(6) مليار دولارعجزالموازنة في الربع الأول
البرلمان : سارة تاج السر
كشف رئيس اللجنة الاقتصادية بالبرلمان سالم الصافي حجير ،عن عجز في الموزانة العامة للدولة في الربع الأول لعام 2014 م يصل إلي مبلغ 6 مليار دولار وأعلن عن اتخاذ وزارة المالية وبنك السودان المركزي جملة تدابير “قوية” لكبح جماح الدولار الغير مسبوق امام الجنيه السوداني وقلل حجير من تاثيرات الوديعة القطرية البالغة مليار دولار في استقرار سعر الصرف وقال “يعني شنو مليار دولار لاقتصاد محتاج الي 6 مليار دولار” . واوضح رئيس اللجنة الاقتصادية في تصريحات صحفية امس ان البرلمان سيستفسر وزير المالية ومحافظ بنك السودان بشان الوديعة وتوظيفها وتعهد باعطاء تقارير كاملة لوسائل الاعلام بشانها من جانبه وجه النائب البرلماني من دوائر بارا مهدي اكرت انتقادات لاذعة لوزارة المالية واتهمها بالتساهل مع الجهات المجنبة مشيرا الي ان حجم ولاية وزارة المالية علي المال العام لايتجاوز ال50 % وشدد علي ضرورة اعتماد وتفعيل اعمال لائحة الاعمال المحاسبية لسنة 1995 حتي تتمكن الوزارة من وضع يدها علي المال العام وحمل الجهات المجنبة مسئوولية ارتفاع الدولار وزيادة حجم التضخم مبينا ان اموال صندوق الضمان الاجتماعي سائبة تمعل فى السوق وفى مضاربات الاراضي وتمعل فى الدولار وفي أي شيء وهذ ه علة كبيرة لا يمكن معالجتها الا بإعمال القانون
الجريدة
زماااااان قلتو سير سير يا بشير….والليلة قاعدين تقولو طير طير يا بشكير؟؟؟؟ هع هع هع هع هع
6 مليار عجز فى الميزانيةو 900 مليار تم نهبها عبر مكتب والى الخرطوم بواسطة موظفين صغيرين يعنى بحسبة بسيطة وبدون فلسفة من وزير المالية وبدون اجتهادات كتيرة وبى ورقة صغيرة وقلم رصاص مبرى كويس ممكن تنسد الفجوة العملوها الجماعة فى الميزانية لو كل والى قام باسترداد الاموال المنهوبة عبر مكتبه…. ولو اضيف الى ذلك الاموال المجنبة …ساعتها سيرتفع السودان والجنيه السودانى الى افاق العولمة ولن نحتاج للوثبة التى لم تبدا بعد!!!شفتو الموضوع بسيط كيف!!! ولا يحتاج لجيش فى وزارة المالية همه الاول الشحدة والغروض والسفريات للخارج..ولا لبرلمان تقيحت ايدى اعضائه من كثرة التصفيق واصاب حبالهم الصوتية الارهاق وهم يهتفون ..الله اكبر…الله اكبر…هى لله…هى لله…..
بسيطة.. رجعوا الفلوس المختلسة بواسطة كومبارس مكتب والي الخرطوم سدو عجزكم والباقي خلوهو احتياطي لاي عجوزات قادمة .
تم التعديل
6 مليار بالجديد يعني بالقديم 6 ترليون يعني 700 مليون دولار
نفرين بس في مكتب الوالي شايلين 400 مليار وعجز الميزانية 6 مليار عجبي !!!!!!!!!!
ادروب ما بيعرف شكل الجنيه…
لا بشتري ولا ببيع…
يرعي الابل وينام في الصقيع
لكن حيجيكم شايل سيفة ودرقته
لمن يحس بالوجيع….
انا متاكد بأنه الوالي داخل معاهم في الشغله دي وخاتي الموظفين ديل في وش المدفع وفي كم موظف كده شموا ريحة القروش دي وقالوا ليهم الا تدونا حقنا يا حقنا يا نفضحكم وبعد كده الشغله كبرت وقام اخونا الوالي عامل فيها الشريف الرضي وعامل فيها اطرش كأنه ما فاهم حاجه وبعد الموضوع انكشف اقرأ بانه مستعيد يدعم العدالة في سير القضية عشان يطلع منها ذي الشعرة من العجينة