنا أمل في موافقة سيادتكم لإجراء عمل الخير هذا وأثابكم الله جميعاً خير الجزاء.
انشاء الله نكون من الاوائل معكم وابدو والله بتم عمل الخير
لله دركم أيها الشباب الذين فيهم الخير والبركة .. ونرجو منكم الكثير لخدمة المواطن والشعب السوداني ..
على العموم نحن جاهزين لأي تبرع ورونا بس أرقام حساباتكم والباقي علينا
اتمنى منك يا استاذ جبره ان تكون المسئول عن هذا المشروع ..
اجمعوا القروش واشتروا الغرفة وسجلوها وقف اسلامى قبل ما تودها لأى مستشفى او مركز صحى..عشان تكون مضمونة وما يتصرفوا فيها ويشلعوها
وينك ياودجبره مالمشفي زاتو لحقوه امات طه!!! عندك خبر حيفتحو تاني!! ات مصدق!!!
ورغما عن ذلك هذا اجمل خبر سمعته في بلد المأسي ونضع عمامتنا ذي مابقولوا لهؤلاء الشباب الهميم الخيربارك الله بهم !! فالحقيقة لم نعلم بهذا الجهد الصادق النزيه في بلد الالف جمعية خيريه تنهب وتتعيش علي شعار العمل الخيري في بلد تكاد تكون فيه هذه الثقافه حقيقة معدومه!!اما ديوان الذكاء فهو ليتذاكي في الاستمتاع باموال الزكاة ولا نريد منهم شيئا!!! فقد بح صوت الجميع ومللنا الحديث عنهم رغم مكاتبهم في لشافي التي يستمتع موظفيها تحت التكييف بلا عمل!!
ولدعم هذا العمل اقترح مثل حملة سرطان الاطفال عمل حساب للتبرع بعد تاطير العملب اضافة شخصيات لاخلاف عليها مثلك تبرعا وكلاخ الاكبر محجوب صالح وبروف محمود مستشارالاطفال كلجنة مهمتها الاشراف علي بالتضامن معا هؤلاء الشباب للاشراف علي توزيع الشيكات من الحساب للصيدليات واظن الصيدليات التي وافقت للتعامل مع هؤلاء الشباب جديرة بالاحترام فقد اقدمت علي مخاطره من اجل المرضي وهي جديرة باستمرار الخدمة ويمكن الاستعانه باحد اصحاب هذه الصيدليات في اللجنة!! واذا لم توفقوا بعمل حساب او لم يوفقوا فنحن نثق فيهم وفيك مشرفا عليهم فخصصوا رقم جوال للتبرع عن طريقه ويمكنك كتابته او اضافته بصورة يوميه بعد هثررررررررررررررررو للتبرع وسنرسل لك مانستطيع!! فالتحيه لك ولهم فمثلكم يبقي الامل في هذه البلادولو لاظروف العمل لتبرعت معهم ولكن يكفي ان نمدهم بالمال ونشد علي اياديهم البيضاء.
واحد من المتداخلين طالب كاتب المقال بان يترك امر خط هيثرو ويلتفت الى هؤلاء الشباب ومساعدتهم لكن انا بالعكس اطالبه الملاحقة والمحاككة الى ان تعاد تلك الاموال المنهوبة وتعطى لهؤلاء الشباب ايه رايكم ..
وكمان كل اموال الحرامية من الدستوريين الذين تحدث عنهم القراى فى مقاله الاخير عندها لن يجد كل سودانى وينعم بعلاج مجانى …
الله يقطع الاخوان فى كل مكان ويدمرهم كما دمر عاد وثمود وارم ذات العماد بريح شعبية عاتية تقتلعهم من جذورهم وصياصيهم وعماراتهم وفيللهم وعماراتهم الشاهقة ومزارعهم الفتنة التى ظنوا ان لا تبيد ابدا قولوا امين
وبكرة الحكومة تعمل احتفال بفتح غرف عناية مركزة ويستلمو القضية كان هم العملوها… حيرونا يحبو الملح ويبقو اسيادو
المسألة كلها في سوء استغلال أمكانيات الدولة80%من ميزانيتها موجه للامن معالجتها باسقاط النظام
وفقكم الله وسدد خطاكم وفي ميزان حسناتكم ان شاء الله
عمل عظيم تشكروا عليه ! ولكن الحكومة لن تتركم في حالكم اذا حصل فتحوا حساب او ما شابه !!! الضرائب وما شابه ذلك !!!
ولكن فليكون التبرع لكم مباشر أحسن .
رحمة الله عليك يا سودان !!!
المسألة كلها في سوء استغلال أمكانيات الدولة80%من ميزانيتها موجه للامن معالجتها باسقاط النظام
تحول المبالغ في حساب بأسم الأستاذ / الفاتح جبرا وأنا واثق منو ويكون الصرف من المبلغ بتوقعين
واحد أستاذ الفاتح والثاني يختار من هؤلاء الشباب ولكم التحية أستاذ جبرا والتحية والتجلة
لهؤلاء الشباب ودمتم
نعلق نقول شنو يا الفاتح!!
انت ما سمعت خبر مامون حميدة الذى قرر وبدأ فى ازالة مستشفى جعفر
ابنعوف. يعنى الشباب ديل عايزين يعملوا غرفة العناية وين !!!
الوضع اكبر بكثير من حوجة طفل لغرفة عناية. انا أرى ان ان يذهب
الشباب الى شارع آخر ويقوموا باجتثاث الكيزان من الجذور .
سبحان الله حميدة مهموم بترقية استثمارات يستبشرون والزيتونة فى وسط البلد مع الاجتهاد في تشليح حوادث الاطفال جنوبآ حتى وصل بشائر الحزام الاخضر بدلآ عن تأهيل المستشفى المركزى بشارع الحوادث وتخفيف الضغط عليه بتأهيل الاطراف .. وربنا يسخر لنا من يجرد نفسه للصالح العام ويبعد عنا من ينظرون بعين الرضا لاستثماراتهم الخاصة بينما يغضون الطرف عما وكلوا به من عمل عام و لهم التنظير فى الفارغة والمقدودة لصرف النظر عن فشلهم و انانيتهم بينما شباب بلادى يقومون بسد منافذ تقصير هؤلاء ..
