توقُّف 300 مصنع بالجزيرة وتشريد 150 ألف عامل

تعرف يا عبد العزيز حاج النيل ، رغم كل هذا الدمار لوسائل الانتاج والصناعات والمصانع ومشروع الجزيرة زاتو ( ابو السودان ) وتشريد عشرات الالاف من العمال والفنيين جراء ذلك اذا قامت انتخابات خلال الاشهر القادمة لاعادة المحرقة من جديد ( الانقاذ) اهل الجزيرة عاعة واهل مدني خاصة يدلوا باصوات لصالح البشير تعادل اصوات السودان كله .. والله انتم ياناس الجزيرة سبب الكارثة فى السودان ، لان لايوجد ناس سلبيين على مستوى القطر وانصرافيين امثالكم ، ناس ساكت لاتجدعوا ولا تجيبوا الحجار رغم انه اقليم الجزيرة يضم اكبر عدد من ابناء السودان ولكنهم غثاء كغثاء السيل … اخر انتخابات لاعادة المهزلة للحكم كانت اصوات اقليم الجزيرة تفوق اصوات الخرطوم !!!!!! ومبروك عليكم فوز البشير للمرة الثالثة لانه مركز عليكم كتير لانه الراجل قالوا جاي من جهة قرية صراصر وكدا !!!! والاسم ناقص ليه ( ي) يناسب المقام تمام ….

عيب عليك يا ود الفاضل أن تصف أهل الجزيرة “بسلبيين على مستوى القطر وانصرافيين امثالكم ، ناس ساكت لاتجدعوا ولا تجيبوا الحجار رغم انه اقليم الجزيرة يضم اكبر عدد من ابناء السودان ” يا أخي أهل الجزيرة هم السودان لأن الجزيرة كانت عامرة وتزخر بكل أهل السودان من جميع القبائل يتعايشون في ود ووئام وترابط قل ما يوجد في أي مجتمع في العالم ( أذكر عندما كنت صغير في 10 من عمري وكان والدي في تلك الفترة يعمل بمارنجان كنت أشاهد العمال عندما نذهب إلى سوق مارنجان نجد العمال من جميع انحاء السودان خاصة أهلنا الطيبين البني عامر حيث كانوا مسالمين جداً وطيبين جداً ) لذلك أنت يا ود الفاضل عندما تشتم الجزيرة تشتم نفسك وبعدين يا أخي كلنا يعلم تماما أن الجزيرة أكثر منطقة تشن العداء على البشير وحزبه الحاكم والدليل أن الجزيرة مهمشة لدردجة أنها تم تجاهلها في التنمية والتطوير بل الدلي الواضح محاربتهم لمشروع الجزيرة و أي مشروع في الجزيرة وازيدكم من الشعر بيت أنت يعني ماعارف التزوير في الإنتخابات يعني الكلام البتقال داكلام جرايد الواقع شيء والحقيقة شيء آخر بس قول ( يارب تزيل هذا البلاء عاجل غير آجل )