يا البشير بتدقا بتدقا -لا حوله لنا فيك ولا قوه..

يا البشير بتدقا بتدقا
اسمع الكلام وكون عاقل
وما تتحدا
ترامب زول عنيد
القبلك ما شافوا
منو الحبة
ما قلنا ليك ما تعاكسو
وتسمع كلام برا
**********
**********

يا رئيسنا اركز وكون عاقل
وايه ..لو للجنائية تتشدا
وايه يعنى الكرسي
الوثير ما بتخلا
افدى شعبك
واتركوا
وصون كرامتنا الباقية
ابعد وروح غادي
اخير من تتشدا
موغابمي قبالك
كان الحكم بدوم ولا اتمدا
**********
**********

يا البشير بتدقا بتدقا
عمايلك فينا بالجد كتيرة
وفعايلك شفنا فيها الويل
وعقب ما سمعنا بيها قبيل
اطن اول واخر مرة تتحكا
صابرين عليها سنين
ظاهرا وما بتتخبأ
ياخي قيادتك خشنة
وشينة عديل
روشا وكلها فد درشه
**********
**********
بتدقا بتدقا
بقيت فوجاج الشرق والغرب
وملك الهضربة
لا عرفنا معاك شمال ولا يمين
معسكرنا ومكركبنا
ياخي جبت لينا الجلطة
**********
**********
بتدقا بتدقا
مد رويسك قدر حالك
كفاية تتهما وتدبا
يا الاتغابيت فينا العرفة
مشروعك فاشل
بقي ما بجيب الحبة
**********
**********

بتدقا بتدقا
فرحتك ما كملت
مرقتا من حوذه
وجنبلق
بقيت سيد الحوذه
**********
**********
بتدقا بتدقا
مؤتمرات فاضية ، خاوية
وزيارات حاسية ، يائسة
وتحالفات فاشله ، فاشلة
كلها ناقصة
وهي فرد كفة
**********
**********

بتدقا بتدقا
سياسة طز طبزز
نفاق وكذب كذكذب
ارقص وبشر وهز
وبأصبعك هش ونش
**********
**********

بتدقا بتدقا
رئيس قاتل وخائن
لشعبك بس تتفشا
من اين جيتو
لكن يا خسارة …
وحسارة البطن
الحملتكم
وجيتو…
با القسمت شعبك
ولبلاد الكفر بعتو

**********
**********
بتدقا بتدقا
نجاحات مافي
فساد بالكوم
واذكم انوفنا
واتفشا
كل ما بمرق صباح جديد
فيكم بنتغشا
خلاص فقدنا الامل
ما راجين عمار فيكم
اتفكفك واتسهل
كفاية الفاتنا
قبل ما نتصفا
بس ايه نقول فيكم
غير
لا حوله ولا قوه

م . محمد احمد العميد
[email][email protected][/email]