شاهد الفيديو – مهزلة نافع على نافع بجامعة الخرطوم

في لقاء اقامه التيار الاسلامي التنظيم التابع لحزب البشير – بجامعة الخرطوم خاطبه د.نافع على نافع ، اتيحت فرصة للمهندس محمد حسن ، فشن هجوما عنيفا على نافع وقال له أنت مقتنع في داخلك بأنك أسوأ من وطأت قدماه الثرى وأكثر من ضيع الحقوق في هذا البلد ،ووجه تحية للشهيد محمد عبد السلام ..وأنهى حديثه الملتهب متسائلاً "بلد بتديروها انتو ح تكون محترمة ؟
شاهد الفيديو :
[URL]http://www.alrakoba.net/videos-action-show-id-902.htm[/URL]
والله فارس رجال وما بتعرف الخوف عفيت منك امك ولدت وعرفت تربى وسيخرج من هذا الشعب الف محمد يضعون النقط على الحروف التى طمستم معالمها بكذبكم وخداعكم يا سفهاء المدينه كيزان الهم ;) ;) :lool: :lool: :D :D مبسوطه منك جدا
تلاتة كباري وشارعين وسد
قديتونـــــا قصــادهــــم قــــد
لو جينـا لكشف حساب وجرد
******
امسك واحد اول بدء :
سرقتو وطن واسع ممـــــتد
فكفـكتوهــــو
وزعزهتوهو
وارهقتوهــو
وبشتنتوهــو
وهديـــــــتوهو هــــدا هــــد
******
: وهاك التاني امرا أد
حكمتو شعب كان زي الورد
افقـرتوهـــــو
وشردتوهـــو
وجهجهتوهو
وعنصرتوهو
وقطعتو حبل كان واصل ود
******
آخد التالت لو ترتد:
وجدتو مصانع لقيتو مزارع
وسكـــة حديـــد جد بالجــــد
عطلتوهـــا
وفرتقتوهـا
ووقفتوهــا
وشلعتوهـا
وقطعتو رزق عمـال من حد
******
: احسب رابع وتابع العد
وين تعليمنا ووين ترنـيمــنا؟
وين ادابنــا ووين كتــابنــــا؟
وين رياضتنا ووين ريادتنا ؟
مرمطوهـا
واخرتوها
وافشلتوها
وطيشتوها
وخلفـــتوها جهـــل عن قصد
******
: شوف الخامس اخذ ورد
كيف وحدتنا وكيف دولتـــنا ؟
كيف عيشتنا وكيف حالتــــنا؟
ووين ثرواتنا ووين اموالنا ؟
وين غيرتنا وكيف سمعتـــنا؟
خرمجتوهـا
وبشتنتوهـا
وضيعتوهـا
وبـددتوهــا
ولوثـتوهــا
وبي سمعتنا مسحتو الارض
******
هاك السادس ونفسك سد :
رئيسا راقص رقصا شين
مسئول مزواج ركاب سرجين
وزارة تجارة وبياعين
ناسا عايشة ومبسوطين
جضوم منفوخة ملمعة زين
كروش ممدودة متر مترين
ايادي طرية نعومة ولين
طالعين ماكلين نازلين بالعين
مناشر تنشر مطحونين
بفقه السترة محمين
ومندسين ومدسوسين
بفقه ضرورة وقوة عين
نهابين ومغتصبين
فساد شفناهو راي العين
وشميناهو ابو العفين
وناس بهناك دايشين دايخين
بطونهم خاوية وما لاقين
وجوهم هايمة وفقرانين
!! وعينهم طالعة وكمان صابرين
وليه ساكتين ؟
ولي متين ساكتين ؟
باسم الدين الخداعين
خلو حياتنا زفت وطين
تجار الدين الافاكين
ملعونين ملعونين
ملعونين لي يوم الدين
غشيتونـــا
وبشتنتونـا
وعذبتونـــا
وجننتونـــا
وبكيتونا دمع ودم ولطخة خد
******
وتقولي كمان
تلاتة كباري وشارعين وسد !!!
بس يــا ود
حيلك شـــد
ويد علي يد
كلنـــــا ضد
ضد العسكر وحكـــم الفرد
ضد الظلمــة ومــن افســد
نضال وارثـنو اب عـن جد
اكـتوبراولى لــنا بتشــــهد
وابريل التانية اعادت مجد
والتـالتة قريبة وما بتبــعد
خليك واثق واتأكــد
للاحلى حيكون الغد
للافضل راجنو الغد
للاجمل حنبني الغد
للاحلى حيكون الغد
للافضل راجنو الغد
للاجمل حنبني الغد
أخخخخخخخخخخخخخخخخ
بعد ان وصلنا مرحلة من الاحباط والياس
ادا بهؤلاء الشباب يعيدون لنا الامل
ونحمده كثيرا باننا مازلنا بخير
وسيظل شعبنا الفتى سليل ابطال كررى وثوار 1924 والاستقلال واكتوبر وابريل كما عهدناه ماردا لاتلين له قناة
وليخسا الفاسدون والمتقوون بكلاب الامن
اولويات الانقاذ مش الزراعة و الابحاث الزراعية او غيرها اولويات الانقاذ هى الصرف على الجيش و الشرطة و الامن صرف من لا يخاف الفقر و لماذا عشان السلطة!! لو كان السودان بلد ديمقراطى و عندنا ظروف عدو خارجى نقول معليش و نقتطع من قوتنا لاجل الجيش و الامن لكن ان يصرف على الجيش و الامن عشان يثبتوا نظام جاء بالانقلاب و عايز يمشى برنامجه على اهل السودان بالقوة و تكون كل حروبه ضد اهل السودان فى الداخل فهذا ما لا يرضاه احد!!! والله الحكم ما يكون بتراضى جميع مكونات الشعب السودانى ما يستقر و يكون فى سلام او تنمية مستدامتين و لو صرفوا كل الميزانية للجيش و الامن و دى اى غبى و اهبل عارفها و ما دايره ليها درس عصر!!! بالله و اتحدى اى زول يورينى انه فى بلد تطورت او استقرت بانقلاب عسكرى او حكمها العسكر؟؟؟ العسكر يعطلوا التطور الديمقراطى الطبيعى للشعوب بحجة الامن و الاستقرار و التنمية و هم ما عارفين ان التنمية السياسية من خلال الحرية و الديمقراطية هى التى تجلب الامن و الاستقرار و التنمية!! و عندكم تجارب انقلابات عبد الناصر و صدام حسين و الاسد و القذافى و النميرى و اخيرا انقلاب الاسلامويين فى السودان!!! انتو العساكر ديل اصلا ما بيتعلموا من التاريخ؟؟؟!! و الاسوا من العساكر الديكتاتوريات المدنية من خلال الاحزاب العقائدية اكان يسارية او يمينية!! فى النهاية الديمقراطية راجعة و راجحة و لو كره العسكر و العقائديين!!!!!