اقترح بتسجيل شرائح اتصالات جديدة بشركات مختلفة زين _ سودانى _ ام تى ان .. وتعمل كسرة اعلانية ثابتة تحت كسرة هيثرو وبها ارقام الشرائح و كل يحول على قدر استطاعته ومن بعد تعمل لجنة شباب الحوادث على تسييل هذه التحاويل أما اصحاب الدفعيات المليونية فيمكن فتح حساب بنكى باسم لجنة شباب الحوادث مع الترويج له ايضآكما سلف .. ويمكن مخاطبة القنوات التلفزيونية فى امكانية الترويج المجانى لهذا المشروع الخير و كله بثوابه .
دعونى اولا اقف تجلة واحتراما لهؤلاء الشباب واريد ان اشكرهم بطريقتى الخاصه التى تجعلنى واحدا منهم ……
مجرد اقتراح بسيط وهو ان تبنى غرفه منفصله داخل حوش المستشفى ولاتكون للمستشفى الحق فى ادارتها ماليا بل يتم اختيار مجموعه من هؤلاء الشباب تلقى عليهم المسؤليه بصوره دوريه ….. والسبب فى ثقتى فى الشباب تنطلق من تفانيهم لتقديم المساعده لشريحه تستحق العون .. لا اقول اصبت فيه ولكن القيت حجر فى بركه ساكنه
التحية لشباب بلدي …. بس ماعرفنا الغرفة دي حتتعمل في اي مستشفي .. لو في مستشفى جعفر ابنعوف
انسو الموضوع .. على الاقل قبل تغيير الحكم ,,,
وانا على يقين اذا تكاتفت الايادي فبناه مستشفى مجهز بكل مايلزم ليس بالامر الصعب .. مع سوء حالنا وحالكم … المصرين بنوء مستشفى لعلاج سرطان الاطفال بالتبرعات .. ونحنا ان شاء الله مااقل منهم غيرة ولا وطنية … والعمل العام مابتنعمل بالثقة بالاشحاص العمل العام بتعمل بالتحطيط السليم وفقكم الله ونحن معكم فيما ترونها مناسباً
عزيزي الفاتح جبرا ان مثل هؤلاء الشباب يذكرني بى ايام كنا شباب قبل ان نهرم ولكن ليس معني هذا انهم من الزمن الجميل واقترح ان يتم فتح حساب عبر صحيفه الراكوبه وتكون انت امين المال ولاكن احذروا ان يكون هذا المال في يد الحراميه وانت عارفهم.
أوع تعملوا ليه لجنة
ولى قدام يا شباب
التحيه لهؤلاء الشباب ولك اخى جبرا
معكم و جاهزين لكل تبرع و كل شىْ ولن السؤال الى متى سننوب عن الحكومه فى واجباتها؟ لماذا لا نعيد الروح الى الشعب و نخرج به لنقطلع هذه الحكومه التى لا توفر للاطفال جرعة دواء و فقكم الله
الله يوفقهم و يعينهم و ييجزيهم خير الجزاء …. بس يعملوا حسابهم لان عملهم دا ضد المشروع الحضاري، المشروع اياه يعمل على ابادة الشعب السوداني الفضل عمدا لذلك لن يرضى ابالسة المشروع على اي عمل لدعم المرضى على الشفاء و ثانيا القروش دي كلها تندفع بدون ما ياخدوا عليها ضرائب او اي نوع من الجبايات؟؟ الآن الجماعة عرفوا مصدر جديد للجبايات و بعد يوم يومين ستتحرك قوافل ” المجاهدين” للبحث عن هؤلاء الشباب و القبض عليهم باي تهمة من الاتهامات الجاهزة في قانون امن المشروع الحضاري، و ستجد جيوش الجباة التابعين للمحليات يبحثون عن تلك الاموال المدفوعة لفقراء المرضى ليتحصلوا ضرائب و زكوات المشروع الحضاري!
انا اقترح أن توخذ رسوم المغادرة بالمطار والتي تؤخذ من المسافرين – 30000 – صرة في خيط ويؤسس بها صندوق مالي لمثل هذه الحالات – غسيل كلي – سكر – عيون – سرطان اطفال نساء وولادة وخلافه – وكذلك تعمير المستشفيات بكل ما تحتاجه . يعني لو فرضنا أن المسافرين يوميا 1000 شخص سيكون المجموع 30000000 يوميا – يعني 900000000 شهريا – يعني مأئة وثمانية مليار سنويا وبذلك نكون قد قضينا علي هذه المشكلة .
والله عيونى دمعت فرحا وحزنا. يا شباب ربنا يحفظم وان شاء الله معكم للامام
بسم الله الرحمن الرحيم
وبعد التحيه
استاذ الفاتح والله الواحد أصبح يرى السراب ماءاً في هذه الأيام ولا أقول ان عمل شباب شارع الحوادث سراب ولكن عندما تكون المصيبه أكبر من أن يقوم بعض الشباب في سعي جاد لحل جزء منها تبقى المصيبه وتظل أكبر من ان تحل حلولاً جزئيه.
والحق أقول أن مثل هؤلاء الشباب كثر لكن لأسباب أنت خير العارفين بها أنه وفي ظل التفسيرات الغير وارده في السنه ولا الكتاب أضحى كثير من السودانيين يهابون ويترددون في تقديم يد العون مثال عندما تكون وبالصدفه راكب عربه كريس ومتسلفها من صديق وتمر بأحد الطرق وتجد كثبر من النساء والأطفال وتعمل بحديث سيد الخلق (فضل الظهر)أول ملف تقطع مخالفه سير لأنك رفعت ركاب .وهذا قليل من كثير ومثل هذه الأشياء لاتحصى ولاتعد.هل الدوله بمؤسساتها والتي تنادي بالشرع القويم تعلم أن مثل أولئك الشباب كثر؟ أم تعرفهم وقت البلاء(هجليج.الميل أربعين …ألخ)؟والله أخشى أن يفسر مايسعون إليه من خير إلى مآلات أخرى وربنا يستر……….
وفقكم الله شباب شارع الحوادث ..
