وصول قطاري ركاب حديثين من الصين للسودان
وصل إلى ميناء بورتسودان الأحد قطارا ركاب حديثين من الصين وتمت إجراءات تخليصهما ليعملا بين الخرطوم وعطبرة في المرحلة الأٌولى تليها مراحل تسير فيها قطارات الركاب في كل الاتجاهات ضمن جهود عودة هيئة السكة الحديد كناقل أول للسودانيين.
ويتألف كل قطار من وابورين وأربع عربات مكيفة ومزودة بكافة وسائل الراحة والترفيه بسعة 304 راكب.
وكان قد سبق وصول قطارين لتأهيل المسار بين الخرطوم وعطبرة من حيث الخطوط ووسائل الاتصال كما تمت تهيئة المحطات الرئيسية على طول الخط وإدخال نظام التذاكر والبوابات الإلكترونية.
وقال مدير إدارة التشغيل بالإقليم الشرقي عبدالعظيم شيخ طويل، إن القطار يسير في مرحلته الأولى بين الخرطوم وعطبرة والعكس والمرحلة الثانية ستكون بين الخرطوم وبورتسودان والعكس، ومن ثم ستشمل قطارات الركاب الحديثة كل أنحاء القطر.
وأبان مدير الإدارة الفنية بالإقليم الشمالي محمد الحسن محمد أحمد المزايا الفنية للقطار، موضحاً أنه تم تصميمه وفقاً لأحدث تقنيات صناعة السكك الحديدية في العالم وأن سرعته تبلغ 100 كيلومتر في الساعة، وأكد أنه يتميَّز بجودة الخدمات والراحة والسلامة.
سونا
قطار باريس – استراجبورغ في الشرق الفرنسي القطار يسير ب 570 كيلو متر في الساعة , لكن العافية درجات شوية شوية , بس نوع القطارات دي تسير بالكهرباء اها كيف من وين الكهربا .
خطوه في الإتجاه الصحيح
ويجب أن يشمل كل أنحاء الوطن
مع مراعاة السكه حديد يجب أن تكون
منضبطه في المواعيد ونظام الحجز المبكر
لتفادي الزحام نتمني لكم رحله سعيد مع مراعاة عدم التدخين.
هل سوف تعود السكة حديد على ما كانت عليه بشراء قطارين لاتسمن ولاتغنى من جوع اذا اردتم ارجاع السكة حديد لعهدها الاول ارجعوا ياناس المؤتمر الغير وطني العمال المفصولين بلالالف الذين فصلهم محمد الحسن الامين بجرة قلم وبعدها حصل دمار السكة حديد
ده تاني البجي قاطع السكة حديد ساي تحته ولا فوقه بشيله منه حق القطر ,,, وما تستبعد يخلصوا مننا حقه في فاتورة الكهرباء ويسموها ( دعم القطار ) ,ده غير انه السيد البشير حا يتعالى على الشعب بأنه ركبهم القطار المر فيه مر حبيبي , رغم انه حا يفشل نظرية عبد العاطي بأننا نركب الدواب, نسأل الله أن يكون على الكيزان قطر عجيب البودي ما يجيب .
100 كيلو بس في الساعه ؟؟؟
دا قطر شنو دا
بعد ربع قرن من الخيبات . يا دوب حنرجع للمحطة التي اخذتنا منها الانقاذ . بعدما كان عندنا اطول خطوط سكة حديد في افريقيا تقلصت الي خط الخرطوم عطبرة.
نرجو ان لايكون من القطارات الرخيصة الثمن ولهط فيها من لهط / و تخلق صدى اعلامى مؤقت / لدينا تجارب سابقة مع الأجهزة الطبية الحديثة واغلبها الآن قيد الصيانة ولا توجد صيانة لها وانقطاع التيار الكهربائ المستمر جعلها خردة وامثلة اخرى كثيرة / ومازلنا نتعالج فى الخارج لا طلنا اجهزة ولا طلنا علاج/
واليوم قطار ( صينى ) واكيد الكادر من كوادر التمكين ويوكل امره لشركة خاصة ويذهب الريع لخزينة المؤتمر الوطنى / نحن فى السودان اصبحنا لانثق فى شىء والشعب السودانى اصبح مجرد بقرة حلوب لإستثمارات الخواص فى السلطة … ومنتظرين لنرى حقائق الأمور والصور الذهنية شبع منها الشعب السودانى ..