رااااااااااااااااااااااااااااجل وكملت حد الرجاله لوفي رجال زيك كده في السودان ماكان ده الحال اريييتك ولدي
لسه الجايات اكثر
والله يخلصنا منكم وفي القريب العاجل إن شاء الله
وهذه المرة ان شاء الله تكون النهاية وحسابكم عسير في الدنيا
والاخرة ربكم ح تعرفوا جازكم عنده لان الدين السرقتوا بيه حق الناس براءة منكم
أرحموا الشعب يرحمكم من في السماء
تسلم البطن الجابتك يا محمد ..و الله ثم و الله انت راجل في زمن ضاعت فيه الرجوله
عزيزي ابو العفين
Game Over
نقدر الآن أن نقول لك، أمشي ألحس كوعك براك
الصادق مهزل بيك
الترابي مهزل بيك
عمر البشير لحَسك إتفاقك وخلاك تبلوا وتشرب مويتو
الطيب مصطفى سفه أمرك وبشع بيك في جريدته وأجبرك على الخضوع له
وعلي عثمان أجبرك على أن تقول علانية في برنامج تلفزيوني أنه الأجدر منك بخلافة البشير ?يعني قلت الروووووووب عديل كدا-
وع.ع السوداني المقيم ببريطانيا فتح رأسك بكرسي
والقائمة تطول
من الآخر كدا، إنت بقيت ملطشة… هاهاهاها
حقو تمسك لسانك عليك عشان الكفوف كترت عليك
لا فوض فوك – والله عافي منك و بالجد حواء والدة ,
فوق فوق فوق هامة سحب،التحية لك وانت تسطر مجد امة هي السودان،
وقف حمار الشيخ في العقبة
تاني تجي يا نافع
والله فارس يشهد الله انك فارس .. ومن هنا ادعوا جميع منظمات حقوق الانسان متابعة اخبار هذا الغارس لانه حتما سيعتقل ويعذب .. فالنقف معه وقفة رجال كما وقف في وجه الظلم .. ربنا ينصرك
والله ارجل منك حواء السودانية ما جابت ……. راجل ود راجل
و الله الشعب جعان وجبان ….. لكن الشاب ده ما جبان ….. ياريت الشعب السوداني كله زيييييك يا ود اخوي …… النبي (ص) قال: قول الحق ولو على نفسك …… عفيت منك و الله
و الله الشعب جعان وجبان ….. لكن الشاب ده ما جبان ….. ياريت الشعب السوداني كُله زيييييك يا ود اخوي …… النبي (ص) قال: قول الحق ولو على نفسك …… عفيت منك و الله
التحية للمهندس محمد حسن على الذي وضع نافع في مكانه الصحيح من الإعراب أمام الملأ بل أمام كل من يريد أن يسمع ويرى. فليعلم نافع أنه وبقية المتنفذين في الإنقاذ أنهم مكروهون وأن الشعب السوداني لن يغفر لهم إطلاقا وسيقتص منهم بالعدل في الدنيا قبل الأخرة.
وليعلم كل المتهافتين على فتات الإنقاذ أنهم فقدوا احترام هذا الشعب العظيم وأنهم بدون شك شركاء في الجرائم التي ستقترفها الإنقاذ فيما تبقى لها من عمر.
التحية لك أيها المهندس الهمام فقد جهرت بما ظل أغلب الناس يرددونه سرا خوفا على حيانهم أو مواقعهم أو لقمة عيشهم. ونحن نحمل نافع على نافع وكلاب أمن الإنقاذ أي شيء يحدث للمهندس محمد حسن علي.
عفيت منك والله يا محمد يا اخوي … والله فشيت لي غبينتي في الما نافع ده … ربنا يحفظك من كل شر واقول ليك زي ما قال العامل لأحمد بن حنبل: (ان عشت عشت عزيزاً .. وإن مت مت شهيداً) ,,, تسلم البطن الجابت يا محمد وربنا يكثر من امثالك لأنو بصراحة البلد لو فيها رجال زيك ده ما كان بقى حالها ,,, وياريت بعد ده كلو الشعب يحس ويرجل شوية … ابو الرجااااااال والله
ينصر دينك يا ود العالم
ديل اهلي البقيف في الداره -وسط الدارة –
واتنبر واقول للدنيا ديل اهلي …
كان ما جيت من ذي ديل واسفاي وا ماساتي واذلي …..
سوداني وافتخر…
بلدا فيها رجال زي ده يحكموها الاشكال دي…
بس قريب ان شاءالله ترجع الامور لمكانا الصحيح…
طالما فينا زي الباشمهندس الشريف ده مصيرا ترجع….
لك التحية ايها المهندس و الله انت ارجل من عبد الرحمن الصادق المهدي و جعفر حمادة الذي ياكلون كرتة الانقاذ و يطبلون لها ، قال سيدين و اميرين !!!!!!!! طز طز طز
]
تحية للبعث والبعثيين , أبناء الشهيد صدام حسين رحمه الله ورفاق المناضل عزت
اابراهيم الدوري …الله أكبر وليخسأ الخاسئون…
والله راجل من صلب راجل احييك يااخ ربنا يحميك ويغطيك من كيد كلابهم الأمنجية المرتزقة……….بعد الكلام ده يا المانافع عندك كلام وانشاءالله الراجاااااااااالة بتاعت المهندس محمد حسن دي تكون عرفتكم أنو السودان ما زال فيهو رجاااااال ولسه ياما في الجراب ياحاااوي
هلا هلا الشعب السوداني ما بموت وما بلحس كوعوا والله الجنا دا فشا ليهو غبينة شعب كامل وجنا الشعب دا راهن علينا قدام نافع وجازف بحياتو قدام مجرم وقال كلمة الحق فالثورة على هذا النظام الفاسد الثورة على من قتلوا اهلنا في دارفور وكردفان والنيل الازرق ومزقوا البلد والاستقلال قررررب حنحتفل بيه ولا عندكم رائ يا مؤتمر لاوطني ولا اسلامي وما معروفين شنو زاتو
خير الجهاد كلمة حق فى وجه سلطان جائر …
أتمنى من الناس متابعة أخباره حتى لايصيبه سوء من الفئة الباغيه .. وتشجيعا للناس أنهم إن تكلموا سيجدوا الدعم والحمايه من منظمات المجتمع المدنى والمنظمات الحقوقيه
والله العظيم راجل ولد رجال الله ىحفظك ويخليك لوالدىنك يابطل
منتظرين شنو يلا اطلعوا خليكم من التعليقات التي كتبتوها باسماء مستعاره دي شوفوا الرجال كيف ثابتين ولايخشون في الحق لومة لائم وانتو خايفين حتى من ذكر اسمائكم
طبعا لا اقصد اهانةا خوانا في الراكوبه ولكني اريد ان اقول لقد ولى زمان الخوف واليأس والله انت بطل يامهندس محمد حسن ولن يستطيعوا ان يمسوا شعره منك لان كل العالم سمع كلامك لقد ولي زمانك يا نافع وامثالك واصبحتم ملطشه فتحسسوا رقابكم قبل الحساب
يا جماعة نحكم الغقل و فهم ابواتنا … الزول ده مالو ومال (لو قلنا ) عيال او شفع الجامعة ديل …. كان يفترض يكبر لعمرو الهو فيهو …. ويقول ديل عيال …. و اهلنا قالو البلعب مع الجريوات بيخبوه ….ختمه قلنا و قالو والعقل بقول…. اولاد الجامعات ديل ليهم حاجاتهم و فهمهم يختلف مع من في الخارج واشتغل او ما …..
ماشاءالله ربنا يحفظك
ابن السودان ….. قلت الحق
عفارم عليك…….عفارم عليك………عفارم عليك………عفارم عليك………..عفارم عليك.
كلس والله…….الله ينصر دينك
,والله اثلجت صدور قوم مؤمنين
ما شاء الله وعينى عليك باردة
أهو الرجالة كدة والله بلاش.
ما قصرت…….وفعلا اديتو بالبرطوش.
ولله درك يا باشمهندس.