أقترح أن يقوم هولاء الشباب بتقديم عرض سعر نهائي يقيمة غرفة الإنعاش من إجهزة ومعدات وتكلفة البناء ومدة التنفيذ وكيفية السداد لحساب الشركة المنفذة ,… ثم يقوم المتبرعون بالمساهمة بسداد المبلغ المطلوب عن طريق تعيين هولاء الشباب ومعهم الأستاذ جبرة واحد المحاميين الخيرين وأحد الأطباء المعروفين وفتح حساب جاري خيري بأحد البنوك بإسم جمعية شباب الحوادث الخيرية( جمعيه وقفيه خيريه غير ربحيه وغير حكوميه )
مليون بالقديم مني لكن كيف نوصلها
[email protected]
اتمنى ان تكون هنالك منظمة مشهود لمنسوبيها بالنزاهة والشفافيه ات تتولى هذا العمل ويمكن ربط المنظمه بحساب بشركات الاتصالات ويتم التحويل عبر شركات الاتصالات
لنقف جميعاً تجلة وإحتراماً لشباب شارع الحوادث
أستاذ الكلمه الفاتح جبره
تحيه عطره
اقترح ان توضع التبرعات فى حسابك الخاص و تكون انت المسؤول عن الصرف فى ما يفيد .
أتوكل على الله يا الفاتح رغم إننى لا أعرفك شخصيا و لكنك الرجل المناسب لاننا لانثق فى واحد غيرك لكى نعطيه تبرعات طبعا فاهم قصدى .
نحن جاهزين للتبرع فى اى وقت
التحيه والتجله لشباب بلادي القائم والناهض علي مساعدة الاسر الفقيره .والتحيه لك استاذ الفاتح.شي جميل وانساني لابعد درجات الانسانيه ان يقدم شباب علي مثل هذه الاعمال الخيره التي انعدمت وتلاشت من مجتمعنا الانساني الذي كان لايتواني ولا يتأخر في مد يدالعون للمحتاجين.وانا كواحد من المتابعين لمقالاتك يشرفني ان انضم لهذا العمل الخير.واقترح لثقتي وثقة القراء فيك ومعدنك الطيب أن تعمل جسرا بينك وهذا الشباب بأن تفتح حساب باسمك في احد البنوك من خلاله يتم ارسال التبرعات .ينوبك الجزاء والثواب وربنا يقوي همم الجميع لاعمال الخير…
والله العظيم يا استاذ ويا شباب كثير من الناس وانا منهم مستعدين للمساهمة فى أى عمل خيرى يقدم سوداننا وأهلنا الغبش ولكن المشكلة والمشكلة الكبرى انو فى أى مشروع مهما كان صغيرا او كبيرا يتسلل اصحاب الذمم الخربة والنشالين والحرامية ولى عنق المشروع لمشروع نهب مسلح ولهم من الحيل والالعايب ما يحير الجن الأزرق ولهذه الاسباب نتأسف للشعب السودانى الفضل يعنى نحن عندنا مشاريع خاصة بنا منذ الأزل ومنذ اغترابنا قبل أكثر من ثلاثة عقود وليقينا التام ان اى مشروع فى سودان اليوم سوف يتلقف مهما عملت من الاحترازات ما فى فايدة والله يعينكم ونقدر لكم جهودكم ونقاء سريرتكم ولكن من التجارب المرة وبالذخيرة الحية ما فى زول يعمل ليهو حاجة فى السودان !!!!!!!!!!!
ما اروعكم من شباب حفظكم الله وربنا يكتر من امثالكم ونسال الله عز وجل ان يجعله في ميزان حسناتكم وانا اول المتبرعين وعنواني واضح الى اين تريدون ارسال التبرع لك ولهم تحياتي – الحمد لله مازال السودان بخير بوجود امثال هؤلاء العظماء
اول حاجة يتم تسجيل الجمعية كمؤسسة تطوعية غير ربحية فى
الوزارة المختصة بالجمعيات ووزارة الصحة. عشان نتجنب
حكاية الضرائب والزكاة. وربنا يوفقكم
اولاً التحية والتقــــــــــــــــدير لهذه الفئة المجتهدة في ميزان الحسنات إن شاء الله 0 انا أقترح إنشاء حساب بنكي بسم شباب شارع الحوادث ويوكل احد الشباب بالسحب والإيداع وجاهزين للتبرع بالمال والدم ةالله من وراء القصد 0
هذا يؤكد عظمة الشعب السوداني وإنسانه الذي من أمثاله “الفقرا اتقاسمو النبقة” و”النية كان دارت النية العنقريب يشيل المية”. إنيي افتخر بعد أن يئست من الحاصل بأنني سوداني لأن بلادي لم تعدم عشا البايتات ومقنع الحافيات وذلك يعكسه جليا موقف هؤلاء الشباب وغيرهم كثيرون يعملون في الخفاء في الجمعيات التي تساعد الفقراء والمبدعين الذين يعولون اليتامى ولا نعرف بذلك إلا بعد رحيلهم عن دنيانا.
سأتواصل معك أستاذي الفاتح جبرا وأقدم لك مقترحاتي على بريدك الخاص. ولكن لماذا لا يسجلون هؤلاء الشباب نفسهم كمنظمة مجتمع مدني أهلية تكافلية ليتمكنوا من فتح حساب يمكن للمتبرعين أن يساهموا فيه. هذا مسلك حضاري نبيل من قبلهم وهذه شهامة ليس بعدها شهامة ولذلك فنحن نشد من أزرهم ومستعدين نتقاسم معهم النبقة. شكرا لكم أيها الشباب وأنا أكتب تعليقي هذا وعيني تفيضان بالدموع دموع الفرح والاعتزاز والفخر لأنكم تذكروننا دائما أن حواء السودانية لن تعقم في هذا الزمن المريض البائس.
هذا موضوع خير لا نرفضه وعلي استعداد للمساهمة لكن …..
لكنه موضوع كبير جدا.. لا يتوقف علي مجموعة صغيرة تتكون من عشرة ومائة من المرضي .. نصف السودانيين مرضي ويحتاجون للمساعدة ….