مدينينو بي كم؟؟
بس مايشيلو الحراميه مكنته ويبيعوها وبكره نسمع انقلاب قطار ركاب ادي لمقتل العشراتا
قطار تمام وفكره جيدة بس ماقولتوا ليناقروش التذاكر منو من المسئوليين الحايلخهاوتمشي جيبو المتعافي ولا عبدالرحمن الخضر وطبعا مقاسموا عبدالله البشير
لماذا لم تتجه هذه القطارات الي اقليم دارفور الذي ظل انسانه منذ الاستقلال وكانه من دولة اخري ؟ الم يكن هناك طريق بري مسفلت يربط عطبرة_ الجيلي(العاصمة)_ بورتسودان؟.. لقد ظل ابناء دارفور من الطلاب غيرهم وطوال تاريخ الدولة السودانية يسافرون الي العاصمة اما عبر الدواب (ابل غالباً) او كروزلات تقطع الصحاري عشوائياً عابرين اراضي دارفور وكردفان كاوسع اراضي سودانية ولمدة تتراوح ما بين الاسبوع الي الاسبوعين ليصلوا الي العاصمة الخرطوم وكل الشعب السوداني يعلم كذبة المؤتمر الوطني والتي سميت ب(طريق الانقاذ الغربي)و التي ثبت فيها عدم رغبة الحكومة السودانية في صنع تواصل بين ابناء اقليم دارفور والمركز لتسمح بذلك لقطاع الطرق والجنجويد يرعبوا المواطنين العزل ويسلبونهم ما يملكون من المال وهنا الفكرة واضحة للذي ينظر بعين فاحصة لسياسة المؤتمر الوطني تجاه دارفور ارضا وشعباً…ز واصبح بذلك السفر من دارفور الي العاصمة او العكس بمثابة المغامرة في الاونة الاخيرة حيث انعدم الامن وغابت الدولة تماما في الاقليم.. حتي اصبح من الاشياء المتبادلة والشائعة بين ابناء المركز من الموظفين او حتي العسكر عندما يقال لاحدهم سوف يتم نقلك الي دارفور للعمل هناك فانه يترك العمل بدون اي تفكير…))))..
واصبح طلاب دارفور(وانا منهم) يسافرون فقط مرة او مرتين الي البلد خلال الخمسة او الاربعة سنوات التي يقضونها في الجامعات وذلك لارتفاع اسعار التذاكر…. فهذه تعد من اكبر ماسي انساننا في غرب السودان … لكن سوف ياتي يوم حتما ستتغير الموازين تماماً لان الدولة السودانية ظلمتنا كثيراً
السكة حديد فى السودان محتاجة لاعادة اعمار البنية التحتية بتاعتها قبل جلب القطارات القديمة المضروبة بهية والمحولين ماكيناتها من الكهربائية لماكينات وقود …الغبار اللى بصاحب القطار طول الرحلة كفيل بان يقصر عمرو الافتراضى ..للنص .انتو الناس دى جنت ولا شنو ؟؟؟ قطر بدون سكة ولا خطة ..مزيد من المشاريع الفاشلة والغير مدروسة وكل الجدوى بتاعت الحدث ما بتتعدى تضليل المواطن السودانى والاستمرار فى جعله بتصور ان البلد فى حالة تنمية …بكرة ح يبسعو واحد كوز هلفوت لناس الحديد الخردة …
قال قطر صيني!!!!عرفنه المفكات والادوات الكسر!جابت ليها قطر عديل!! احجزوا فيهو كلكم ممكن نرتاح منكم!!!
كم العمولات المقبوضه!!!! حيطلع ماسورة وتبوظ بعد شهرين وجماعتك يصهينوا!!!!غريبة الصفقة دي عدت من دون ابوريالة او عبدالله بشة!!!!!!!!!!!!!!!!ذي الرادارات والبذور!! ومعدات المشافي الماسورة!!!ومصنع السكر الضربوا عليهو طناش!!! المهم كلام ودعاية في الجرايد وكلوووووووووووووووووا يطلع ماسورة سمسرة وعمولات في البنوك الخارجية!!!!!!!!!!! من الزمن الجميل للسكة حديد كانت صفقات القطارات بها رشاوي بالمليارات لكن كان هناك رجال!!!!!!!!!!!!!!يرفضون وحتي الهدايا التي جلبها المهندسون داخل القطارات تم مصادرتها زمن ابعاج!! اسه زمن النعاج ابان لغف الصينين هيرهنوا البلد ديون ويفكوا فينا الاسكراب!!! ديل عرفوا تمنه رخيص!! كمين دولار ويقلبو البلد فوق تحت!!!!!!!!!!!!!!!