كلمة حق فى وجه سلطان جائر… التحية والتقدير لك اخى الفاضل على هذه المداخلة البطولية ولتهناء بظله يوم لا ظل الا ظله…… وحتما التغيير فى الطريق طالما ان هنالك ابطال فى قامتك…… وليخسا المهادنون والمرجفون والمشاركون فى الباطل من الميرغنيين والمهديين الذين ما زادونا الا جهلا وفقرا..
كم تمنيت ان اكون ضمن الحضور اخخخخخخخخخخ. دى فاتت
المهم ياباشمهندس شفيت غليلنا وكنا نتمنى ان تختم كلامك بجزمة تركبها فى راس هذا الحقير.
انا متأكد ان 99% من الشعب ادخلت فى نفسهم البهجه وشرحت نفوسهم وريحتهم فقد مثلتهم خير تمثيل .
اتمنى من الجميع استقلال هذه الصحوة وهذه الشجاعة النادرة واشعال الثورة فقد حان الاوان
حـــــــــــــــــــــــــــــــــــــان الاوان
ثورة تونس اشعلها البوعزيزى
وثورة السودان حيشعلها هذا الثائر
حـــــــــــــــان الاوان
حــــــــــــــــــــــــــــان الاوان
حـــــــــــــــــــــــــان الاوان
دقت ساعــــــــــــــــــــــــــــــــــــــــــــــــة العمــــــــــــــــــــــــــــــــــــــــــــــــل
If I was Nafi’a I will kill my self, but he doesn’t have a feeliings
this is just a begining .
ايام نميري وقف احد سدنة النظام وقال : انتو يا طلاب جامعة الخرطوم ليكم حق تطلعو مظاهرات لانكم شبعانين وتريانين الواحد كان خنقتو الباسطة بنزلها باللبن !!! فتصدي له أحد الطلاب من رحم هذا الشعب الأبي وقال ليهو : الباسطة والحليب ديل دافعين حقهم ابهاتنا وامهاتنا واجدادنا ..
ميزانية الدولة العامة لو ما طلاب اقتصاد جامعة الخرطوم فيها رائ واضح ما كانت بتجاز وكذلك الصحة والزراعة .
طلاب جامعة الخرطوم عام 97 هتفوا في وجه البشير ( الجامعة حرة والعسكر يطلع برة )
والله ليكم يوم ياحرامية يا لصوص. يا سارقين قوت البلد بتروا من ربنا وين(؟) (؟) (؟) (؟) (؟) (؟)
سوداني شجاع … قلب أسد ..
مادام في السودان أمثال هذا الشاب فزوال الإنقاذ مسألة وقت ..
لا فض فوك .. بعثي همام ..
صدقت أسوأ سوداني مشى على الأرض هو نافع ، خسيس ، غدار ، دنيء ، رعديد ، بخيل ..
وكما قالت العرب الصفات توائم فلن تجد الشجاع بخيلا ولا الجبان كريماً …
محمد عبد السلام ما فقدو الا نحن لحم ودم ……………………..
كم سمعنا خالنا اللى هو خالو موظف الحكومة انو كلفو يحل الموضوع لكن آااااااااااااااه
محمد عبد السلام آااااااااااه
الخال خاف من تلفيق تهمة وآااااااااااه
دة غـــــــــــــــــلـــــــــط
لماذ الناس لا تتمالك نفسها .. أسوأ من وطئت قدماه الثرى ؟؟؟؟؟؟؟؟؟
بااااااااااااااااااالغت
في المعلومة الغلط ما مشكلة جل من لا يخطأ نافع درجته العلمية من خارج السودان
عافية منك اريتك ولدي وتسلم البطن الجابتك……. رموز النظام لو عاقلة تاني ما تخاطب ليها اي تجمع لانه خلاص حاجز الخوف اتكسر
المهندس الغالي : محمد الحسن …
أنت شجاع …. شجاع ….
ويكفيك فخراً أن كل الإخوة والأخوات الذين مروا على هذا البوست أثنوا عليك ….
ماعدا الإسطنبولي ….بيقول دا غلط …. باين عليك يا إسطنبولي منتفع ….
زي صاحبك أبو إضنين كبيرة ….
تعرفوا لما الزول يبقي ما عندو دم وما عندو إحساس تبقي مصيبة …
90% من الشعب غاضب …غاضب من نافع علي ما نافع …لماذا لا يستقيل هذا الثقيل ؟؟؟؟
ونعرف أنو منتفع جداً بحلال وحق وثروة الشعب السوداني والمغلوب على أمره … ولكن صدقني ليك يوم أسود …. أسود …اسود …
وكيف تنام والشعب السوداني غير راضي عليك ؟؟؟؟
الا رحم الله سيدنا عمر الفاروق …والذي لا تسوي أنت أسفل نعله ….
إنقلع عنا يا شيخ ……. بس حزين لعدم الشعور والإحساس ….
ده الشغل ده الشغل ايوا عاوزين شباب ذي ده يواجة الفساد والظلم من امثال نافع من غير من شيل سلاح مواجهة وفضح الفساد في اي موقع لانو السلاح غير يدمر البلد ويقتل شباب البلد ما بفيد عاوزين شباب صادق وشجاع يواجه بالكلمة الفساد وامثال نافع الضار الذي هو اسواء ما انجب المؤتمر الوطني والعزة للسودان
مهزومة انتى لن تتزوجى حتى تلدى مثله او اسؤا منه
تسلم تسلم تسلم محمد اخوى لقد اثلجت صدورنا و تسلم البطن الجابتك و ارفع راسك فوق و قول قولة الحق و امام الشافع على الشافع ؟
تمنيت ان ارى وحهه فى تلك اللحظه و ما هو رد الفعل و لكن الحضور ذادونا سرور و بتلك الضحكات و السخرية من هذا الشافع الذى اعتاد على السخرية من الغير و كلام الشماسه الذين عاش وسطهم فى شبابه و استعوبهم فى الجهاز للفتك بالبشر انتقاما و مقابل الحياة الرغيده التى وفرها لهم هذا الخسيس .
الله يحفظك و يحميك من ذبانية النظام وقدرهم و الشافع اللعين سوف يترصدك و سوف يسعى جاهدا للتخلص منك و القتل و الاغتيال من سمة هذا النظام و لا يحق لاى مواطن شريف الانتقاد و على مراى و مسمع من الناس و المصيبة الكبرى بين مليشياته الطلابيه و فى عقر دارهم و للاسف جامعة الخرطوم احكموا سيطرتهم فيها و اصبحت منبرا للانقاذ و مرتع لضلال و النفاق .
والله جسمي قشعر من حماس ورجولة هذا الشااب ..ما اقول غير الله يحميك ويحفظك
من غدر وظلم ناافع واكيد هو يخطط ليك في مصيبه
I salute this man,but I\\\\\\\\\\\\\\\’m really concern about his safety,so I\\\\\\\\\\\\\\\’m asking the human rights organizations in Sudan to watch for his safety.
