حزب غازي صلاح الدين يتخلى عن ” الإسم ” الى مجموعة السائحون
كتبت حزب غازي صلاح الدين الجديد والمنشث عن حزب البشير بالفيس بوك :
إشارة إلي اسم الحزب السابق ( الإصلاح والنهضة ) وإشارة إلي تمسك مجموعة أخرى بحقها في الاسم ,, ورغبة من المجموعة الإصلاحية بعدم بث فرقة وشقاق وإثارة أمور انصرافية في أوساط المجتمع السياسي السوداني .
عليه تخلت مجموعة الإصلاح طوعا عن الاسم ( الإصلاح والنهضة ) وذلك تماشيا لرغبة تلك المجموعة التي نكن لها التقدير ,, وعليه فقد تم اختيار اسم بديل من اجل إتمام عملية إيداع المستندات للتسجيل الرسمي للحزب ,, فكان الاسم المتفق عليه من بعد مداولات قد جرت بين الحضور هو :- ( حركة الإصلاح الآن ) والذي يحق للمؤتمر التأسيسي للحزب عند انعقاد جلسته الأولي بإذن الله بعد ثلاثة شهور من التسجيل حق الاستمرار بهذا الاسم او تغيره إذا ما استوجب ذلك بناء على المشورة العامة بالجلسة الافتتاحية للجمعية العمومية للحزب وبالله التوفيق .
ع / حزب” حركة الإصلاح الآن ”
? محمود الجمل ?
كترتوها علينا بالمسميات البتنتهي بالاسلام والاسلام منكم برآء!!!! والرسول صلي عليه وسلم يقول في معني الحديث المسلم اخو المسلم وفي معني اخر كالبنيان المرصوص وانتم الان انقسمتم الي احزاب لا ما قادرين حتي نحسب اعدادها بالسرعه دي!!! لما جات الانقاذ استبشرنا خير انه سوف يذهب الفساد والمحسوبيه وتكون الشفافيه وحرية الرآي الخ … من اساسيات الدين الحنيف. لكن الان كفرنا باي مجموعه تسمي نفسها اسلاميه لانكم كلكم فارغين العقل ولا مبدا لكم ولا حتي برنامج سياسي او اقتصادي كل استرتيجياتكم الخفيه هي مليء الجيوب وقهر الناس بالخطب الرنانه التي لن نصدقها ابدا. بس شابكننا هي لله هي لله ولم نشهد الا بما رآينا هي للدنيا ليست لله. شوفوا ليكم شغل اشتغلوه غير ضياع وقتنا في كلام فارغ.
والله كلكم منافقين لان الصحابه رضي الله عنهم ما دعوا للاسلام او خرجوا لجهاد الا في سبيل الله ولم يطلبوا السلطه ابدا والاسلام لن يرجع الا بالتجرد لله ليس بطلب السلطه والتغير سيكون لما الله يري في قلوبنا نيه سليمه ليس بمنافقين مثلكم والحمد لله الدين الاسلامي اكثر انتشارا في البلاد الفيها المسلمين نيتهم صافيه لله والدين عمل بصدق واخلاص للنيه ليس شعارات واجتماعات ليس لها نهايه. اما في السودان فانحسر الاسلام بسب النفاق.
الا لعنة الله علي الظالمين
والله الموفق!!!
الله لا وفقكم كمان ناقصين قرف
بداية محزنة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ده ضحك علي الدقون ياكيزان السجم سايحون علي بطيخيون علي منافقون ..
نحن عاوزين نحاسبكم اولا علي كل يوم من انقلاب الانقاذ بعد داك لو فضل فيكم واحد حي ولا بره السجن تعالوا كونوا حزب وحتي الاحزاب حاتكون بشروط
لن نسمح بحزب ديني يرفع شعارات دينيه للمتاجره .. نحن مسلمين واسلامنا افضل من اسلامكم
لاكتلنا باسم الله ولا اغتصبنا باسم الله ولا سرقنا باسم الله ولا انقلبنا علي الشرعيه باسم الله ولاعذبنا باسم الله ولاتمكنا باسم الله
اي شخص شارك ولو بفكره اويوم في انقلاب وحكم الانقاذ لايحق له الدخول في السياسه قبل ان ينال عقابه من هذا الشعب علي حكم ظالم فاسد مدمر للبلد مقسم لها دام 25 عاما
لن نعفو ولن نصفح .. لا هنا ولاهناك
فعلا محمود الجمل ان كان مصلحا
شر االبلية مايضحك .