لذا هذا الموضوع يحتاج لأصحاب اختصاص وتخطيط ودكاترة وماليين لا ينتسبون للنظام لا من قريب ولا من بعيد يعينون هؤلاء الشباب , كما أن تحديد المستفيد من هذه الأموال مهمة صعبة ,,, فلا يمكنك أن تعطي بعض الناس وتحرم الآخرين..من الذي يستفيد من المساعدة وعلي أي أساس تم معاينة حالته المرضية وبالتالي المقابل المالي !!!!! إذن حكاية تحديد المستفيد مهمة جدا… مواطنين كثر من جهات كثيرة ستتدفق علي هؤلاء الشباب بعضهم سيترك ديوان الزكاة و بعضهم سيترك التأمين الصحي وخلافه من الهيئات الخيرية.
والكيزان لا يرضيهم ذلك سيفتعلون المشاكل والتعطيل لهكذا مشروع حتي وإن وضعت هذه الأموال في بنوك الحكومة سيتم عرقلتها بحجة مطالبتهم بتسجيل هذا العمل كمنظمة خيرية مدنية ومن هنا تبدأ المشاكل.
—————————
أقترح علي هؤلاء الشباب أولاً إنشاء صفحة في الفيسبوك لتوضيح طريقة عملهم وأرقام حسابات ونشر الحالات التي تحتاج للمساعدة أولا بأول…في حالة إنشاء هذه الصفحة عليهم نشرها أولا هنا بالراكوبة حتي يعرفها الجميع …
أو أن يكونوا علي إتصال بإدارة الراكوبة لتفرد لهم مساحة إعلانية أو فقرة ثابتة يومية عن بعض الحالات التي تحتاج للمساعدة وأن تكون الأهمية للحالات التي تحتاج للعمليات والأمراض الخطيرة المهددة لحياة الإنسان خاصة الأطفال والنساء.ولا ننسي أن التحويل من خارج السودان إلي السودان أصبح سريع جدا خاصة من جانب الأخوة المغتربين المتبرعين.
نسأل الله أن يوفق الجميع …………
يااخوتي قدموا اقتراحات وحلول علي الاقل فيما نقدر ان ننجح فيه واتركوا شتم الحكومه!!فشتمهااو مطالبتها لايفيد ولايغير من واقع الاطفال!!وذي مابقولوا الضرب علي الميت حرام!! بعدين لكل مقام مقال!! نتعلم من هؤلاء!! اوقد شمعه بدل ان تلعن الظلام!!!!! فقد اوقدوا شموعا لم ينتظروا احدا ولم يشتموااحد او يشكوا له!! فليعمل كل منا مايتقن! ولاباس جنبا الي جنب مع الدعوه لتغيير الواقع السياسي والذي نعجز عنه الي الان!!! فلربما نجحنا في انقاذ حياة الاطفال. ومن الممكن تعلم الدرس وتعليمه للشباب من اجل توسيع ونشرثقافة العمل الطوعي غير السسياسي!! فكل ارجاءه ليست لنا وطنا بل بها مستغيث!!وبها ديكورمنظمات تتناطح من اجل مصالحها اكانت محلية او اجنبية في غياب اهل البلد وشبابه عن العمل الطوعي !!
السلام عليكم أستاذنا الفاتح
اعرف مجموعه تقوم بأعمال البر والخير داخل السودان منذ فتره وهي تملك قدرات وكوادر هائله كما تقوم بجمع تبرعات المتبرعين داخل وخارج السودان بكفاءه واقتدار
ولديهم أيادي طويله في اعمال البر والخير في جميع المجالات
ومن مشاريعهم مشروع إفطار الصائم وافطار الًطالب وكسوه العيد وعديد من اعمل الخير
موقعهم هو http://www.sadagaat.com.
يمكن الاتصال بالرقم0910010077
Facebook.com/Sadagaat
Facebook.com/groups/sadagaat
او الاتصال بالأخ أنور ابراهيم يعقوب
تلفون 0912395510
والله الموفق
وجزاكم الله كل خير
السلام عليكم وشكرا شباب بلادى وهذا درس نستفيد منه اذا خلصت النوايا فلامستحيل
الاقتراح :
1- جمع التبرعات بالشكل المعتاد
2- فتح حساب بنكى للمشروع
3- تكون شباب حسب التخصصات
4- الاشراف والمتابعة يكون لك يااستاذ جبرا
5- وهذه رقم هاتفى (0917093738) متى ماطلب منى المساعدة انا مستعد مع العلم
اننى اعمل خارج ولاية الخرطوم (اخصائى اجتماعى) وحقيقة كل الاعمال العظيمة كان
مجرد فكرة وحقيقة نود ان نعمل من اجل وطن اجمل
يا استاذ انا عندى اقتراح بس خائف من عواقبه الوخيمة انا مسافر منتظم عبر مطار الخرطوم المسمى دولى لاحظت فى بعض مطارات الدنيا ان هناك صناديق زجاجية(لزوم الشفافية) يضع غيها المغادرون والواصلون ما يجودون به وغالبا ما يكون من عملات لا يحتاجونها مثلا زول مغادر من الخرطوم وتبفت له شوية جنيهات سودانية اوقادم ومعه شوية عملة صعبة يمكن ان يضعها فى هذا الصندوق ويذهب ريع كل ذلك مثلا لعلاج الاطفال ولكنى اتوقع عواقب وخيمة اولا سيصبح اجباريا على كل مسافر ان ( يفضى جيوبه) ولا احد سيعرف اين ستذهب اموال التبرعات هذه ابواب الخير كثيرة ولكن ابواب الشر ليست اقل
الحمد لله أن البلد فيها مثل هؤلاء الشباب مع تمنياتنا لهم بالتوفيق وأقترح كما ذكر الكثير من الأبناء فتح الحساب باسم الأخ الفاتح مع تفويض احد الشباب من قبلهم لما يخص مسألةالصرف والتصرف. على الأقل لفترة التأسيس وأتمنى أن يكون هذا المشروع نواة لمركز علاجي خيري كبير يضم كافة التخصصات وبرسوم رمزية جداً لسد حاجة المعدمين (أسألوا في النت عن البروفسير البنغالي محمد يونس) صاحب بنك الفقراء وكيف كانت بداية الفكرة وإلى أين وصل حتى الآن. أحي شباب شارع الحوادث