تسلم البطن الجابتك والله وررررررررررررررراجل والله مغبون من الصباح فشيت غبينتي نهايي ود حلال والله ومربي بلقمة حلال ,وطن بخير جد وما نخضع لحكم الفرد نبنيه يمين سودانا موحد ,وتسلم الجميله ومستحيله صانع الابطال وقاهرة المتسلقين باسم الدين
الان بدأ فرح السودان وزغردي يامهيرة القديمة بان وليداتك جوا تارين وراجعين بحق وحقيقة – من اتيت يا مهندس هل من السودان او من خارج السودان ولقد كنت اطن ان السودان عقم لكن الان الام السودانية والده وتسلم البطن الجابتك فشيت الغبينة ياولد كلامك ده ياولد رد لينا العافية وكلامك بس كفاية اليوم اتفشينا وانتعشنا شديد ياحبي الله يحفظك ده السودان دي الرجولة
[B]ولسان حاله يقول (إني ثائرٌ في وجهك الدميم)
يا فخر هذا الجيل يا إبني الثائر الغاضب[/B]
ألهبتُ حَنْجَرتي
بأصداءِ الرُّعودْ
كحَّلت أحزاني
بمِرْواَدِ الصُّمودْ
وسبَابتي أغمدتُها
في عينِ جبَّارٍ حَقُودْ!
يا أيُّها الباغي الذي
جاسَ خلالَ الدَّارِ
أفسدَنا وأوْرثنا القُعُودْ!
يا أيُّها الظَّالمُ والجاهلُ
والشِّريرُ والكاذبُ
يا أيُّها الجلاًدُ والراجفُ
والمثليُ والشيطانُ،
تلميذُ الجحودْ !
قم نلتفي وجهًـا
على قرعِ الصمودْ
قم نلتفي ثكلتْكَ
لعناتُ الجُدودْ!
لم تبايعْكَ الجماهيرُ
التي مزَّقتَ لُحمَتَها
ولسوفَ لنْ ترتاحَ
بعدَ اليومِ
من لطمِ الخدودْ!
أقْسمتُ إنِّي ثائرٌ?
ثائرٌ في وجهِ
من خانوا العهودْ!
أقسمتُ إنِّي ثائرٌ
في وجهِ
مَنْ بَاعُوا الحُدودْ!
أقسمتُ إنِّي ثائرٌ
في وجهِ
مَنْ باعوا الدِّيانةَ
بالدَّراهمِ والنُّقودْ!
أقسمتُ إنِّي ثائرٌ
في وجهِ من شادوا
الأرائكَ بالجماجمْ،
ثائرٌ في وجهِ
مَنْ شادوا السُّدودْ!
أسمعتَ أنِّي قدْ غفوْتُ
على النضالِ
على الصمودْ ؟!
ها قدْ غفوتُ
على النضالِ
على الصمودْ!
لى الناس مستغربه لانو نحنا جبنه عشان كده فرحانين بظهور الراجل القدر يقول الكلام الجوا اى زووووووووووووووووووول
لسودان يعانى من ازمة ضمير حاده ونتيجتها تكون الجهويات الاسريه التى لاتراعى الا
مصالحها ومصالح مريديها على النطاق الاسرى والمنتفعين وللاسف فقد الشعب الثقه حتى فى نفسه ولم يعد ينصلح الحال لان المواطن نفسه اصبح ضائعا مشتتا قى من يضع فيه ثقته
ومعروف ان الشعب وضع ثقته فى الانقلاب الغادر ليس طوعا ولكنه باركه لا لشىء الا وانه كان يحمل اسم الاسلام ولايخفى الطابع الدينى فى نفوس الشعب وبعد فشل النظام الاسلامى وظهورهو بمظهر الشيخ المتدين الملتحى والجلباب الابيض ولكن عندما تقدم الزمن وبدا الرداء يضيق بما تحته من الفساد والرائحه المزكمه للانوف فجميعنا نتزكر حيران الترابي واتحدى اى واحد يقول انه فى ايام الترابي لم يكن متعصبا للشيخ الزى كانت كلمه واحده ضده كفيله باطاحة الرقاب حتى ازا ما ظهر الاختلاف بينهم بقى عليهم مثل لم يروهم يسرقون ولكن شافوهوم يختلفون وظهرت سلسلة الاتهامات التى لاتصب فى مصلحتهم ولكن الله ازا اراد كشف العبد فيجعله يتحسس الريشه على راسه
وبعد كل هزا الزخم من السنوات العجاف والقهر والتسلط بالراى الواحد يظنون انهم مازالو زلك الشيخ المتعمم الطاهر ونسوا ان القناع سقط من زمان ولكن العجيب فى الامر انهم مازالو يصدقون كزبتهم وهو ابتلاء الهى فجعل الله شيخهم وعمودهم يعوى كلالكلاب الضاله وماواهو السجون نعم انه عقاب الدنيا قبل الاخره اما من لازال يتشبث بفرع السلطه فنسي ان مسالته مسالة وقت بعد ان فرط فى اهم مولرد الحياه ودعك من الاخلاق الان يتباكون على الاقتصاد وهو سيكون سبب زوالهم دون ان يرمى الشعب سهم واحد فهم سيهربون باموالهم وابنائهم بعد ان زال سبب بقائهم وهبرهم والله فى عون شعب نسا الله فانساه نفسه والله المستعان
الشاب المهندس محمد حسن الشجاع ، عقيت منك يا باني ربنا يحفظك من الأشرار القتلة، أثلجت صدورنا…..
كلمة حق فى وجه سلطان جائر
الشعب السودانى فيه الابطال وهولاء النفعيين لهم يوم .
فالحكومة التى اعلنها نافع هى حكومة لاتعرف معاناة الشعب السودانى هذا النافع يعلن عن 66 وزير ومازال العدد فى زيادة ( وزراء لاكثر من 22 عاما هل حواء لم تلد اخير منهم).
هذه الكلمات القوية والحجة الواضحة التى قال هذا المهندس الشجاع هى بداية نهاية الطغمة الفاسدة التى افسدت الزراع والنسل .
فليتهيا الشعب السودانى لانطلاق الثورة فى بداية العام 2012 الذى سوف تعلن فيه الحكومة زيادة البنزين بدون خجل وسوف يصفق نواب البرلمان لهذه الزيادة ما تسعموا مسرحية النواب معترضون هذا زمانك يامهازل فامرحى .
لمثلك من الشجعان يا فتى يفتح التاريخ ابوابه على مصراعيها. بمثلك من يحملون هم الضعفاء في مواجهة الظلمة الفجار، تنمو وردات الأمل في صحاري اليأس والخنوع.
وتشرق الانوار في نهاية نفق الظلم الطويل
بمثل كلماتك ترتجف عروش الطغاة،
ستكون أنت وحدك أمام الله سيسألك عن هؤلاء الذين ماتوا فى سجونك وأولئك الذين قتلهم رجالك وقراراتك وقوانينك وعن ملايين الجوعى من شعبك وعن الفقراء محدودى الدخل الذين اضطرتهم فترة حكمك للفساد والرشوة حتى يطعموا أطفالهم، وعن سرقة مال الأمة وعن موالاة اليهود والأعداء وعن صحة شعبك التى اعتلت وعن وباء الفيروس سى والتهاب الكبد فى عصرك وعن السرطان والسموم التى زرعها رجالك فى غذاء عباد الله وعن ماء تلوث وعن غرقى وحرقى وعن وطن تخلف وعن منافقين تحلقوا حولك وبطانة سوء وشر تمكنت من شعبك واحتلت قصرك ( وَلَقَدْ جِئْتُمُونَا فُرَادَى كَمَا خَلَقْنَاكُمْ أَوَّلَ مَرَّةٍ وَتَرَكْتُم مَّا خَوَّلْنَاكُمْ وَرَاء ظُهُورِكُمْ وَمَا نَرَى مَعَكُمْ شُفَعَاءَكُمُ الَّذِينَ زَعَمْتُمْ أَنَّهُمْ فِيكُمْ شُرَكَاء لَقَد تَّقَطَّعَ بَيْن َكُمْ وَضَلَّ عَنكُم مَّا كُنتُمْ تَزْعُمُونَ ) "الأنعام :94"
من مقال إبراهيم عيسى للرئيس مبارك ( إنك ميت وإنهم ميتون) كان ذلك قبل سنوات ولم يتعظ الفرعون المحمول
والله هذا الساقط الحقير ان كان به ذرة من كرامة واحترام لنفسه كان استقال من ليلته بعد ان عرف رأى الشعب فيه ،لكن من اين له بالكرامة والاحترام فهو الذى اتعود على الاهانة (ومن يهن يسهل……الخ) مرة جلدة فى لندن ومرة صفعة من البشير ومرة من الباشمهندس وهكذا….
