سخرية واسعة من البشير بعد نصيحته لسلفاكير ومشار بالتضحية من أجل الشعب (فيديو)

الزول دة مغيب ولا مستهبل فعلا الجمل مابشوف عوجة رقبتة

غلفا شايلة موسا و تطهر..
على الايمان الزول دا ما نصيح.

هو طبعا يقصد بني كوز فهم شعبو! باقي الشعب بره حساباتو.

يمكن يا جماعة الزول ده قرر يضحي من أجل شعبه و يمشي لاهاي أم أني عوير لأظن ذلك و هو يقصد عيد الضحية ؟

لا تنهي عن خلق وتاتي مثله
عار عليك اذا فعلت عظيم

صراحة هضربة تقيلة

والله دي نكتة الموسم بإمتياز. صحيح اللي اختشوا ماتوا. يا ولد , وكمان بنصح سلفاكير ومشار بالتضحية؟ لا بالله!! لما تقول كلام زي دة للشعب المعلم تتوقع تلقى شنو غير السخرية والإستهزاء!!

الموقف دة ذكرني بموقف حصل لواحد من الكيزان الكبار اظنه عبدالرحمن الخضر سافر لعطبرة وبعد الصلاة في مسجد خاطب المصلين مرددا العبارات إياها من شاكلة نحن محاصرين ودول الاستكبار وما شابه. لكنه اصر على انه جاء ليتفقد احوال الرعية كما كان يفعل سيدنا عمر ابن الخطاب وهو يطوف ممتطيا الدابة. وكرر في حديثه كلمات “الدابة وسيدنا عمر” “وسيدنا عمر والدابة” بشكل لافت جدا. وبعد انتهاء الصلاة وخروجه من المسجد متوجها لسيارته الفارهة , جاء واحد من ناس عطبرة الظرفاء وخت يده على اللاندكروزر (ليلي علوي) الجديدة بتاعت عبدالرحمن الخضر وقال ليهو” على الطلاق يا عبدالرحمن الخضر دابتك زي دابة سيدنا عمر الخالق الناطق”.

الجمل ما بشوف عوجة “رقبتو”

الكلام دا مكانه وين؟ مكانه وين؟ ما بركب في أي حتة.. لا نصيحة لا عظة لا خطبة لا هضربة لا كلام سطلة لا سكرة ولا حتى كضب ما بنفع. مكانه وين؟ أمشي هو ديل لو مافعلا نا قصين في عقلهم يجو للخرطوم يفتشو سلام؟؟!!

يا جماعة الخير …
الزول ده قال “الزعيم الحقيقي” … يبقى أكيد هو عارف نفسه ما حقيقي!!!
يعني ممكن نعتبره ما كضب . . .

يا جماعة انتو فاهمين غلط، بشه قال : الزعيم الحقيقي هو الذي يضحي بشعبه، والراجل في دي صادق، ضحى بالشعب السوداني والدولة السودانية من أجل أن يدخلوا الجنة وليس على أحد من الشعب ذنب..
الله يعدم امثالك ويحشرك في زمرة ابولهب وهتلر والحجاج وموشي ديان

احترم عقول الشعب السوداني يا مجرم انت طيب لماذا مطلوب لدي المحكمة الجنائية الدولية ؟

كلامو صاح

قال الزعيم ” الحقيقي ”
ما هو طبعا

عاجل

خاطب بشة شعبه الفضل معاتبا :
– انتو صدقتو .. ما انتو عارفين التضحية بالشعب هي الاساس و شنو الظيطة المسوينها دي و من متين قاعدين تصدقوني يعني عشان تملو الدنيا هشتقة و بشتقة

فردت جموع الشعب الفضل المبشتقة على المعاتبة:

– كالعادة يا بشتنة والله ما صدقناك عشان عارفينك كضاب و طققاق حنك ساكت .. و زي ما قالو الخلى عادتو قلت سعادتو فانت ما بتخلي الكضب و نحن ما زي ما اتعودنا ما بنصدقك و زاتم سلفا و مشار اتعلموها معانا و برضهم اكيد ما صدقوك عارفينك كضاب.
وكالات

البشير افضل كوز في العالم يا شعب الله الكيزاني، عايزين تشيلوا بشيرنا عشان ترجعوا كيزانكم يا منافقين، سير سير يا البشير نحن وراك يا البشير. بيننا صندوق الاختراع في 2020، يا كيزان العالم اتحدوا. وكلنا كيزان واخوة في الله

اخخخخ من الفيل

الاختشوا ماااااااتوا ..

دا مغيب شديد ولا يدري ما حصل للشعب السوداني من جراء وجوده في الحكم

وظهر الثعلب يوما في ثياب الواعظين : سبحان يا البشير اين تضحيتك من اجل شعب السودان ظللت في الحكم على انفاس الغلابة من اهل السودان المصيبة انك لا تدري ولوتدري ما قلته لسلفاكير ورياك مشار انت اصبحت عالة على الشعب السودان وسبب دمار السودان ووجودك في الحكم هو سبب الضوائق والفساد والخراب الذي حصل في السودان وتضرر منه معظم اهل السودان ، ولكن السؤال اين تذهب من الله؟؟؟؟؟؟؟؟؟

اخجل على كلامك الذي تفوهت امام العالم هل تفتكر العالم غبي لهذه الدرجة انت المفروض تخرج وتسلم الحكم اليوم لانك كنت سببا مباشرة في كل الانهيار الحاصل في البلد الآن وبسبب طقمتك الفاسدة في الحكومة الفاشلة ؟؟؟؟؟

…………( برز الثعلب يوما في ثياب الواعظين ) زول رهن مصلحة شعبو كله من اجل افلاته من الجنائية …. والله هذا زمانك يامهازل فمرحي …

لانكم شعب نعاج وكرور ,,
البشير مامعتبركم شعب ,, لانكم تعودنوا على الذل والانكسار