ام الكلب بعشوم
هههههههههه الصورة حلوة وغازي عاوز يصلح السودان أقصد الكفر !!1
hummmmmmmmmmmmmmmmmmmmmmmmmmmmmmmm
mmmmmmmmmmmmmmm
هههههه الصوره خطيره لكن برضو الشافع الحلبى ده ( غازى ) ما تستهينوا بى لأنه ممكن أشغل مخو واستعمل مفتاح كهربائى بدل الشعلقه دى واغير العجل بى واحد ( tubeless ) واللورى ده ( الانقاذ ) تانى الخريف ما بوقفو وخليكم انتو المتشعلقين .
hhhhhhhhhhhhhhhhhhhhhhhh i liked the pic
من البداية جبتو ليكم جمل هو الضيعنا شنو غير الجمل يا عالم
خلاص انتو اشتغلو سمايين ( سمايين دى يا جماعه انا قاصد بيها بتاعين سمايات وكده او تسميات وكده) افضل ليكم من موضوع الاصلاح دا.
اصلاح شنو ونهضة شنو؟؟؟!!1 فاقد الشئ لا يعطيه,
بلا يخمكم ويخم الجابكم انتو وكل اخوتكم من سائحون وغائظون ومنافقون.
قرف.
اعوذ بالله على قول شبونه.
غايتو الشفع ديل جنس شلاقة ولياقة هؤلاء السايحين ينطبق عليهم قول المثل علمناهم الكوزنة قلعو مننا الاسماء
اخخخخخخخخخخخخخخخخخخخخخخخخخخخخخخخ ااااااااااااااخ يا زمن
شوف القصور الذهنى…الاصلاح الان…طيب الاصلاح مستقبلا ما مرغوب؟…والاصلاح مشتق من كلمة صلاح الدين..يعنى غازى ليس رئيس الحزب فقط بل شيخه…وماهو الاصلاح الذى سوف تقومون به؟ جميع اصول البلد بيعت او خربت او دمرت…البلد مطلوبة ديون تفوق 42 مليار دولار…قام الانقاذ بتكوين طبقة رأسمالة طفيلية قادرة على اجهاض اى ديقراطية..طبقة اقوى من الطبقة التى خلفها نظام حسنى مبارك…اى اصلاح يقصدون؟ خبرونى ان كنتم تعلمون
كنت عايز أقترح إسم ‘زقلونا’ أو ‘جبرونا’
لكن خلاص وقت إتفقوا على إسم
كلهم نصابين وحراميه وتجار دين عليهم اللعنة اجمعين
يصلحوا شنو؟؟ هو فى أى شيئ بقت ما خربانة،،
رئيس معزول دوليا ومطلوب من المحكمة الجنائية يحاول زيارة دولة أخرى يالتخفى والدغمسة،،
نائب رئيس تنفيذى ونائب رئيس للمؤتمر الوطنى متورطان فى محاولة إغتيال حسنى مبارك ومتنازلين عن حلايب كعربون لسكوت المصريين،،
فصلوا الجنوب وفى طريقهم لفصل دارفور وجنوب كردفان والنيل الأزرق والإكتفاء بمثلث حمدى،،
تخلوا عن أبيى وفكوا المسيرية عكس الهواء من أجل إسترضاء الأمريكان،،
بددوا مليارات البترول فى النهب المصلح والبنوك الخارجية وقبلوا على جيوب الشعب والمغتربين،،
تسببوا فى إنهيار كل قطاعات الإقتصاد الوطنى: الزراعة ومشروع الجزيرة، الصناعة، الطيران، السكة الحديد، النقل النهرى، الخطوط البحرية، البصات السفرية،،
قتلوا مليونين ونص شخص فى الجنوب ودارفور وجبال النوبة والنيل الأزرق،،
دمروا كل الخدمات للشعب السودانى: التعليم العام، الصحة، الرعاية الإجتماعية، التعليم العالى،،
حولوا الفرد السودانى إلى مجرم طالما هو يحمل جواز السفر خضراء الدمن،،
خزينة مفلسة وصاروا يعتمدون على القروض لتسيير البلد،،
أنفقوا 600 مليون دولار لتسيير حكومة حماس بأمر من التنظيم الإسلامى العالمى بينما نصف أطفال السودان فاقد تربوى،،
إستعدوا كل العالم والعالمين العربى والإسلامى وصاروا أداة طيعة لقطر والتنظيم الإسلامى العالمى،،
إذا ماذا تبقى لإصلاحه،، السودان صار خراب تنعق فيه غربان المؤتمر الوطنى،،
اتمني من ادارة الراكوبة تجاهل اخبار هذه المجموعة لانهم نصابين من اسمهم فليس فيهم صلاح او اصلاحي وفي النهاية كيزان .