فالله عز وجل اذله فى الدنيا قبل الاخرة وهو غافل على قلبه غشاوة. وسوف تظل الاهانة واللعنة تلاحقه اينما حل سوى فى السودان او فى لندن او فى مصر او السعوديه ، قطر او حتى جامعة الخرطومسيظل حقيرا محتقرا الى ان يدخل قبره.
كل الذى ارجوه من المعلقين ان يحذوا حذو هذا الثائر وتعالوا ننظم صفوفنا ونخرج على هؤلاء الانجاس الفاسدين الغرباء الدخلاء لننهى عهدهم الملوث.
هيا فقد اضعنا كثير من الوقت ولن يتبقى وقت آخر لنضيعه
سألتكم بالله ان نخرج عليهم حتى تفرح بنا امهاتنا واخواتنا وننتصر لكرامتنا وكرامة ابآئنا وامهاتنا واخواتنا.
:cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :cool: :confused: :eek:
موضوع عادي جدا في اي دمقراطية ونافع ماظاهر في الصورة والمتحدث ضيع قضيتة بزكرة الحزب الناصري ومالاقي وظيفة لو هم قادرين يوفرو وظائف كان في واحد اباهم دول الخليج ماعارفة توفر وظائف الشقلة كلها بايظة
أيها المهندس الصنديد قلبك حديد بقدومك ننتظر عهد جديد ثورة مع هذا الشعب العنيد للإطاحة بأمثال هذا الرعديد وحكومته الاوغاد المناكيد ….. لمن لا يعرف هذا اليافع يكفي أنه أساء الادب مع إستاذه بالجامعة وقام بتعذيبه بشتي أنواع العذاب … أما المعلق المدعو ( شخلول ) أنت مجرد شخص نكرة ومجهول ألا تستحي مما تقول ؟؟؟؟
( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر.
البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده. سلاح ما بنرفعوا، فى حزب البعث العربى الاشتراكى الانت اتكلمت عنه انه دخل التاريخ ،..كويس..نحن بنتكلم عن رسالة خالده، الرساله الخالدة ما التاريخ يا عزيزى الفاضل..كويس.. إذا انت لهتك السلطه والعمارات الشاهقة فى برى ..كويس.. عن انك تقرأ التاريخ جيداً، اعلم من حزب البعث العربى الاشتراكى هى شنو يا عزيزى الفاضل؟
انا كان اتمنى نافع على نافع البجى يتكلم لينا هنا عن الاجندة الخارجية، انت ما قاعد مع الناس فى همشكوريب، ماقاعد مع الناس فى دار السلام القريبة دى، انت ما قاعد مع الناس فى دلقو المحس فى الشمالية، الناس مآامنه زيتها طالع، الناس ما لاقية، اتكلم لينا عن لقمة العيش الليله القطمة
(جوال السكر زنة عشرة كيلو) بتاعت السكر بتلاته وخمسين جنيه فى بلد فيها 200 مليون فدان صالحه للزراعه، اتكلم لينا عن العيشة البقت عاملة زى الاضان، قدر الاضان العيسة بى تلتمية جنيه، نحن الليله جعانين زيتنا طالع، ماتقشر لينا وتقيف لينا هناوتقول لينا ماعارف شنو وبتاع.
يا شيخنا الشعب الجعان دهـ هو الحا يسقطك، انت الليله ما عايش اى معاناة، انت اولادك الاتنين القرو جامعة الخرطوم لليله قروا قبول خاص. عبادة ولدك ده قرأ فى جامعة الخرطوم لقى قبول خاص – ما بتخجل-
اذا كان الشعب السودانى 90% منو ما لاقين ياكلو ولدك يقرأ قبول خاص على حساب الشعب السودانى وانت ضارب نص قروش الشعب السودانى، وين الاخلاق- ولدك محمد نافع اتخرج من جامعة الخرطوم راكب عربية بى 200 مليون جنيه، انا هسه حالياً مهندس بتاع كهرباء من جامعة النيلين عاطل ما لاقى شغل، انا مؤهل اكثر من
ولدك ده، ولدك مربت تلاته سنين فى كلية الهندسة هنا بعد ده كلو من ما يتخرج يتعين ، ولدك عملوا ليه منظمة خاصة عشانو محمد نافع وانا واحد من اكفأ الناس من خريجين الهندسة كهرباء من جامعة النيلين قاعد عاطل.. فى بلد تديروها انتو حا تكون محترمة..السلام عليكم..
تعبير بليغ ينطبق علي الكيزان الان
كبلو ليه المويه في جحرو اذا رفض الخروج غرق ومات واذاطلع هلك ومات ايضا
في داخل السودان سوف يقضي عليم الشعب السوداني ويصادر اموالهم واذا طلعو خارج السودان اوكامبو في انتظارهم يقبض عليهم ويجمد ارصدتهم
هذا هو الرجل المناضل الذي لايعرف الا الحق في وجة اكبر اللابالسة في السودان اصحاب المتاجر الدين اللة اكبر لك ومن حولك "اذهبو وانتم الطلقا "وهي من تباشير الديمقراطية التى سوف تعم كافة السودان ……..احمد حسن عالم من مواليد دلقو المحس هو من احفاد بعانخي وترهاقا والبطل سيد فرح ووووو………..عودونا اجدادنا لحق و نفتخر بهذا البطل الذي قال من لايقو له احد في وجه المتغطرس نافع …… له التحيه والاجلال شاب يقول الحق ولايخاف من اي كان من كان..
فعلا هو ادخل الفرحه فى قلب الشعب السودانى زى ما قال اخونا محمد بس يد واحده ما بتصفق ودى زمن ثورة الشباب
هذا هو الرجل المناضل الذي لايعرف الا الحق في وجة اكبر اللابالسة في السودان اصحاب المتاجر الدين اللة اكبر لك ومن حولك \\"اذهبو وانتم الطلقا \\"وهي من تباشير الديمقراطية التى سوف تعم كافة السودان ……..احمد حسن عالم من مواليد دلقو المحس هو من احفاد بعانخي وترهاقا والبطل سيد فرح ووووو………..عودونا اجدادنا لحق و نفتخر بهذا البطل الذي قال من لايقو له احد في وجه المتغطرس نافع …… له التحيه والاجلال شاب يقول الحق ولايخاف من اي كان من كان..