نطلب من الريس وهو ماشي السعودية لمراجغة حنجرتة وكده ياخد معاهو اتنبن تلاتةعسى ان يشفعوا ليهو يوم القيامة وكذلك وزير المالية يرسل ليهو مجموعة مع ولدو لامريكا
العم العزيز الفاتح
السلام عليكم ورحمة الله تعالى وبركاته
التحية من خلالك لهولاء العظماء، الحمدلله ما ناديت به هو اول الغيث، ما شاء الله اولاد عزة بانو وده المحرية فيهم من غير من ولا اذى وان شاء الله نجود بالغالي والنفيس ، قبل كم يوم قرأت في موقع سودانيز اون لاين عن مغتربين سودانيين عندهم شركة طبية في المانيا ولديها فرع في السودان. ومن ضمن نشاطاتهم الاجهزة الطبية ، الى الان لا اعرف عنوانهم في السودان، ارجو من له علم بالامر ان يمدنا بالمعلومات ، ولدي ايضاً طبيبة سودانية في المانيا محل ثقة ولها قرابة الثلاثون عام هناك وان شاء الله سوف تتابع كل شيئ ، وذلك لان الاحهزة الالمانية الطبية افضل اجهزة في العالم، ان شاء الله بعد ان يتم الاتفاق على اسم وكيان معين الذي ارجو ان يتم في اسرع فرصة، لانه عمل خير في الاول والاخر نبتقي به وجه الله سبحانه وتعالى، الحمد لله لنا اهل و معارف كثر لن يتاخرو اذا طلبنا منهم يد العون خارج وداخل السودان وسوف تكون مهمتي بتنويرهم بالامر على ان يظل الراي لك سيدي في كيفية توصيل تبرعاتهم، فانت ان شاء الله محل ثقة ، جميع السودانيين اهلنا يجب على كل سوداني وسودانية ان شاء الله يجود بالموجود. في السودان في شارع حوادث مستشفى الخرطوم رايت مناظر يشيب لها الراس، فكيف بالله عليكم يكون الامر في باقي السودان، وفقكم الله وايانا، لله الامر من قبل ومن بعد والصلاة والسلام على محمد
ياخوانا….الجماعة ديل شغالين ماتدخلةهم فى لجان ولجان منبسقة وجمعيات ومنظمات. الفكرة واضحة وماتحتاج الى مراقبة. وضحوا اسماء هولاء الشباب وعناونيهم وكيف ان تلاقيهم وكل سنة والبلد بخير
يا عمك قصدك خير لكن انت ما عارف التمويل من جهات اجنبية (السودانين بالبلاد الاجنبية) ضد توجهات المشروع الحضاري واكبر دليل اغلاق مركز الخاتم عدلان ودور ثقافية اخري المسألة مش احباط بس الكيزان ح اخلقوا ليك مشكلة لانو عمل الخير دا لو ما طالم منو نصيب وخالفت احكام رب العباد وقدمت رشوه مااااكنة بقدر الذنوب الفي اعناقهم الموضوع دا ما بمشي كان الموضوع كتيمي من تحت لي تحت ولو قلت لينا بس هنالك حالة مرضية يا استاذ جبرا لطفل وااااحد بس كان القراء رسلوا ليك مال مستتشفي كامل تحويل رصيد بس
التحية للشباب و الشيب الابرار
التحية لطيبة القلوب و التقوي الحقيقية
لكن
برغم من عملهم العظيم
الاغلبية من مرضي السودان حسب احصائة الفقر يحناجزن الي المساعدة
الحل الجزري للمرض و الفقر
هو اقتلاع حكومة الجوع و الفقر و الظلم و الظلام اقتلاعا لا تقوم لها بعده اي قائمة
الثورة يا ناس
قربيبا
امين يا ارحم الراحمين
وأنا اقرأ مقال اليوم للأستاذ ، خطرت علي فكره ، هذه
الفكره قد تكون خارج إطار المقال ولكن أظن أنها تشمل
المقال في محتواها ، وهي فكرة (طالما ان هذه الحكومه
بكل فسادها ومفسديها جاسمه على صدورنا وأثبتت كل
المحاولات فشلها في الفكاك من عنجهية نافع و أصحابه )
لماذا لا نتخطى هذه الحكومه ويسهم المثقفين النزيهين
الأحرار أصحاب اليد الطاهرة والفكرة السديدة
والإيمان الذي لا تشوبه النظره الحزبية الضيقة التي تسعى
إلى تحقيق أهداف الحزب على أشلاء الشعب السوداني
.لماذا لا نتخطي كل هذا ونذهب إلى إدارة شؤون البلاد
من خلال منظمات المجتمع المدني يشارك فيها كل السودانين
بجميع مكوناتهم ،. كل في مجاله . خصوصا ان الحكومه
الآن وصلت الي درجه من الترهل أنها لا تستطيع ان
تدير البلاد ، أما المعارضة فقد بلغت مرحله الشيخوخه
والموت السريري .
أتوقع ان ذهبنا في هذا الاتجاه بجد ان نصل إلى مرحلة
سحب البساط من تحت أقدام الفساد والمفسدين .
استاذ جبره لك كل التحايا العطره انا افتكرت اول ما بدأت بقرأة المقال انها احدي مقالاتك الساخره ولكن بعد ان تعمقت في المقال احسيت بجديه الموضوع ما زالت الدنيا بخير اذا كان هؤلاء الشباب صادقين انا اقترح جمعيه حمايه المستهلك لتقوم بهذا الدور ويفتح حساب للتبرعات لانشاء غرف عمليات لمساعده المحتاجين وان كان جل الشعب السوداني الفضل يحتاج للمساعده والمعاونه في توفير قوت يومه ناهيك عن العلاج اقتر ح الدكتور ياسر وبقيه العقد الفريد من الاطباء الشباب الحادبين علي مصلحه محمد احمد المغلوب علي امره وهؤلاء الشباب الذين اطلقوا علي انفسهم شباب شارع الحوادث الاشراف علي المشروع وتقديم المقترحات ومتابعه سير العمل في المشروع وعمل لجنه اعلاميه للاشراف واطلاع الناس اول باول عن المشروع والتمويل والجهات المتبرعه والله لا يضيع اجر من احسن عملا .