(وكان قد سبق وصول قطارين لتأهيل المسار بين الخرطوم وعطبرة من حيث الخطوط)
الدمار و التخريب الحصل فى الخدمة المدنية و خطوط سكك حديد السودان بصفة خاصة كان نتاج لوثة عقلية كيزانية وهى الخوف من بعبع النقابات و الشرفاء و كان الحل افصل, شرد, خصخص, شلع, بيع بالكوم خرده لمحاسيب الاسلام السياسى من تجار الحديد الخردة, جياد و اخواتها المعروفين للجميع من عطبرة حتى اصغر سندة و نمرة فى السودان .المهم اللصوص ما موضوعنا الان , الموضوع سلامة من تبقى من السكان.
خطوط السكة حديد ضعيفة و متهالكة و لاتحتمل حتى سرعة 60 كس و فى بعض المناطق بعد الجيلى و قبلها يسير القطار بسرعات بطئة نتيجة عدم استواء الخط الحديدى وحتى الردميات ضعيفة برغم الصيانات و التاهيل الوارد فى متن الخبر وهو مايعنى استقامة الخطوط الحديدية و دعاماتها و الخوف كل الخوف ان تصبح هذه الاستقامة مثل استقامة الانقاذيين.. , اضافة لوجود العشرات من معابر العربات بلا حواجز السلامة المتعارف عليها من زمن الانجليز و الاختفت فى دولة الخلافة الاسلامية الجديدة مع الاخلاق و القيم, ناهيك عن معابر البشر وقطعان الحيوانات الممتدة على طول الطريق زيادة على التجمعات السكانية بالقرب من خطوط السكة الحديد بلا حواجز فاصلة لحماية الاطفال و المعاقين !!!
100 كس ان صحت فهذا يعنى مزيد من حوادث القطارات و مزيد من الموت للابرياء دا لو ما تسبب القطار فى كارثة تنقلها الفضائيات العالمية .
يبدو انو الجماعة ديل خلاص في نهاية حكمهم .. كل المؤشرات – صفوف الرغيف – ندرة المواد الغزائية – وصول المتمردين الي كوستي – عودة السكة حديد – يعني سودان ما قبل 89 حسب اكاذيب واباطيل الكيزان في بيانهم المفبرك ابان انقلابهم المشؤوم – ياخي فكو دربنا وجعتوا قلبنا حتي كلبنا اكل جرجير – بلا قطار بلا نفاق اتخارجوا بس والعافية تحصل البلد … قوموا لفو
في مطلع التسعينات, كان المهندس محمد الفاتح الحاج احد مسؤلي ورش صيانة الوابورات بعطبرة وكان هو وزملاؤة كفاءآت ناالت شهادات من انجلترا والمانيا واكتسبت خبرات مكنتهم من تصنيع قطع الغيار محلياً وتوفير عملات صعبة للدولة, هذا اضافة لتأهيل ساحبات كانت مصانعها قد توقفت منذ زمن. وقف رحمه الله ضد السياسات الرعناء وقال في وجه الجاهلين “سوف تدمرون ما نفخر به في هذا الوطن”. وكان مصيره وزملاؤه المضربين الاحالة للصالح العام. كم تبلغ خسائر السودان منذ ان دمرت حكومة الانقاذ سكك حديد السودان وحتي اللحظة؟
كلام إعلامي لم يعودننا شيء حقيقي ينفع المواطن….
الله يستر ما يطلعو مضروبات زى بضاعتكم الصينية المضروبة البتجيبوها السودان .
عشت فترة في عطبرة وأعرف حب العطبراويين للقطارات والسكة حديد ، لذلك أعتقد أن نفسيات ناس عطبرة راح تتغير ولو سمعوا فقط صفارة القطر بدون قطر ههههه في ذلك الزمن كان العطبراوي إذا عايز يديك موعد يقول ليك (لاقيني في المحطة ساعت وصول اكسبرس حلفا) و (موعدنا المحطة الساعة ستة لمن يصل قطر كريمة) …. تحياتي لكل عطبراوي يجرى في دمه شريط سكة حديد هههه
ابشركم بمزيد مزيد من الضحايا الجدد وباتت الكوارث والازمات تحل علينا في كل لحظة تلك القطارات الحديثة والمستعملة ببلدها هل تسير علي خطوط السكك منذ زمن الانجليز التي استوطن واكل سنطها الارضة
أكيد قطارات مواسير، ما في شك في ذلك، الكيزان قصدهم يلحقوا اهلنا امات طه، عشان كدا يا ناس عطبرة اياكم وهذه القطارات اخير ليكم دوابكم أو تمشوا بكرايعاتكم يعني بالعربي حداشر خ….