الله الله على كلام المهندس اوفى فى القول وكانة يتكلم عن ملاين السودانيون والحق يقال كنت اظن ان الامهات لم ينجبن لاكن حواء السودانية مازالت حبلى والرجال امثال المهندس لايظهرون الا ساعات المحن يرعاك اللة من طقمة النظام وزبانيتة والحين الحين الشرارة بدات :cool: :cool:
:cool: :cool: :cool:
ياجماعة القاعد قدام دا مش نافع والزول دا المهندس الركب مكنة شرف والاسد دا مش حر طليق طيب انتوا بتكوركوا مالكم مافى حرية تعبير مافى ديمقراطية البلد فيها كبت للحريات ماهو بشهادتكم المهندس اساة الدكتور باغلظ العبارات وماحصل ليه شئ اعترفوا بالحرية الموجوده وين نحن الان من زمان
دايرين لينا واحده لسعاده المستشار مصطفى عثمان اسماعيل والذى فى اجمل واقوى تعليق على كلامه الاخير واحد قال ليهو عامل وشك زى الحبن فى ابلغ وصف لانه وصفه ظاهرا وباطن- والحبن هو الخراج الملئ بالصديد
مع احترامي الشديد لقدرات حسين عوجلي كباحث متوفر علي فنون الغناء السوداني الا انه قد اذهلني في مقاله الذي انتقد فيه تكوين الحكومة الجديدة
لان التكوين الجديد لم يشمل فرسان الحركة الاسلامية في السبعينات مثل
1- ابن عمر محمد احمد
2- بكري عثمان سعيد
3- وغيرهم
فادركت حينها ان الحركة الاسلامية في االسودان لم تخرج من جامعة الخرطوم ولم تستفيد من المكتسبات الثرة التي افاءت عليها به هذه الجامعة العملاقة
ولهذا لم استغرب قيام الاخ مساعد ريئس الجمهورية بمؤازرة منسوبيه في هذه الجامعة
وكل ماريد قوله هو نذكير الاخوان المسلمين في جامعة الخرطوم باعادة قراءة مقال الراحل جعفر محمد علي بخيت الذي وصف حالهم بهذه الكلمات
لو قراتهم كاتبين اوسمعتهم متحدثين ماكشفت احاديثهم اوكتاباتهم عن جامعيتهم والله المستعان
لمن لم يسمع جيدا كلام الباشمهندس محمد حسن عالم من الفيديو، هاكم نص كلامه:
(( .. )من الخوف ..د. نافع ده مكتبو ما كان بدى للاسلاميين عشان يجتمعو فيهو .. خوااااف .. وبعد ما جا السلطه .. الكلام بقى تلحسوا كوعكم وما عارف شنو .. وكلمات كتيره جدا جدا جدا .. ده تأريخ .. وهذا زمانك يا مهازل فامرحى .. محمد حسن عالم , حزب البعث العربي الاشتراكي خريج جامعة النيلين كلية الهندسة .. اول حاجة في مجموعة من الحاجات الاتكلم عنها دكتور نافع و المقامات محفوظة ,, الدرجة العلمية دي لو كانت اخدها في زمن الانقاذ ما كان قلناهو ليهو ذاتو لانو في زمن النقاذ ياما اخد الناس درجات عليمة في الوضو و ما عارف شنو , انحنا الشعب السوزداني ليهو فضل انو انت قريت علي حساب الشعب السوداني و اكلت علي حساب الشعب السوداني في الداخليات و اخدت درجة الدكتورارة من جامعة الخرطوم علي حساب الشعب السوداني الانت حرمتو ابسط حقو و التحية للشهيد محمد عبدالسلام الـ عشان المرتبة جريتوهو من داخلية النصر و الزول الكتلو اسه معتمد في الدولة الاسمها السودان بتقيموهو و بترقوهو , اللي جر محمد عبدالسلام من الطابق الرابع بي راسو لحدي الواطة و كتلتوهو و بتتكلموا عن الاخلاق و الاسلام ؟ والله الاسلام برئ منكم براءة الذئب من دم ابن يعقوب . ما عندي اي علاقة بيهو (محمد عبدالسلام) لكن بنقول إذا الشعب يوما اراد الحياة فلابد ان يستجيب القدر.
البنعمل فيهو انحنا ده كلو في تقديري كلام فارغ, مسألة انو نخش ليك و نناقشك و نثبت ليك انو انت كعب , و المصحف الشريف انت مقتنع بي جوه نفسك انك اسواء من وطئت قدماهو الثري .. اسواء من وطئت قدماهو الثري ( تصفيق ) و اكتر انسان ضيع الحقوق في البلد دي لكن الكلام ما مفيد .. النهاية و الفيصل بيننا و بينك الشارع السوداني ده. سلاح ما بنرفعوا، فى حزب البعث العربى الاشتراكى الانت اتكلمت عنه انه دخل التاريخ ،..كويس..نحن بنتكلم عن رسالة خالده، الرساله الخالدة ما التاريخ يا عزيزى الفاضل..كويس.. إذا انت لهتك السلطه والعمارات الشاهقة فى برى ..كويس.. عن انك تقرأ التاريخ جيداً، اعلم من حزب البعث العربى الاشتراكى هى شنو يا عزيزى الفاضل؟
انا كان اتمنى نافع على نافع البجى يتكلم لينا هنا عن الاجندة الخارجية، انت ما قاعد مع الناس فى همشكوريب، ماقاعد مع الناس فى دار السلام القريبة دى، انت ما قاعد مع الناس فى دلقو المحس فى الشمالية، الناس مآامنه زيتها طالع، الناس ما لاقية، اتكلم لينا عن لقمة العيش الليله القطمة
(جوال السكر زنة عشرة كيلو) بتاعت السكر بتلاته وخمسين جنيه فى بلد فيها 200 مليون فدان صالحه للزراعه، اتكلم لينا عن العيشة البقت عاملة زى الاضان، قدر الاضان العيسة بى تلتمية جنيه، نحن الليله جعانين زيتنا طالع، ماتقشر لينا وتقيف لينا هناوتقول لينا ماعارف شنو وبتاع.
يا شيخنا الشعب الجعان دهـ هو الحا يسقطك، انت الليله ما عايش اى معاناة، انت اولادك الاتنين القرو جامعة الخرطوم لليله قروا قبول خاص. عبادة ولدك ده قرأ فى جامعة الخرطوم لقى قبول خاص – ما بتخجل-
اذا كان الشعب السودانى 90% منو ما لاقين ياكلو ولدك يقرأ قبول خاص على حساب الشعب السودانى وانت ضارب نص قروش الشعب السودانى، وين الاخلاق- ولدك محمد نافع اتخرج من جامعة الخرطوم راكب عربية بى 200 مليون جنيه، انا هسه حالياً مهندس بتاع كهرباء من جامعة النيلين عاطل ما لاقى شغل، انا مؤهل اكثر من
ولدك ده، ولدك مربت تلاته سنين فى كلية الهندسة هنا بعد ده كلو من ما يتخرج يتعين ، ولدك عملوا ليه منظمة خاصة عشانو محمد نافع وانا واحد من اكفأ الناس من خريجين الهندسة كهرباء من جامعة النيلين قاعد عاطل.. فى بلد تديروها انتو حا تكون محترمة..السلام عليكم.. انتهى).