السلام عليكم ورحمة الله تعالى وبركاته و الصلاة والسلام على خير الأنام سيدنا محمد وعلى آله وصحبة وسلم
الأستاذ المحترم الفاتح جبرة أتقدم بإقتراحي الذي هو عبارة عن الخطوات التالية:
1- البحث عن منظمة خيرية ترعى هذا المشروع بدلاً من تكوين واحدة جديدة كسباً للوقت كما يتم الإتفاق مع المستشفى التي تستقبل هذا المشروع.
2- عمل دراسة كاملة عن مكونات المشروع من النواحي ( المواصفات – ملائمة الأجهزة مع السودان – قطع الغيار – الترحيل – عمليات الصيانة – متطلبات الإستمرارية والمحافظة عليه).
3- عمل دراسة كاملة من الناحية المالية بكل الخطوات والاجرآت القانونية المالية من بداية المشروع وحتى يرى النور.
4- كتابة وثيقة قانونية وتسجيلها في المحكمة تبين الهدف من المشروع وتكلفة المشروع والقائمين عليه بالإثباتات الشخصية لهم و رقم الحساب البنكي المراد التبرع فيه والمكان اللذي سيتم تنفيذ المشروع فيه بالإضافة إلى الوراق الثبوتية من جميع جهات الإختصاص (وزارة الصحة – الولاية – المحلية …) التي توضح موافقتها على هذا المشروع وإضافة أن أي إعاقة للمشروع سيتحمل ضررها الجهة التي قامت بإعاقته.
5- إعلان الوثيقة في الصحف السيارة.
بعد ذلك سيتبرع الناس وهم مطمئنين
أرجو أن أكون وفقت في إقتراحي هذا
ولله الشكر من قبل ومن بعد
الاخ جبرة أسو شى عملتو الانقاذ قتل الثقة فى كل من يعهد الية بعمل فية فلوس , اقترح عدم استلام اى مال نقدى من احد, ان يتم تلوين لجنة مختصة لتحديد احتياجات الغرفة, ومن ثم ان تكون التبرعات فى شكل عينى مثلا لورى طوب , طن اسمنت, شبابيك وابواب, وطلب الاجهزة من اى فاعل خير, ومهم انو المتبرع يشوف تبرعوا تحول الى شى مفيد وان يتاح لة المتابعة لمزيد من الشفافية, صدقنى حاتتبنى مستشفيات مش غرفة, الشفافية ثم الشفافية.
يا جبرة أدو القروش والتبرعات لوداد بابكر !!!!!
بالجد يا شباب شارع الحوادث انا حسدتكم على هذا الكم الهائل من التعلقيات التي تثبت امكانية تاسيس هذه الغرفه خلال الراكوبه فقط… يلا هموا واستفيدوا من دعم الناس ليكم وماتتكاسلوا … الفاتح دا ما قصر الباقي علينا وعليكم….
مجهودكم دا كبير جدا حاولوا طوروا الفكرة لتصبح منظمة خيريه لان الدعم للمنظمات الخيريه حيكون هو الافيد بل ستنبهروا بما ستجدونه من دعومات محليه وعالميه
عقبال نسمع بيكم في قناة الجزيرة في برنامج مبادرة
سلام
وبالتوفيق
انا هنا في امريكا في ولاية فرجينيا مستعد ان أساعد وحااكون مواصل عم الشباب ديل بالنت والحمد لله لسع نحن بخير ونحن تحت الخدمة
التحية لهؤلاء الأماجد ,, من وجهة نظرى المتواضعة البعد عن تكوين أى لجنة او وضع إطار قانونى للتبرعات ( فتح حساب وخلافه ) لأنه بكدة حكومة الجن دى بكون عندها الحق فى التدخل وتلفيق التهم (أموال لدعم العمل المسلح تحت غطاء تبرعات للمرضى )!! وحذارى من تنصيب أى من هؤلاء الشباب فى منصب رئيس اللجنة أو مسؤول التبرعات أو تقييم إحتياجات المرضى ( لأنهم حا يقصدوهو ويطلعوا …..)!!! طيب الحل شنو ؟؟؟؟؟؟؟؟ الحل العمل كقروب زى ما هو وضعهم الحالى ,, وتوسيع القروب ده قدر مايكون (حتى يتفرق الدم بين القبايل ) والتبرعات تكون لحالة المعنية مباشرةً وتحويل الفائض للإحتياج التالى وعن طريق الصاحب الحالة السابقة …. وما تنسوا الدعاء بالهداية للخواجات العملوا لينا النت والفيس بوك عشان نقدر نواصل الحياة ونعيش رغماً عن أنف الترابى والوطنى وقوى الظلام !!!!!!!!!!!!!
