توقيف موظفين بوزارة اتحادية بتهمة الاختلاس وبيع مواد مجهزة للإبادة

لم يجدوا أمامهم إلا الورق يموتوا بالجوع والناس تسرق شجرة صندل وباخرة شنو يعني ورق وكتب والناس سرقة وطن شنو يعني قصاصات
بيت أبوك كان خرب شيل ليك شليعة والله نحن بس ما لاقين طريقه كنا نشيل الريد وتكفيني طرحة وداد ابيعها في المزاد

مين البيحاكم العايز يبيد كتب ذات قيمه

احسن المنتفعين منها

خلاص قبضطوا علي ابليس وين ناس خط هيثرو كما قال اخونا الفاتح جبرا

الكتب والمجلات كانت معدة للإبادة) يعني تالفة من وجه نظر الوزارة ورمتها الوزارة في القمامة .الناس أخذوها وتصرفوا فيها ، فمن المفترض الوزارة تدفع لهم من بند التخلص من التالف بدل محاكمتهم.
هل هذا هو الفساد الذي تحاربونه بجان سرقة مفتاح ربط من مخزن ومروحتي سقف.
بالله ما بتختشوا؟!! أعوذ بالله (شبونة) وينك ما سمعنا لك خبر ؟؟؟؟؟؟

حقيرتى فى بقيرتى ياهو ذاااتو البعملو فيه ناس الأمن. لماذا يعتقلون موظغين استفادوا من ورق معد للاباده وما هى المخالفه القانونيه فى ذلك.؟؟ هل هذا حسدا من عند أنفسكم؟ ام أنكم كنتم تنوون بيعه بعد الدعايه التى أطلقتوها لابادة هذا الورق. والا خير هو الصحيح.

في كتب ومجلات ببيدوها!!!!!! اهو دا القدرتو عليهو و الناس الشالو الدعب و القروش عملتو فيهم شنو

كتب و صحف و أوراق قديمة كانت معدة للإبادة يعني للحرق بعد الجماعة ديل اخدوها و باعوها بقت جريمة طيب ليه من الاول ما بعتوها ووردتوا المبلغ لخزينة الدولة بدل حرقها ؟ أكيد الجماعة ناموا بالقروش براهم و ما قسموا معاكم عشان كده اعتبرتوا الموضوع خيانة أمانة و فساد.

بدل ما يمسكوا الناس البتهبر بالمليارات عينك يا تاجر يمسكوا في الناس الغلابة البيسرقوا المراوح والحبال والكتب .. طيب طالما الكتب والمجلات دي مفيدة ليه عايزين يبيدوها مش أحسن يستفيدوا منها مجرد سؤال ..

دى لعبة المرعات افقي و رأسي
اليس الافضل ذكر الوزارة الاتحادية او مافى داعي لذكر الخبر اساسا بلد كلها قالوا و فلان قال و ما يجيبو اسمو اعلام واطي