انتهى زمن السكوت &&&&& لم يتبقى لنظام الانقاذ سوى ايام معدودات &&&&&&& تسلم محمد حسن ;)
ياجماعة محمد نافع كاتب في صفحته في الفيس بوك انه الكلام ده دبلجة وماحصل ههههههههههههههه الفاشل تبرريه زي هندسته
المهندس اذا كان الآن في بيت أحد الأشباح فهو بدون شك جيفارا السودان فطوبى له ، أما اذا كان لا يزال طليقا فهو غواص بجدارة أو double agent والله عليم بالظالمين
الذي أكثر من تكسير الثلج في هذا البرد ما هو الا مداهن عرف روع صاحبه،
"الكلمة السرية المقصودة بين الحروف"
انك تسمع اذ ناديت حيا ولكن لاحياة لمن تنادي .. هذا الحقير ختم الله على قلبه فلا يعي انه احقر عند الشعب السوداني من كعوب نعالهم .. وعشت يا باشمهندس انت فخر لهذا الوطن الجريح
والله ورب الكعبة إن كان هناك رجل واحد في السودان فهو أنت والله الواحد مهما كتب وسطر من الكلمات والتعابير فإنه يعجز عن إيفائك حقك ووصفك الذي تستحقه في هذا الزمن الذي فقد فيه جل شباب السودان نخوة الرجولة وصاروا مجرد أبواق لترديد أحاديث هذا الحمار وغيره من حيوانات الوثني
والله لقد أعدت لنا الأمل الذي أغتاله بلة ورفاقه من شباب رفع الأصبع أعدت لنا الأمل الذي بدده أولاد السيدين إننا مطمئنون على ماتبقى من الوطن طالما أنه ينعم بك وبأمثالك من الشباب الشرفاء الذين تصدوا أيضاً بالأمس لأحد كلاب الوثني في عقر دار أحد مساعدي الحلة الجدد
ربنا يوفقك في الدنيا والآخرة ويسدد خطاك على طريق الحق ويمتعك بالصحة والعافية
قال صلى الله عليه وسلم : ( أفضل الجهاد كلمة حق عند سلطان جائر ) ولا أراك إلا سليل فوارس ولسان حالك نذير صدق …قد نصحت لقومي بمنعرج اللوى ** فلم يستبينوا النصح إلا ضحى الغد ….. لقد قلت فيه أصالة عن نفسه ووكالة عن الخمسة قولاً بلييغاً لو يفقهون ويفهمون … لقد سطعت شموس الحرية من حولهم … فتهاوت عروش التسلط والقهر … وانداحت الحرية تجري سلسبيلا وارتفعت مزن الكرامة تظلل الجيران ولكنهم يرون ذلك اليوم بعيداً … وإن شاء الله نراه قريباً … هؤلاء حيروا مفكرينا وأدباءنا وصدق فيهم الطيب صالح : ( من أين أتى هؤلاء؟) . كل شعاراتهم التي رفعوها لم يفشلوا في تحقيقها وحسب بل حققوا نقيضها تماماً … رفعوا شعار الفضيلة فرتعت الرذيلة كل مرتع …. رفعوا شعار الصلاح … فاستشرى الفساد في كل شبر … رفعوا شعار التعليم … فعربد الجهل والتجهيل في سوحنا ..رفعوا شعار الصحة للجميع … فلبس الفقراء وشاح المرض … وهل من غني في السودان غيرهم ….حتى الرياضة تلقفت أفواههم وجيوبهم ريع مدينتها لتظل شاهدة على فسادهم وأطلالها شامخة شموخ الشهود العدول على خراب الذمم… رفعوا شعار الإقتصاد والنماء …فرزح البلد في التردي المشهود …. قالوا أتينا لإنقاذ الجنيه في مواجهة الدولار فقد بلغ الدولار 17 جنيهاً … فتردوا وتردى جنيههم معهم حتى تحزم الدولار الواحد بأربعة آلاف وخمسمائة جنيه …. رفعوا شعار التآخي فأنجبوا لنا القبلية المقيتة …. رفعوا شعار التراحم فكانت قلوبهم كالحجارة بل هي أشد قسوة …. رفعوا شعار وحدة السودان ففتتوه وشرذموه …. رفعوا شعار الديمقراطية … ولكنهم أحالوها بيوتاً وأوكاراً للأشباح ….لقد صدعت بالحق فهل منهم من يبصر أو يلقى السمع وهو شهيد ؟ لقد أسمعت لو ناديت حياً ** ولكن لا حياة لمن تنادي ….ولو ناراً نفخت فيها أضاءت ولكنك تنفخ في رماد … هؤلاء لا يحسون فجلودهم تخينة كجلود التماسيح وهم كذلك … رفعوا شعار العلاقات الدولية … فوجدنا بلدنا منكمشاً على نفسه … ورأسهم لا يستطيع أن يطل برأسه إلا مسافة تقدر بامتداد ظله … يلف حولها ويدور … شطبوا بيوت المال العالمية شطبوا منظمات التربية والثقافة والعلوم والفاو والصحة العالمية شطبوا … مؤتمرات القمم الكبرى وهل يجرؤ مطلوب على حضورها … شطبوا التعاون الدولي لننزوي في علاقاتنا مع دول تعد على أصابع اليد … ولكن يبقى الرجال ويبقى الأمل الوثاب … فإذا الشعب يوماً أراد الحياة فلا بد أن يستجيب القدر ولابد لليل أن ينجلي ولابد للقيد أن ينكسر .. مصداقاً لقوله تعالى في سورة الرعد ;( إن الله لا يغير ما بقوم حتى يغيروا ما بأنفسهم ) … وتلك شرارة قدحت من هذا الجريء … فهل يفهمون ؟؟ أم ينتظرون ذلك اليوم الذي ينطقون فيه بمثل ما نطق به نظيرهم (دابا فهمتكم !!) ولله في خلقه شئون !!!!!!!! .
تبا لك يانافع تبا لك يانافع تبا لك يانافع تبالك يانافع
ثم تبا لك ينانافع:mad: :mad: :mad: :lool: :lool: :lool: :rolleyes: :rolleyes: :rolleyes:
؛رساله للشعب السوداني البطل ؛؛
صباح الخير ياشباب يازينين ليكم التحيه والود ؛؛ حقيقه انا شاكر كل الوقفو معاي وشجعوني بالاتصال المباشر او برساله اوعبر الفيس اوعن طريق التعليق علي الفيديو في المنتديات ؛ بالجد انا عاجز عن شكركم ؛ ووالله وقفتكم جنبي دي تاج علي راسي واكيد حتكون لي دفعه لي قدام ودافع لمزيد من النضال بجانب كل الشعب السوداني صفا واحدا من اجل اسقاط نظام الجوع والفقر والمرض ؛؛
اخيرا انا شايف انو في بعض الناس بقولو الزول ده في السجن وله بكون اتقتل ؛ عايز اطمئنكم واقول ليكم انا نصييييح وماعندي اي عوجه ؛ لأنو اكيد زول وراهو ناس زيكم مافي زول بقدر يمس شعره منو؛؛
وتقبلو خالص تقديري وودي ؛؛
محمد حسن
(بوشي)
عفارم…والله رجال.