يا استاذ مهما افسد هؤلاء الحكام ومهما اذلو الناس دائما هناك صوء في نهاية النفق
الأخ الفاتح التحيه ليك ولي شباب شارع الحوادث وربنا إن شاء الله يقدرنا ويقدركم على فعل الخير …
نسبة لانعدام الثقه في المجتمع السوداني عما قبل وتوفرها في القله القليله .. وبحكم كونك شخصيه معروفه وموثوق بها اقتراحي أن يتم فتح حساب باسمك يتم جمع التبرعات فيه لهذا المشروع أو مراجعة منظمة صدقات والقائمين عليها متمثله في الأخ أنور يعقوب .. وقد قام الاخ مجدي خضر بصير مشكوراً بادراج تلفون أنور .. وان شاء الله ربنا يسهلها علينا وعليكم
جبرا صباحاتك عافيه
شباب الحوادث شكراً بلاحدود ..في مقولة تقول فاقد الشيء لا يعطيه انتو خرقتو المألوف في أيام تحتاجون فيها لمن يمسك بأيديكم ساندتو المحتاجيين والله ان رسالتكم نبيلة والدنيا مازالت بخير والانقاذ فشلت طالما في ناس لسة بتفكر في الناس وتنسى حالها فشلت فشل زريع وحقو تجيب خطه ربع خمسية تانية…
بالنسبة لموضوع التبرعات بالمناسبة بعد نلم القروش انشاء الله حنصتطدم بالحكومة وبيقراطيتها …رغم انو الناس بتحاول تعمل الشغل المفرووض تعملوا الحكومة وبرضوا بتكاااجر ودايره تلحس فلوس التبرعات دييل قعد ياكلو حق الاغاثة …ربنا يلطف وشكرا وربنا يوفق الجميع
نعمل حساب فى البنك بالسم المعنى وتجمع فيه التبرعات ويكون التوقيع بين واحد من الشباب ومدير البنك المعنى
ندعو المهندسين للمساهمة بى علمهم نختار معمارى و3 مهندسين مدنيين
نختار واحدة من شركات الشباب الهندسية للاشراف
يقوم المستشار باختيار المقاول…
لكن فيروس الفساد ضرب البلد كلها الا من رحم ربى
اضافة الى تعليقنا السابق نرى ان يتم الموضوع خارج الاطار الحكومى اهلى وفقط ونحن جاهزين للدعم أرسلوا لنا العنوان
ناس ذي ديل جقيقه ما بخوفو اعملوحساب باسمهم اوقول اسموالحقيقه الرحمه ياشباب والله خجلتونا السودان لسه بخير والله كنت فاكر الخرب الانسان مش السودان الي الامام الله معاكم
طبعا ياالفاتح وسامحنا لرفع الكلفة انا وانت وكل الشباب نعلم كمية اللامبالاة فى تعاملنا مع المسائل الحيوية بالشكل دا وشغلنا كله بالنية وباركوها ياجماعة … نشيد بالشباب وربى يحفظهم ويقدرهم على عمل الخير….. كمتبرعين ماعندنا مشكلة انا ومئات الالاف من السودانيين اهل الحارة ولكن مشكلتنا الضمانات الكافية بان الاموال سيستفيد منها المقصودين بها… وأقترح سرعة تشكيل لجنة من الامناء للاشراف على حساب بنكى فى احد البنوك الصرف منه بثلاثة توقيعات على الاقل …وبلدنالاتعدم ابناء الحلال واخوان فاطمة …..ويعنى خمسة أشخاص على الاقل هم مجلس ألامناء وجمعية ألمراجعة ودا شغل أهلى وخيرى وتطوعى ….حتى لاندخل فى دوامة الحكومة والضرائب والرسوم لان أطفالنا أولى بها…. هو مقترح قابل للتعديل والزيادة والنقصان وللمجتهدين مثلى المساهمات تثرى ولاتنقص والله المستعان….
اولا نشكر هؤلاء الشباب ونسال الله ان يقبل منهم هذاالعمل
ثانيا بخصوص ان يحول المبلغ الى المستشفى فهذا والله هو ضياع
المبلغ بالتأكيد الا ان يكون المسؤولين بالمستشفى لهم اخلاق
مثل هؤلاء الشباب والله اعلم
وان شاء الله لو قررتوا كيف يكون جمع المبلغ ان يتم نشر رقم الحساب
اولا الشكر لك أستاذي الفاتح . والشكر أيضاً لهؤلاء الشباب شباب بلادي المغلب على أمره وبكل صدق اليوم فقط تأكدت تماماً بأننا شعب يستحق أن يقف الشعوب لتحيتنا وأبرق في بصري بصيص الأمل الذى كاد أن نفقده بل فقدناه في أحيان كثيرة .
وعن سؤالك ياأستاذي عن كيفية تجميع التبرعات ففي رأي المتواضع بأن يقوم مجموعة من هؤلاء الشباب بجمع التبرعات في حسابات أو كتحويل لرصيد على الجوالات وأعتقد بأن الاخير أفضل كثيرا.
فسيرو ونحن من خلفكم ياإخوتي …
كسرة على قول الاستاذ … منتظرين الاقتراع للمساهمة
ودمتم فخرا لبلادي ,,,,,,,
لله دركم ياشباب وربنا يعظم اجركم يارب وانشاء الله من خلفكم
رُب همة أحييت أمة
أخى جبره ما يطمئن حقاً بأن هؤلاء الشباب يميزون حق التمييز ما بين السودان وحكام السودان …..فالسودان فى حدقات عيونهم ومثلم كثر ..فهنالك مجموعة تقوم بتقديم وجبة الفطور للطلاب ..وأخرى تعد حقائب للمناسبات ( العيد ..رمضان …) ….لأن تحاكمنا إلى سودانيتنا خير لنا أن نتحاكم كما الآن…أعنقد أن هنالك ثقة تامة بالصيدليات التى يتعامل معها هؤلاء الشباب فيمكن تحويل أموال المحسنين إليها مباشرة……..
شباب قنع لا خير فيهم وبورك فى الشباب الطامحين الخيرين……
الله يفتح عليهم والله رفعتوا رأسنا الله يبارك في من رباكم وعلمكم هذه الاخلاق الجميلة وغرس بكم هذه المبادئ السمحة والله يا استاذ الفاتح اليوم اعطيتنا امل في السودان وطالما السودان به هؤلاء الشباب نحن مطمئنون عليه . بالنسبة للاقتراحات اقترح ان كل مغتربي دولة من دول المهجر تتكفل بتجهيز غرفة من هذه الغرف وتكون مسئولة عنها حتى تصل السودان وانا عارف ان كل جالية لديها طريقة تقدر توصل بها ما تريد ان توصله للسودان
في البدء احي الشباب الذين يقومون بهذا العمل الانساني النبيل . فبهذا العمل نشعر ان الدنيا مازالت بخير واقترح ان يتم فتح حساب بنكي باسمك اواسم اي من الشباب النبلاء فنحن لا نسق في شخص اخر في هذا الزمن الاغبر او يتم تحويل الرصيد لرقم يحدد وينشر علي الملا.
