السعودية : البحث عن باكستاني قتل سودانياً «خنقاً»

الله يرحمه ويحسن اليه

الله يرحمه المتوفي ويحسن اليه ويدخله جناته… لكن صراحة لا مسألة وقت ولا مسألة توقيت.. الزول دا تاني ما بنقبض ولا في زول بيقبضوا حا يكون بلاغ ضد مجهول… لكن صراحة انا استفزني السوداني الذي هاله المنظر دا ما عارف عمرو كم كدا وقاعد يتفرج ليه حتى لو ما سوداني والله شينة منو شديد.. ولم يتمكن من اخذ نمرة السيارة بتاعت الباكستاني كان ماشي بكرعينو ولا عندو سيارة ما ينط في سيارتو ولا يشوف ليهو اقرب ليموزين.. والله يا جماعة قبل فترة في منفوحة سوداني نام ليهو بباكستاني في الواطة وخنقو ليك وكسروا ليك كسر العيش لو ما ناس أبو مروة فكوه منو الباكستاني كان راح فيها

له الف رحمة نتمنى ان يلقى القبض عليه ماعشان سودانى او غير سعودى يطنشوا الموضوع وسفارتنا النايمة دى المفروض تدخل بالموضوع حسبنا الله عليها بس

هل تعلم ان جميع صور الاجانب الموجودين في السعوديه وبصماتهم موجوده .يعني داخله كمبيوتر .
كدي شوف ليك حبشيه شيل بصمتها كده واديها لوزير الداخليه في السودان خليه يقول ليك شئ عنها .دي ناس طورت بلادها رحم الله الامير نايف بن عبدالعزيز

تم القبض عليه بس في التحقيق .. ما في لعب في السعودية .. وما في بلاغ ضد مجهول حتى تاريخه .. نسال الله لهم التوفيق والسداد ..

التجارب في هذه البلاد أكدت بالوقائع المتكررة أن لا مجرم يهرب من جريمته حتى ولم يره احد قط سوى المولي في علاه. الباكستاني مقبوض عليه لا محالة وان طال الدهر.

رحم اله المتوفى واسكنه فسيح جناته,والهم ذويه الصبر والسلوان,وجبر مصابهم….
لقد كانت حادثة مؤسفة وكنت شاهداً عليها, وقد كنت موجوداًفي طوارىء مستشفى الايمان التي نقل اليها المرحوم الذي ما لبث ان لفظ انفاسه الاخيرة فيها,ولم تفلح كل المحاولات لاسعافه,وكان مشهد اهله (خاصة النساء واخ المرحوم)محزنة جداً(نسأل الله ان يجبر مصابهم)…
ولعلل اكثر ما سائني واحزنني في هذه الحادثة المؤسفة والجريمة البشعة,هي الطريقة التي نفذت بها الا وهي الخنق.مما يدل على اصرار الجاني (الباكستاني)على قتل المغدور-رحمه الله-.
ولكن نقول لن تفلت ان شاء الله وسينفذ فيك الشرع ان عاجلاً ام اجلاً بإذن الله تعالى…
كما يجدر الاشارة الى تضامن المتواجدين من السودانيين مع ذوي المرحوم,ومحاولتهم مواساتهم والتخفيف عنهم,في لفتة نبيلة من شعبنا النبيل…
رحمك الله يا الزبير وابدلك دراً خيراً من دارك واهلاً خيراً من اهلك…

الله يرحمه واصبر اهله