التحية لمن خاض المخاطر وضحي بشبابه من أجل شعبه و كلمة حق أمام رجل جاير ترك تعليم الاجيال من أجل أن يتعلم كيف يعذب شعبه باحضار تكنولوجيا تعذيب خلق الله من دولة إيران الشيعية بدلاً من تكنولوجيا تطوير الزراعة التي تعلمها . فيا شعب المهندس محمد ما تونس ومصر وليبيا عنكم ببعيد ونحن من أزال الطقاة من عهد الاستقلال ونحن من ناضلنا في اكتوبر وابريل وقبلها الاستقلال فلا يمكن أن يغلبنا شرزمة متهافته في بيع السودان وتقسيمة وزواج النساء والرقص والطرب على جثث شعبهم . الى الامام وإن ينصركم الله فلا غالب لكم :lool: :rolleyes: ;(
محمد الحسن عالم عرفته جسورا لا يخشي لومة لائم في قول الحق وهو من أبناء دلقو المحس ويقطن المايوما محطة عشرين .لقد أصبحت رمزا لهذا الشعب الصابر.لك كل التقدير
المهندس الغالي : محمد الحسن
عايز اقول ليك كلمتين بس :
انت ارجل سوانى وزى مابقولوا تسلم البطن الجابتك
انتو يا جمااعة الكتل الطالب محمد عبد السلام منو ؟؟؟ و هسى معتمد دا ؟؟؟؟؟ افضحوهم انشروهم ولى زمن الهزايم الانترنت هسى بتورى كل شى …. قولو لينا منو عليكم الله لانو فتشنا بى قوقل و لقينا انو فعلا هو هسى معتمد و عرفوهو لانو الكان جاريهو هو مؤتمرجى اعرج …. عشان كدا عرفوهو .. العارف اسمو ينزلو لينا باللهى … الكتل طالب عشان مرتبة فى سكن الطلاب
عار عار عار عليكم يا الكيزااان .
يسلم فمك يا استاذمحمد حسن. واستثمر الدين أبشع استغلال وجيـّر، وأولت كل نصوصه وتراثه فيما يخدم الكهنوت الحاكم وليس الصالح العام والشارع العريض. كلها شعارات وعناوين رنانة تجدها فى صفحات الجرائد أما فى الواقع فكل الثروة الوطنية تتركز بيد فئة ضيقة جداً تصرفها وتنفقها بدون الرجوع إلى أية بنود قانونية إذ لا يوجد برامج إنفاقية وطنية،مدن العسس واللصوص وال****اءات واللحى التي تخفي وراءها كل إجرام البشرية،ترفع رايات التوحيد عالياً، جنباً إلى جنب مع رايات الدولار والعم سام، وتتغنى بنعمة الإسلام،الوساخات والقباحة والوجوه المتجهمة والعابسة والمكشرة، والعياذ بالله، والتحريم والزجر والمنع والتشاؤم والحزن والسواد, المحسوبيه والدعاره وقتل المعارضيين والفساد المتفشي في السودان,والإبادة الجماعية.
كما لا يمكن لأي قاتل ومستبيح ومحلل لدماء النس، وتحت أي تبرير وحجة، أن يكون حضارياًوحامل مشعل حضارة ومؤمن بحق وقدسية الحياة، بل همجياً ومتوحشاً وسادياً مدمراً ولن أن نحصي ما تحمله ثقافتهم من ترويج وعشق للموت واحتقار للحياة والروح والإنسان. إذ كيف لمن يستسهل ويسترخص حياة ودماء الآخرين، أن يدعي بأنه حضاري؟ ألا نرى لليوم كيف يصدرون وبمنتهى السهولة والاستسهال فتاوى الموت والت******** والتأثيم والتخوين ذات اليمين وذات الشمال ، وكيف يحتقرون ويزدرون كل آخر محتلف، ومن دون استثناء
و الله أنت بطل و شجاع ربنا يحفظك لينا لما بعد قيامه هذه الفئه الظالمه و أظنها قررررربت قيامتهم تقوم باذن الله
افضل الجهاد كلمة حق عند سلطان جائر 0 نريد نترجم هذه الاقوال الى ثورة حقيقيه فيها تصحيح شامل لمشاكل السودان والنهوض به وازاحة حكومة البشير والمعارضه التقليدية المنتفعه 000
ياسيدى محمد حسن عالم .. ظننت ان الرجال ماتو فى كررى وهؤلاء حاملى الاقلام ليس لديهم السنه يعملون فى وضع صامت وانا مثلهم حتى اتيت واتى معك كل ماهوجميل فانت رجل بن رجل ووالدتك ادعو الله ان اكون مثلها فهى نعم المربيه ..حفظك الله يا اخي ودمت لنا وللوطن.
الجامعة جامعة حرة و نافع يطلع برة
الجامعة جامعة حرة و نافع يطلع برة
الجامعة جامعة حرة و نافع يطلع برة
الجامعة جامعة حرة و نافع يطلع برة
يا أولاد أمي … الراجل أبو إضنين كبار دا …. بقي يحنني …. كر علي !!!!؟؟
الكلام وراء كلام بلا نتيجة والسودان فى كل ثانية زهيب الى الهاوية ونحن فقط اصبحنا رجال الكلام حد ما فعلينا الانتظار الثورة النسائية الى متى ستبدا وتدوم لنا الحرية
لقد أعطيتنا درس في الشجاعة ياباش مهندس لا فض الله فوك وسلمت يارجل والرجال قلائل
يارشيد صفنى كما تشاء لكن اعلم انك من معك خاماكم الفرحة ونشوة الموقف لكن اسالوا قيادات احزابكم التى تنتمون اليها خلوها تحلل ليكم الموقف دا من منظور سياسى تلقوا الكسبان فى النهاية هو نافع وحزبه مش انتوا حتلقوه مرسل ليكم رساله لم تفهموها فى وقتها ولن يفهما الا صاحب بصيره وحكمة سياسية ههههههه
سو ف تندلع الثوره من ولا يه النيل الا بيض بقيا ه النزير طا ل الا ما المهدى علو م حا سوب والمناضل محمد على الشيهير بنيولوك
(بص00شوف00المهندسين00بيعملوا آيه يا عثمان ميرغنى!!)00مش نوع كلامك المابيسوى الحبر البتكتب بيه كلامك ((المدغمس)) 00المهم00 هسع المهندس الجد00جد/المصير الآل ليه شنو؟!! ما ظنيتوا رجع لاولاده بكرعينو!!البعرف عنه حاجة يطمنا وإذا لا قدر الله حصل ليه مكروه وهذا هو الارجح فى ظل نظام يرتجف فزعا أرجو إفادتنا لكى نجهز له تمثال ليؤمه ثوار العالم العربى والاسلامى ولنضع على صدر التمثال لوحه تكتب فيه كلماته الشجاعة الصادقة التى اتمنى أن تكون البداية لكلمات أشد قسوة يجب تأتى و تقال فى وجه كل سلطان جائر !!وسوف نعد الميادين لوضع التماثيل وحتى لو إتملاءت على سعتها0
الدكتور نافع اشجع سياسي موجود الان لانه لايخشي تطاول الصغار ، من هو السياسي الذي يستطيع لقاء معارضيه علي الهواء غير نافع وهو رد علي الشاب المذكور فماكان من الحضور الا التصفيق للحجة والبرهان التي رد بها الدكتور نافع . وهكذا هي الديمقراطية التي لايعرفها الكثير من الغوغاء .
طبعا ما متزوج بدليل العطالة لبتجي اوظيفاشالله ونشوف زواجك
تحية وسلام
واية اقول ليك هو اج فعلا ما قصر في الي بيعمل فيهو ايو ممنت تهاجم لاكين مااا قدر دة
http://www.facebook.com/pages/ظ?ظ?ظ?ط§-ط§ظ?ظ?ظ?ط§ط¶ظ?-ظ?طظ?ط¯-طط³ظ?-ط¹ط§ظ?ظ?-ط¨ظ?ط´ظ?-/244813095585390?ref=ts
صفحة للتواصل المباشر مع الشاب البطل محمد حسن عالم شريف صاحب الفيديو على الفيس بوك
Human rights organization and united nation should check the safety of this man everyday ..because he will be killed by national congress party members
ياليت لو كان الكلام في الحكومة ما لها وما عليها وفي ادارتها للبد
انا للة وانا الية راجعون حسبنا اللة ونعم الوكيل