والله دا عمل عظيم جدا انا اقترح جمع التبرعات بانشاء اسمجديد وتحت ادارة الفاتح جبرة شخصيا وما دام العمل لله انت مسؤؤؤل امام الله من كيفية ادارة المبلغ وتوجيهه حسب طلب الشباب ونحن جاهزين قبيلة المغتربيين نساعد بلا هوادة وبلا حدود يلا نبدا ويتم تاجير مبنى يعمل بدل الحوادث وانا مسؤؤل من جمع التبرعات منى ومن حولى وارسالها الى اخونا الفاتح جبرة توووووش [email protected] مغترب فى دبى اول شى تبرعى جاهز على طول
بعد التحية والاعجاب بهؤلاء الشباب. انا ا قترح من هؤلاء الشباب تطوير هذة الفكرة الرائعة بعمل منظمة طوعية بنفس الاهداف ولا باس من اختيار اسم جديد للمنظمة
أولآ احيى الشباب
ثانيآ أين ستوصع الأجهزة إذا كان د. جعفر بن عوف طردوهو والمستشفى زااااتو دايرين يرحلوهو
ثالثآالشعب السوداتى بخييييييييييير طالما هؤلاء الشياب من صلبه
رابعآ لماذا لانتجاوز الحكومة والتأمين الصحى والأحزاب السودانية ونؤسس مستشفى السودان الخيرى ويشمل كافة التخصصات والعلاج به مجانآ ونبتكر له طرائق دعم شعبية غير مسيسة
خامسآ الموضوع كبيييير وهام وآمل فى الترويج له أكثر وأكثر ليتم عقد إجتماع جماهيرى فى مكان مناسب لمناقشة الفكرة والإتفاق على رؤية ينتخب مجلس إدارة لتنفيذها وعقد جمعيات عمومية دورية للوقوف على ماتم
الاخ الفاتح تحيه واحتراما الشكر موصول لك ولكل شباب شارع الحوادث فالامل معقودعلى امثال هؤلاء فى النهضه بهذا البلد المنكوب واقترح ان يتم فتح حساب جارى مزدوج joint account باسم الشابين على ان يتم الصرف من الحساب بتوقعين على ان يتم عمل منظمه تستقبل تبرعات الخيرين والصرف منها على علاج المحتاجين فمهنه الطب فى بلدى اصبحت مهنة تجار فى ظل النظام الرسالى ولهذا لابد من التكافل ومن فرج عن مؤمن كربه فرج الله عنه كربة من كرب يوم القيامه
يتم دفع المبلغ مباشرة لحساب الشركات المنفذه سواء كانت التي سقوم بالبناء أو تلك التي تورّد الأجهزة عن طريق إتفاقات قانونية موثقه ومعتمده من المحامي
لله درهم نعم الشباب لو سمحت عايزين تلفون الشباب والله يكثر من أمثالهم
سلام استاذنا وتحية صادقة لك ولشباب الحوادث وسعدت للافكار التي تصب في صميم الاعمال الخيريه وطبعا السودان بخير مادام فيهو مثل هؤلاء الشباب وهم يعيشون وسط عوالم من الفساد والمفسدين خاصة من منظمات مابنشوفها الا في القنوات التلفزيونيه وكل همهم اظهار التبرعات العينيه والتلميع والزهو وماعارفين اللوري وصل البضاعه ولا رجع في نفس اليوم لمخاذن المنظمه او الهيئه الخيريه عشان كده ياستاذ نحنا جاهزين لاي شي وطبعا ثقتنا فيك اكبر وحقوا نبدا بعمل لائحة باسماء من يرغبوا في المساهمة حتى نحصر العدد ومنها يمكن التصور يكتمل وعشان ماتكون مساهة لمره واحده ومستمره واقسم ليك يااستاذنا حيكون هناك مشاركة فجأتن وممكن تتطور الفكرة تصاعديا وعليك انت بالعدو الخفي والظاهر والمستتر ولنا بقيه
يفتح حساب باسم شباب حوادث الاطفال و لكن يشترط في أعتماد الصرف آلية جماعية يعني أكثر من خمسة توقيعات للصرف و التوقيعات تتم على الشيك بعد إعتماد جمعيةعمومية بأكثر من 50% حضور و لكن ما المانع من أبتداع فتح بيع اسهم في سوق الاسهم باسم مشروع مستشفى حوادث الاطفال الجديد و أن يكون الدخل و الربح بعد حساب المصاريف لصالح الصيانة و ضمان استمرارية المستشفى بنفس الجودة إذ لا داعي لجمع تبرعات تستهلك في الانشاء و بعد سنة نجمع تبرعات للصيانة و تبرعات للمجاري و تبرعات للأسرة و تبرعات للملايات و البطاطين و التلفزيونات و توصيلات الاكسجين و البنج و المطبخ ولن تنتهي التبرعات و تستولى على المستشفى وزارة الصحة الاتحادية و تفشل و تستولى عليه الوزارة الولائية و تفشل و تبيعه لمستثمر و هكذا تفشل عندنا المشاريع الخيرية
لله دركم أيها الشباب …
يا شباب بنفس هذه الهمة ابتدؤا في تسجيل جمعية أصدقاء مرضى الأطفال واستقطبوا فيها الخيرين أمثال أخونا جبره ويتم فتح حساب جاري بالعملة المحلية والأجنبية وفي هذا الأثناء يتم الاتصال بالمستشفى الذي يكون لديه الاستعداد والخطة والمساهمة في إنشاء وتجهيز هذه الغرفة
وحتى ينجح المشروع آمل عدم الزج بالسياسة فالموضوع يحتاج لجهد الكل ولا يحق لأحد رفض مساهمة أي جهة أو أحد طالما كانت غير مشروطة ولا تجير لمصلحة فئة معينة والدعوة للمساهمة يجب أن تكون عامة وقد تبدو الفكرة بسيطة ولكن قد تنمو وتكبر ويكون لها الأثر العظيم فعليه يجب أن نفتح أذهاننا لكل التوقعات,
أقتراح:
الأخ/ الفاتج جبرة عليه أن يتخير مجموعة من الشباب المذكورين وآخرين (لجنة تمهيدية) تتدارس الموضوع وتعرض توصياتها
انا اقترح الاتصال بالمنظمات التالية لعرض هذه التجربة الثرة للاستفادة منها 1/ منظمة فاطمة خالد الخيرية
2/ منظمة وداد الدخينابى الخيرية 3/ منظمة الشيخة فاطمة على عثمان الخيرية
العنوان: نشالين مؤسسة الرئاسة / القصر الجمهورى – ش القصر
انا أحب السودان واهل السودان وشباب السودان_____ اقتراح للشباب :-
الاتصال بعدد مقدر من الاطباء الشباب والأخصائيين ووضع جدول كشف مجاني كل حسب
تخصصه وانشاء الله ساعتين في اليوم ومرتين اسبوعيا لأنو في مرضى حق الكشف ماعندهم
وكذلك لأن الحوادث بتكوون زحمة طيلة ايام الاسبوع …