قصيدة العصيان

ياالفة الفصل الكبير
اكتب عندك واحد عاصي
خلاص مليت عيشة السخرة
وحياة الزلة وكتم انفاسي
عاصي ومارق ضد الهرجلة
معاي صحابي وأهلي وناسي
حلفت يمين مابتراجع مهما تبطش
انا قررت الحق انتزعو واتمو خلاصي
شايف الواقع وحالنا البائس
وظرف الوطن الاصبح قاسي
مارق لا في يدي سلاح لا طبنجة
وكل سلاحي قلمي وكراسي
نهزم جهل الطغمة ونرفع
غُبناً طول وعبَّ حياتنا
أحزان ومآسي
كيف مااشارك في العصيان المدني
فيهو تحضر وبيهو خلاصي
لا لا وحات الوطن الغالي
البيهو بفاخر ورافع راسي
ابدا عاصي وعنك قطعاً
مابتخاذل واعمل ناسي …
ياما شربت المر سنوات
ولسة ملان من قهرك كاسي
مارق وقلبي يمين مارفّ
ولابيهادن الجائر وفاشي
تعال يااخوي نعصي الظالم
في شأن طاعة الوطن
ياك المحري وياك الدخري
ساعة الحوبة ياك الراسي
ايا سنادلة الحق العادل
ويانكارة الظلم الفاجر
كنا نشوفك كما الراقراق
امرق تمرق منك مدن الخوف
العشعش في عيوناتك
واليوم لابد من تشرق
وتملا حياتنا زهور وشماسي
هديك تراها الحرية تنادي
قسما عظما لازم تبقي شعاري
وتاج فوق راسي

[email][email protected][/email]