زيادة جنونية في أسعار تذاكر الطيران بغرب دارفور
الخرطوم ـ الجنينة ـ المقداد سليمان
قفزت أسعار تذاكر الطيران بين الجنينة حاضرة، ولاية غرب دارفور والخرطوم، من (1,185) إلى (1.800) جنيه في السوق السوداء، بزيادة (615) جنيها، أمس – واشتكى مواطنون قادمون من ولاية غرب دارفور بمطار الخرطوم من الزيادة، ووصفوها بالجنونية، ودعوا رئيس البرلمان، الفاتح عز الدين، إلى التدخل العاجل لحسم مشكلة ارتفاع أسعار تذاكر الطيران، وقال متضررون بمطار الخرطوم، إن شركات الطيران العاملة أصبحت لا تراعي ظروف أهل الولاية الاقتصادية بعد أن غابت رقابة حكومة ومجلس الولاية التشريعي عنها، وأشار المواطن “محيي الدين” إلى أن شركات الطيران ووكالات السفر بالجنينة أصبحت تستخدم حيلا لذلك، حيث قال: “عندما جئت لأحجز تذكرة سفر للخرطوم بغرض مقابلة الطبيب، قال لي صاحب الوكالة، إن تذاكر الرحلات اليومية خلصت، لكن توجد فرصة للسفر في الرحلة الإضافية للشركة بقيمة “1.800” جنيه
اليوم التالي
يعني التزكره قرابت 200 دولار في السوق الاسود مقارنه بالدول الاخره رخيصه
دي تصفية دم عدييييل.حسبي الله ونعم الوكيل. الحل ان نفصل دارفور ونسافر لولاياتها عبر الدواب. ما ممكن ابدا.ناس غرب دارفور الجنينة لو اشتكوا لاي شخص في الدنيا لن يجدوا الانصاف اشتكوا لرب العالمين الخراج
يبدو عليك من المترفين يا اخ seddrik او انك اجنبي مضمون الخبر كارثه ومأساه حقيقيه لاهل تلكم البلاد القصيه منطقك الدولاري هذا لا يعدو الا ان يكون ضربا من ضروب عدم اللامبالاه بماهيه المحنه التي يعيشها الاهل بالجنينه, ان كنت سودانيا هذه ال200 دولار تعني الكثير لمواطن مطحون من جراء سياسات الافقار التي يطبقها النظام والذي اجزم بانك جزء منه, اذا لا يعقل بانه تكلفه سفر داخليه بالتقريب توازي قيمه التذكره من الخرطوم الي اديس ابابا!!
ناس التامين الصى ماطارليهم عديل كدا
يأخ محي الدين شكراً لتوصيل الرسالة ولكن لاسف ليس هو 1800 جنيه فحسب انما الواقع والله عندي اخي ايضا يريد مقابلة طبيب في الخرطوم وعندما زهبنا للشركة قالوا الايام دي مافي تزاكر الا بعد اربعة ايام وسعر التزكرة ب 1900 جنية اجدنا التزكرة ونتظرنا اليوم و في اليوم المحدد قالو الرحلة اتعجلت تجوا بكرة الساعة 1:00 ظهراً وعندما اتينا في الزمن المحدد وهي كانت يوم الخميس الموافق 11/9/2014 قالوا الطيارة جاءت الساعة 8:30 صباحاً ورجع – السؤال من المسئول في هدا البلد؟ عرفنا من المعارف في المطار ان التزكرة تتباع في المطار بسعر 2500 جنيه ويحصل تبديل للصاحب التزكرة الاصلية – وليس هدا فقط وقالوا مافي ليكم اي فرصة الا يوم الاحد الموافق14/9/2014 وامر زهجنا شوية ورجعنا التزكرة واخدنا واحد لشركة جديدة سعر التزكرة ب 2200 جنيه وقالوا يوم الجمعة الساعة 8:30 صباحا الخضور واتينا ايضا في الزمن المحدد ولكن ههيات – قالوا انتظروا الساعة 10 جاءت الساعة 10 قالوا الطيارة عطلانة انتظروا – انتظزنا – قالوا الطيارة اقلعت من مطار الخرطوم في الطريق الي مدينة الجنينة و قلنا الحمدالله – يعطي مدير المطار ويقول لا الزمن انتهي ما في اي زول يوزن – الطيارة ادا جات حتبيت- اخيراً اخبرونا مافي حراسة كافية لحماية الطيارة في مطار الصبيرة الدولي ارجعوا وتعالوا بكرة الساعة 8 صباحا, قلنا الله ما رفع القدم وعطي يوم السبت وقالوا الساعة واحدة واخيرا ما في طيارة والا واحدنا تزكرة في يوم الاحد من المطار ب سعر 2500 والتزكرة باسم بنت والمسافر رجل
اخوتي ليس لدي زمن لاشرح كل ما حصل لاخي المسافر لاجل مقابلة طبيب
انا بس داير واحد يقول لي في البلد دا في حكومة تراعي المواطن
ولكن انا شخصيا شايف مواطن يراعي الحكومة
طبعا دى فوضة مابعدها فوضة دا برجع لغياب الدور الرقابى وغياب الواذع الدينى بالنسبة لمنسوبى الطيران المدنى (بالله قيمة التذكرة الجنينة الخرطوم اغلى من بورتسودان الخرطوم!!!!!!!!!!
حليلك يا الجنينة .
الجنينة دار اندوكا ..
والله نحن لك .
لي منك 14 سنة .. حليل وادي كجا وحليل اردمتا
انا من فداسي اشتغلت في الجنينة في المستشفى العسكري .
كانت فترة حلوة
بلد طيبة واهلها طيبين الله يحفظها ويحفظهم .