سرعتها 100 كيلومتر فقط فى الساعة !!!!!
تعالوا شيفوا القطارات فى اروبا
في بعض الناس فاهمين الصين غلط. الصين فيها صناعات جودو عالية جدا جدا وبتصنع لاوربا وامريكا. المشكلة حقت التجار هنا بيمشي التاجرة عاوز يعمل حاجة رخيصة جدا ويربح ربح شديد.. مثلا عاوز يصنع حنفية المصنع الصيني يقول ليك 3 دولار هنا طوالي الزول يكورك ليه هناك بكدا يبداء ينقص السعر والجودة ب2 دولار وبرضو لا و1.5دور وبرضو لا ب 1دولار وبرضو خلاص خليها ب.75 سنت من الدولار دي المشكلة انا سافرت كتير للصين عندهم منتجات عالية الجودة وقطارات فخمة جدا وعندهم اسرع قطار في العالم علي ما اعتقد بيمشي 300كيلو في الساعة…. المشكلة في التاجر السوداني وليس الصيني
شوارع الزلط من الخرطوم لعطبرة والقطارات الحديثة من الخرطوم لعطبرة وكل شئ من الخرطوم لعطبرة هل السودان هو عطبرة فقط؟؟؟
بالله عليكم هل توجد نظرة عنصرية وقاصرة للتنمية في كل العالم مثل ما يحدث عندنا في السودان؟؟؟
يالكلسلان عطبرة بها مقر وراسة السكة حديد لذلك بداء القطار بها اما التنمية في الغرب انتم ضعوا السلاح والحرب والقتال جانب وسوف ينصلح الحال ان شاءالله
اوعة يكون من نفس الشركة التى استورد منها اليخت الرئاسي واين هذا اليخت الرئاسي وكم كلف شعب السودان الذي لا يجد ماكينات غسيل الكلى وهل سمعتم بمسئول اصيب بمرض الكلى لا والله لانهم يشربون مياه صحة من شركات جمالي الوالي نحن اذا وردنا شربنا الماء صفوا وغيرنا يشرب الماء كدرا وطينا
بوابات و الكترونيات وكلام فارغ من الذي منو .. قطرين من أسواء ما تكون المواصفات والصين نفسها بتستورد قطارات من المانيا … واهم ما في الموضوع حرف السين …ستشتمل ,سيوصل .. “وفي مرحلة لاحقة يعم كل القطر” ..أنا غير زعلان من الكيزان لانهم أدمنو الكذب والنفاق ..بعملوا ليهم حاجة صغيرة ويغنوا ليها وهي أصلا اكبر ماسووورة ويكون لبعوا منها كمشنات عشرة اضعاف تمنها .. “ولكم في باص الوالي عبرة يا أولى الألباب” .. لكن ما يزعل هم هؤلاء الصحفيين الذين يكتبون التقرير كانها س وس وستيحدث ..ويصورون كاننا دولة تخطط ولها إستراتيجات . لعنة الله عليكم
شفت يالمدعو ((( أنا ))) ما قلت ليك انت بس مترصد لى ما عارفة انا عملت ليك شنو ؟؟ اصلك ما بتعلق بس تفتش محل تعليقاتى وتعقب تعقيبك الزى وشك . خلينى انا فلاحتك دى سويها فى الرجال الزيك الراكوبة ملانة رجال . اقول ليك بس حسبى الله ونعم الوكيل فيك .
اوعي يلحق باصات الوالي اللي اختفت من عدة مناطق في العاصمة
كيف يكون قطار حديث وسرعته القصوى 100ك/س اكيد هذا القطار انتهى عمره الافتراضى فى الصين وقاموا بترميمه وتلميعه وبيعه لنا بواسطة مسئول او لجنة استملت عمولتها مقدما من الشركة الصينية البايعة قبل تركيب وتجريب القطار