اها السماية ح تضبحوا تور لونه شنو؟؟؟
يا غازى وانت القارىء المثقف فيهم كيف تريد من هذا الشعب ان يصدق قولكم وانت الذى شارك فى نأسيس نظام بدأ باكذوبة وخداع(انت للقصر رئيسا وانا للسجن حبيسا) والمسلم لا يكذب …المسلم لا يكذب..
والمسلم لا يغدر وحزبكم ونوابكم فى الجمعية التأسيسة اقسموا بالله على حماية الديمقراطية ورئيسكم عمر البشير أقسم يوم تخرجه ضابطا ان يحمى الدستور والبلاد والجميع عاد وغدر والمسلم لا يغدر والتزم المسلمون بعهدهم مع قريش برد ما يأتيهم من قريش دون اذن اهله حتى أعلنت قريش انها تتخلى عن ذلك الشرط فى وثيقة صلح الحديبية وذلك لأن المصطفى صلى الله عليه وسلم قالها صريحة اعطينا القوم عهدا ونحن لا نغدر.
يا غازى استمتعتم مثل غيركم من أهل الانقاذ بصرخات فتاتة يهوى عليها (قددو) وزميله الشرطى الآخر بسياطهم وهى تصرخ وتتلوى على مشهد من بعض مرضى النفوس ومن قبلها من فقد طرفا من أطرافه فى بيوت الأشباح ومن لقى حتفه ومن تم اغتصابه وكل هذا لم يكن فى رايكم يدعو للثورة والاحتجاج وتريد منا اليوم ان نصدق قولكم؟
لا اظنها الا حيلة من حيل المرشد العام ومحاولة من حركة الأخوان المسلمين العالمية للمحافظة على آخر القلاع كما يسميها بعض اخوانكم وقد ضاعت مصر ولم يتم لهم مرادهم فى تونس وانقلب عليهم العالم فى سوريا.
وليتك انسحبت وانزويت بعيدا….وصمت.
الكوز عندما تقطع شيالته يصبح علبه
ثم ماذا تعنى كلمة الاصلاح
انتم جزء من المنظومة و ابو القدح يعرف يعضى اخوه وين
و الكوز يعرف يعضى اخوه و ين
في النهاية كيزان زي مان الشعبي .الوطني .الاصلاحي ….. يعني بإسم الاسلام (حركة إسلامية )
ما فيكم أمل للسودان ولا للسودانيين
خلاص نحن كمان عندنا حزب دايرين نسموهو الاصلاح بعد شوية!!!!!!!!!!!!!
الاصلاح الان!!!
الاصلاح بكره!!!
الاصلاح بعد بكره!!!
بعد شهر!!!
بعد سنه!!!
وخليك هنا !!!
بلاش تفارق!!!
بتغيب يومين !!!
وتقول سنة!!!!
بلاش تفارق!!!
ده رد نافع لغازي!!!!
وليه ما تقول خليتو اسم(الاصلاح والنهضة)؟عشان فى حزب منواحزاب الاخوان المسلمين بنفس الاسم (الاصلاح والنهضة ) فى موريتانيا ؟
اتمنى ان تكونوا صادقين يا دكتور غازي ، واتمنى ان يمسى الحزب على بركة الله
(حزب الاصلاح السوداني)
وين الاصلاح زمان ؟؟؟؟؟؟!!!!
وليه الاصلاح الان..وليه ساكتين السنين دي كلها؟
الاسم دا فيو خطا فني رهيب لانو اي زول حيسالكم السؤال دا
لن يفيدكم اي اسم يا عواليق
وسخ وقلة حيا…………..
حسب الاسم المتنازع عليه انتو والسائحون لو افترضنا ان المؤتمر الوطني نزل على اصلاحكم ووافق على الاصلاحات المقدمة من قبلكم هل حا تنضموا له؟
لاجابة طبعا= نعم
اذن انتو جزء من الناس العايزين تصلحوهم ديل بدليل انكم عايزين تصلحوهم
ثانيا والاخطر:
اوضحوا لنا الاشياء التي اخطأ فيها المؤتمر الوطني وعايزة اصلاح وطريقة اصلاحكم المقترحة ؟
اما تخمونا بالاسم خلاص كفاية خم واختمينا لامن ما عرنا رأسنا من قعرنا وكل واحد يعمل فيها خبير استراتيجي وداك مفكر وداك عالم ونتو الله معلمين الله من اي شئ غير ما بهدلتوا البلد؟
لكن اقترح عليكم تسموا انفسكم
(جماعة المذنبون التائبون)
لو صحة توبتكم